Sri Vinayaka Swamy Ashtottara Shatanama Stotram In Telugu

॥ Sri Vinayaka Swamy Ashtottara Shatanama Stotram Telugu Lyrics ॥

॥ శ్రీ వినాయక అష్టోత్తరశతనామ స్తోత్రం ॥
వినాయకో విఘ్నరాజో గౌరీపుత్రో గణేశ్వరః ।
స్కందాగ్రజోఽవ్యయః పూతో దక్షోఽధ్యక్షో ద్విజప్రియః ॥ ౧ ॥

అగ్నిగర్వచ్ఛిదింద్రశ్రీప్రదో వాణీప్రదాయకః ।
సర్వసిద్ధిప్రదః శర్వతనయః శర్వరీప్రియః ॥ ౨ ॥

సర్వాత్మకః సృష్టికర్తా దేవానీకార్చితః శివః ।
సిద్ధిబుద్ధిప్రదః శాంతో బ్రహ్మచారీ గజాననః ॥ ౩ ॥

ద్వైమాతురో మునిస్తుత్యో భక్తవిఘ్నవినాశనః ।
ఏకదంతశ్చతుర్బాహుశ్చతురః శక్తిసంయుతః ॥ ౪ ॥

లంబోదరః శూర్పకర్ణో హరిర్బ్రహ్మవిదుత్తమః ।
కావ్యో గ్రహపతిః కామీ సోమసూర్యాగ్నిలోచనః ॥ ౫ ॥

పాశాంకుశధరశ్చండో గుణాతీతో నిరంజనః ।
అకల్మషః స్వయం సిద్ధః సిద్ధార్చితపదాంబుజః ॥ ౬ ॥

బీజాపూరఫలాసక్తో వరదః శాశ్వతః కృతీ ।
ద్విజప్రియో వీతభయో గదీ చక్రీక్షుచాపధృత్ ॥ ౭ ॥

శ్రీదోఽజ ఉత్పలకరః శ్రీపతిస్తుతిహర్షితః ।
కులాద్రిభేత్తా జటిలశ్చంద్రచూడోఽమరేశ్వరః ॥ ౮ ॥

నాగయజ్ఞోపవీతీ చ కలికల్మషనాశనః ।
స్థూలకంఠః స్వయంకర్తా సామఘోషప్రియః పరః ॥ ౯ ॥

స్థూలతుండోఽగ్రణీర్ధీరో వాగీశః సిద్ధిదాయకః ।
దూర్వాబిల్వప్రియః కాంతః పాపహారీ సమాహితః ॥ ౧౦ ॥

ఆశ్రితశ్రీకరః సౌమ్యో భక్తవాంఛితదాయకః ।
శాంతోఽచ్యుతార్చ్యః కైవల్యో సచ్చిదానందవిగ్రహః ॥ ౧౧ ॥

జ్ఞానీ దయాయుతో దాంతో బ్రహ్మద్వేషవివర్జితః ।
ప్రమత్తదైత్యభయదో వ్యక్తమూర్తిరమూర్తిమాన్ ॥ ౧౨ ॥

శైలేంద్రతనుజోత్సంగఖేలనోత్సుకమానసః ।
స్వలావణ్యసుధాసారజితమన్మథవిగ్రహః ॥ ౧౩ ॥

సమస్తజగదాధారో మాయీ మూషకవాహనః ।
రమార్చితో విధిశ్చైవ శ్రీకంఠో విబుధేశ్వరః ॥ ౧౪ ॥

See Also  Narayaniyam Catuhsastitamadasakam In Telugu – Narayaneyam Dasakam 64

చింతామణిద్వీపపతిః పరమాత్మా గజాననః ।
హృష్టస్తుష్టః ప్రసన్నాత్మా సర్వసిద్ధిప్రదాయకః ॥ ౧౫ ॥

అష్టోత్తరశతేనైవం నామ్నాం విఘ్నేశ్వరం విభుమ్ ।
యః పూజయేదనేనైవ భక్త్యా సిద్ధివినాయకమ్ ॥ ౧౬ ॥

దూర్వాదళైః బిల్వపత్రైః పుష్పైర్వా చందనాక్షతైః ।
సర్వాన్కామానవాప్నోతి సర్వవిఘ్నైః ప్రముచ్యతే ॥ ౧౭ ॥

ఇతి భవిష్యోత్తరపురాణే వినాయకాష్టోత్తరశతనామ స్తోత్రమ్ ।

– Chant Stotra in Other Languages –

Sri Ganesha Astottarasatanama » Sri Vinayaka Ashtottara Shatanama Stotram in Lyrics in Sanskrit » English » Kannada » Tamil