॥ Sri Venkatesha Mangala Ashtakam 2 Telugu Lyrics ॥
॥ శ్రీవేఙ్కటేశమఙ్గలాష్టకమ్ ౨ ॥
జమ్బూద్వీపగశేషశైలభువనః శ్రీజానిరాద్యాత్మజః
తార్క్ష్యాహీశముఖాసనస్త్రిభువనస్థాశేషలోకప్రియః
శ్రీమత్స్వామిసరఃసువర్ణముఖరీసంవేష్టితః సర్వదా
శ్రీమద్వేఙ్కటభూపతిర్మమ సుఖం దద్యాత్ సదా మఙ్గలమ్ ॥ ౧ ॥
సన్తప్తామలజాతరూపరచితాగారే నివిష్టః సదా
స్వర్గద్వారకవాటతోరణయుతః ప్రాకారసప్తాన్వితః ।
భాస్వత్కాఞ్చనతుఙ్గచారుగరుడస్తమ్భే పతత్ప్రాణినాం
స్వప్రే వక్తి హితాహితం సుకరుణో దద్యాత్ సదా మఙ్గలమ్ ॥ ౨ ॥
అత్యుచ్చాద్రివిచిత్రగోపురగణైః పూర్ణైః సువర్ణాచలైః
విస్తీర్ణామలమణ్టపాయుతయుతైర్నానావనైర్నిర్భయైః ।
పఞ్చాస్యేభవరాహఖడ్గమృగశార్దూలాదిభిః శ్రీపతిః
నిత్యం వేదపరాయణసుకృతినాం దద్యాత్ సదా మఙ్గలమ్ ॥ ౩ ॥
భేరీమఙ్గలతుర్యగోముఖమృదఙ్గాదిస్వనైః శోభితే
తన్త్రీవేణుసుఘోషశృఙ్గకలహైః శబ్దైశ్చ దివ్యైర్నిజైః ।
గన్ధర్వాప్సరకిన్నరోరగనృభిర్నృత్యద్భిరాసేవ్యతే
నానావాహనగః సమస్తఫలదో దద్యాత్ సదా మఙ్గలమ్ ॥ ౪ ॥
యః శ్రీభార్గవవాసరే నియమతః కస్తూరికారేణుభిః
శ్రీమత్కుఙ్కుమకేసరామలయుతః కర్పూరముఖ్యైర్జలైః ।
స్నాతః పుణ్యసుకఞ్చుకేన విలసత్కాఞ్చీకిరీటాదిభిః
నానాభూషణపూగశోభితతనుర్దద్యాత్ సదా మఙ్గలమ్ ॥ ౫ ॥
తీర్థం పాణ్డవనామకం శుభకరం త్వాకాశగఙ్గా పరా
ఇత్యాదీని సుపుణ్యరాశిజనకాన్యాయోజనైః సర్వదా ।
తీర్థం తుమ్బురునామకం త్వఘహరం ధారా కుమారాభిధా
నిత్యానన్దనిధిర్మహీధరవరో దద్యాత్ సదా మఙ్గలమ్ ॥ ౬ ॥
ఆర్తానామతిదుస్తరామయగణైర్జన్మాన్తరాఘైరపి
సఙ్కల్పాత్ పరిశోధ్య రక్షతి నిజస్థానం సదా గచ్ఛతామ్ ।
మార్గే నిర్భయతః స్వనామగృణతో గీతాదిభిః సర్వదా
నిత్యం శాస్త్రపరాయణైః సుకృతినాం దద్యాత్ సదా మఙ్గలమ్ ॥ ౭ ॥
నిత్యం బ్రాహ్మణపుణ్యవర్యవనితాపూజాసమారాధనైరత్నైః
పాయసభక్ష్యభోజ్యసుఘృతక్షీరాదిభిః సర్వదా ।
నిత్యం దానతపఃపురాణపఠనైరారాధితే వేఙ్కటక్షేత్రే
నన్దసుపూర్ణచిత్రమహిమా దద్యాత్ సదా మఙ్గలమ్ ॥ ౮ ॥
ఇత్యేతద్వరమఙ్గలాష్టకమిదం శ్రీవాదిరాజేశ్వరై-
రాఖ్యాతం జగతామభీష్టఫలదం సర్వాశుభధ్వంసనమ్ ।
మాఙ్గల్యం సకలార్థదం శుభకరం వైవాహికాదిస్థలే
తేషాం మఙ్గలశంసతాం సుమనసాం దద్యాత్ సదా మఙ్గలమ్ ॥ ౯ ॥
॥ ఇతి శ్రీవాదిరాజతీర్థశ్రీచరణకృతం శ్రీవేఙ్కటేశమఙ్గలాష్టకమ్ ॥
– Chant Stotra in Other Languages –
Sri Vishnu Slokam » Venkatesha Mangalashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil