॥ Sri Vaishvanarashtakam Telugu Lyrics ॥
॥ శ్రీవైశ్వానరాష్టకమ్ ॥
సముద్భూతో భూమౌ భగవదభిధానేన సదయః
సముద్ధారం కర్తుం కృపణమనుజానాం కలియుగే ।
చకార స్వం మార్గం ప్రకటమతులానన్దజననం
స మే మూర్ధన్యాస్తాం హరివదనవైశ్వానరవిభుః ॥ ౧ ॥
నిజానన్దే మగ్నః సతతమథ లగ్నశ్చ మనసా
హరౌ భగ్నాసక్తిర్జగతి జగదుద్ధారకరణః ।
కృపాపారావారః పరహృదయశోకాపహరణః
స మే మూర్ధన్యాస్తాం హరివదనవైశ్వానరవిభుః ॥ ౨ ॥
మహామాయామోహప్రశమనమనా దోషనిచయా-
ప్రతీతః శ్రీకృష్ణః ప్రకటపదవిద్వేషసయుజామ్ ।
ముఖధ్వంసం చక్రే నిగమవచనైర్మాయికనృణాం
స మే మూర్ధన్యాస్తాం హరివదనవైశ్వానరవిభుః ॥ ౩ ॥
ప్రసిద్ధైస్తైర్దోషైః సహజకలిదోషాదిజనితో-
యతః స్వీయైర్ధర్మైరపి చ రహితః సర్వమనుజః ।
కృతః సమ్బన్ధేన ప్రభుచరణసేవాదిసహితః
స మే మూర్ధన్యాస్తాం హరివదనవైశ్వానరవిభుః ॥ ౪ ॥
విభేదం యశ్చక్రే హరిభజనపూజాదివిధిషు
స్వమార్గీయప్రాప్యం ఫలమపి ఫలేభ్యః సమధికమ్ ।
వినా వైరాగ్యాదేరపి పరమమోక్షైకఫలదః
స మే మూర్ధన్యాస్తాం హరివదనవైశ్వానరవిభుః ॥ ౫ ॥
పరిక్రాన్తా పృథ్వీచరణకమలైస్తీర్థమహిమ-
ప్రసిద్ధ్యర్థం స్వీయస్మరణసమవాప్త్యై నిజనృణామ్ ।
తథా దైవాఞ్జీవాఞ్జగతి చ పృథక్కర్తుమఖిలాన్
స మే మూర్ధన్యస్తాం హరివదనవైశ్వానరవిభుః ॥ ౬ ॥
హరిం భావాత్మానం తదఖిలవిహారానపి తథా
సమస్తాం సామగ్రీం మనుజపశుపక్ష్యాదిసహితాన్ ।
కృపామాత్రేణాత్ర ప్రకటయతి దృక్ పారకరుణః
స మే మూర్ధన్యాస్తాం హరివదనవైశ్వానరవిభుః ॥ ౭ ॥
పరేషామాసక్తిం సుతధనశరీరాదిషు దృఢాం
ద్రుతం భస్మీచక్రే బహులమపి తూలం జ్వలన ఇవ ।
స్వసాన్నిధ్యాదేవ వ్యసనమపి కృష్ణోఽపి విదధత్
స మే మూర్ధన్యాస్తాం హరివదనవైశ్వానరవిభుః ॥ ౮ ॥
ఇతి శ్రీమత్ప్రోక్తం హరిచరణదాసేన హరిణా-
ఽష్టకం స్వాచార్యణాం పఠతి పరమప్రేమసహితః ।
జనస్తస్య స్యాద్వై హరివదనవైశ్వానరపదే
పరో భావస్తూర్ణం సకలఫలరూపస్తదధికః ॥ ౯ ॥
ఇతి శ్రీహరిరాయజీవిరచితం శ్రీవైశ్వానరాష్టకం సమ్పూర్ణమ్ ।
– Chant Stotra in Other Languages –
Sri Vaishvanara Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil