॥ Yugal Ashtakam Gujarati Lyrics ॥
॥ શ્રીયુગલાષ્ટકમ્ ॥
શ્રીમાધવેન્દ્રપુરીવિરચિતં ।
વૃન્દાવનવિહારાઢ્યૌ સચ્ચિદાનન્દવિગ્રહૌ ।
મણિમણ્ડપમધ્યસ્થૌ રાધાકૃષ્ણૌ નમામ્યહમ્ ॥ ૧ ॥
પીતનીલપટૌ શાન્તૌ શ્યામગૌરકલેબરૌ ।
સદા રાસરતૌ સત્યૌ રાધાકૃષ્ણૌ નમામ્યહમ્ ॥ ૨ ॥
ભાવાવિષ્ટૌ સદા રમ્યૌ રાસચાતુર્યપણ્ડિતૌ ।
મુરલીગાનતત્ત્વજ્ઞૌ રાધાકૃષ્ણૌ નમામ્યહમ્ ॥ ૩ ॥
યમુનોપવનાવાસૌ કદમ્બવનમન્દિરૌ ।
કલ્પદ્રુમવનાધીશૌ રાધાકૃષ્ણૌ નમામ્યહમ્ ॥ ૪ ॥
યમુનાસ્નાનસુભગૌ ગોવર્ધનવિલાસિનૌ ।
દિવ્યમન્દારમાલાઢ્યૌ રાધાકૃષ્ણૌ નમામ્યહમ્ ॥ ૫ ॥
મઞ્જીરરઞ્જિતપદૌ નાસાગ્રગજમૌક્તિકૌ ।
મધુરસ્મેરસુમુખૌ રાધાકૃષ્ણૌ નમામ્યહમ્ ॥ ૬ ॥
અનન્તકોટિબ્રહ્માણ્ડે સૃષ્ટિસ્થિત્યન્તકારિણૌ ।
મોહનૌ સર્વલોકાનાં રાધાકૃષ્ણૌ નમામ્યહમ્ ॥ ૭ ॥
પરસ્પરસમાવિષ્ટૌ પરસ્પરગણપ્રિયૌ ।
રસસાગરસમ્પન્નૌ રાધાકૃષ્ણૌ નમામ્યહમ્ ॥ ૮ ॥
ઇતિ શ્રીમાધવેન્દ્રપુરીવિરચિતં શ્રીયુગલાષ્ટકં સમ્પૂર્ણમ્ ।
– Chant Stotra in Other Languages –
Yugal Ashtakam Stotras, Stutis & Aarti » Yamuna Ashtapadi Lyrics in Sanskrit » English » Bengali » Kannada » Malayalam » Odia » Telugu » Tamil