॥ Sri Vaishvanarashtakam Malayalam Lyrics ॥
॥ ശ്രീവൈശ്വാനരാഷ്ടകം ॥
സമുദ്ഭൂതോ ഭൂമൌ ഭഗവദഭിധാനേന സദയഃ
സമുദ്ധാരം കര്‍തും കൃപണമനുജാനാം കലിയുഗേ ।
ചകാര സ്വം മാര്‍ഗം പ്രകടമതുലാനന്ദജനനം
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 1 ॥
നിജാനന്ദേ മഗ്നഃ സതതമഥ ലഗ്നശ്ച മനസാ
ഹരൌ ഭഗ്നാസക്തിര്‍ജഗതി ജഗദുദ്ധാരകരണഃ ।
കൃപാപാരാവാരഃ പരഹൃദയശോകാപഹരണഃ
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 2 ॥
മഹാമായാമോഹപ്രശമനമനാ ദോഷനിചയാ-
പ്രതീതഃ ശ്രീകൃഷ്ണഃ പ്രകടപദവിദ്വേഷസയുജാം ।
മുഖധ്വംസം ചക്രേ നിഗമവചനൈര്‍മായികനൃണാം
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 3 ॥
പ്രസിദ്ധൈസ്തൈര്‍ദോഷൈഃ സഹജകലിദോഷാദിജനിതോ-
യതഃ സ്വീയൈര്‍ധര്‍മൈരപി ച രഹിതഃ സര്‍വമനുജഃ ।
കൃതഃ സംബന്ധേന പ്രഭുചരണസേവാദിസഹിതഃ
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 4 ॥
വിഭേദം യശ്ചക്രേ ഹരിഭജനപൂജാദിവിധിഷു
സ്വമാര്‍ഗീയപ്രാപ്യം ഫലമപി ഫലേഭ്യഃ സമധികം ।
വിനാ വൈരാഗ്യാദേരപി പരമമോക്ഷൈകഫലദഃ
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 5 ॥
പരിക്രാന്താ പൃഥ്വീചരണകമലൈസ്തീര്‍ഥമഹിമ-
പ്രസിദ്ധ്യര്‍ഥം സ്വീയസ്മരണസമവാപ്ത്യൈ നിജനൃണാം ।
തഥാ ദൈവാഞ്ജീവാഞ്ജഗതി ച പൃഥക്കര്‍തുമഖിലാന്‍
സ മേ മൂര്‍ധന്യസ്താം ഹരിവദനവൈശ്വാനരവിഭുഃ ॥ 6 ॥
ഹരിം ഭാവാത്മാനം തദഖിലവിഹാരാനപി തഥാ
സമസ്താം സാമഗ്രീം മനുജപശുപക്ഷ്യാദിസഹിതാന്‍ ।
കൃപാമാത്രേണാത്ര പ്രകടയതി ദൃക് പാരകരുണഃ
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 7 ॥
പരേഷാമാസക്തിം സുതധനശരീരാദിഷു ദൃഢാം
ദ്രുതം ഭസ്മീചക്രേ ബഹുലമപി തൂലം ജ്വലന ഇവ ।
സ്വസാന്നിധ്യാദേവ വ്യസനമപി കൃഷ്ണോഽപി വിദധത്
സ മേ മൂര്‍ധന്യാസ്താം ഹരിവദനവൈശ്വാനരവിഭുഃ ॥ 8 ॥
ഇതി ശ്രീമത്പ്രോക്തം ഹരിചരണദാസേന ഹരിണാ-
ഽഷ്ടകം സ്വാചാര്യണാം പഠതി പരമപ്രേമസഹിതഃ ।
ജനസ്തസ്യ സ്യാദ്വൈ ഹരിവദനവൈശ്വാനരപദേ
പരോ ഭാവസ്തൂര്‍ണം സകലഫലരൂപസ്തദധികഃ ॥ 9 ॥
ഇതി ശ്രീഹരിരായജീവിരചിതം ശ്രീവൈശ്വാനരാഷ്ടകം സമ്പൂര്‍ണം ।
– Chant Stotra in Other Languages –
Sri Vaishvanara Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil