॥ Sri Vraja Navayuva Raja Ashtakam in Malayalam ॥
॥ ശ്രീവ്രജനവയുവരാജാഷ്ടകം ॥
ശ്രീവ്രജനവയുവരാജായ നമഃ ।
മുദിരമദമുദാരം മര്‍ദയന്നങ്ഗകാന്ത്യാ
വസനരുചിനിരസ്താംഭോജകിഞ്ജല്‍കശോഭഃ ।
തരുണിമതരണീക്ഷാവിക്ലവദ്ബാല്യചന്ദ്രോ
വ്രജനവയുവരാജഃ കാങ്ക്ഷിതം മേ കൃപീഷ്ട ॥ 1 ॥
പിതുരനിശമഗണ്യപ്രാണനിര്‍മന്ഥനീയഃ
കലിതതനുരിവാദ്ധാ മാതൃവാത്സല്യപുഞ്ജഃ ।
അനുഗുണഗുരുഗോഷ്ഠീദൃഷ്ടിപീയൂഷവര്‍തി-
ര്‍വ്രജനവയുവരാജഃ കാങ്ക്ഷിതം മേ കൃപീഷ്ട ॥ 2 ॥
അഖിലജഗതി ജാഗ്രന്‍മുഗ്ധവൈദഗ്ധ്യചര്യാ
പ്രഥമഗുരുരുദഗ്രസ്ഥാമവിശ്രാമസൌധഃ ।
അനുപമഗുണരാജീരഞ്ജിതാശേഷബന്ധു-
ര്‍വ്രജനവയുവരാജഃ കാങ്ക്ഷിതം മേ കൃപീഷ്ട ॥ 3 ॥
അപി മദനപരാഅര്‍ധൈര്‍ദുഷ്കരം വിക്രിയോര്‍മിം
യുവതിഷു നിദധാനോ ഭ്രൂധനുര്‍ധൂനനേന ।
പ്രിയസഹചരവര്‍ഗപ്രാണമീനാംബുരാശി-
ര്‍വ്രജനവയുവരാജഃ കാങ്ക്ഷിതം മേ കൃപീഷ്ട ॥ 4 ॥
നയനശൃണിംവിനോദക്ഷോഭിതാനങ്ഗനാഗോ
ന്‍മഥിതഗഹനരാധാചിത്തകാസാരഗര്‍ഭഃ ।
പ്രണയരസമരന്ദാസ്വാദലീലാഷഡങ്ഘ്രി-
ര്‍വ്രജനവയുവരാജഃ കാങ്ക്ഷിതം മേ കൃപീഷ്ട ॥ 5 ॥
അനുപദമുദയന്ത്യാ രാധികാസങ്ഗസിദ്ധ്യാ
സ്ഥഗിതപൃഥുരഥാങ്ഗദ്വന്ദ്വരാഗാനുബന്ധഃ ।
മധുരിമമധുധാരാധോരണീനാമുദന്വാന്‍
വ്രജനവയുവരാജഃ കാങ്ക്ഷിതം മേ കൃപീഷ്ട ॥ 6 ॥
അലഘുകുടിലരാധാദൃഷ്ടിവാരീനിരുദ്ധ
ത്രിജഗദപരതന്ത്രോദ്ദാമചേതോഗജേന്ദ്രഃ ।
സുഖമുഖരവിശാഖാനര്‍മണാ സ്മേരവക്ത്രോ
വ്രജനവയുവരാജഃ കാങ്ക്ഷിതം മേ കൃപീഷ്ട ॥ 7 ॥
ത്വയി രഹസി മിലന്ത്യാം സംഭ്രമന്യാസഭുഗ്നാപ്യ്-
ഉഷസി സഖി തവാലീമേഖലാ പശ്യ ഭാതി ।
ഇതി വിവൃതരഹസ്യൈര്‍ഹ്രേപയന്ന്‍ ഏവ രാധാം
വ്രജനവയുവരാജഃ കാങ്ക്ഷിതം മേ കൃപീഷ്ട ॥ 8 ॥
വ്രജനവയുവരാജസ്യാഷ്ടകം തുഷ്ടബുദ്ധിഃ
കലിതവരവിലാസം യഃ പ്രയത്നാദധിതേ ।
പരിജനഗണനായാം നാമ തസ്യാനുരജ്യന്‍
വിലിഖതി കില്‍ വൃന്ദാരണ്യരാജ്ഞീരസജ്ഞഃ ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീവ്രജനവയുവരാജാഷ്ടകം സമാപ്തം ।
– Chant Stotra in Other Languages –
Sri Vraja Navayuva Raja Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil