॥ Sri Varahi Anugraha Stotram Kannada Lyrics ॥
॥ ವಾರಾಹ್ಯನುಗ್ರಹಾಷ್ಟಕಮ್ ॥
ಈಶ್ವರ ಉವಾಚ
ಮಾತರ್ಜಗದ್ರಚನನಾಟಕಸೂತ್ರಧಾರ-
ಸ್ತ್ವದ್ರೂಪಮಾಕಲಯಿತುಂ ಪರಮಾರ್ಥತೋಽಯಮ್ ।
ಈಶೋಽಪ್ಯಮೀಶ್ವರಪದಂ ಸಮುಪೈತಿ ತಾದೃಕ್-
ಕೋಽನ್ಯಃ ಸ್ತವಂ ಕಿಮಿವ ತಾವಕಮಾದಧಾತು ॥ 1 ॥
ನಾಮಾನಿ ಕಿನ್ತು ಗೃಣತಸ್ತವ ಲೋಕತುಂಡೇ
ನಾಡಮ್ಬರಂ ಸ್ಪೃಶತಿ ದಂಡಧರಸ್ಯ ದಂಡಃ ।
ಯಲ್ಲೇಶಲಮ್ಬಿತಭವಾಮ್ಬುನಿಧಿರ್ಯತೋ ಯತ್-
ತ್ವನ್ನಾಮಸಂಸೃತಿರಿಯಂ ನನು ನಃ ಸ್ತುತಿಸ್ತೇ ॥ 2 ॥
ತ್ವಚ್ಚಿನ್ತನಾದರಸಮುಲ್ಲಸದಪ್ರಮೇಯಾ-
ಽಽನನ್ದೋದಯಾತ್ಸಮುದಿತಃ ಸ್ಫುಟರೋಮಹರ್ಷಃ ।
ಮಾತರ್ನಮಾಮಿ ಸುದಿನಾನಿ ಸದೇತ್ಯಮುಂ ತ್ವಾ-
ಮಭ್ಯರ್ಥಯೇಽರ್ಥಮಿತಿ ಪೂರಯತಾದ್ದಯಾಲೋ ॥ 3 ॥
ಇನ್ದ್ರೇನ್ದುಮೌಲಿವಿಧಿಕೇಶವಮೌಲಿರತ್ನ-
ರೋಚಿಶ್ಚಯೋಜ್ಜ್ವಲಿತಪಾದಸರೋಜಯುಗ್ಮೇ ।
ಚೇತೋ ಮತೌ ಮಮ ಸದಾ ಪ್ರತಿಬಿಮ್ಬಿತಾ ತ್ವಂ
ಭೂಯಾ ಭವಾನಿ ವಿದಧಾತು ಸದೋರುಹಾರೇ ॥ 4 ॥
ಲೀಲೋದ್ಧೃತಕ್ಷಿತಿತಲಸ್ಯ ವರಾಹಮೂರ್ತೇ-
ರ್ವಾರಾಹಮೂರ್ತಿರಖಿಲಾರ್ಥಕರೀ ತ್ವಮೇವ ।
ಪ್ರಾಲೇಯರಶ್ಮಿಸುಕಲೋಲ್ಲಸಿತಾವತಂಸಾ
ತ್ವಂ ದೇವಿ ವಾಮತನುಭಾಗಹರಾ ರಹಸ್ಯ ॥ 5 ॥
ತ್ವಾಮಮ್ಬ ತಪ್ತಕನಕೋಜ್ಜ್ವಲಕಾನ್ತಿಮನ್ತ-
ರ್ಯೇ ಚಿನ್ತಯನ್ತಿ ಯುವತೀತನುಮಾಗಲಾನ್ತಾಮ್ ।
ಚಕ್ರಾಯುಧತ್ರಿನಯನಾಮ್ಬರಪೋತೃವಕ್ತ್ರಾಂ
ತೇಷಾಂ ಪದಾಮ್ಬುಜಯುಗಂ ಪ್ರಣಮನ್ತಿ ದೇವಾಃ ॥ 6 ॥
ತ್ವತ್ಸೇವನಸ್ಖಲಿತ ಪಾಪಚಯಸ್ಯ ಮಾತ-
ರ್ಮೋಕ್ಷೋಽಪಿ ಯತ್ರ ನ ಸತಾಂ ಗಣನಾಮುಪೈತಿ ।
ದೇವಾಸುರೋರಗನೃಪಾಲನಮಸ್ಯ ಪಾದ-
ಸ್ತತ್ರ ಶ್ರಿಯಃ ಪಟುಗಿರಃ ಕಿಯದೇವಮಸ್ತು ॥ 7 ॥
ಕಿಂ ದುಷ್ಕರಂ ತ್ವಯಿ ಮನೋವಿಷಯಂ ಗತಾಯಾಂ
ಕಿಂ ದುರ್ಲಭಂ ತ್ವಯಿ ವಿಧಾನವದರ್ಚಿತಾಯಾಮ್ ।
ಕಿಂ ದುಷ್ಕರಂ ತ್ವಯಿ ಸಕೃತ್ಸ್ಮೃತಿಮಾಗತಾಯಾಂ
ಕಿಂ ದುರ್ಜಯಂ ತ್ವಯಿ ಕೃತಸ್ತುತಿವಾದಪುಂಸಾಮ್ ॥ 8 ॥
॥ ಇತಿ ಶ್ರೀ ವಾರಾಹ್ಯನುಗ್ರಹಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Varahi Slokam » Sri Varahi Anugraha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil