॥ Sri Veda Vyasa Ashtakam Malayalam Lyrics ॥
॥ ശ്രീവേദവ്യാസാഷ്ടകം ॥
കലിമലാസ്തവിവേകദിവാകരം സമവലോക്യ തമോവലിതം ജനം ।
കരുണയാ ഭുവി ദര്‍ശിതവിഗ്രഹം മുനിവരം ഗുരുവ്യാസമഹം ഭജേ ॥ 1 ॥
ഭരതവംശസമുദ്ധരണേച്ഛയാ സ്വജനനീവചസാ പരിനോദിതഃ ।
അജനയത്തനയത്രിതയം പ്രഭുഃ ശുകനുതം ഗുരുവ്യാസമഹം ഭജേ ॥ 2 ॥
മതിബലാദി നിരീക്ഷ്യ കലൌ നൃണാം ലഘുതരം കൃപയാ നിഗമാംബുധേഃ ।
സമകരോദിഹ ഭാഗമനേകധാ ശ്രുതിപതിം ഗുരുവ്യാസമഹം ഭജേ ॥ 3 ॥
സകലധര്‍മനിരൂപണസാഗരം വിവിധചിത്രകഥാസമലങ്കൃതം ।
വ്യരചയച്ച പുരാണകദംബകം കവിവരം ഗുരുവ്യാസമഹം ഭജേ ॥ 4 ॥
ശ്രുതിവിരോധസമന്വയദര്‍പണം നിഖിലവാദിമതാന്ധ്യവിദാരണം ।
ഗ്രഥിതവാനപി സൂത്രസമൂഹകം മുനിസുതം ഗുരുവ്യാസമഹം ഭജേ ॥ 5 ॥
യദനുഭാവവശേന ദിവങ്ഗതഃ സമധിഗംയ മഹാസ്ത്രസമുച്ചയം ।
കുരൂചമൂമജയദ്വിജയോ ദ്രുതം ദ്യുതിധരം ഗുരുവ്യാസമഹം ഭജേ ॥ 6 ॥
സമരവൃത്തവിബോധസമീഹയാ കുരുവരേണ മുദാ കൃതയാചനഃ ।
സപതിസൂതമദാദമലേക്ഷണം കലിഹരം ഗുരുവ്യാസമഹം ഭജേ ॥ 7 ॥
വനനിവാസപരൌ കുരുദമ്പതി സുതശുചാ തപസാ ച വികര്‍ശിതൌ ।
മൃതതനൂജഗണം സമദര്‍ശയന്‍ ശരണദം ഗുരുവ്യാസമഹം ഭജേ ॥ 8 ॥
വ്യാസാഷ്ടകമിദം പുണ്യം ബ്രഹ്മാനന്ദേന കീര്‍തിതം ।
യഃ പഠേന്‍മനുജോ നിത്യം സ ഭവേച്ഛാസ്ത്രപാരഗഃ ॥
– Chant Stotra in Other Languages –
Guru Stotram » Sri Veda Vyasa Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil