॥ Sri Vrindavana Ashtakam Gujarati Lyrics ॥
॥ શ્રીવૃન્દાવનાષ્ટકમ્॥
મુકુન્દમુરલીરવશ્રવણફુલ્લહૃદ્વલ્લરી
કદમ્બકકરમ્બિતપ્રતિકદમ્બકુઞ્જાન્તરા ।
કલિન્દગિરિનન્દિનીકમલકન્દલાન્દોલિના
સુગન્ધિરનિલેન મે શરણમસ્તુ વૃન્દાટવી ॥ ૧ ॥
વિકુણ્ઠપુરસંશ્રયાદ્ વિપિનતોઽપિ નિઃશ્રેયસાત્
સહસ્રગુણિતાં શ્રિયં પ્રદુહતી રસશ્રેયસીમ્ ।
ચતુર્મુખમુખૈરપિ સ્પૃહિતતાર્ણદેહોદ્ભવા
જગદ્ગુરુભિરગ્રિમૈઃ શરણમસ્તુ વૃન્દાટવી ॥ ૨ ॥
અનારતવિકસ્વરવ્રતતિપુઞ્જપુષ્પાવલી
વિસારિવરસૌરભોદ્ગમરમાચમત્કારિણી ।
અમન્દમકરન્દભૃદ્વિટપિવૃન્દવૃન્દીકૃત
દ્વિરેફકુલવન્દિતા શરણમસ્તુ વૃન્દાટવી ॥ ૩ ॥
ક્ષણદ્યુતિઘનશ્રિયોવ્રજનવીનયૂનોઃ પદૈઃ
સુવગ્લુભિરલઙ્કૃતા લલિતલક્ષ્મલક્ષ્મીભરૈઃ ।
તયોર્નખરમણ્ડલીશિખરકેલિચર્યોચિતૈ-
ર્વૃતા કિશલયાઙ્કુરૈઃ શરણમસ્તુ વૃન્દાટવી ॥ ૪ ॥
વ્રજેન્દ્રસખનન્દિનીશુભતરાધિકારક્રિયા
પ્રભાવજસુખોત્સવસ્ફુરિતજઙ્ગમસ્થાવરા ।
પ્રલમ્બદમનાનુજધ્વનિતવંશિકાકાકલી
રસજ્ઞમૃગમણ્ડલા શરણમસ્તુ વૃન્દાટવી ॥ ૫ ॥
અમન્દમુદિરાર્બુદાભ્યધિકમાધુરીમેદુર
વ્રજેન્દ્રસુતવીક્ષણોન્નટ્ણ્તનીલકણ્ઠોત્કરા ।
દિનેશસુહૃદાત્મજાકૃતનિજાભિમાનોલ્લસલ્-
લતાખગમૃગાઙ્ગના શરણમસ્તુ વૃન્દાટવી ॥ ૬ ॥
અગણ્યગુણનાગરીગણગરિષ્ઠગાન્ધર્વિકા
મનોજરણચાતુરીપિશુનકુઞ્જપુઞ્જોજ્જ્વલા ।
જગત્ત્રયકલાગુરોર્લલિતલાસ્યવલ્ગત્પદ
પ્રયોગવિધિસાક્ષિણી શરણમસ્તુ વૃન્દાટવી ॥ ૭ ॥
વરિષ્ઠહરિદાસતાપદસમૃદ્ધગોવર્ધના
મધૂદ્વહવધૂચમત્કૃતિનિવાસરાસસ્થલા ।
અગૂઢગહનશ્રિયો મધુરિમવ્રજેનોજ્જ્વલા
વ્રજસ્ય સહજેન મે શરણમસ્તુ વૃન્દાટવી ॥ ૮ ॥
ઇદં નિખિલનિષ્કુટાવલિવરિષ્ઠવૃન્દાટવી
ગુણસ્મરણકારિ યઃ પઠતિ સુષ્ઠુ પદ્યાષ્ટકમ્ ।
વસન્ વ્યસનમુક્તધીરનિશમત્ર સદ્વાસનઃ
સ પીતવસને વશી રતિમવાપ્ય વિક્રીડતિ ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં શ્રીવૃન્દાવનાષ્ટકં સમ્પૂર્ણમ્ ।
– Chant Stotra in Other Languages –
Sri Vrindavana Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil