॥ Yugal Ashtakam Sanskrit Lyrics ॥
॥ श्रीयुगलाष्टकम् ॥
श्रीमाधवेन्द्रपुरीविरचितं ।
वृन्दावनविहाराढ्यौ सच्चिदानन्दविग्रहौ ।
मणिमण्डपमध्यस्थौ राधाकृष्णौ नमाम्यहम् ॥ १ ॥
पीतनीलपटौ शान्तौ श्यामगौरकलेबरौ ।
सदा रासरतौ सत्यौ राधाकृष्णौ नमाम्यहम् ॥ २ ॥
भावाविष्टौ सदा रम्यौ रासचातुर्यपण्डितौ ।
मुरलीगानतत्त्वज्ञौ राधाकृष्णौ नमाम्यहम् ॥ ३ ॥
यमुनोपवनावासौ कदम्बवनमन्दिरौ ।
कल्पद्रुमवनाधीशौ राधाकृष्णौ नमाम्यहम् ॥ ४ ॥
यमुनास्नानसुभगौ गोवर्धनविलासिनौ ।
दिव्यमन्दारमालाढ्यौ राधाकृष्णौ नमाम्यहम् ॥ ५ ॥
मञ्जीररञ्जितपदौ नासाग्रगजमौक्तिकौ ।
मधुरस्मेरसुमुखौ राधाकृष्णौ नमाम्यहम् ॥ ६ ॥
अनन्तकोटिब्रह्माण्डे सृष्टिस्थित्यन्तकारिणौ ।
मोहनौ सर्वलोकानां राधाकृष्णौ नमाम्यहम् ॥ ७ ॥
परस्परसमाविष्टौ परस्परगणप्रियौ ।
रससागरसम्पन्नौ राधाकृष्णौ नमाम्यहम् ॥ ८ ॥
इति श्रीमाधवेन्द्रपुरीविरचितं श्रीयुगलाष्टकं सम्पूर्णम् ।
– Chant Stotra in Other Languages –
Yugal Ashtakam Stotras, Stutis & Aarti » Yamuna Ashtapadi Lyrics in English » Bengali » Gujarati » Kannada » Malayalam » Odia » Telugu » Tamil