॥ Sri Venkatesha Mangalashtakam Malayalam Lyrics ॥
॥ ശ്രീവേങ്കടേശ മങ്ഗലാഷ്ടകം ॥
ശ്രീക്ഷോണ്യൌ രമണീയുഗം സുരമണീപുത്രോഽപി വാണീപതിഃ
പൌത്രശ്ചന്ദ്രശിരോമണിഃ ഫണിപതിഃ ശയ്യാ സുരാഃ സേവകാഃ ।
താര്‍ക്ഷ്യോ യസ്യ രഥോ മഹശ്ച ഭവനം ബ്രഹ്മാണ്ഡമാദ്യഃ പുമാന്‍
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 1 ॥
യത്തേജോ രവികോടികോടികിരണാന്‍ ധിക്കൃത്യ ജേജീയതേ
യസ്യ ശ്രീവദനാംബുജസ്യ സുഷമാ രാകേന്ദുകോടീരപി ।
സൌന്ദര്യം ച മനോഭവാനപി ബഹൂന്‍ കാന്തിശ്ച കാദംബിനീം
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 2 ॥
നാനാരത്ന കിരീടകുണ്ഡലമുഖൈര്‍ഭൂഷാഗണൈര്‍ഭൂഷിതഃ
ശ്രീമത്കൌസ്തുഭരത്ന ഭവ്യഹൃദയഃ ശ്രീവത്സസല്ലാഞ്ഛനഃ ।
വിദ്യുദ്വര്‍ണസുവര്‍ണവസ്ത്രരുചിരോ യഃ ശങ്ഖചക്രാദിഭിഃ
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 3 ॥
യത്ഫാലേ മൃഗനാഭിചാരുതിലകോ നേത്രേഽബ്ജപത്രായതേ
കസ്തൂരീഘനസാരകേസരമിലച്ഛ്രീഗന്ധസാരോ ദ്രവൈഃ ।
ഗന്ധൈര്ലിപ്തതനുഃ സുഗന്ധസുമനോമാലാധരോ യഃ പ്രഭുഃ
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 4 ॥
ഏതദ്ദിവ്യപദം മമാസ്തി ഭുവി തത്സമ്പശ്യതേത്യാദരാ-
ദ്ഭക്തേഭ്യഃ സ്വകരേണ ദര്‍ശയതി യദ്ദൃഷ്ട്യാഽതിസൌഖ്യം ഗതഃ ।
ഏതദ്ഭക്തിമതോ മഹാനപി ഭവാംഭോധിര്‍നദീതി സ്പൃശന്‍
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 5 ॥
യഃ സ്വാമീ സരസസ്തടേ വിഹരതോ ശ്രീസ്വാമിന്നാംനഃ സദാ
സൌവര്‍ണാലയമന്ദിരോ വിധിമുഖൈര്‍ബര്‍ഹിര്‍മുഖൈഃ സേവിതഃ ।
യഃ ശത്രൂന്‍ ഹനയന്‍ നിജാനവതി ച ശ്രീഭൂവരാഹാത്മകഃ
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 6 ॥
യോ ബ്രഹ്മാദിസുരാന്‍ മുനീംശ്ച മനുജാന്‍ ബ്രഹ്മോത്സവായാഗതാന്‍
ദൃഷ്ട്വാ ഹൃഷ്ടമനാ ബഭൂവ ബഹുശസ്തൈരര്‍ചിതഃ സംസ്തുതഃ ।
തേഭ്യോ യഃ പ്രദദാദ്വരാന്‍ ബഹുവിധാന്‍ ലക്ഷ്മീനിവാസോ വിഭുഃ
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 7 ॥
യോ ദേവോ ഭുവി വര്‍തതേ കലിയുഗേ വൈകുണ്ഠലോകസ്ഥിതോ
ഭക്താനാം പരിപാലനായ സതതം കാരുണ്യവാരാം നിധിഃ ।
ശ്രീശേഷാഖ്യമഹീധ്രമസ്തകമണിര്‍ഭക്തൈകചിന്താമണി
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 8 ॥
ശേഷാദ്രിപ്രഭുമങ്ഗലാഷ്ടകമിദം തുഷ്ടേന യസ്യേശിതുഃ
പ്രീത്യര്‍ഥം രചിതം രമേശചരണദ്വന്ദ്വൈകനിഷ്ടാവതാ ।
വൈവാഹ്യാദിശുഭക്രിയാസു പഠിതം യൈഃ സാധു തേഷാമപി
ശ്രീമദ്വേങ്കടഭൂധരേന്ദ്രരമണഃ കുര്യാദ്ധരിര്‍മങ്ഗലം ॥ 9 ॥
॥ ഇതി ശ്രീ വേങ്കടേശ മങ്ഗലാഷ്ടകം സമ്പൂര്‍ണം ॥
– Chant Stotra in Other Languages –
Sri Vishnu Slokam » Sri Venkatesha Mangalashtakam Lyrics in Sanskrit » English » Bengali » Gujarati » Kannada » Odia » Telugu » Tamil