Venkatesha Mangalashtakam In Gujarati

॥ Sri Venkatesha Mangalashtakam Gujarati Lyrics ॥

॥ શ્રીવેઙ્કટેશ મઙ્ગલાષ્ટકમ્ ॥

શ્રીક્ષોણ્યૌ રમણીયુગં સુરમણીપુત્રોઽપિ વાણીપતિઃ
પૌત્રશ્ચન્દ્રશિરોમણિઃ ફણિપતિઃ શય્યા સુરાઃ સેવકાઃ ।
તાર્ક્ષ્યો યસ્ય રથો મહશ્ચ ભવનં બ્રહ્માણ્ડમાદ્યઃ પુમાન્
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૧ ॥

યત્તેજો રવિકોટિકોટિકિરણાન્ ધિક્કૃત્ય જેજીયતે
યસ્ય શ્રીવદનામ્બુજસ્ય સુષમા રાકેન્દુકોટીરપિ ।
સૌન્દર્યં ચ મનોભવાનપિ બહૂન્ કાન્તિશ્ચ કાદમ્બિનીં
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૨ ॥

નાનારત્ન કિરીટકુણ્ડલમુખૈર્ભૂષાગણૈર્ભૂષિતઃ
શ્રીમત્કૌસ્તુભરત્ન ભવ્યહૃદયઃ શ્રીવત્સસલ્લાઞ્છનઃ ।
વિદ્યુદ્વર્ણસુવર્ણવસ્ત્રરુચિરો યઃ શઙ્ખચક્રાદિભિઃ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૩ ॥

યત્ફાલે મૃગનાભિચારુતિલકો નેત્રેઽબ્જપત્રાયતે
કસ્તૂરીઘનસારકેસરમિલચ્છ્રીગન્ધસારો દ્રવૈઃ ।
ગન્ધૈર્લિપ્તતનુઃ સુગન્ધસુમનોમાલાધરો યઃ પ્રભુઃ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૪ ॥

એતદ્દિવ્યપદં મમાસ્તિ ભુવિ તત્સમ્પશ્યતેત્યાદરા-
દ્ભક્તેભ્યઃ સ્વકરેણ દર્શયતિ યદ્દૃષ્ટ્યાઽતિસૌખ્યં ગતઃ ।
એતદ્ભક્તિમતો મહાનપિ ભવામ્ભોધિર્નદીતિ સ્પૃશન્
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૫ ॥

યઃ સ્વામી સરસસ્તટે વિહરતો શ્રીસ્વામિન્નામ્નઃ સદા
સૌવર્ણાલયમન્દિરો વિધિમુખૈર્બર્હિર્મુખૈઃ સેવિતઃ ।
યઃ શત્રૂન્ હનયન્ નિજાનવતિ ચ શ્રીભૂવરાહાત્મકઃ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૬ ॥

યો બ્રહ્માદિસુરાન્ મુનીંશ્ચ મનુજાન્ બ્રહ્મોત્સવાયાગતાન્
દૃષ્ટ્વા હૃષ્ટમના બભૂવ બહુશસ્તૈરર્ચિતઃ સંસ્તુતઃ ।
તેભ્યો યઃ પ્રદદાદ્વરાન્ બહુવિધાન્ લક્ષ્મીનિવાસો વિભુઃ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૭ ॥

યો દેવો ભુવિ વર્તતે કલિયુગે વૈકુણ્ઠલોકસ્થિતો
ભક્તાનાં પરિપાલનાય સતતં કારુણ્યવારાં નિધિઃ ।
શ્રીશેષાખ્યમહીધ્રમસ્તકમણિર્ભક્તૈકચિન્તામણિ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૮ ॥

શેષાદ્રિપ્રભુમઙ્ગલાષ્ટકમિદં તુષ્ટેન યસ્યેશિતુઃ
પ્રીત્યર્થં રચિતં રમેશચરણદ્વન્દ્વૈકનિષ્ટાવતા ।
વૈવાહ્યાદિશુભક્રિયાસુ પઠિતં યૈઃ સાધુ તેષામપિ
શ્રીમદ્વેઙ્કટભૂધરેન્દ્રરમણઃ કુર્યાદ્ધરિર્મઙ્ગલમ્ ॥ ૯ ॥

॥ ઇતિ શ્રી વેઙ્કટેશ મઙ્ગલાષ્ટકમ્ સમ્પૂર્ણમ્ ॥

– Chant Stotra in Other Languages –

Sri Vishnu Slokam » Sri Venkatesha Mangalashtakam Lyrics in Sanskrit » English » Bengali » Kannada » Malayalam » Odia » Telugu » Tamil