॥ Sri Vilapa Kusumanjali Odia Lyrics ॥
ଶ୍ରୀଵିଲାପକୁସୁମାଞ୍ଜଲିଃ
ତ୍ଵଂ ରୂପମଞ୍ଜରି ସଖି ପ୍ରଥିତା ପୁରେଽସ୍ମି-
ନ୍ପୁଂସଃ ପରସ୍ୟ ଵଦନଂ ନ ହି ପଶ୍ୟସୀତି ।
ବିମ୍ବାଧରେ କ୍ଷତମନାଗତଭର୍ତୃକାୟା
ୟତ୍ତେ ଵ୍ୟଧାୟି କିମୁ ତଚ୍ଛୁକପୁଙ୍ଗଵେନ ॥ ୧ ॥ (ଵସନ୍ତ)
ସ୍ଥଲକମଲିନି ୟୁକ୍ତଂ ଗର୍ଵିତା କାନନେଽସ୍ମି-
ନ୍ପ୍ରଣୟସି ଵରହାସ୍ୟଂ ପୁଷ୍ପଗୁଚ୍ଛଚ୍ଛଲେନ ।
ଅପି ନିଖିଲଲତାସ୍ତାଃ ସୌରଭାକ୍ତାଃ ସ ମୁଞ୍ଚ-
ନ୍ମୃଗୟତି ତଵ ମାର୍ଗଂ କୃଷ୍ଣଭୃଙ୍ଗୋ ୟଦଦ୍ୟ ॥ ୨ ॥ (ମାଲିନୀ)
ଵ୍ରଜେନ୍ଦ୍ରଵସତିସ୍ଥଲେ ଵିଵିଧଵଲ୍ଲଵୀସଙ୍କୁଲେ
ତ୍ଵମେଵ ରତିମଞ୍ଜରି ପ୍ରଚୁରପୁଣ୍ୟପୁଞ୍ଜୋଦୟା ।
ଵିଲାସଭରଵିସ୍ମୃତପ୍ରଣୟିମେଖଲାମାର୍ଗଣେ
ୟଦଦ୍ୟ ନିଜନାଥୟା ଵ୍ରଜତି ନାଥିତା କନ୍ଦରମ୍ ॥ ୩ ॥ (ପୃଥ୍ଵୀ)
ପ୍ରଭୁରପି ୟଦୁନନ୍ଦନୋ ଚ ଏଷ
ପ୍ରିୟୟଦୁନନ୍ଦନ ଉନ୍ନତପ୍ରଭାଵଃ ।
ସ୍ଵୟମତୁଲକୃପାମୃତାଭିଷେକଂ
ମମ କୃତଵାଂସ୍ତମହଂ ଗୁରୁଂ ପ୍ରପଦ୍ୟେ ॥ ୪ ॥ (ପୁଷ୍ପିତାଗ୍ରା)
ୟୋ ମାଂ ଦୁସ୍ତରଗେହନିର୍ଜଲମହାକୂପାଦପାରକ୍ଲମା-
ତ୍ସଦ୍ୟଃ ସାନ୍ଦ୍ରଦୟାମ୍ବୁଧିଃ ପ୍ରକୃତିତଃ ସ୍ଵୈରୀ କୃପାରଜ୍ଜୁଭିଃ ।
ଉଦ୍ଧୃତ୍ୟାତ୍ମସରୋଜନିନ୍ଦିଚରଣପ୍ରାନ୍ତଂ ପ୍ରପାଦ୍ୟ ସ୍ଵୟଂ
ଶ୍ରୀଦାମୋଦରସାଚ୍ଚକାର ତମହଂ ଚୈତନ୍ୟଚନ୍ଦ୍ରଂ ଭଜେ ॥ ୫ ॥ (ଶାର୍ଦୂଲ)
ଵୈରାଗ୍ୟୟୁଗ୍ଭକ୍ତିରସପ୍ରୟତ୍ନୈ-
ରପାୟୟନ୍ମାମନଭୀପ୍ସୁମନ୍ଧମ୍ ।
କୃପାମ୍ବୁଧିର୍ୟଃ ପରଦୁଃଖଦୁଃଖୀ
ସନାତନଂ ତଂ ପ୍ରଭୁମାଶ୍ରୟାମି ॥ ୬ ॥ (ଉପଜାତି)
ଅତ୍ୟୁତ୍କଟେନ ନିତରାଂ ଵିରହାନଲେନ
ଦନ୍ଦହ୍ୟମାନହୃଦୟା କିଲ କାପି ଦାସୀ ।
ହା ସ୍ଵାମିନି କ୍ଷଣମିହ ପ୍ରଣୟେନ ଗାଢଂ
ଆକ୍ରନ୍ଦନେନ ଵିଧୁରା ଵିଲପାମି ପଦ୍ୟୈଃ ॥ ୭ ॥ (ଵସନ୍ତ)
ଦେଵି ଦୁଃଖକୁଲସାଗରୋଦରେ
ଦୂୟମାନମତିଦୁର୍ଗତଂ ଜନମ୍ ।
ତ୍ଵଂ କୃପାପ୍ରବଲନୌକୟାଦ୍ଭୁତଂ
ପ୍ରାପୟ ସ୍ଵପଦପଙ୍କଜାଲୟମ୍ ॥ ୮ ॥ (ରଥୋଦ୍ଧତା)
ତ୍ଵଦଲୋକନକାଲାହିଦଂଶୈରେଵ ମୃତଂ ଜନମ୍ ।
ତ୍ଵତ୍ପାଦାବ୍ଜମିଲଲ୍ଲାକ୍ଷାଭେଷଜୈର୍ଦେଵି ଜୀଵୟ ॥ ୯ ॥ (ଅନୁଷ୍ଟୁଭ୍)
ଦେଵି ତେ ଚରଣପଦ୍ମଦାସିକାଂ
ଵିପ୍ରୟୋଗଭରଦାଵପାଵକୈଃ ।
ଦହ୍ୟମାନତରକାୟଵଲ୍ଲରୀଂ
ଜୀଵୟ କ୍ଷଣନିରୀକ୍ଷଣାମୃତୈଃ ॥ ୧୦ ॥ (ରଥୋଦ୍ଧତା)
ସ୍ଵପ୍ନେଽପି କିଂ ସୁମୁଖି ତେ ଚରଣାମ୍ବୁଜାତ
ରାଜତ୍ପରାଗପଟଵାସଵିଭୂଷଣେନ ।
ଶୋଭାଂ ପରାମତିତରାମହହୋତ୍ତମାଙ୍ଗଂ
ବିଭ୍ରଦ୍ଭଵିଷ୍ୟତି କଦା ମମ ସାର୍ଥନାମା ॥ ୧୧ ॥ (ଵସନ୍ତ)
ଅମୃତାବ୍ଧିରସପ୍ରାୟୈସ୍ତଵ ନୂପୁରସିଞ୍ଜିତୈଃ ।
ହା କଦା ମମ କଲ୍ୟାଣି ଵାଧିର୍ୟମପନେଷ୍ୟତେ ॥ ୧୨ ॥ (ଅନୁଷ୍ଟୁଭ୍)
ଶଶକଭୃଦଭିସାରେ ନେତ୍ରଭୃଙ୍ଗାଞ୍ଚଲାଭ୍ୟାଂ
ଦିଶି ଵିଦିଶି ଭୟେନୋଦ୍ଘୁର୍ଣିତାଭ୍ୟାଂ ଵନାନି ।
କୁଵଲୟଦଲକୋଷାଣ୍ୟେଵ କୢପ୍ତାନି ୟାଭ୍ୟାଂ
କିମୁ କିଲ କଲନୀୟୋ ଦେଵି ତାଭ୍ୟାଂ ଜନୋଽୟମ୍ ॥ ୧୩ ॥ (ମାଲିନୀ)
ୟଦଵଧି ମମ କାଚିନ୍ମଞ୍ଜରୀ ରୂପପୂର୍ଵା
ଵ୍ରଜଭୁଵି ବତ ନେତ୍ରଦ୍ଵନ୍ଦ୍ଵଦୀପ୍ତିଂ ଚକାର ।
ତଦଵଧି ତଵ ଵୃନ୍ଦାରଣ୍ୟରାଜ୍ଞି ପ୍ରକାମଂ
ଚରଣକମଲଲାକ୍ଷାସନ୍ଦିଦୃକ୍ଷା ମମାଭୂତ୍ ॥ ୧୪ ॥ (ମାଲିନୀ)
ୟଦା ତଵ ସରୋଵରଂ ସରସଭୃଙ୍ଗସଙ୍ଘୋଲ୍ଲସ-
ନ୍ସରୋରୁହକୁଲୋଜ୍ଜ୍ଵଲଂ ମଧୁରଵାରିସମ୍ପୂରିତମ୍ ।
ସ୍ଫୁଟତ୍ସରସିଜାକ୍ଷି ହେ ନୟନୟୁଗ୍ମସାକ୍ଷାଦ୍ବଭୌ
ତଦୈଵ ମମ ଲାଲସାଜନି ତଵୈଵ ଦାସ୍ୟେ ରସେ ॥ ୧୫ ॥ (ପୃଥ୍ଵୀ)
ପାଦାବ୍ଜୟୋସ୍ତଵ ଵିନା ଵରଦାସ୍ୟମେଵ
ନାନ୍ୟତ୍କଦାପି ସମୟେ କିଲ ଦେଵି ୟାଚେ ।
ସଖ୍ୟାୟ ତେ ମମ ନମୋଽସ୍ତୁ ନମୋଽସ୍ତୁ ନିତ୍ୟଂ
ଦାସ୍ୟାସ୍ୟ ତେ ମମ ରସୋଽସ୍ତୁ ରସୋଽସ୍ତୁ ସତ୍ୟମ୍ ॥ ୧୬ ॥ (ଵସନ୍ତ)
ଅତିସୁଲଲିତଲାକ୍ଷାଶ୍ଲିଷ୍ଟସୌଭାଗ୍ୟମୁଦ୍ରା
ତତିଭିରଧିକତୁଷ୍ଟ୍ୟା ଚିହ୍ନିତୀକୃତ୍ୟ ବାହୂ ।
ନଖଦଲିତହରିଦ୍ରାଗର୍ଵଗୌରି ପ୍ରିୟାଂ ମେ
ଚରଣକମଲସେଵାଂ ହା କଦା ଦାସ୍ୟସି ତ୍ଵମ୍ ॥ ୧୭ ॥ (ମାଲିନୀ)
ପ୍ରଣାଲୀଂ କୀଲାଲୈର୍ବହୁଭିରଭି ସଙ୍କ୍ଷାଲ୍ୟ ମଧୁରୈ-
ର୍ମୁଦା ସମ୍ମାର୍ଜ୍ୟ ସ୍ଵୈର୍ଵିଵୃତକଚଵୃନ୍ଦୈଃ ପ୍ରିୟତୟା ।
କଦା ବାହ୍ୟାଗାରଂ ଵରପରିମଲୈର୍ଧୂପନିଵହୈ-
ର୍ଵିଧାସ୍ୟେ ତେ ଦେଵି ପ୍ରତିଦିନମହୋ ଵାସିତମହମ୍ ॥ ୧୮ ॥ (ଶିଖରିଣୀ)
ପ୍ରାତଃ ସୁଧାଂଶୁମିଲିତାଂ ମୃଦମତ୍ର ୟତ୍ନା-
ଦାହୃତ୍ୟ ଵାସିତପୟଶ୍ଚ ଗୃହାନ୍ତରେ ଚ ।
ପାଦାମ୍ବୁଜେ ବତ କଦା ଜଲଧାରୟା ତେ
ପ୍ରକ୍ଷାଲ୍ୟ ଭାଵିନି କଚୈରିହ ମାର୍ଜୟାମି ॥ ୧୯ ॥ (ଵସନ୍ତ)
ପ୍ରକ୍ଷାଲ୍ୟ ପାଦକମଲଂ କୃତଦାନ୍ତକାଷ୍ଠାଂ
ସ୍ନାନାର୍ଥମନ୍ୟସଦନେ ଭଵତୀଂ ନିଵିଷ୍ଟାମ୍ ।
ଅଭ୍ୟଜ୍ୟ ଗନ୍ଧିତତରୈରିହ ତୈଲପୂରୈଃ
ପ୍ରୋଦ୍ଵର୍ତୟିଷ୍ୟତି କଦା କିମୁ କିଙ୍କରୀୟମ୍ ॥ ୨୦ ॥ (ଵସନ୍ତ)
ଅୟି ଵିମଲଜଲାନାଂ ଗନ୍ଧକର୍ପୂରପୁଷ୍ପୈ-
ର୍ଜିତଵିଧୁମୁଖପଦ୍ମେ ଵାସିତାନାଂ ଘଟୋଘୈଃ ।
ପ୍ରଣୟଲଲିତସଖ୍ୟା ଦୀୟମାନୈଃ ପୁରସ୍ତା-
ତ୍ତଵ ଵରମଭିଷେକଂ ହା କଦାହଂ କରିଷ୍ୟେ ॥ ୨୧ ॥ (ମାଲିନୀ)
ପାନୀୟଂ ଚୀନଵସ୍ତ୍ରୈଃ ଶଶିମୁଖି ଶନକୈ ରମ୍ୟମୃଦ୍ଵଙ୍ଗୟଷ୍ଟେ-
ର୍ୟତ୍ନାଦୁତ୍ସାର୍ୟ ମୋଦାଦ୍ଦିଶି ଦିଶି ଵିଚଲନ୍ନେତ୍ରମୀନାଞ୍ଚଲାୟାଃ ।
ଶ୍ରୋଣୌ ରକ୍ତଂ ଦୁକୂଲଂ ତଦପରମତୁଲଂ ଚାରୁନୀଲଂ ଶିରୋଽଗ୍ରା-
ତ୍ସର୍ଵାଙ୍ଗେଷୁ ପ୍ରମୋଦାତ୍ପୁଲକିତଵପୁଷା କିଂ ମୟା ତେ ପ୍ରୟୋଜ୍ୟମ୍ ॥ ୨୨ ॥ (ସ୍ରଗ୍ଧରା)
ପ୍ରକ୍ଷାଲ୍ୟ ପାଦକମଲଂ ତଦନୁକ୍ରମେଣ
ଗୋଷ୍ଠେନ୍ଦ୍ରସୂନୁଦୟିତେ ତଵ କେଶପାଶମ୍ ।
ହା ନର୍ମଦାଗ୍ରଥିତସୁନ୍ଦରସୂକ୍ଷ୍ମମାଲ୍ୟୈ-
ର୍ଵେଣୀଂ କରିଷ୍ୟତି କଦା ପ୍ରଣୟୈର୍ଜନୋଽୟମ୍ ॥ ୨୩ ॥ (ଵସନ୍ତ)
ସୁଭଗମୃଗମଦେନାଖଣ୍ଡଶୁଭ୍ରାଂଶୁଵତ୍ତେ
ତିଲକମିହ ଲଲାଟେ ଦେଵି ମୋଦାଦ୍ଵିଧାୟ ।
ମସୃଣଘୁସୃଣଚର୍ଚାମର୍ପୟିତ୍ଵା ଚ ଗାତ୍ରେ
ସ୍ତନୟୁଗମପି ଗନ୍ଧୈଶ୍ଚିତ୍ରିତଂ କିଂ କରିଷ୍ୟେ ॥ ୨୪ ॥ (ମାଲିନୀ)
ସିନ୍ଦୂରରେଖା ସୀମନ୍ତେ ଦେଵି ରତ୍ନଶଲାକୟା ।
ମୟା ୟା କଲ୍ପିତା କିଂ ତେ ସାଲକାଞ୍ଛୋଭୟିଷ୍ୟତି ॥ ୨୫ ॥ (ଅନୁଷ୍ଟୁଭ୍)
ହନ୍ତ ଦେଵି ତିଲକସ୍ୟ ସମନ୍ତା-
ଦ୍ବିନ୍ଦଵୋଽରୁଣସୁଗନ୍ଧିରସେନ ।
କୃଷ୍ଣମାଦନମହୌଷଧିମୁଖ୍ୟା
ଧୀରହସ୍ତମିହ କିଂ ପରିକଲ୍ପ୍ୟାଃ ॥ ୨୬ ॥ (ସ୍ଵାଗତା)
ଗୋଷ୍ଠେନ୍ଦ୍ରପୁତ୍ରମଦଚିତ୍ତକରୀନ୍ଦ୍ରରାଜ
ବନ୍ଧାୟ ପୁଷ୍ପଧନୁଷଃ କିଲ ବଦ୍ଧରଜ୍ଜ୍ଵୋଃ ।
କିଂ କର୍ଣୟୋସ୍ତଵ ଵରୋରୁ ଵରାଵତଂସ
ୟୁଗ୍ମେନ ଭୂଷଣମହଂ ସୁଖିତା କରିଷ୍ୟେ ॥ ୨୭ ॥ (ଵସନ୍ତ)
ୟା ତେ କଞ୍ଚୁଲିରତ୍ର ସୁନ୍ଦରି ମୟା ଵକ୍ଷୋଜୟୋରର୍ପିତା
ଶ୍ୟାମାଚ୍ଛାଦନକାମ୍ୟୟା କିଲ ନ ସାସତ୍ୟେତି ଵିଜ୍ଞାୟତାମ୍ ।
କିନ୍ତୁ ସ୍ଵାମିନି କୃଷ୍ଣ ଏଵ ସହସା ତତ୍ତାମଵାପ୍ୟ ସ୍ଵୟଂ
ପ୍ରାଣେଭ୍ୟୋଽପ୍ୟଧିକଂ ସ୍ଵକଂ ନିଧିୟୁଗଂ ସଙ୍ଗୋପୟତ୍ୟେଵ ହି ॥ ୨୮ ॥ (ଶାର୍ଦୂଲ)
ନାନାମଣିପ୍ରକରଗୁମ୍ଫିତଚାରୁପୁଷ୍ଟା
ମୁକ୍ତାସ୍ରଜସ୍ତଵ ସୁଵକ୍ଷସି ହେମଗୌରି ।
ଶ୍ରାନ୍ତ୍ୟାଭୃତାଲସମୁକୁନ୍ଦସୁତୂଲିକାୟାଂ
କିଂ କଲ୍ପୟିଷ୍ୟତିତରାଂ ତଵ ଦାସିକେୟମ୍ ॥ ୨୯ ॥ (ଵସନ୍ତ)
ମଣିଚୟଖଚିତାଭିର୍ନୀଲଚୂଡାଵଲୀଭି-
ର୍ହରିଦୟିତକଲାଵିଦ୍ଦ୍ଵନ୍ଦ୍ଵମିନ୍ଦୀଵରାକ୍ଷି ।
ଅପି ବତ ତଵ ଦିଵ୍ୟୈରଙ୍ଗୁଲୀରଙ୍ଗୁଲୀୟୈଃ
କ୍ଵଚିଦପି କିଲ କାଲେ ଭୂଷୟିଷ୍ୟାମି କିଂ ନୁ ॥ ୩୦ ॥ (ମାଲିନୀ)
ପାଦାମ୍ଭୋଜେ ମଣିମୟତୁଲାକୋଟିୟୁଗ୍ମେନ ୟତ୍ନା-
ଦଭ୍ୟର୍ଚେ ତଦ୍ଦଲକୁଲମପି ପ୍ରେଷ୍ଟପାଦାଙ୍ଗୁଲୀୟୈଃ ।
କାଞ୍ଚୀଦାମ୍ନା କଟିତଟମିଦଂ ପ୍ରେମପୀଠଂ ସୁନେତ୍ରେ
କଂସାରାତେରତୁଲମଚିରାଦର୍ଚୟିଷ୍ୟାମି କିଂ ତେ ॥ ୩୧ ॥ (ମନ୍ଦାକ୍ରାନ୍ତା)
ଲଲିତତରମୃଣାଲୀକଲ୍ପବାହୁଦ୍ଵୟଂ ତେ
ମୁରଜୟିମତିହଂସୀଧୈର୍ୟଵିଧ୍ଵଂସଦକ୍ଷମ୍ ।
ମଣିକୁଲରଚିତାଭ୍ୟାମଙ୍ଗଦାଭ୍ୟାଂ ପୁରସ୍ତା-
ତ୍ପ୍ରମଦଭରଵିନମ୍ରା କଲ୍ପୟିଷ୍ୟାମି କିଂ ଵା ॥ ୩୨ ॥ (ମାଲିନୀ)
ରାସୋତ୍ସଵେ ୟ ଇହ ଗୋକୁଲଚନ୍ଦ୍ରବାହୁ
ସ୍ପର୍ଶେନ ସୌଭଗଭରଂ ନିତରାମଵାପ ।
ଗ୍ରୈଵେୟକେଣ କିଂ ତଂ ତଵ କଣ୍ଠଦେଶଂ
ସମ୍ପୂଜୟିଷ୍ୟତି ପୁନଃ ସୁଭଗେ ଜନୋଽୟମ୍ ॥ ୩୩ ॥ (ଵସନ୍ତ)
ଦତ୍ତଃ ପ୍ରଲମ୍ବରିପୁଣୋଦ୍ଭଟଶଙ୍ଖଚୂଡ
ନାଶାତ୍ପ୍ରତୋଷି ହୃଦୟଂ ମଧୁମଙ୍ଗଲସ୍ୟ ।
ହସ୍ତେନ ୟଃ ସୁମୁଖି କୌସ୍ତୁଭମିତ୍ରମେତଂ
କିଂ ତେ ସ୍ୟମନ୍ତକମଣିଂ ତରଲଂ କରିଷ୍ୟେ ॥ ୩୪ ॥ (ଵସନ୍ତ)
ପ୍ରାନ୍ତଦ୍ଵୟେ ପରିଵିରାଜିତଗୁଚ୍ଛୟୁଗ୍ମ
ଵିଭ୍ରାଜିତେନ ନଵକାଞ୍ଚନଡୋରକେଣ ।
କ୍ଷୀଣଂ ତ୍ରୁଟତ୍ୟଥ କୃଶୋଦରି ଚେଦିତୀଵ
ବଧ୍ନାମି ଭୋସ୍ତଵ କଦାତିଭୟେନ ମଧ୍ୟମ୍ ॥ ୩୫ ॥ (ଵସନ୍ତ)
କନକଗୁଣିତମୁଚ୍ଚୈର୍ମୌକ୍ତିକଂ ମତ୍କରାତ୍ତେ
ତିଲକକୁସୁମଵିଜେତ୍ରୀ ନାସିକା ସା ସୁଵୃତ୍ତମ୍ ।
ମଧୁମଥନମହାଲିକ୍ଷୋଭକଂ ହେମଗୌରି
ପ୍ରକଟତରମରନ୍ଦପ୍ରାୟମାଦାସ୍ୟତେ କିମ୍ ॥ ୩୬ ॥ (ମାଲିନୀ)
ଅଙ୍ଗଦେନ ତଵ ଵାମଦୋଃସ୍ଥଲେ
ସ୍ଵର୍ଣଗୌରି ନଵରତ୍ନମାଲିକାମ୍ ।
ପଟ୍ଟଗୁଚ୍ଛପରିଶୋଭିତାମିମାଂ
ଆଜ୍ଞୟା ପରିଣୟାମି ତେ କଦା ॥ ୩୭ ॥ (ରଥୋଦ୍ଧତା)
କର୍ଣୟୋରୁପରି ଚକ୍ରଶଲାକେ
ଚଞ୍ଚଲାକ୍ଷି ନିହିତେ ମୟକା ତେ ।
କ୍ଷୋଭକଂ ନିଖିଲଗୋପଵଧୂନାଂ
ଚକ୍ରଵଦ୍ଭ୍ରମୟତାଂ ମୁରଶତ୍ରୁମ୍ ॥ ୩୮ ॥
କଦା ତେ ମୃଗଶାଵାକ୍ଷି
ଚିବୁକେ ମୃଗନାଭିନା ।
ବିନ୍ଦୁମୁଲ୍ଲାସୟିଷ୍ୟାମି
ମୁକୁନ୍ଦାମୋଦମନ୍ଦିରେ ॥ ୩୯ ॥ (ଅନୁଷ୍ଟୁଭ୍)
ଦଶନାଂସ୍ତେ କଦା ରକ୍ତ
ରେଖାଭିର୍ଭୂଷୟାମ୍ୟହମ୍ ।
ଦେଵି ମୁକ୍ତାଫଲାନୀହ
ପଦ୍ମରାଗଗୁଣୈରିହ ॥ ୪୦ ॥ (ଅନୁଷ୍ଟୁଭ୍)
ଉତ୍ଖାଦିରେଣ ନଵଚନ୍ଦ୍ରଵିରାଜିତେନ
ରାଗେଣ ତେ ଵରସୁଧାଧରବିମ୍ବୟୁଗ୍ମେ ।
ଗାଙ୍ଗେୟଗାତ୍ରି ମୟକା ପରିରଞ୍ଜିତେଽସ୍ମି-
ନ୍ଦଂଶଂ ଵିଧାସ୍ୟତି ହଠାତ୍କିମୁ କୃଷ୍ଣକୀରଃ ॥ ୪୧ ॥ (ଵସନ୍ତତିଲକ)
ୟତ୍ପ୍ରାନ୍ତଦେଶଲଵଲେଶଵିଘୂର୍ଣିତେନ
ବଦ୍ଧଃ କ୍ଷଣାଦ୍ଭଵତି କୃଷ୍ଣକରୀନ୍ଦ୍ର ଉଚ୍ଚୈଃ ।
ତତ୍ଖଞ୍ଜରୀଟଜୟିନେତ୍ରୟୁଗଂ କଦାୟଂ
ସମ୍ପୂଜୟିଷ୍ୟତି ଜନସ୍ତଵ କଜ୍ଜଲେନ ॥ ୪୨ ॥ (ଵସନ୍ତ)
ୟସ୍ୟାଙ୍କରଞ୍ଜିତଶିରାସ୍ତଵ ମାନଭଙ୍ଗେ
ଗୋଷ୍ଠେନ୍ଦ୍ରସୂନୁରଧିକାଂ ସୁଷମାମୁପୈତି ।
ଲାକ୍ଷାରସଂ ସ ଚ କଦା ପଦୟୋରଧସ୍ତେ
ନ୍ୟସ୍ତୋ ମୟାପ୍ୟତିତରାଂ ଛଵିମାପ୍ସ୍ୟତୀହ ॥ ୪୩ ॥ (ଵସନ୍ତ)
କଲାଵତି ନତାଂସୟୋଃ ପ୍ରଚୁରକାମପୁଞ୍ଜୋଜ୍ଜ୍ଵଲ-
ତ୍କଲାନିଧିମୁରଦ୍ଵିଷଃ ପ୍ରକଟରାସସମ୍ଭାଵୟୋଃ ।
ଭ୍ରମଦ୍ଭ୍ରମରଝଙ୍କୃତୈର୍ମଧୁରମଲ୍ଲିମାଲାଂ ମୁଦା
କଦା ତଵ ତୟୋଃ ସମର୍ପୟତି ଦେଵି ଦାସୀଜନଃ ॥ ୪୪ ॥
ସୂର୍ୟାୟ ସୂର୍ୟମଣିନିର୍ମିତଵେଦିମଧ୍ୟେ
ମୁଗ୍ଧାଙ୍ଗି ଭାଵତ ଇହାଲିକୁଲୈର୍ଵୃତାୟାଃ ।
ଅର୍ଘଂ ସମର୍ପୟିତୁମୁତ୍କଧିୟସ୍ତଵାରା-
ତ୍ସଜ୍ଜାନି କିଂ ସୁମୁଖି ଦାସ୍ୟତି ଦାସିକେୟମ୍ ॥ ୪୫ ॥
ଵ୍ରଜପୁରପତିରାଜ୍ଞ୍ୟା ଆଜ୍ଞୟା ମିଷ୍ଠମନ୍ନଂ
ବହୁଵିଧମତିୟତ୍ନାତ୍ସ୍ଵେନ ପକ୍ଵଂ ଵରୋରୁ ।
ସପଦି ନିଜସଖୀନାଂ ମଦ୍ଵିଧାନାଂ ଚ ହସ୍ତୈ-
ର୍ମଧୁମଥନନିମିତ୍ତଂ କିଂ ତ୍ଵୟା ସନ୍ନିଧାସ୍ୟମ୍ ॥ ୪୬ ॥
ନୀତାନ୍ନମଦ୍ଵିଧଲଲାଟତଟେ ଲଲାଟଂ
ପ୍ରୀତ୍ୟା ପ୍ରଦାୟ ମୁଦିତା ଵ୍ରଜରାଜରାଜ୍ଞୀ ।
ପ୍ରେମ୍ଣା ପ୍ରସୂରିଵ ଭଵତ୍କୁଶଲସ୍ୟ ପୃଚ୍ଛାଂ
ଭଵ୍ୟେ ଵିଧାସ୍ୟତି କଦା ମୟି ତାଵକତ୍ଵାତ୍ ॥ ୪୭ ॥
କୃଷ୍ଣଵକ୍ତ୍ରାମ୍ବୁଜୋଚ୍ଛିଷ୍ଟଂ
ପ୍ରସାଦଂ ପରମାଦରାତ୍ ।
ଦତ୍ତଂ ଧନିଷ୍ଠୟା ଦେଵି
କିମାନେଷ୍ୟାମି ତେଽଗ୍ରତଃ ॥ ୪୮ ॥ (ଅନୁଷ୍ଟୁଭ୍)
ନାନାଵିଧୈରମୃତସାରରସାୟନୈସ୍ତୈଃ
କୃଷ୍ଣପ୍ରସାଦମିଲିତୈରିହ ଭୋଜ୍ୟପେୟୈଃ ।
ହା କୁଙ୍କୁମାଙ୍ଗି ଲଲିତାଦିସଖୀଵୃତା ତ୍ଵଂ
ୟତ୍ନାନ୍ମୟା କିମୁତ୍ତରାମୁପଭୋଜନୀୟା ॥ ୪୯ ॥ (ଵସନ୍ତ)
ପାନାୟ ଵାରି ମଧୁରଂ ନଵପାଟଲାଦି
କର୍ପୂରଵାସିତତରଂ ତରଲାକ୍ଷି ଦତ୍ତ୍ଵା ।
କାଲେ କଦା ତଵ ମୟାଚମନୀୟଦନ୍ତ
କାଷ୍ଠାଦିକଂ ପ୍ରଣୟତଃ ପରମର୍ପଣୀୟମ୍ ॥ ୫୦ ॥ (ଵସନ୍ତ)
(ୟୁଗ୍ମକମ୍)
ଭୋଜନସ୍ୟ ସମୟେ ତଵ ୟତ୍ନା-
ତ୍ଦେଵି ଧୂପନିଵହାନ୍ଵରଗନ୍ଧାନ୍।
ବୀଜନାଦ୍ୟମପି ତତ୍କ୍ଷଣୟୋଗ୍ୟଂ
ହା କଦା ପ୍ରଣୟତଃ ପ୍ରଣୟାମି ॥ ୫୧ ॥ (ସ୍ଵାଗତା)
କର୍ପୂରପୂରପରିପୂରିତନାଗଵଲ୍ଲୀ
ପର୍ଣାଦିପୂଗପରିକଲ୍ପିତଵୀଟିକାଂ ତେ ।
ଵକ୍ତ୍ରାମ୍ବୁଜେ ମଧୁରଗାତ୍ରି ମୁଦା କଦାହଂ
ପ୍ରୋତ୍ଫୁଲ୍ଲରୋମନିକରୈଃ ପରମର୍ପୟାମି ॥ ୫୨ ॥ (ଵସନ୍ତ)
ଆରାତ୍ରିକେଣ ଭଵତୀଂ କିମୁ ଦେଵି ଦେଵୀଂ
ନିର୍ମଞ୍ଛୟିଷ୍ୟତିତରାଂ ଲଲିତା ପ୍ରମୋଦାତ୍ ।
ଅନ୍ୟାଲୟଶ୍ଚ ନଵମଙ୍ଗଲଗାନପୁଷ୍ପୈଃ
ପ୍ରାଣାର୍ବୁଦୈରପି କଚୈରପି ଦାସିକେୟମ୍ ॥ ୫୩ ॥
ଆଲୀକୁଲେନ ଲଲିତାପ୍ରମୁଖେନ ସାର୍ଧଂ
ଆତନ୍ଵତୀ ତ୍ଵମିହ ନିର୍ଭରମର୍ମଗୋଷ୍ଠୀମ୍ ।
ମତ୍ପାଣିକଲ୍ପିତମନୋହରକେଲିତଲ୍ପଂ
ଆଭୂଷୟିଷ୍ୟସି କଦା ସ୍ଵପନେନ ଦେଵି ॥ ୫୪ ॥
ସଂଵାହୟିଷ୍ୟତି ପଦୌ ତଵ କିଙ୍କରୀୟଂ
ହା ରୂପମଞ୍ଜରିରସୌ ଚ କରାମ୍ବୁଜେ ଦ୍ଵେ ।
ୟସ୍ମିନ୍ମନୋଜ୍ଞହୃଦୟେ ସଦୟେଽନୟୋଃ କିଂ
ଶ୍ରୀମାନ୍ଭଵିଷ୍ୟତିତରାଂ ଶୁଭଵାସରଃ ସଃ ॥ ୫୫ ॥
ତଵୋଦ୍ଗୀର୍ଣଂ ଭୋଜ୍ୟଂ ସୁମୁଖି କିଲ କଲ୍ଲୋଲସଲିଲଂ
ତଥା ପାଦାମ୍ଭୋଜାମୃତମିହ ମୟା ଭକ୍ତିଲତୟା ।
ଅୟି ପ୍ରେମ୍ଣା ସାର୍ଧଂ ପ୍ରଣୟିଜନଵର୍ଗୈର୍ବହୁଵିଧୈ-
ରହୋ ଲବ୍ଧଵ୍ୟଂ କିଂ ପ୍ରଚୁରତରଭୋଗ୍ୟୋଦୟବଲୈଃ ॥ ୫୬ ॥
ଭୋଜନାଵସରେ ଦେଵି
ସ୍ନେହେନ ସ୍ଵମୁଖାମ୍ବୁଜାତ୍ ।
ମହ୍ୟଂ ତ୍ଵଦ୍ଗତଚିତ୍ତାୟୈ
କିଂ ସୁଧାସ୍ତ୍ଵଂ ପ୍ରଦାସ୍ୟସି ॥ ୫୭ ॥ (ଅନୁଷ୍ଟୁଭ୍)
ଅପି ବତ ରସଵତ୍ୟାଃ ସିଦ୍ଧୟେ ମାଧଵସ୍ୟ
ଵ୍ରଜପତିପୁରମୁଦ୍ୟଦ୍ରୋମରୋମା ଵ୍ରଜନ୍ତୀ ।
ସ୍ଖଲିତଗତିରୁଦଞ୍ଚତ୍ସ୍ଵାନ୍ତସୌଖ୍ୟେନ କିଂ ମେ
କ୍ଵଚିଦପି ନୟନାଭ୍ୟାଂ ଲପ୍ସ୍ୟସେ ସ୍ଵାମିନି ତ୍ଵମ୍ ॥ ୫୮ ॥ (ମାଲିନୀ)
ପାର୍ଶ୍ଵଦ୍ଵୟେ ଲଲିତୟାଥ ଵିଶାଖୟା ଚ
ତ୍ଵାଂ ସର୍ଵତଃ ପରିଜନୈଶ୍ଚ ପରୈଃ ପରୀତାମ୍ ।
ପଶ୍ଚାନ୍ମୟା ଵିଭୃତଭଙ୍ଗୁରମଧ୍ୟଭାଗାଂ
କିଂ ରୂପମଞ୍ଜରିରିୟଂ ପଥି ନେଷ୍ୟତୀହ ॥ ୫୯ ॥
ହମ୍ବାରଵୈରିହ ଗଵାମପି ବଲ୍ଲଵାନାଂ
କୋଲାହଲୈର୍ଵିଵିଧଵନ୍ଦିକଲାଵତାଂ ତୈଃ ।
ସମ୍ଭ୍ରାଜତେ ପ୍ରିୟତୟା ଵ୍ରଜରାଜସୂନୋ-
ର୍ଗୋଵର୍ଧନାଦପି ଗୁରୁର୍ଵ୍ରଜଵନ୍ଦିତାଦ୍ୟଃ ॥ ୬୦ ॥
ପ୍ରାପ୍ତାଂ ନିଜପ୍ରଣୟିନୀପ୍ରକରୈଃ ପରୀତାଂ
ନନ୍ଦୀଶ୍ଵରଂ ଵ୍ରଜମହେନ୍ଦ୍ରମହାଲୟଂ ତମ୍ ।
ଦୂରେ ନିରୀକ୍ଷ୍ୟ ମୁଦିତା ତ୍ଵରିତଂ ଧନିଷ୍ଠା
ତ୍ଵାମାନୟିଷ୍ୟତି କଦା ପ୍ରଣୟୈର୍ମମାଗ୍ରେ ॥ ୬୧ ॥
(ୟୁଗ୍ମକମ୍)
ପ୍ରକ୍ଷାଲ୍ୟ ପାଦକମଲେ କୁଶଲେ ପ୍ରଵିଷ୍ଟା
ନତ୍ଵା ଵ୍ରଜେଶମହିଷୀପ୍ରଭୃତୀର୍ଗୁରୂସ୍ତାଃ ।
ହା କୁର୍ଵତୀ ରସଵତୀଂ ରସଭାକ୍କଦା ତ୍ଵଂ
ସମ୍ମଜ୍ଜୟିଷ୍ୟସିତରାଂ ସୁଖସାଗରେ ମାମ୍ ॥ ୬୨ ॥
ମାଧଵାୟ ନତଵକ୍ତ୍ରମାଦୃତା
ଭୋଜ୍ୟପେୟରସସଞ୍ଚୟଂ କ୍ରମାତ୍ ।
ତନ୍ଵତୀ ତ୍ଵମିହ ରୋହିଣୀକରେ
ଦେଵି ଫୁଲ୍ଲଵଦନଂ କଦେକ୍ଷ୍ୟସେ ॥ ୬୩ ॥
ଭୋଜନେ ଗୁରୁସଭାସୁ କଥଞ୍ଚି-
ନ୍ମାଧଵେନ ନତଦୃଷ୍ଟି ମୁଦୋତ୍କମ୍ ।
ଵୀକ୍ଷ୍ୟମାଣମିହ ତେ ମୁଖପଦ୍ମଂ
ମୋଦୟିଷ୍ୟସି କଦା ମଧୁରେ ମାମ୍ ॥ ୬୪ ॥
ଅୟି ଵିପିନମଟନ୍ତଂ ସୌରଭେୟୀକୁଲାନାଂ
ଵ୍ରଜନୃପତିକୁମାରଂ ରକ୍ଷଣେ ଦୀକ୍ଷିତଂ ତମ୍ ।
ଵିକଲମତିଜନନ୍ୟା ଲାଲ୍ୟମାନଂ କଦା ତ୍ଵଂ
ସ୍ମିତମଧୁରକପୋଲଂ ଵୀକ୍ଷ୍ୟସେ ଵୀକ୍ଷ୍ୟମାଣା ॥ ୬୫ ॥
ଗୋଷ୍ଠେଶୟାଥ କୁତୁକାଚ୍ଛପଥାଦିପୂର୍ଵଂ
ସୁସ୍ନିଗ୍ଧୟା ସୁମୁଖି ମାତୃପରାର୍ଧତୋଽପି ।
ହା ହ୍ରୀମତି ପ୍ରିୟଗଣୈଃ ସହ ଭୋଜ୍ୟମାନାଂ
କିଂ ତ୍ଵାଂ ନିରୀକ୍ଷ୍ୟ ହୃଦୟେ ମୁଦମଦ୍ୟ ଲପ୍ସ୍ୟେ ॥ ୬୬ ॥
ଆଲିଙ୍ଗନେନ ଶିରସଃ ପରିଚୁମ୍ବନେନ
ସ୍ନେହାଵଲୋକନଭରେଣ ଚ ଖଞ୍ଜନାକ୍ଷି ।
ଗୋଷ୍ଠେଶୟା ନଵଵଧୂମିଵ ଲାଲ୍ୟମାନାଂ
ତ୍ଵାଂ ପ୍ରେକ୍ଷ୍ୟ କିଂ ହୃଦି ମହୋତ୍ସଵମାତନିଷ୍ୟେ ॥ ୬୭ ॥
ହା ରୂପମଞ୍ଜରି ସଖି ପ୍ରଣୟେନ ଦେଵୀଂ
ତ୍ଵଦ୍ବାହୁଦତ୍ତଭୁଜଵଲ୍ଲରିମାୟତାକ୍ଷୀମ୍ ।
ପଶ୍ଚାଦହଂ କଲିତକାମତରଙ୍ଗରଙ୍ଗାଂ
ନେଷ୍ୟାମି କିଂ ହରିଵିଭୂଷିତକେଲିକୁଞ୍ଜମ୍ ॥ ୬୮ ॥
ସାକଂ ତ୍ଵୟା ସଖି ନିକୁଞ୍ଜଗୃହେ ସରସ୍ୟାଃ
ସ୍ଵସ୍ୟାସ୍ତଟେ କୁସୁମଭାଵିତଭୂଷଣେନ ।
ଶୃଙ୍ଗାରିତଂ ଵିଦଧତୀ ପ୍ରିୟମୀଶ୍ଵରୀ ସା
ହା ହା ଭଵିଷ୍ୟତି ମଦୀକ୍ଷଣଗୋଚରଃ କିମ୍ ॥ ୬୯ ॥
ଶ୍ରୁତ୍ଵା ଵିଚକ୍ଷଣମୁଖାଦ୍ଵ୍ରଜରାଜସୂନୋଃ
ଶସ୍ତାଭିସାରସମୟଂ ସୁଭଗେଽତ୍ର ହୃଷ୍ଟା ।
ସୂକ୍ଷ୍ମାମ୍ବରୈଃ କୁସୁମସଂସ୍କୃତକର୍ଣପୂର
ହାରାଦିଭିଶ୍ଚ ଭଵତୀଂ କିମଲଙ୍କରିଷ୍ୟେ ॥ ୭୦ ॥
ନାନାପୁଷ୍ପୈଃ କ୍ଵଣିତମଧୁପୈର୍ଦେଵି ସମ୍ଭାଵିତାଭି-
ର୍ମାଲାଭିସ୍ତଦ୍ଘୁସୃଣଵିଲସତ୍କାମଚିତ୍ରାଲିଭିଶ୍ଚ ।
ରାଜଦ୍ଦ୍ଵାରେ ସପଦି ମଦନାନନ୍ଦଦାଭିଖ୍ୟଗେହେ
ମଲ୍ଲୀଜାଲୈଃ ଶଶିମୁଖି କଦା ତଲ୍ପମାକଲ୍ପୟିଷ୍ୟେ ॥ ୭୧ ॥
ଶ୍ରୀରୂପମଞ୍ଜରିକରାର୍ଚିତପାଦପଦ୍ମ
ଗୋଷ୍ଠେନ୍ଦ୍ରନନ୍ଦନଭୁଜାର୍ପିତମସ୍ତକାୟାଃ ।
ହା ମୋଦତଃ କନକଗୌରି ପଦାରଵିନ୍ଦ
ସଂଵାହନାନି ଶନକୈସ୍ତଵ କିଂ କରିଷ୍ୟେ ॥ ୭୨ ॥
ଗୋଵର୍ଧନାଦ୍ରିନିକଟେ ମୁକୁଟେନ ନର୍ମ
ଲୀଲାଵିଦଗ୍ଧଶିରସାଂ ମଧୁସୂଦନେନ ।
ଦାନଚ୍ଛଲେନ ଭଵତୀମଵରୁଧ୍ୟମାନାଂ
ଦ୍ରକ୍ଷ୍ୟାମି କିଂ ଭ୍ରୂକୁଟିଦର୍ପିତନେତ୍ରୟୁଗ୍ମାମ୍ ॥ ୭୩ ॥
ତଵ ତନୁଵରଗନ୍ଧାସଙ୍ଗିଵାତେନ ଚନ୍ଦ୍ରା
ଵଲିକରକୃତମଲ୍ଲୀକେଲିତଲ୍ପାଚ୍ଛଲେନ ।
ମଧୁରମୁଖି ମୁକୁନ୍ଦଂ କୁଣ୍ଡତୀରେ ମିଲନ୍ତଂ
ମଧୁପମିଵ କଦାହଂ ଵୀକ୍ଷ୍ୟ ଦର୍ପଂ କରିଷ୍ୟେ ॥ ୭୪ ॥
ସମନ୍ତାଦୁନ୍ମତ୍ତଭ୍ରମରକୁଲଝଙ୍କାରନିକରୈ-
ର୍ଲସତ୍ପଦ୍ମସ୍ତୋମୈରପି ଵିହଗରାଵୈରପି ପରମ୍ ।
ସଖୀଵୃନ୍ଦୈଃ ସ୍ଵୀୟୈଃ ସରସି ମଧୁରେ ପ୍ରାଣପତିନା
କଦା ଦ୍ରକ୍ଷ୍ୟାମସ୍ତେ ଶଶିମୁଖି ନଵଂ କେଲିନିଵହମ୍ ॥ ୭୫ ॥
ସରୋଵରଲସତ୍ତଟେ ମଧୁପଗୁଞ୍ଜିକୁଞ୍ଜାନ୍ତରେ
ସ୍ଫୁଟତ୍କୁସୁମସଙ୍କୁଲେ ଵିଵିଧପୁଷ୍ପସଙ୍ଘୈର୍ମୁଦା ।
ଅରିଷ୍ଟଜୟିନା କଦା ତଵ ଵରୋରୁ ଭୂଷାଵିଧି-
ର୍ଵିଧାସ୍ୟତ ଇହ ପ୍ରିୟଂ ମମ ସୁଖାବ୍ଧିମାତନ୍ଵତା ॥ ୭୬ ॥
ସ୍ଫୀତସ୍ଵାନ୍ତଂ କୟାଚିତ୍ସରଭସମଚିରେଣାର୍ପ୍ୟମାଣୈର୍ଦରୋଦ୍ୟ-
ନ୍ନାନାପୁଷ୍ପୋରୁଗୁଞ୍ଜାଫଲନିକରଲସତ୍କେକିପିଞ୍ଛପ୍ରପଞ୍ଚୈଃ ।
ସୋତ୍କମ୍ପଂ ରଚ୍ୟମାନଃ କୃତରୁଚିହରିଣୋତ୍ଫୁଲ୍ଲମଙ୍ଗଂ ଵହନ୍ତ୍ୟାଃ
ସ୍ଵାମିନ୍ୟାଃ କେଶପାଶଃ କିମୁ ମମ ନୟନାନନ୍ଦମୁଚ୍ଚୈର୍ଵିଧାତା ॥ ୭୭ ॥
ମାଧଵଂ ମଦନକେଲିଵିଭ୍ରମେ
ମତ୍ତୟା ସରସିଜେନ ଭଵତ୍ୟା ।
ତାଡିତଂ ସୁମୁଖି ଵୀକ୍ଷ୍ୟ କିନ୍ତ୍ଵିୟଂ
ଗୂଢହାସ୍ୟଵଦନା ଭଵିଷ୍ୟତି ॥ ୭୮ ॥
ସୁଲଲିତନିଜବାହ୍ଵାଶ୍ଲିଷ୍ଟଗୋଷ୍ଠେନ୍ଦ୍ରସୂନୋଃ
ସୁଵଲିତତରବାହ୍ଵାଶ୍ଲେଷଦୀଵ୍ୟନ୍ନତାଂସା ।
ମଧୁରମଦନଗାନଂ ତନ୍ଵତୀ ତେନ ସାର୍ଧଂ
ସୁଭଗମୁଖି ମୁଦଂ ମେ ହା କଦା ଦାସ୍ୟସି ତ୍ଵମ୍ ॥ ୭୯ ॥
ଜିତ୍ଵା ପାଶକଖେଲାୟାଂ ଆଚ୍ଛିଦ୍ୟ ମୁରଲୀଂ ହରେଃ ।
କ୍ଷିପ୍ତାଂ ମୟି ତ୍ଵୟା ଦେଵି ଗୋପୟିଷ୍ୟାମି ତାଂ କଦା ॥ ୮୦ ॥
ଅପି ସୁମୁଖି କଦାହଂ ମାଲତୀକେଲିତଲ୍ପେ
ମଧୁରମଧୁରଗୋଷ୍ଠୀଂ ଵିଭ୍ରତୀଂ ଵଲ୍ଲଭେନ ।
ମନସିଜସୁଖଦେଽସ୍ମିନ୍ମନ୍ଦିରେ ସ୍ମେରଗଣ୍ଡାଂ
ସପୁଲକତନୁରେଷା ତ୍ଵାଂ କଦା ବୀଜୟାମି ॥ ୮୧ ॥
ଆୟାତୋଦ୍ୟତ୍କମଲଵଦନେ ହନ୍ତ ଲୀଲାଭିସାରା-
ଦ୍ଗତ୍ୟାଟୋପୈଃ ଶ୍ରମଵିଲୁଲିତଂ ଦେଵି ପାଦାବ୍ଜୟୁଗ୍ମମ୍ ।
ସ୍ନେହାତ୍ସଂଵାହୟିତୁମପି ହ୍ରୀପୁଞ୍ଜମୂର୍ତେଽପ୍ୟଲଜ୍ଜଂ
ନାମଗ୍ରାହଂ ନିଜଜନମିମଂ ହା କଦା ନୋତ୍ସ୍ୟସି ତ୍ଵମ୍ ॥ ୮୨ ॥
ହା ନପ୍ତ୍ରି ରାଧେ ତଵ ସୂର୍ୟଭକ୍ତେଃ
କାଲଃ ସମୁତ୍ପନ୍ନ ଇତଃ କୁତୋଽସି ।
ଇତୀଵ ରୋଷାନ୍ମୁଖରା ଲପନ୍ତୀ
ସୁଧେଵ କିଂ ମାଂ ସୁଖୟିଷ୍ୟତୀହ ॥ ୮୩ ॥
ଦେଵି ଭାଷିତପୀୟୂଷଂ ସ୍ମିତକର୍ପୂରଵାସିତମ୍ ।
ଶ୍ରୋତ୍ରାଭ୍ୟାଂ ନୟନାଭ୍ୟାଂ ତେ କିଂ ନୁ ସେଵିଷ୍ୟତେ ମୟା ॥ ୮୪ ॥
କୁସୁମଚୟନଖେଲାଂ କୁର୍ଵତୀ ତ୍ଵଂ ପରୀତା
ରସକୁଟିଲସଖୀଭିଃ ପ୍ରାଣନାଥେନ ସାର୍ଧମ୍ ।
କପଟକଲହକେଲ୍ୟା କ୍ଵାପି ରୋଷେଣ ଭିନ୍ନା
ମମ ମୁଦମତିବେଲଂ ଧାସ୍ୟସେ ସୁଵ୍ରତେ କିମ୍ ॥ ୮୫ ॥
ନାନାଵିଧୈଃ ପୃଥୁଲକାକୁଭରୈରସହ୍ୟୈଃ
ସଂପ୍ରାର୍ଥିତଃ ପ୍ରିୟତୟା ବତ ମାଧଵେନ ।
ତ୍ଵନ୍ମାନଭଙ୍ଗଵିଧୟେ ସଦୟେ ଜନୋଽୟଂ
ଵ୍ୟଗ୍ରଃ ପତିଷ୍ୟତି କଦା ଲଲିତାପଦାନ୍ତେ ॥ ୮୬ ॥
ପ୍ରୀତ୍ୟା ମଙ୍ଗଲଗୀତନୃତ୍ୟଵିଲସଦ୍ଵୀଣାଦିଵାଦ୍ୟୋତ୍ସଵୈଃ
ଶୁଦ୍ଧାନାଂ ପୟସାଂ ଘଟୈର୍ବହୁଵିଧୈଃ ସଂଵାସିତାନାଂ ଭୃଶମ୍ ।
ଵୃନ୍ଦାରଣ୍ୟମହାଧିପତ୍ୟଵିଧୟେ ୟଃ ପୌର୍ଣମାସ୍ୟା ସ୍ଵୟଂ
ଧୀରେ ସଂଵିହିତଃ ସ କିଂ ତଵ ମହାସେକୋ ମୟା ଦ୍ରକ୍ଷ୍ୟତେ ॥ ୮୭ ॥
ଭ୍ରାତ୍ରା ଗୋୟୁତମତ୍ର ମଞ୍ଜୁଵଦନେ ସ୍ନେହେନ ଦତ୍ତ୍ଵାଲୟଂ
ଶ୍ରୀଦାମ୍ନା କୃପଣାଂ ପ୍ରତୋଷ୍ୟ ଜଟିଲାଂ ରକ୍ଷାଖ୍ୟରାକାକ୍ଷଣେ ।
ନୀତାୟାଃ ସୁଖଶୋକରୋଦନଭରୈସ୍ତେ ସନ୍ଦ୍ରଵନ୍ତ୍ୟାଃ ପରଂ
ଵାତ୍ସଲ୍ୟାଜ୍ଜନକୌ ଵିଧାସ୍ୟତ ଇତଃ କିଂ ଲାଲନାଂ ମେଽଗ୍ରତଃ ॥ ୮୮ ॥
ଲଜ୍ଜୟାଲିପୁରତଃ ପରତୋ ମାଂ
ଗହ୍ଵରଂ ଗିରିପତେର୍ବତ ନୀତ୍ଵା ।
ଦିଵ୍ୟଗାନମପି ତତ୍ସ୍ଵରଭେଦଂ
ଶିକ୍ଷ୍ୟୟିଷ୍ୟସି କଦା ସଦୟେ ତ୍ଵମ୍ ॥ ୮୯ ॥
ୟାଚିତା ଲଲିତୟା କିଲ ଦେଵ୍ୟା
ଲଜ୍ଜୟା ନତମୁଖୀଂ ଗଣତୋ ମାମ୍ ।
ଦେଵି ଦିଵ୍ୟରସକାଵ୍ୟକଦମ୍ବଂ
ପାଠୟିଷ୍ୟସି କଦା ପ୍ରଣୟେନ ॥ ୯୦ ॥
ନିଜକୁଣ୍ଡତଟିକୁଞ୍ଜେ ଗୁଞ୍ଜଦ୍ଭ୍ରମରସଙ୍କୁଲେ ।
ଦେଵି ତ୍ଵଂ କଚ୍ଛପିଶିକ୍ଷାଂ କଦା ମାଂ କାରୟିଷ୍ୟସି ॥ ୯୧ ॥
ଵିହାରୈସ୍ତ୍ରୁଟିତଂ ହାରଂ ଗୁମ୍ଫିତୁଂ ଦୟିତଂ କଦା ।
ସଖୀନାଂ ଲଜ୍ଜୟା ଦେଵି ସଂଜ୍ଞୟା ମାଂ ନିଦେକ୍ଷ୍ୟସି ॥ ୯୨ ॥
ସ୍ଵମୁଖାନ୍ମନ୍ମୁଖେ ଦେଵି କଦା ତାମ୍ବୂଲଚର୍ଵିତମ୍ ।
ସ୍ନେହାତ୍ସର୍ଵଦିଶେ ଵୀକ୍ଷ୍ୟ ସମୟେ ତ୍ଵଂ ପ୍ରଦାସ୍ୟସି ॥ ୯୩ ॥
ନିଵିଡମଦନୟୁଦ୍ଧେ ପ୍ରାଣନାଥେନ ସାର୍ଧଂ
ଦୟିତମଧୁରକାଞ୍ଚୀ ୟା ମଦାଦ୍ଵିସ୍ମୃତାସୀତ୍ ।
ଶଶିମୁଖି ସମୟେ ତାଂ ହନ୍ତ ସମ୍ଭାଲ୍ୟ ଭଙ୍ଗ୍ୟା
ତ୍ଵରିତମିହ ତଦର୍ଥଂ କିଂ ତ୍ଵୟାହଂ ପ୍ରହେୟା ॥ ୯୪ ॥
କେନାପି ଦୋଷଲଵମାତ୍ରଲଵେନ ଦେଵି
ସନ୍ତାଡ୍ୟମାନ ଇହ ଧୀରମତେ ତ୍ଵୟୋଚ୍ଚୈଃ ।
ରୋଷେଣ ତଲ୍ଲଲିତୟା କିଲ ନୀୟମାନଃ
ସନ୍ଦ୍ରକ୍ଷ୍ୟତେ କିମୁ ମନାକ୍ସଦରଂ ଜନୋଽୟମ୍ ॥ ୯୫ ॥
ତଵୈଵାସ୍ମି ତଵୈଵାସ୍ମି ନ ଜୀଵାମି ତ୍ଵୟା ଵିନା ।
ଇତି ଵିଜ୍ଞାୟ ଦେଵି ତ୍ଵଂ ନୟ ମାଂ ଚରଣାନ୍ତିକେ ॥ ୯୬ ॥
ସ୍ଵକୁଣ୍ଡଂ ତଵ ଲୋଲାକ୍ଷି ସପ୍ରିୟାୟାଃ ସଦାସ୍ପଦମ୍ ।
ଅତ୍ରୈଵ ମମ ସଂଵାସ ଇହୈଵ ମମ ସଂସ୍ଥିତିଃ ॥ ୯୭ ॥
ହେ ଶ୍ରୀସରୋଵର ସଦା ତ୍ଵୟି ସା ମଦୀଶା
ପ୍ରେଷ୍ଠେନ ସାର୍ଧମିହ ଖେଲତି କାମରଙ୍ଗୈଃ ।
ତ୍ଵଂ ଚେତ୍ପ୍ରିୟାତ୍ପ୍ରିୟମତୀଵ ତୟୋରିତୀମାଂ
ହା ଦର୍ଶୟାଦ୍ୟ କୃପୟା ମମ ଜୀଵିତଂ ତାମ୍ ॥ ୯୮ ॥
କ୍ଷଣମପି ତଵ ସଙ୍ଗଂ ନ ତ୍ୟଜେଦେଵ ଦେଵୀ
ତ୍ଵମସି ସମଵୟସ୍ତ୍ଵାନ୍ନର୍ମଭୂମିର୍ୟଦସ୍ୟାଃ ।
ଇତି ସୁମୁଖି ଵିଶାଖେ ଦର୍ଶୟିତ୍ଵା ମଦୀଶାଂ
ମମ ଵିରହହତାୟାଃ ପ୍ରାଣରକ୍ଷାଂ କୁରୁଷ୍ଵ ॥ ୯୯ ॥
ହା ନାଥ ଗୋକୁଲସୁଧାକର ସୁପ୍ରସନ୍ନ
ଵକ୍ତ୍ରାରଵିନ୍ଦ ମଧୁରସ୍ମିତ ହେ କୃପାର୍ଦ୍ର ।
ୟତ୍ର ତ୍ଵୟା ଵିହରତେ ପ୍ରଣୟୈଃ ପ୍ରିୟାରା-
ତ୍ତତ୍ରୈଵ ମାମପି ନୟ ପ୍ରିୟସେଵନାୟ ॥ ୧୦୦ ॥
ଲକ୍ଷ୍ମୀର୍ୟଦଙ୍ଘ୍ରିକମଲସ୍ୟ ନଖାଞ୍ଚଲସ୍ୟ
ସୌନ୍ଦର୍ୟବିନ୍ଦୁମପି ନାର୍ହତି ଲବ୍ଧୁମୀଶେ ।
ସା ତ୍ଵଂ ଵିଧାସ୍ୟସି ନ ଚେନ୍ମମ ନେତ୍ରଦାନଂ
କିଂ ଜୀଵିତେନ ମମ ଦୁଃଖଦଵାଗ୍ନିଦେନ ॥ ୧୦୧ ॥
ଆଶାଭରୈରମୃତସିନ୍ଧୁମୟୈଃ କଥଞ୍ଚି-
ତ୍କାଲୋ ମୟାତିଗମିତଃ କିଲ ସାମ୍ପ୍ରତଂ ହି ।
ତ୍ଵଂ ଚେତ୍କୃପାଂ ମୟି ଵିଧାସ୍ୟସି ନୈଵ କିଂ ମେ
ପ୍ରାଣୈର୍ଵ୍ରଜେନ ଚ ଵରୋରୁ ବକାରିଣାପି ॥ ୧୦୨ ॥
ତ୍ଵଂ ଚେତ୍କୃପାମୟି କୃପାଂ ମୟି ଦୁଃଖିତାୟାଂ
ନୈଵାତନୋରତିତରାଂ କିମିହ ପ୍ରଲାପୈଃ ।
ତ୍ଵତ୍କୁଣ୍ଡମଧ୍ୟମପି ତଦ୍ବହୁକାଲମେଵ
ସଂସେଵ୍ୟମାନମପି କିଂ ନୁ କରିଷ୍ୟତୀହ ॥ ୧୦୩ ॥
ଅୟି ପ୍ରଣୟଶାଲିନି ପ୍ରଣୟପୁଷ୍ଟଦାସ୍ୟାପ୍ତୟେ
ପ୍ରକାମମତିରୋଦନୈଃ ପ୍ରଚୁରଦୁଃଖଦଗ୍ଧାତ୍ମନା ।
ଵିଲାପକୁସୁମାଞ୍ଜଲିର୍ହୃଦି ନିଧାୟ ପାଦାମ୍ବୁଜେ
ମୟା ବତ ସମର୍ପିତସ୍ତଵ ତନୋତୁ ତୁଷ୍ଟିଂ ମନାକ୍ ॥ ୧୦୪ ॥
ଇତି ଶ୍ରୀରଘୁନାଥଦାସଗୋସ୍ଵାମିଵିରଚିତସ୍ତଵାଵଲ୍ୟାଂ
ଶ୍ରୀଶ୍ରୀଵିଲାପକୁସୁମାଞ୍ଜଲିଃ ସମ୍ପୂର୍ଣା ।
॥ Sri Vilapa Kusumanjali Meaning ॥
1) O friend Rupa Manjari, although you are a famous and important person in this town, still you cannot see the face of the Supreme Personality of Godhead standing before you. Your husband is not here, and yet there is a mark on the bimba fruits of your lips as if someone has bitten them. Did a great parrot bite them?
2) O lotus tree, on the pretext of this bunch of new blossoms you are now broadly smiling in this forest. You have every right to be proud. After all, the black Krishna bee has left all the fragrant flower vines and He is now searching for the pathway to you.
3) O Rati manjari, in the king of Vraja’s city, where many gopis live, you are the most pious of all. That is why you are now going to a cave, requested by your queen to search for the favorite belt She forgot in the midst of many pastimes.
4) Let me surrender to my spiritual master, Yadunandana Acarya. A powerful and dear devotee of the Supreme Lord, Yadunandana, he sprinkled the nectar of his mercy on me.
5) I worship Lord Caitanya Candra, the supremely independent ocean of great mercy, who with His ropes of mercy quickly lifted me from the endlessly troublesome great dry well of household life, from which escape is very difficult, who gave me the shelter of His lotus feet, which rebuke the lotuses, and who gave me to Svarupa Damodar Goswami.
6) I was unwilling to drink the nectar of devotional service possessed of renunciation, but Sanatana Goswami, out of his causeless mercy, made me drink, even though I was otherwise unable to do so. Therefore he is an ocean of mercy. He is very much compassionate on fallen souls like me, and thus it is my duty to offer my respectful obeisances unto his lotus feet.
7) O queen, a certain maidservant, overwhelmed with love and her heart burning in the great fire of separation, laments in the following verses.
8) O queen, please rescue this unfortunate person, drowning in an ocean of pain. Place him on the strong boat of your mercy and carry him to the wonderful realm of Your lotus feet.
9) O queen, with the medicine of the red lac from Your lotus feet, please bring back to life this person now dead from the bites of the black snake of not seeing You.
10) O queen, with the nectar of a moment’s glance please restore the life of this gopi maidservant of Your lotus feet, who now burns in the great forest fire of separation from You.
11) O beautiful faced one, when, even in a dream, will I, by decorating my head with the splendid perfumed powder of Your lotus feet, attain the goal of my life?
12) O beautiful one, when will the sound of your ankle bells, sprinkling drops from an ocean of nectar, cure my deafness?
13) O queen, with the two bumblebees of the corners of Your eyes, which in the moonlit rendezvous anxiously wander over each direction as if the forest were a jungle of blue lotuses, will You glance upon this person?
14) O queen of Vrndavan, since Rupa manjari filled my eyes with light in the land of Vraja, I have yearned to see the red lac decorating Your lotus feet.
15) O queen whose eyes are as beautiful as two blossoming lotus flowers, when Your lake, filled with sweet water and splendid with many blossoming lotus flowers and buzzing bees, appeared before my eyes I at once began to yearn for the nectar of direct service to You.
16) O queen, I shall never ask You for anything other than direct service to your lotus feet. I offer my respectful obeisances to Your friendship. I offer my respectful obeisances to Your friendship again and again. May I find Your service as sweet as nectar. May I find Your service as sweet as nectar.
17) O queen whose fair complexion scratches with its nails the pride of yellow turmeric, when, happily marking my arms with auspicious markings embraced by charming red lac, will You give me the dear service of Your lotus feet.
18) O queen, when with great love and happiness will I daily rinse the drains of Your house with pure water, dry them with my own hair, and then scent Your garden pavilion with an abundance of sweetly fragrant incense?
19) When, at Your house early in the morning, will I carefully wash Your two lotus feet with camphor-scented water and then dry them with my hair?
20) When will this maidservant brush Your teeth with a twig, wash Your lotus feet, and, when You have entered another room, massage You with scented oil?
21) O queen whose lotus face defeats the moon, when, with jars of water scented with flowers and camphor and brought by one of Your charming and affectionate friends, will I carefully bathe You?
22) O moon-faced one, will I with a silken towel slowly and carefully dry the water from Your beautiful, delicate limbs, and the two fishes of Your eyes happily and restlessly swim from one direction to another, will I be allowed, the hairs on my body standing up in bliss, to cover Your hips with a matchless red silk cloth, and all Your limbs, from Your head down, with a beautiful blue sari?
23) O beloved of the prince of Vraja, when, after washing Your lotus feet, will this person, with the many beautiful small garlands artistically fashioned by Narmada devi, lovingly braid Your hair?
24) O queen, when will I happily place on Your forehead beautiful musk tilaka as splendid as the full moon, on Your limbs glistening kunkuma, and on Your breasts wonderful pictures in fragrant colors?
25) O queen, will I, drawing a line of red sindura with a jeweled salaka, decorate the part in Your hair?
26) O queen, with a steady hand will I artistically decorate You with the aromatic red tilaka dots that are the most powerful aphrodisiac to madden Lord Krishna?
27) O beautiful one, will I happily decorate with beautiful earrings Your ears, which are the god of love’s two ropes for binding the regal mad elephant of the prince of Vraja’s heart?
28) O beautiful queen, although I carefully placed this garment over Your breasts to cover them from Krishna’s gaze, He has not understood my intention. Tightly embracing You, He has Himself become the garment covering the two treasures dearer than His own life.
29) O golden-complexioned one, will this maidservant place lovely necklaces of pearls and jewels on Your beautiful breasts, Lord Mukunda’s pillows when He is sleepy and fatigued?
30) O lotus-eyed one, at some time will I adorn Your fingers with glittering rings and Your two graceful arms, which are so dear to Lord Hari, with blue armlets studded with jewels?
31) O beautiful-eyed one, will I soon worship Your two lotus feet with jeweled anklets and the petals of Your lotus feet with toe-rings? With a splendid belt will I soon worship Your hips, the sacred pilgrimage place of Lord Krishna?
32) Bowed down with intense bliss, with two jeweled armlets will I decorate Your two graceful lotus arms, which expertly destroy the peacefulness of the swan of Lord Krishna’s heart?
33) O beautiful one, will this person some day worship with a valuable necklace Your neck, which attained all good fortune when it was touched by the arm of Lord Gokulacandra in the festival of the rasa dance?
34) O beautiful-faced one, will I make the Syamantaka jewel, which after the death of proud Sankhacuda, was given by Balarama to cheerful-hearted Madhumangala, which Madhumangala with his own hand gave to You, and which since has become the friend of the Kaustubha jewel, the central jewel of Your necklace?
35) O slender-waisted one, when, fearing that Your very slender waist might break, will I very carefully tie it with a new golden belt splendid with flower-cluster tassels at each end?
36) O golden one, when will Your nose, which defeats the sesame flower, receive from my hand a beautiful golden honey-pearl that agitates the great bumblebee of Lord Krishna?
37) O golden one, when, by Your order, will I place on Your left arm a silken band tied with jewels and flowers?
38) O restless-eyed one, the rings I place in Your ears made Lord Krishna, who agitates all the gopis, aimlessly wander in a circle.
39) O fawn-eyed one, when will I place a dot of splendid musk on Your chin, the temple of Mukunda’s happiness?
40) O queen, when will I decorate Your pearl-like teeth with ruby-like red lines?
41) O girl with the golden lips, will the Krishna-parrot bite the nectar bimba fruits of Your lips, splendid with red khadira and camphor, placed by Me?
42) When will this person worship with black kajjala Your two eyes, which defeat the khanjana birds, and which, with the slightest movement from their corners, in a moment tightly bind the regal elephant of Lord Krishna?
43) His head reddened by the marks of Your feet as He tries to soothe Your jealous anger Lord Krishna has become extremely handsome. When, decorated with nectar red lac by me, will Your feet become very splendid?
44) O graceful artist, O queen, when will this maidservant happily place a sweet jasmine-garland filled with humming bees on Your gracefully sloping shoulders, touched in the rasa dance by Lord Krishna, who has become a moon shining with amorous passion?
45) O girl with charming limbs, O girl with a beautiful face, will this maidservant nearby hand You the articles of worship when, surrounded by Your friends, You are eager at heart to devotedly worship the sun-god on an alter of suryamani jewels?
46) O girl with beautiful thighs, employing the hands of Your friends, such as myself, will You place before Lord Krishna the many delicious foods You very carefully cooked by the order of the queen of Vraja?
47) O beautiful one, when, lovingly touching her forehead to the forehead of they, like me, who had brought the feast, will the jubilant queen of Vraja, like a loving mother, ask me, because I am Your maidservant, about Your welfare?
48) O queen, will I place before You the prasadam remnants tasted by the lotus mouth of Lord Krishna and respectfully brought by Danistha-gopi.
49) O girl whose limbs are anointed with kunkuma, when will I carefully feed You, Lalita, and Your other friends many kinds of ambrosia foods and nectar drinks mixed with the remnants of what was directly tasted by Lord Krishna?
50) O restless-eyed one, when will I lovingly give You sweet drinking-water scented with fresh patala flowers and camphor, water to rinse Your mouth, a toothbrush twig, and other things?
51) O queen, when, with great love, will I carefully light an abundance of aromatic incense, fan You, and perform other suitable services as You take Your meal?
52) O sweet-limbed girl, when, the hairs of my body standing upright in ecstasy, will I place a betel leaf filled with betel nuts and camphor into the lotus flower of Your mouth?
53) O queen, O beloved of Lord Krishna, will Lalita worship you with an arati lamp as Your other friends worship You with auspicious new songs and flowers and this maidservant, thinking You millions of times more dear than her own life’s breath, worships You with a camara whisk?
54) O queen, when, eloquently joking with Lalita and Your other friends, will You decorate with a nap the charming pastime-bed I made with my own hands?
55)O merciful one, O girl with the beautiful heart, will the beautiful and auspicious time come when this maidservant massages Your feet and Rupa manjari massages Your two lotus hands?
56) O girl with the beautiful face, on the strength of some good fortune will I, as a vine of devotion here, in a secret place with Your affectionate friends, attain the remnants You had spit out and the waves of nectar water that washed Your lotus feet?
57) O queen, during Your meal will You take some nectar from Your own lotus mouth and lovingly give it to me, whose heart has gone to You?
58) O queen, will my two eyes someday attain You as, stumbling because of the happiness rising in Your heart, and the hairs of Your body standing erect, You walk to the town of Vraja’s king in order to prepare a nectar feast for Lord Madhava?
59) Will Rupa manjari lead You on the path with Lalita and Visakha at Your two sides, Your friends all around, and me holding Your delicate waist from behind?
60 – 61) When will Danistha, seeing it in the distance, affectionately lead You, in my presence, to Nandisvara, the great abode of the king of Vraja, which is filled with affectionate gopi friends, which is even more important than the Govardhana Hill worshipped by Vraja, which is very dear to the prince of Vraja, and which is filled with the tumultuous sounds of the eloquent gopas and the lowing of the surabhi cows?
62) O sweet one, O talented one, when, washing Your auspicious lotus feet, entering the kitchen, bowing down before the queen of Vraja and the other elder gopis, and cooking a nectar feast, will You plunge me into an ocean of bliss?
63) O queen, when will You be seen, Your head bowed and Your face blossoming with happiness as You place the ambrosia foods and nectar drinks for Lord Madhava in the hand of Rohini devi?
64) O sweet girl, when will Your lotus face, its passionate sidelong glances seen by Lord Madhava during the feast in the company of His elders, fill me with happiness?
65) When will You be seen as You gaze at the prince of Vraja, His cheeks sweet with a smile, as He wanders in the forest fulfilling His vow to protect the surabhi cows, or as He is embraced by His mother, her heart overwhelmed?
66) O girl bashful at heart, O girl with the beautiful face, seeing You happily taking Your meal, according to Your promise, with your dear friends and with the queen of Vraja, who is more affectionate than millions and trillions of mothers, will I at once attain bliss in my heart?
67) O girl whose eyes are restless as khanjana birds, seeing You with an embrace, with kissing Your head, and with many loving glances, loved by the queen of Vraja as if You were her own daughter, will I celebrate a great festival of transcendental bliss in my heart?
68) O friend Rupa manjari, will I, following behind, lead our queen, now a dancing arena for waves of amorous passion, Her large eyes wide open, and your arm affectionately placed about the vine of Her waist, to the pastime forest grove decorated by the presence of Lord Hari?
69) O friend, within my sight will Queen Radha with You decorate Her beloved with flower ornaments in a forest cottage by the shore of Her lake?
70) O beautiful one, hearing from the parrot Vicaksana of Your rendezvous with the prince of Vraja, will I happily decorate You with elegant garments, flower earrings, and necklaces?
71) O queen, when will I decorate the splendid doorway with garlands of many flowers filled with buzzing bees and with many splendid pictures of Kama drawn in kunkuma? O moon-faced girl, when will I decorate the bed in the cottage named Madananandada with networks of flowers?
72) O girl as fair as gold, will I happily and gently massage Your lotus feet as You rest Your head against the arm of the prince of Vraja, His lotus feet worshipped by Rupa manjari’s hands?
73) Will I see You, Your eyebrows knitted and Your eyes burning with pride as Lord Madhusudana, the crown on the heads of expert jesters, stops You near Govardhana Hill on the pretext of collecting a toll?
74) O sweet-faced girl, when, seeing Lord Mukunda because of the breeze carrying the fragrance of Your slender form on some pretext leave the pastime-bed Candravali with her own hand decorated with jasmine flowers, and, like a black bee, meet You at the lake shore, will I shine with pride?
75) O sweet, moon-faced girl, when will we see the new pastimes You enjoy with the Lord of Your life and with Your friends at Your sweet lake filled everywhere with the humming of intoxicated bees, the cooing of birds, and hosts of splendid, blossoming lotuses?
76) O girl with the beautiful thighs, when will Lord Krishna, who floods me with an ocean of bliss, happily decorate You with many kinds of flowers on the splendid lake shore crowded with blossoming flowers and forests full of humming bees?
77) As Her limbs blossom with happiness, will my queen’s hair, decorated by jubilant, trembling Lord Hari with many types of slightly blossomed flowers, many large gunjas, and many splendid peacock feathers, all hastily brought by a certain happy girl, bring bliss to my eyes?
78) O girl with the beautiful face, seeing Lord Madhava struck with a lotus flower by intoxicated You in a flurry of amorous pastimes, will I try to hide the smile on my face?
79) When, O girl with the beautiful face, as You sing sweet love songs with the prince of Vraja, Your splendid graceful shoulder embraced by His long arms and He embraced by Your beautiful arms, will You give me transcendental bliss?
80) O queen, when will I hide the flute that You won from Lord Hari in the dice game, broke, and tossed to me?
81) O girl with the beautiful face, when, the hairs of my body standing up in ecstasy, will I fan You as You lay on a pastime bed of jasmine flowers in the temple of bliss of amorous love, smiling and conversing very sweetly with Your beloved?
82) O queen, O girl whose face is a blossoming lotus flower, O personification of shyness, when, Your two lotus feet exhausted by walking from the rendezvous, will You affectionately call this shameless person by name and engage her in massaging them?
83) “O granddaughter Radha, the time for You to worship the sun god has come! Where are You.” Will Mukhara devi, appearing like the personification of nectar as she angrily speaks in this way, delight me?
84) O queen with my eyes and ears will I serve the nectar of Your words scented with the camphor of Your smile?
85) O pious one, when, picking flowers with Your sweet and crooked friends, You pretend to quarrel with the Lord of Your life and You angrily leave Him, will You fill me with boundless happiness?
86) O merciful one, sweetly begged by Madhava with many unbearable appeals, will this agitated person fall down before Lalita’s feet to break Your jealous anger?
87) O wise and solemn one, will Your coronation as the queen of Vrndavan forest, jubilantly performed by Paurnamasi with a great festival of auspicious singing, dancing and the music of vinas and other instruments, and with many pitchers of pure, scented water, be seen by me?
88) O girl with the beautiful face, when on the full moon day of the month of Sravana Your brother Sridama pleases the miser Jatila by giving her ten thousand cows and then takes You home for a visit, will, as You melt with weeping from both happiness and sorrow, Your parents lovingly embrace You in my presence?
89) O merciful one, when, because I feel shy before Your friends, will You take me to a cave in the king of mountains and there tutor me in the art of melodious singing?
90) O queen, when, requested by Lalita devi, will You affectionately ask me, my head bowed with shyness in the assembly, to recite many splendid and sweet poems?
91) O queen, when, on the shore of Your lake, in a grove filled with humming bees, will You teach me to play the kacchapi lute?
92) O queen, when, because Your friends are too shy to act, will You hint that I should restring the favourite necklace, broken in Your pastimes?
93) O queen, when, after looking in all directions, will You take the chewed betel nuts from Your mouth and affectionately place them in mine?
94) O girl with the moon face, with clever hints will You send me to quickly get the favorite charming sash forgotten in the amorous passionate battle with the Lord of Your life?
95) O grave and sober one, after angrily punishing this person for a very slight fault, will You again glance on her with a little mercy when Lalita brings her before You?
96) I am Yours! I am Yours! I cannot live without You! O queen, please understand this and bring me to Your feet.
97) O restless-eyed girl, Your lake is the eternal home of You and Your beloved. My residence is there. There I stay.
98) O beautiful lake, my queen eternally enjoys amorous pastimes with Her beloved on your shore. If you are most dear to Them, then, please mercifully show me now the girl who is my life and soul.
99) My queen will not leave your company for even a moment. Because You are both the same age you are the realm of Her playful joking pastimes. O girl with the beautiful face, O Visakha, please show me my queen and save the life of me, on the verge of death because I am separated from Her.
100) O Lord, O nectar moon of Gokula, O Lord whose cheerful face is a lotus flower, O sweetly-smiling one, O Lord melting with compassion, so I may serve You both with love please lead me to the place where Your beloved enjoys loving pastimes with You.
101) My queen, even a drop of the beauty of the tip of whose lotus toenail the goddess of fortune is not able to attain, if You do not give charity to my eyes, then what is the use of my life, ablaze with a great forest-fire of sufferings?
102) For me somehow the present moment is flooded by a nectar ocean of many hopes. If You do not give me Your mercy, then of what use to me are this life, the land of Vraja, and Sri Krishna, the enemy of Baka?
103) O merciful one, if You will not give Your great mercy to suffering me, then what is the use of all these words? What will my long service to Your lake accomplish?
104) O affectionate one, I pray that this Vilapa-kusumanjali (Handful of Flowers in the Form of a Lament), which, with much weeping to attain Your loving service, and with a heart burning with pain, I take from my chest and place at Your lotus feet, may give You a little pleasure.