॥ Sri Svayambhagavattvashtakam Malayalam Lyrics ॥
॥ ശ്രീസ്വയംഭഗവത്ത്വാഷ്ടകം ॥
സ്വജന്‍മന്യൈശ്വര്യം ബലമിഹ വധേ ദൈത്യവിതതേ-
ര്യശഃ പാര്‍ഥത്രാണേ യദുപുരി മഹാസമ്പദമധാത് ।
പരം ജ്ഞാനം ജിഷ്ണൌ മുഷലമനു വൈരാഗ്യമനു യോ
ഭഗൈഃ ഷഡ്ഭിഃ പൂര്‍ണഃ സ ഭവതു മുദേ നന്ദതനയഃ ॥ 1 ॥
ചതുര്‍ബാഹുത്വം യഃ സ്വജനി സമയേ യോ മൃദശനേ
ജഗത്കോടീം കുക്ഷ്യന്തരപരിമിതത്വം സ്വവപുഷഃ ।
ദധിസ്ഫോടേ ബ്രഹ്മണ്യതനുത പരാനന്തതനുതാം
മഹൈശ്വര്യഃ പൂര്‍ണഃ സ ഭവതു മുദേ നന്ദതനയഃ ॥ 2 ॥
ബലം ബക്യാം ദന്തച്ഛദനവരയോഃ കേശിനി നൃഗേ
നിഋപേ ബാഹ്വോരങ്ഘ്രേഃ ഫണിനി വപുഷഃ കംസമരുതോഃ ।
ഗിരിത്രേ ദൈത്യേഷ്വപ്യതനുത നിജാസ്ത്രസ്യ യദതോ
മഹൌജോഭിഃ പൂര്‍ണഃ സ ഭവതു മുദേ നന്ദതനയഃ ॥ 3 ॥
അസങ്ഖ്യാതോ ഗോപ്യോ വ്രജഭുവി മഹിഷ്യോ യദുപുരേ
സുതാഃ പ്രദ്യുംനാദ്യാഃ സുരതരുസുധര്‍മാദി ച ധനം ।
ബഹിര്‍ദ്വാരി ബ്രഹ്മാദ്യാപി ബലിവഹം സ്തൌതി യദതഃ
ശ്രിയാം പൂരൈഃ പൂര്‍ണഃ സ ഭവതു മുദേ നന്ദതനയഃ ॥ 4 ॥
യതോ ദത്തേ മുക്തിം രിപുവിതതയേ യന്‍ നരജനി-
ര്‍വിജേതാ രുദ്രാദേരപി നതജനാധീന ഇതി യത് ।
സഭായാം ദ്രൌപദ്യാ വരകൃദതിപൂജ്യോ നൃപമഖേ
യശോഭിസ്തത്പൂര്‍ണഃ സ ഭവതു മുദേ നന്ദതനയഃ ॥ 5 ॥
ന്യധാദ്ഗീതാരത്നം ത്രിജഗദതുലം യത്പ്രിയസഖേ
പരം തത്ത്വം പ്രേംണോദ്ധവപരമഭക്തേ ച നിഗമം ।
നിജപ്രാണപ്രേസ്ഠാസ്വപി രസഭൃതം ഗോപകുലജാ-
സ്വതോ ജ്ഞാനൈഃ പൂര്‍ണഃ സ ഭവതു മുദേ നന്ദതനയഃ ॥ 6 ॥
കൃതാഗസ്കം വ്യാധം സതനുമപി വൈകുണ്ഠമനയന്‍
മമത്വസ്യൈകാഗ്രാനപി പരിജനാന്‍ ഹന്ത വിജഹൌ ।
യദ്യപ്യേതേ ശ്രുത്യാ ധുവതനുതയോക്താസ്തദപി ഹാ
സ്വവൈരാഗ്യൈഃ പൂര്‍ണഃ സ ഭവതു മുദേ നന്ദതനയഃ ॥ 7 ॥
അജത്വം ജന്‍മിത്വം രതിരരതിതേഹാരഹിതതാ
സലീലത്വം വ്യാപ്തിഃ പരിമിതിരഹംതാമമതയോഃ ।
പദേ ത്യാഗാത്യാഗാവുഭയമപി നിത്യം സദുരരീ
കരോതീശഃ പൂര്‍ണഃ സ ഭവതു മുദേ നന്ദതനയഃ ॥ 8 ॥
സമുദ്യത്സന്ദേഹജ്വരശതഹരം ഭേഷജവരം
ജനോ യഃ സേവേത പ്രഥിതഭഗവത്ത്വാഷ്ടകമിദം ।
തദൈശ്വര്യസ്വാദൈഃ സ്വധിയമതിവേലം സരസയന്‍
ലഭേതാസൌ തസ്യ പ്രിയപരിജനാനുഗ്യപദവീം ॥ 9 ॥
ഇതി ശ്രീവിശ്വനാഥചക്രവര്‍തിഠക്കുരവിരചിതസ്തവാമൃതലഹര്യാം
ശ്രീശ്രീസ്വയംഭഗവത്ത്വാഷ്ടകം സമ്പൂര്‍ണം ।
– Chant Stotra in Other Languages –
Sri Svayam Bhagavattva Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil