॥ Vatapuranatha Ashtakam Bengali Lyrics ॥
॥ শ্রীবাতপুরনাথাষ্টকম্ ॥
কুন্দসুমবৃন্দসমমন্দহসিতাস্যং
নন্দকুলনন্দভরতুন্দলনকন্দম্ ।
পূতনিজগীতলবধূতদুরিতং তং
বাতপুরনাথমিমমাতনু হৃদব্জে ॥ ১ ॥
নীলতরজালধরভালহরিরম্যং
লোলতরশীলয়ুতবালজনলীলম্ ।
জালনতিশীলমপি পালয়িতুকামং
বাতপুরনাথমিমমাতনু হৃদব্জে ॥ ২ ॥
কংসরণহিংসমিহ সংসরণজাত-
ক্লান্তিভরশান্তিকরকান্তিঝরবীতম্ ।
বাতমুখধাতুজনিপাতভয়ঘাতং
বাতপুরনাথমিমমাতনু হৃদব্জে ॥ ৩ ॥
জাতুধুরিপাতুকমিহাতুরজনং দ্রাক্
শোকভরমূকমপি তোকমিব পান্তম্ ।
ভৃঙ্গরুচিসঙ্গরকৃদঙ্গলতিকং তং
বাতপুরনাথমিমমাতনু হৃদব্জে ॥ ৪ ॥
পাপভবতাপভরকোপশমনার্থা-
শ্বাসকরভাসমৃদুহাসরুচিরাস্যম্ ।
রোগচয়ভোগভয়বেগহরমেকং
বাতপুরনাথমিমমাতনু হৃদব্জে ॥ ৫ ॥
ঘোষকুলদোষহরবেষমুপয়ান্তং
পূষশতদূষকবিভূষণগণাঢ্যম্ ।
ভুক্তিমপিমুক্তিমতিভক্তিষু দদানং
বাতপুরনাথমিমমাতনু হৃদব্জে ॥ ৬ ॥
পাপকদুরাপমতিতাপহরশোভ-
স্বাপঘনমামতদুমাপতিসমেতম্ ।
দূনতরদীনসুখদানকৃতদীক্ষং
বাতপুরনাথমিমমাতনু হৃদব্জে ॥ ৭ ॥
পাদপতদাদরণমোদপরিপূর্ণং
জীবমুখদেবজনসেবনফলাঙ্ঘ্রিম্
রূক্ষভবমোক্ষকৃতদীক্ষনিজবীক্ষং
বাতপুরনাথমিমমাতনু হৃদব্জে ॥ ৮ ॥
ভৃত্যগণপত্যুদিতনুত্যুচিতমোদং
স্পষ্টমিদমষ্টকমদুষ্টকরণার্হম্ ।
আদধতমাদরদমাদিলয়শূন্যং
বাতপুরনাথমিমমাতনু হৃদব্জে ॥ ৯ ॥
ইতি মহামহোপাধ্যায় ব্রহ্মশ্রী গণপতীশাস্ত্রীবিরচিতং শ্রীবাতপুরনাথাষ্টকম্ ॥
– Chant Stotra in Other Languages –
Sri Vatapuranatha Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil