॥ Sri Venkateshashtakam 2 Telugu Lyrics ॥
॥ శ్రీవేఙ్కటేశాష్టకమ్ ౨ ॥
ఓంతత్సదితి నిర్దేశ్యం జగజ్జన్మాదికారణమ్ ।
అనన్తకల్యాణగుణం వన్దే శ్రీవేఙ్కటేశ్వరమ్ ॥ ౧ ॥
నతామరశిరోరత్న శ్రీయుతమ్ శ్రీపదామ్బుజమ్ ।
ప్రావృషేణ్యఘనశ్యామం వన్దే శ్రీవేఙ్కటేశ్వరమ్ ॥ ౨ ॥
మోహాదిషడరివ్యూహగ్రహాకులమహార్ణవే ।
మజ్జతాం తరణీం నౄణాం వన్దే శ్రీవేఙ్కటేశ్వరమ్ ॥ ౩ ॥
నాథం త్రిజగతాం ఏకం సాధురక్షణదీక్షితమ్ ।
శ్రీశేషశైలమధ్యస్థం వన్దే శ్రీవేఙ్కటేశ్వరమ్ ॥ ౪ ॥
రాజద్రాజీవపత్రశ్రీమదమోచనలోచనమ్ ।
మన్దహాసలసద్ వక్త్రం వన్దే శ్రీవేఙ్కటేశ్వరమ్ ॥ ౫ ॥
యన్ముఖేన్దుస్మితజ్యోత్స్నా భూయసీం తమసాం తతిమ్ ।
విధునోతి ప్రపన్నానాం వన్దే శ్రీవేఙ్కటేశ్వరమ్ ॥ ౬ ॥
నాన్తస్య కస్యచిద్ వాక్యం శబ్దస్యానన్య వాచినః ।
బ్రహ్మారుద్రేన్ద్రజనకం వన్దే శ్రీవేఙ్కటేశ్వరమ్ ॥ ౭ ॥
యద్వక్షఃస్థలమధ్యాస్య భాతి శ్రీరనపాయినీ ।
తడిల్లేఖేవాభ్రమధ్యే వన్దే శ్రీవేఙ్కటేశ్వరమ్ ॥ ౮ ॥
వేఙ్కటేశాష్టకమిదం నరకణ్ఠీరవోదితమ్ ।
యః పఠేత్ సతతం భక్త్యా తస్మై విష్ణుః ప్రసీదతి ॥
॥ ఇతి శ్రీ వట్టేపల్లే నరకణ్ఠీరవ శాస్త్రి విరచితమ్
శ్రీ వేఙ్కటేశాష్టకం సమాప్తమ్ ॥
– Chant Stotra in Other Languages –
Sri Vishnu Slokam » Sri Venkatesha Ashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil