॥ Sri Vraja Navayuva Raja Ashtakam in Gujarati ॥
॥ શ્રીવ્રજનવયુવરાજાષ્ટકમ્ ॥
શ્રીવ્રજનવયુવરાજાય નમઃ ।
મુદિરમદમુદારં મર્દયન્નઙ્ગકાન્ત્યા
વસનરુચિનિરસ્તામ્ભોજકિઞ્જલ્કશોભઃ ।
તરુણિમતરણીક્ષાવિક્લવદ્બાલ્યચન્દ્રો
વ્રજનવયુવરાજઃ કાઙ્ક્ષિતં મે કૃપીષ્ટ ॥ ૧ ॥
પિતુરનિશમગણ્યપ્રાણનિર્મન્થનીયઃ
કલિતતનુરિવાદ્ધા માતૃવાત્સલ્યપુઞ્જઃ ।
અનુગુણગુરુગોષ્ઠીદૃષ્ટિપીયૂષવર્તિ-
ર્વ્રજનવયુવરાજઃ કાઙ્ક્ષિતં મે કૃપીષ્ટ ॥ ૨ ॥
અખિલજગતિ જાગ્રન્મુગ્ધવૈદગ્ધ્યચર્યા
પ્રથમગુરુરુદગ્રસ્થામવિશ્રામસૌધઃ ।
અનુપમગુણરાજીરઞ્જિતાશેષબન્ધુ-
ર્વ્રજનવયુવરાજઃ કાઙ્ક્ષિતં મે કૃપીષ્ટ ॥ ૩ ॥
અપિ મદનપરાઅર્ધૈર્દુષ્કરં વિક્રિયોર્મિં
યુવતિષુ નિદધાનો ભ્રૂધનુર્ધૂનનેન ।
પ્રિયસહચરવર્ગપ્રાણમીનામ્બુરાશિ-
ર્વ્રજનવયુવરાજઃ કાઙ્ક્ષિતં મે કૃપીષ્ટ ॥ ૪ ॥
નયનશૃણિમ્વિનોદક્ષોભિતાનઙ્ગનાગો
ન્મથિતગહનરાધાચિત્તકાસારગર્ભઃ ।
પ્રણયરસમરન્દાસ્વાદલીલાષડઙ્ઘ્રિ-
ર્વ્રજનવયુવરાજઃ કાઙ્ક્ષિતં મે કૃપીષ્ટ ॥ ૫ ॥
અનુપદમુદયન્ત્યા રાધિકાસઙ્ગસિદ્ધ્યા
સ્થગિતપૃથુરથાઙ્ગદ્વન્દ્વરાગાનુબન્ધઃ ।
મધુરિમમધુધારાધોરણીનામુદન્વાન્
વ્રજનવયુવરાજઃ કાઙ્ક્ષિતં મે કૃપીષ્ટ ॥ ૬ ॥
અલઘુકુટિલરાધાદૃષ્ટિવારીનિરુદ્ધ
ત્રિજગદપરતન્ત્રોદ્દામચેતોગજેન્દ્રઃ ।
સુખમુખરવિશાખાનર્મણા સ્મેરવક્ત્રો
વ્રજનવયુવરાજઃ કાઙ્ક્ષિતં મે કૃપીષ્ટ ॥ ૭ ॥
ત્વયિ રહસિ મિલન્ત્યાં સમ્ભ્રમન્યાસભુગ્નાપ્ય્-
ઉષસિ સખિ તવાલીમેખલા પશ્ય ભાતિ ।
ઇતિ વિવૃતરહસ્યૈર્હ્રેપયન્ન્ એવ રાધાં
વ્રજનવયુવરાજઃ કાઙ્ક્ષિતં મે કૃપીષ્ટ ॥ ૮ ॥
વ્રજનવયુવરાજસ્યાષ્ટકં તુષ્ટબુદ્ધિઃ
કલિતવરવિલાસં યઃ પ્રયત્નાદધિતે ।
પરિજનગણનાયાં નામ તસ્યાનુરજ્યન્
વિલિખતિ કિલ્ વૃન્દારણ્યરાજ્ઞીરસજ્ઞઃ ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં શ્રીવ્રજનવયુવરાજાષ્ટકં સમાપ્તમ્ ।
– Chant Stotra in Other Languages –
Sri Vraja Navayuva Raja Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil