॥ Srikanta Ashtakam Malayalam Lyrics ॥
॥ ശ്രീകണ്ഠ ॥
യഃ പാദപപിഹിതതനുഃ പ്രകാശതാം പരശുരാമേണ ।
നീതഃ സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ॥ ൧ ॥
യഃ കാലം ജിതഗര്വം കൃത്വാ ക്ഷണതോ മൃകണ്ഡുമുനിസൂനും ।
നിര്ഭയമകരോത്സോഽവ്യച്ഛ്രീകണ്ഠഃ പാദനമ്രകല്പതരുഃ ॥ ൨ ॥
കുഷ്ഠാപസ്മാരമുഖാ രോഗാ യത്പാദസേവനാത്സഹസാ ।
പ്രശമം പ്രയാന്തി സോഽവ്യാച്ഛ്രീകണ്ഠഃ പാദനമ്രകല്പതരുഃ ॥ ൩ ॥
യദവിദ്യൈവ ജഗദിദമഖിലം പ്രതിഭാതി സത്യവത്പൂര്വം ।
ജ്ഞാനാത്സോഽവ്യാത്സതതം ശ്രീകണ്ഠഃ പാദനമ്രകല്പതരുഃ ॥ ൪ ॥
യതിവൃന്ദവന്ദ്യചരണഃ കമിതാ ധരണീധരേന്ദ്രതനയായാഃ ।
ശ്രീശാദിവന്ദിതോ‍ഽവ്യാച്ഛ്രീകണ്ഠഃ പാദനമ്രകല്പതരുഃ ॥ ൫ ॥
യോ ദക്ഷിണാസ്യരൂപം ധൃത്വാ വിജ്ഞാനദാനകൃതദീക്ഷഃ ।
മുഗ്ധേഭ്യോഽപി സ പായാച്ഛ്രീകണ്ഠഃ പാദനമ്രകല്പതരുഃ ॥ ൬ ॥
അന്ധോഽപി യത്കരുണയാ ചക്ഷുഷ്മാന്ഭവതി സത്വരം ലോകേ ।
കരുണാനിധിഃ സ പായാച്ഛ്രീകണ്ഠഃ പാദനമ്രകല്പതരുഃ ॥ ൭ ॥
കപിലാതടാദൃതഗതിഃ കപിലാദിമുനീന്ദ്രവന്ദ്യപദപദ്മഃ ।
ശ്രീദഃ പായാത്സതതം ശ്രീകണ്ഠഃ പാദനമ്രകല്പതരുഃ ॥ ൮ ॥
ശ്രീകണ്ഠാഷ്ടകമേതത്പഠതി ജനോ യഃ കൃതാദരഃ സതതം ।
ശ്രീവിദ്യാസദനം സ പ്രഭവേന്നൈവാത്ര സന്ദേഹഃ ॥ ൯ ॥
ഇതി ശ്രീകണ്ഠാഷ്ടകം സംപൂര്ണം ॥
– Chant Stotra in Other Languages –
Srikanta Ashtakam in Marathi – Gujarati । Bengali – Kannada – Malayalam – Telugu