॥ Sri Vaishvanarashtakam Gujarati Lyrics ॥
॥ શ્રીવૈશ્વાનરાષ્ટકમ્ ॥
સમુદ્ભૂતો ભૂમૌ ભગવદભિધાનેન સદયઃ
સમુદ્ધારં કર્તું કૃપણમનુજાનાં કલિયુગે ।
ચકાર સ્વં માર્ગં પ્રકટમતુલાનન્દજનનં
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૧ ॥
નિજાનન્દે મગ્નઃ સતતમથ લગ્નશ્ચ મનસા
હરૌ ભગ્નાસક્તિર્જગતિ જગદુદ્ધારકરણઃ ।
કૃપાપારાવારઃ પરહૃદયશોકાપહરણઃ
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૨ ॥
મહામાયામોહપ્રશમનમના દોષનિચયા-
પ્રતીતઃ શ્રીકૃષ્ણઃ પ્રકટપદવિદ્વેષસયુજામ્ ।
મુખધ્વંસં ચક્રે નિગમવચનૈર્માયિકનૃણાં
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૩ ॥
પ્રસિદ્ધૈસ્તૈર્દોષૈઃ સહજકલિદોષાદિજનિતો-
યતઃ સ્વીયૈર્ધર્મૈરપિ ચ રહિતઃ સર્વમનુજઃ ।
કૃતઃ સમ્બન્ધેન પ્રભુચરણસેવાદિસહિતઃ
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૪ ॥
વિભેદં યશ્ચક્રે હરિભજનપૂજાદિવિધિષુ
સ્વમાર્ગીયપ્રાપ્યં ફલમપિ ફલેભ્યઃ સમધિકમ્ ।
વિના વૈરાગ્યાદેરપિ પરમમોક્ષૈકફલદઃ
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૫ ॥
પરિક્રાન્તા પૃથ્વીચરણકમલૈસ્તીર્થમહિમ-
પ્રસિદ્ધ્યર્થં સ્વીયસ્મરણસમવાપ્ત્યૈ નિજનૃણામ્ ।
તથા દૈવાઞ્જીવાઞ્જગતિ ચ પૃથક્કર્તુમખિલાન્
સ મે મૂર્ધન્યસ્તાં હરિવદનવૈશ્વાનરવિભુઃ ॥ ૬ ॥
હરિં ભાવાત્માનં તદખિલવિહારાનપિ તથા
સમસ્તાં સામગ્રીં મનુજપશુપક્ષ્યાદિસહિતાન્ ।
કૃપામાત્રેણાત્ર પ્રકટયતિ દૃક્ પારકરુણઃ
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૭ ॥
પરેષામાસક્તિં સુતધનશરીરાદિષુ દૃઢાં
દ્રુતં ભસ્મીચક્રે બહુલમપિ તૂલં જ્વલન ઇવ ।
સ્વસાન્નિધ્યાદેવ વ્યસનમપિ કૃષ્ણોઽપિ વિદધત્
સ મે મૂર્ધન્યાસ્તાં હરિવદનવૈશ્વાનરવિભુઃ ॥ ૮ ॥
ઇતિ શ્રીમત્પ્રોક્તં હરિચરણદાસેન હરિણા-
ઽષ્ટકં સ્વાચાર્યણાં પઠતિ પરમપ્રેમસહિતઃ ।
જનસ્તસ્ય સ્યાદ્વૈ હરિવદનવૈશ્વાનરપદે
પરો ભાવસ્તૂર્ણં સકલફલરૂપસ્તદધિકઃ ॥ ૯ ॥
ઇતિ શ્રીહરિરાયજીવિરચિતં શ્રીવૈશ્વાનરાષ્ટકં સમ્પૂર્ણમ્ ।
– Chant Stotra in Other Languages –
Sri Vaishvanara Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil