॥ Sri Vishnu Deva Ashtakam Telugu Lyrics ॥
॥ విష్ణుదేవాష్టకమ్ ॥
శ్రియా జుష్టం తుష్టం శ్రుతిశతనుతం శ్రీమధురిపుం
పురాణం ప్రత్యఞ్చం పరమసహితం శేషశయనే ।
శయానం యం ధ్యాత్వా జహతి మునయః సర్వవిషయా-
స్తమీశం సద్రూపం పరమపురుషం నౌమి సతతమ్ ॥ ౧ ॥
గుణాతీతో గీతో దహన ఇవ దీప్తో రిపువనే
నిరీహో నిష్కాయః పరమగుణపూగైః పరివృతః ।
సదా సేవ్యో వన్ద్యోఽమరసముదయైర్యో మునిగణై-
స్తమీశం సద్రూపం పరమపురుషం నౌమి సన్తతమ్ ॥ ౨ ॥
విభో! త్వం సంసారస్థిత-సకలజన్తూనవసి యత్-
త్రయాణాం రక్షాయై నను వరద పద్మేశ జగతామ్ ।
దదౌ చక్రం తస్మాత్పరమదయయా తే పశుపతి-
స్తతః శాస్త్రం “విశ్వమ్భర”ఇతి పదేన ప్రగిరతి ॥ ౩ ॥
సదా విష్ణో ! దీనే సకలబలహీనే యదుపతే
హతాశే సర్వాత్మన్ మయి కురు కృపాం త్వం మురరిపో ।
యతోఽహం సంసారే తవ చ రణసేవా-విరహితో
న మే సౌఖ్యం చేత్స్యాద్ భవతి వితథం శ్రీశ ! సకలమ్ ॥ ౪ ॥
యదీత్థం త్వం బ్రూయా భజననిపుణాన్ యామి సతతం
ప్రభో భక్తా భక్త్యా సకలసుఖభాజో న కృపయా ।
వద ప్రోత్తుఙ్గా యా తవ ఖలు కృపా కుత్ర ఘటతే
కథం వా భో స్వామిన్ ! పతితమనుజోద్ధారక ఇతి ॥ ౫ ॥
మయా శాస్త్రే దృష్టం గురుజనముఖాద్ వా శ్రుతమిదం
కృపా విష్ణోర్వన్ద్యా పతితమనుజోద్ధారనిపుణా ।
అతస్త్వాం సంప్రాప్తః శరణద ! శరణ్యం కరుణయా
శ్రియా హీనం దీనం మధుమథన ! మాం పాలయ విభో ॥ ౬ ॥
న చేల్లక్ష్మీజానే సకలహితకృచ్ఛాస్త్రనిచయో
మృషారూపం ధత్తే భవతి భవతో హానిరతులా ।
తవాఽస్తిత్వం శాస్త్రన్నహి భవతి శాస్త్రం యది మృషా
విచారోఽయం చిత్తే మమ భవపతే శ్రీధర హరే ॥ ౭ ॥
న తే స్వామిన్ విష్ణో కురు మయి కృపాం కైటభరిపో
స్వకీయం వాఽస్తిత్త్వం జహి జగతి కారుణ్యజలధే ।
ద్వయోర్మధ్యే హ్యేకం భవతి కరణీయం తవ విభో
కథాః సర్వాః సర్వాశ్రయ తవ పురస్కృత్య విరతః ॥ ౮ ॥
విష్ణుదేవాష్టకం స్తోత్రం యః పఠేద్ భక్తితో నరః ।
సర్వాన్ కామానవాప్నోతి లక్ష్మీజానేః ప్రసాదతః ॥ ౯ ॥
ఇతి జగద్గురు-శఙ్కరాచార్యస్వామిశ్రీశాన్తానన్దసరస్వతీశిష్య-
స్వామీశ్రీమదనన్తానన్దసరస్వతీవిరచితం విష్ణుదేవాష్టకం సమాప్తమ్ ।
-Chant Stotra in Other Languages –
Sri Vishnu Slokam » Sri Vishnu Deva Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil