॥ Sri Varahi Anugraha Stotram Gujarati Lyrics ॥
॥ વારાહ્યનુગ્રહાષ્ટકમ્ ॥
ઈશ્વર ઉવાચ
માતર્જગદ્રચનનાટકસૂત્રધાર-
સ્ત્વદ્રૂપમાકલયિતું પરમાર્થતોઽયમ્ ।
ઈશોઽપ્યમીશ્વરપદં સમુપૈતિ તાદૃક્-
કોઽન્યઃ સ્તવં કિમિવ તાવકમાદધાતુ ॥ ૧ ॥
નામાનિ કિન્તુ ગૃણતસ્તવ લોકતુણ્ડે
નાડમ્બરં સ્પૃશતિ દણ્ડધરસ્ય દણ્ડઃ ।
યલ્લેશલમ્બિતભવામ્બુનિધિર્યતો યત્-
ત્વન્નામસંસૃતિરિયં નનુ નઃ સ્તુતિસ્તે ॥ ૨ ॥
ત્વચ્ચિન્તનાદરસમુલ્લસદપ્રમેયા-
ઽઽનન્દોદયાત્સમુદિતઃ સ્ફુટરોમહર્ષઃ ।
માતર્નમામિ સુદિનાનિ સદેત્યમું ત્વા-
મભ્યર્થયેઽર્થમિતિ પૂરયતાદ્દયાલો ॥ ૩ ॥
ઇન્દ્રેન્દુમૌલિવિધિકેશવમૌલિરત્ન-
રોચિશ્ચયોજ્જ્વલિતપાદસરોજયુગ્મે ।
ચેતો મતૌ મમ સદા પ્રતિબિમ્બિતા ત્વં
ભૂયા ભવાનિ વિદધાતુ સદોરુહારે ॥ ૪ ॥
લીલોદ્ધૃતક્ષિતિતલસ્ય વરાહમૂર્તે-
ર્વારાહમૂર્તિરખિલાર્થકરી ત્વમેવ ।
પ્રાલેયરશ્મિસુકલોલ્લસિતાવતંસા
ત્વં દેવિ વામતનુભાગહરા રહસ્ય ॥ ૫ ॥
ત્વામમ્બ તપ્તકનકોજ્જ્વલકાન્તિમન્ત-
ર્યે ચિન્તયન્તિ યુવતીતનુમાગલાન્તામ્ ।
ચક્રાયુધત્રિનયનામ્બરપોતૃવક્ત્રાં
તેષાં પદામ્બુજયુગં પ્રણમન્તિ દેવાઃ ॥ ૬ ॥
ત્વત્સેવનસ્ખલિત પાપચયસ્ય માત-
ર્મોક્ષોઽપિ યત્ર ન સતાં ગણનામુપૈતિ ।
દેવાસુરોરગનૃપાલનમસ્ય પાદ-
સ્તત્ર શ્રિયઃ પટુગિરઃ કિયદેવમસ્તુ ॥ ૭ ॥
કિં દુષ્કરં ત્વયિ મનોવિષયં ગતાયાં
કિં દુર્લભં ત્વયિ વિધાનવદર્ચિતાયામ્ ।
કિં દુષ્કરં ત્વયિ સકૃત્સ્મૃતિમાગતાયાં
કિં દુર્જયં ત્વયિ કૃતસ્તુતિવાદપુંસામ્ ॥ ૮ ॥
॥ ઇતિ શ્રી વારાહ્યનુગ્રહાષ્ટકં સમ્પૂર્ણમ્ ॥
– Chant Stotra in Other Languages –
Varahi Slokam » Sri Varahi Anugraha Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil