॥ Sri Veda Vyasa Ashtottara Shatanama Stotram 4 Telugu Lyrics ॥
॥ శ్రీవేదవ్యాసాష్టోత్తరనామస్తోత్రమ్ ౪ ॥
యం వేదశాస్త్రపరినిష్ఠితశుద్ధబుద్ధిం
చర్మామ్బరం సురమునీన్ద్రనుతం ప్రసన్నమ్ ।
కృష్ణత్విషం కనకపిఙ్గజటాకలాపం
వ్యాసం నమామి శిరసా తిలకం మునీనామ్ ॥
అవిద్యాతిమిరాదిత్యం బ్రహ్మవిద్యావిశారదమ్ ।
శారదాశఙ్కరాత్మానం భారతీతీర్థమాశ్రయే ॥
ఓం వేదవ్యాసో విష్ణురూపః పారాశర్యస్తపోనిధిః ।
సత్యసన్ధః ప్రశాన్తాత్మా వాగ్మీ సత్యవతీసుతః ॥ ౧ ॥
కృష్ణద్వైపాయనో దాన్తో బాదరాయణసంజ్ఞితః ।
బ్రహ్మసూత్రగ్రథితవాన్ భగవాఞ్జ్ఞానభాస్కరః ॥ ౨ ॥
సర్వవేదాన్తతత్త్వజ్ఞః సర్వజ్ఞో వేదమూర్తిమాన్ ।
వేదశాఖావ్యసనకృత్కృతకృత్యో మహామునిః ॥ ౩ ॥
మహాబుద్ధిర్మహాసిద్ధిర్మహాశక్తిర్మహాద్యుతిః ।
మహాకర్మా మహాధర్మా మహాభారతకల్పకః ॥ ౪ ॥
మహాపురాణకృజ్జ్ఞానీ జ్ఞానవిజ్ఞానభాజనమ్ ।
చిరఞ్జీవీ చిదాకారశ్చిత్తదోషవినాశకః ॥ ౫ ॥
వాసిష్ఠః శక్తిపౌత్రశ్చ శుకదేవగురుర్గురుః ।
ఆషాఢపూర్ణిమాపూజ్యః పూర్ణచన్ద్రనిభానః ॥ ౬ ॥
విశ్వనాథస్తుతికరో విశ్వవన్ద్యో జగద్గురుః ।
జితేన్ద్రియో జితక్రోధో వైరాగ్యనిరతః శుచిః ॥ ౭ ॥
జైమిన్యాదిసదాచార్యః సదాచారసదాస్థితః ।
స్థితప్రజ్ఞః స్థిరమతిః సమాధిసంస్థితాశయః ॥ ౮ ॥
ప్రశాన్తిదః ప్రసన్నాత్మా శఙ్కరార్యప్రసాదకృత్ ।
నారాయణాత్మకః స్తవ్యః సర్వలోకహితే రతః ॥ ౯ ॥
అచతుర్వదనబ్రహ్మా ద్విభుజాపరకేశవః ।
అఫాలలోచనశివః పరబ్రహ్మస్వరూపకః ॥ ౧౦ ॥
బ్రహ్మణ్యో బ్రాహ్మణో బ్రహ్మీ బ్రహ్మవిద్యావిశారదః ।
బ్రహ్మాత్మైకత్వవిజ్ఞాతా బ్రహ్మభూతః సుఖాత్మకః ॥ ౧౧ ॥
వేదాబ్జభాస్కరో విద్వాన్ వేదవేదాన్తపారగః ।
అపాన్తరతమోనామా వేదాచార్యో విచారవాన్ ॥ ౧౨ ॥
అజ్ఞానసుప్తిబుద్ధాత్మా ప్రసుప్తానాం ప్రబోధకః ।
అప్రమత్తోఽప్రమేయాత్మా మౌనీ బ్రహ్మపదే రతః ॥ ౧౩ ॥
పూతాత్మా సర్వభూతాత్మా భూతిమాన్భూమిపావనః ।
భూతభవ్యభవజ్ఞాతా భూమసంస్థితమానసః ॥ ౧౪ ॥
ఉత్ఫుల్లపుణ్డరీకాక్షః పుణ్డరీకాక్షవిగ్రహః ।
నవగ్రహస్తుతికరః పరిగ్రహవర్జితః ॥ ౧౫ ॥
ఏకాన్తవాససుప్రీతః శమాదినిలయో మునిః ।
ఏకదన్తస్వరూపేణ లిపికారీ బృహస్పతిః ॥ ౧౬ ॥
భస్మరేఖావిలిప్తాఙ్గో రుద్రాక్షావలిభూషితః ।
జ్ఞానముద్రాలసత్పాణిః స్మితవక్త్రో జటాధరః ॥ ౧౭ ॥
గభీరాత్మా సుధీరాత్మా స్వాత్మారామో రమాపతిః ।
మహాత్మా కరుణాసిన్ధురనిర్దేశ్యః స్వరాజితః ॥ ౧౮ ॥
ఇతి శ్రీయోగానన్దసరస్వతీవిరచితం
శ్రీవేదవ్యాసాష్టోత్తరశతనామస్తోత్రం సమ్పూర్ణమ్ ॥
– Chant Stotra in Other Languages –
Sri Vishnu Slokam » Sri Veda Vyasa Ashtottara Shatanama Stotram 4 Lyrics in Sanskrit » English » Bengali » Gujarati » Kannada » Malayalam » Odia » Tamil