॥ Sri Vaidyanatha Ashtakam Telugu Lyrics ॥
॥ వైద్యనాథాష్టకమ్ ॥
శ్రీరామసౌమిత్రిజటాయువేద షడాననాదిత్య కుజార్చితాయ ।
శ్రీనీలకణ్ఠాయ దయామయాయ శ్రీవైద్యనాథాయ నమఃశివాయ ॥ ౧ ॥
శంభో మహాదేవ శంభో మహాదేవ శంభో మహాదేవ శంభో మహాదేవ ।
శంభో మహాదేవ శంభో మహాదేవ శంభో మహాదేవ శంభో మహాదేవ ॥
గఙ్గాప్రవాహేన్దు జటాధరాయ త్రిలోచనాయ స్మర కాలహన్త్రే ।
సమస్త దేవైరభిపూజితాయ శ్రీవైద్యనాథాయ నమః శివాయ ॥ ౨ ॥
శంభో మహాదేవ ….
భక్తఃప్రియాయ త్రిపురాన్తకాయ పినాకినే దుష్టహరాయ నిత్యమ్ ।
ప్రత్యక్షలీలాయ మనుష్యలోకే శ్రీవైద్యనాథాయ నమః శివాయ ॥ ౩ ॥
శంభో మహాదేవ ….
ప్రభూతవాతాది సమస్తరోగ ప్రనాశకర్త్రే మునివన్దితాయ ।
ప్రభాకరేన్ద్వగ్ని విలోచనాయ శ్రీవైద్యనాథాయ నమః శివాయ ॥ ౪ ॥
శంభో మహాదేవ ….
వాక్ శ్రోత్ర నేత్రాఙ్ఘ్రి విహీనజన్తోః వాక్శ్రోత్రనేత్రాంఘ్రిసుఖప్రదాయ ।
కుష్ఠాదిసర్వోన్నతరోగహన్త్రే శ్రీవైద్యనాథాయ నమః శివాయ ॥ ౫ ॥
శంభో మహాదేవ ….
వేదాన్తవేద్యాయ జగన్మయాయ యోగీశ్వరద్యేయ పదామ్బుజాయ ।
త్రిమూర్తిరూపాయ సహస్రనామ్నే శ్రీవైద్యనాథాయ నమః శివాయ ॥ ౬ ॥
శంభో మహాదేవ ….
స్వతీర్థమృద్భస్మభృతాఙ్గభాజాం పిశాచదుఃఖార్తిభయాపహాయ ।
ఆత్మస్వరూపాయ శరీరభాజాం శ్రీవైద్యనాథాయ నమః శివాయ ॥ ౭ ॥
శంభో మహాదేవ ….
శ్రీనీలకణ్ఠాయ వృషధ్వజాయ స్రక్గన్ధ భస్మాద్యభిశోభితాయ ।
సుపుత్రదారాది సుభాగ్యదాయ శ్రీవైద్యనాథాయ నమః శివాయ ॥ ౮ ॥
శంభో మహాదేవ ….
వాలామ్బికేశ వైద్యేశ భవరోగహరేతి చ ।
జపేన్నామత్రయం నిత్యం మహారోగనివారణమ్ ॥ ౯ ॥
శంభో మహాదేవ ….
॥ ఇతి శ్రీ వైద్యనాథాష్టకమ్ ॥
– Chant Stotra in Other Languages –
Sri Adi Shankara’s » Sri Vaidyanatha Ashtakam Lyrics in Sanskrit » English » Bengali » Gujarati » Marathi » Kannada » Malayalam » Odia » Tamil