॥ Sri Vishnu Deva Ashtakam Kannada Lyrics ॥
॥ ವಿಷ್ಣುದೇವಾಷ್ಟಕಮ್ ॥
ಶ್ರಿಯಾ ಜುಷ್ಟಂ ತುಷ್ಟಂ ಶ್ರುತಿಶತನುತಂ ಶ್ರೀಮಧುರಿಪುಂ
ಪುರಾಣಂ ಪ್ರತ್ಯಂಚಂ ಪರಮಸಹಿತಂ ಶೇಷಶಯನೇ ।
ಶಯಾನಂ ಯಂ ಧ್ಯಾತ್ವಾ ಜಹತಿ ಮುನಯಃ ಸರ್ವವಿಷಯಾ-
ಸ್ತಮೀಶಂ ಸದ್ರೂಪಂ ಪರಮಪುರುಷಂ ನೌಮಿ ಸತತಮ್ ॥ 1 ॥
ಗುಣಾತೀತೋ ಗೀತೋ ದಹನ ಇವ ದೀಪ್ತೋ ರಿಪುವನೇ
ನಿರೀಹೋ ನಿಷ್ಕಾಯಃ ಪರಮಗುಣಪೂಗೈಃ ಪರಿವೃತಃ ।
ಸದಾ ಸೇವ್ಯೋ ವನ್ದ್ಯೋಽಮರಸಮುದಯೈರ್ಯೋ ಮುನಿಗಣೈ-
ಸ್ತಮೀಶಂ ಸದ್ರೂಪಂ ಪರಮಪುರುಷಂ ನೌಮಿ ಸನ್ತತಮ್ ॥ 2 ॥
ವಿಭೋ! ತ್ವಂ ಸಂಸಾರಸ್ಥಿತ-ಸಕಲಜನ್ತೂನವಸಿ ಯತ್-
ತ್ರಯಾಣಾಂ ರಕ್ಷಾಯೈ ನನು ವರದ ಪದ್ಮೇಶ ಜಗತಾಮ್ ।
ದದೌ ಚಕ್ರಂ ತಸ್ಮಾತ್ಪರಮದಯಯಾ ತೇ ಪಶುಪತಿ-
ಸ್ತತಃ ಶಾಸ್ತ್ರಂ “ವಿಶ್ವಮ್ಭರ”ಇತಿ ಪದೇನ ಪ್ರಗಿರತಿ ॥ 3 ॥
ಸದಾ ವಿಷ್ಣೋ ! ದೀನೇ ಸಕಲಬಲಹೀನೇ ಯದುಪತೇ
ಹತಾಶೇ ಸರ್ವಾತ್ಮನ್ ಮಯಿ ಕುರು ಕೃಪಾಂ ತ್ವಂ ಮುರರಿಪೋ ।
ಯತೋಽಹಂ ಸಂಸಾರೇ ತವ ಚ ರಣಸೇವಾ-ವಿರಹಿತೋ
ನ ಮೇ ಸೌಖ್ಯಂ ಚೇತ್ಸ್ಯಾದ್ ಭವತಿ ವಿತಥಂ ಶ್ರೀಶ ! ಸಕಲಮ್ ॥ 4 ॥
ಯದೀತ್ಥಂ ತ್ವಂ ಬ್ರೂಯಾ ಭಜನನಿಪುಣಾನ್ ಯಾಮಿ ಸತತಂ
ಪ್ರಭೋ ಭಕ್ತಾ ಭಕ್ತ್ಯಾ ಸಕಲಸುಖಭಾಜೋ ನ ಕೃಪಯಾ ।
ವದ ಪ್ರೋತ್ತುಂಗಾ ಯಾ ತವ ಖಲು ಕೃಪಾ ಕುತ್ರ ಘಟತೇ
ಕಥಂ ವಾ ಭೋ ಸ್ವಾಮಿನ್ ! ಪತಿತಮನುಜೋದ್ಧಾರಕ ಇತಿ ॥ 5 ॥
ಮಯಾ ಶಾಸ್ತ್ರೇ ದೃಷ್ಟಂ ಗುರುಜನಮುಖಾದ್ ವಾ ಶ್ರುತಮಿದಂ
ಕೃಪಾ ವಿಷ್ಣೋರ್ವನ್ದ್ಯಾ ಪತಿತಮನುಜೋದ್ಧಾರನಿಪುಣಾ ।
ಅತಸ್ತ್ವಾಂ ಸಂಪ್ರಾಪ್ತಃ ಶರಣದ ! ಶರಣ್ಯಂ ಕರುಣಯಾ
ಶ್ರಿಯಾ ಹೀನಂ ದೀನಂ ಮಧುಮಥನ ! ಮಾಂ ಪಾಲಯ ವಿಭೋ ॥ 6 ॥
ನ ಚೇಲ್ಲಕ್ಷ್ಮೀಜಾನೇ ಸಕಲಹಿತಕೃಚ್ಛಾಸ್ತ್ರನಿಚಯೋ
ಮೃಷಾರೂಪಂ ಧತ್ತೇ ಭವತಿ ಭವತೋ ಹಾನಿರತುಲಾ ।
ತವಾಽಸ್ತಿತ್ವಂ ಶಾಸ್ತ್ರನ್ನಹಿ ಭವತಿ ಶಾಸ್ತ್ರಂ ಯದಿ ಮೃಷಾ
ವಿಚಾರೋಽಯಂ ಚಿತ್ತೇ ಮಮ ಭವಪತೇ ಶ್ರೀಧರ ಹರೇ ॥ 7 ॥
ನ ತೇ ಸ್ವಾಮಿನ್ ವಿಷ್ಣೋ ಕುರು ಮಯಿ ಕೃಪಾಂ ಕೈಟಭರಿಪೋ
ಸ್ವಕೀಯಂ ವಾಽಸ್ತಿತ್ತ್ವಂ ಜಹಿ ಜಗತಿ ಕಾರುಣ್ಯಜಲಧೇ ।
ದ್ವಯೋರ್ಮಧ್ಯೇ ಹ್ಯೇಕಂ ಭವತಿ ಕರಣೀಯಂ ತವ ವಿಭೋ
ಕಥಾಃ ಸರ್ವಾಃ ಸರ್ವಾಶ್ರಯ ತವ ಪುರಸ್ಕೃತ್ಯ ವಿರತಃ ॥ 8 ॥
ವಿಷ್ಣುದೇವಾಷ್ಟಕಂ ಸ್ತೋತ್ರಂ ಯಃ ಪಠೇದ್ ಭಕ್ತಿತೋ ನರಃ ।
ಸರ್ವಾನ್ ಕಾಮಾನವಾಪ್ನೋತಿ ಲಕ್ಷ್ಮೀಜಾನೇಃ ಪ್ರಸಾದತಃ ॥ 9 ॥
ಇತಿ ಜಗದ್ಗುರು-ಶಂಕರಾಚಾರ್ಯಸ್ವಾಮಿಶ್ರೀಶಾನ್ತಾನನ್ದಸರಸ್ವತೀಶಿಷ್ಯ-
ಸ್ವಾಮೀಶ್ರೀಮದನನ್ತಾನನ್ದಸರಸ್ವತೀವಿರಚಿತಂ ವಿಷ್ಣುದೇವಾಷ್ಟಕಂ ಸಮಾಪ್ತಮ್ ।
-Chant Stotra in Other Languages –
Sri Vishnu Slokam » Sri Vishnu Deva Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil