॥ Sri Varahi Anugraha Stotram Malayalam Lyrics ॥
॥ വാരാഹ്യനുഗ്രഹാഷ്ടകം ॥
ഈശ്വര ഉവാച
മാതര്‍ജഗദ്രചനനാടകസൂത്രധാര-
സ്ത്വദ്രൂപമാകലയിതും പരമാര്‍ഥതോഽയം ।
ഈശോഽപ്യമീശ്വരപദം സമുപൈതി താദൃക്-
കോഽന്യഃ സ്തവം കിമിവ താവകമാദധാതു ॥ 1 ॥
നാമാനി കിന്തു ഗൃണതസ്തവ ലോകതുണ്ഡേ
നാഡംബരം സ്പൃശതി ദണ്ഡധരസ്യ ദണ്ഡഃ ।
യല്ലേശലംബിതഭവാംബുനിധിര്യതോ യത്-
ത്വന്നാമസംസൃതിരിയം നനു നഃ സ്തുതിസ്തേ ॥ 2 ॥
ത്വച്ചിന്തനാദരസമുല്ലസദപ്രമേയാ-
ഽഽനന്ദോദയാത്സമുദിതഃ സ്ഫുടരോമഹര്‍ഷഃ ।
മാതര്‍നമാമി സുദിനാനി സദേത്യമും ത്വാ-
മഭ്യര്‍ഥയേഽര്‍ഥമിതി പൂരയതാദ്ദയാലോ ॥ 3 ॥
ഇന്ദ്രേന്ദുമൌലിവിധികേശവമൌലിരത്ന-
രോചിശ്ചയോജ്ജ്വലിതപാദസരോജയുഗ്മേ ।
ചേതോ മതൌ മമ സദാ പ്രതിബിംബിതാ ത്വം
ഭൂയാ ഭവാനി വിദധാതു സദോരുഹാരേ ॥ 4 ॥
ലീലോദ്ധൃതക്ഷിതിതലസ്യ വരാഹമൂര്‍തേ-
ര്‍വാരാഹമൂര്‍തിരഖിലാര്‍ഥകരീ ത്വമേവ ।
പ്രാലേയരശ്മിസുകലോല്ലസിതാവതംസാ
ത്വം ദേവി വാമതനുഭാഗഹരാ രഹസ്യ ॥ 5 ॥
ത്വാമംബ തപ്തകനകോജ്ജ്വലകാന്തിമന്ത-
ര്യേ ചിന്തയന്തി യുവതീതനുമാഗലാന്താം ।
ചക്രായുധത്രിനയനാംബരപോതൃവക്ത്രാം
തേഷാം പദാംബുജയുഗം പ്രണമന്തി ദേവാഃ ॥ 6 ॥
ത്വത്സേവനസ്ഖലിത പാപചയസ്യ മാത-
ര്‍മോക്ഷോഽപി യത്ര ന സതാം ഗണനാമുപൈതി ।
ദേവാസുരോരഗനൃപാലനമസ്യ പാദ-
സ്തത്ര ശ്രിയഃ പടുഗിരഃ കിയദേവമസ്തു ॥ 7 ॥
കിം ദുഷ്കരം ത്വയി മനോവിഷയം ഗതായാം
കിം ദുര്ലഭം ത്വയി വിധാനവദര്‍ചിതായാം ।
കിം ദുഷ്കരം ത്വയി സകൃത്സ്മൃതിമാഗതായാം
കിം ദുര്‍ജയം ത്വയി കൃതസ്തുതിവാദപുംസാം ॥ 8 ॥
॥ ഇതി ശ്രീ വാരാഹ്യനുഗ്രഹാഷ്ടകം സമ്പൂര്‍ണം ॥
– Chant Stotra in Other Languages –
Varahi Slokam » Sri Varahi Anugraha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil