॥ Sri Tara Shatanama Stotram Odia Lyrics ॥
॥ ଶ୍ରୀତାରାଶତନାମସ୍ତୋତ୍ରମ୍ ॥
ଶ୍ରୀଶିଵ ଉଵାଚ ॥
ତାରିଣୀ ତରଲା ତନ୍ଵୀ ତାରା ତରୁଣଵଲ୍ଲରୀ ।
ତୀରରୂପା ତରୀ ଶ୍ୟାମା ତନୁକ୍ଷୀଣପୟୋଧରା ॥ ୧ ॥
ତୁରୀୟା ତରଲା ତୀଵ୍ରଗମନା ନୀଲଵାହିନୀ ।
ଉଗ୍ରତାରା ଜୟା ଚଣ୍ଡୀ ଶ୍ରୀମଦେକଜଟାଶିରାଃ ॥ ୨ ॥
ତରୁଣୀ ଶାମ୍ଭଵୀଛିନ୍ନଭାଲା ଚ ଭଦ୍ରତାରିଣୀ ।
ଉଗ୍ରା ଚୋଗ୍ରପ୍ରଭା ନୀଲା କୃଷ୍ଣା ନୀଲସରସ୍ଵତୀ ॥ ୩ ॥
ଦ୍ଵିତୀୟା ଶୋଭନା ନିତ୍ୟା ନଵୀନା ନିତ୍ୟନୂତନା ।
ଚଣ୍ଡିକା ଵିଜୟାରାଧ୍ୟା ଦେଵୀ ଗଗନଵାହିନୀ ॥ ୪ ॥
ଅଟ୍ଟହାସ୍ୟା କରାଲାସ୍ୟା ଚରାସ୍ୟା ଦିତିପୂଜିତା ।
ସଗୁଣା ସଗୁଣାରାଧ୍ୟା ହରୀନ୍ଦ୍ରଦେଵପୂଜିତା ॥ ୫ ॥
ରକ୍ତପ୍ରିୟା ଚ ରକ୍ତାକ୍ଷୀ ରୁଧିରାସ୍ୟଵିଭୂଷିତା ।
ବଲିପ୍ରିୟା ବଲିରତା ଦୁର୍ଗା ବଲଵତୀ ବଲା ॥ ୬ ॥
ବଲପ୍ରିୟା ବଲରତା ବଲରାମପ୍ରପୂଜିତା ।
ଅର୍ଧକେଶେଶ୍ଵରୀ କେଶା କେଶଵାସଵିଭୂଷିତା ॥ ୭ ॥
ପଦ୍ମମାଲା ଚ ପଦ୍ମାକ୍ଷୀ କାମାଖ୍ୟା ଗିରିନନ୍ଦିନୀ ।
ଦକ୍ଷିଣା ଚୈଵ ଦକ୍ଷା ଚ ଦକ୍ଷଜା ଦକ୍ଷିଣେ ରତା ॥ ୮ ॥
ଵଜ୍ରପୁଷ୍ପପ୍ରିୟା ରକ୍ତପ୍ରିୟା କୁସୁମଭୂଷିତା ।
ମାହେଶ୍ଵରୀ ମହାଦେଵପ୍ରିୟା ପଞ୍ଚଵିଭୂଷିତା ॥ ୯ ॥
ଇଡା ଚ ପିଙ୍ଗଲା ଚୈଵ ସୁଷୁମ୍ନା ପ୍ରାଣରୂପିଣୀ ।
ଗାନ୍ଧାରୀ ପଞ୍ଚମୀ ପଞ୍ଚାନନାଦି ପରିପୂଜିତା ॥ ୧୦ ॥
ତଥ୍ୟଵିଦ୍ୟା ତଥ୍ୟରୂପା ତଥ୍ୟମାର୍ଗାନୁସାରିଣୀ ।
ତତ୍ତ୍ଵପ୍ରିୟା ତତ୍ତ୍ଵରୂପା ତତ୍ତ୍ଵଜ୍ଞାନାତ୍ମିକାଽନଘା ॥ ୧୧ ॥
ତାଣ୍ଡଵାଚାରସନ୍ତୁଷ୍ଟା ତାଣ୍ଡଵପ୍ରିୟକାରିଣୀ ।
ତାଲଦାନରତା କ୍ରୂରତାପିନୀ ତରଣିପ୍ରଭା ॥ ୧୨ ॥
ତ୍ରପାୟୁକ୍ତା ତ୍ରପାମୁକ୍ତା ତର୍ପିତା ତୃପ୍ତିକାରିଣୀ ।
ତାରୁଣ୍ୟଭାଵସନ୍ତୁଷ୍ଟା ଶକ୍ତିର୍ଭକ୍ତାନୁରାଗିଣୀ ॥ ୧୩ ॥
ଶିଵାସକ୍ତା ଶିଵରତିଃ ଶିଵଭକ୍ତିପରାୟଣା ।
ତାମ୍ରଦ୍ୟୁତିସ୍ତାମ୍ରରାଗା ତାମ୍ରପାତ୍ରପ୍ରଭୋଜିନୀ ॥ ୧୪ ॥
ବଲଭଦ୍ରପ୍ରେମରତା ବଲିଭୁଗ୍ବଲିକଲ୍ପିନୀ ।
ରାମରୂପା ରାମଶକ୍ତୀ ରାମରୂପାନୁକାରିଣୀ ॥ ୧୫ ॥
ଇତ୍ୟେତତ୍କଥିତଂ ଦେଵି ରହସ୍ୟଂ ପରମାଦ୍ଭୁତମ୍ ।
ଶ୍ରୁତ୍ଵା ମୋକ୍ଷମଵାପ୍ନୋତି ତାରାଦେଵ୍ୟାଃ ପ୍ରସାଦତଃ ॥ ୧୬ ॥
ୟ ଇଦଂ ପଠତି ସ୍ତୋତ୍ରଂ ତାରାସ୍ତୁତିରହସ୍ୟକମ୍ ।
ସର୍ଵସିଦ୍ଧିୟୁତୋ ଭୂତ୍ଵା ଵିହରେତ୍ କ୍ଷିତିମଣ୍ଡଲେ ॥ ୧୭ ॥
ତସ୍ୟୈଵ ମନ୍ତ୍ରସିଦ୍ଧିଃ ସ୍ୟାନ୍ମମସିଦ୍ଧିରନୁତ୍ତମା ।
ଭଵତ୍ୟେଵ ମହାମାୟେ ସତ୍ୟଂ ସତ୍ୟଂ ନ ସଂଶୟଃ ॥ ୧୮ ॥
ମନ୍ଦେ ମଙ୍ଗଲଵାରେ ଚ ୟଃ ପଠେନ୍ନିଶି ସଂୟତଃ ।
ତସ୍ୟୈଵ ମନ୍ତ୍ରସିଦ୍ଧିସ୍ସ୍ୟାଦ୍ଗାଣପତ୍ୟଂ ଲଭେତ ସଃ ॥ ୧୯ ॥
ଶ୍ରଦ୍ଧୟାଽଶ୍ରଦ୍ଧୟା ଵାପି ପଠେତ୍ତାରାରହସ୍ୟକମ୍ ।
ସୋଽଚିରେଣୈଵ କାଲେନ ଜୀଵନ୍ମୁକ୍ତଃ ଶିଵୋ ଭଵେତ୍ ॥ ୨୦ ॥
ସହସ୍ରାଵର୍ତନାଦ୍ଦେଵି ପୁରଶ୍ଚର୍ୟାଫଲଂ ଲଭେତ୍ ।
ଏଵଂ ସତତୟୁକ୍ତା ୟେ ଧ୍ୟାୟନ୍ତସ୍ତ୍ଵାମୁପାସତେ ।
ତେ କୃତାର୍ଥା ମହେଶାନି ମୃତ୍ୟୁସଂସାରଵର୍ତ୍ମନଃ ॥ ୨୧ ॥
ଇତି ସ୍ଵର୍ଣମାଲାତନ୍ତ୍ରେ ତାରାଶତନାମସ୍ତୋତ୍ରଂ ସମାପ୍ତମ୍ ॥
– Chant Stotra in Other Languages –
Goddess Durga / Kali Slokam » Tara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil