॥ Swami Brahmananda’s Govindashtakam Malayalam Lyrics ॥
॥ ഗോവിന്ദാഷ്ടകം സ്വാമിബ്രഹ്മാനന്ദകൃതം ॥
ശ്രീ ഗണേശായ നമഃ ॥
ചിദാനന്ദാകാരം ശ്രുതിസരസസാരം സമരസം
നിരാധാരാധാരം ഭവജലധിപാരം പരഗുണം ।
രമാഗ്രീവാഹാരം വ്രജവനവിഹാരം ഹരനുതം
സദാ തം ഗോവിന്ദം പരമസുഖകന്ദം ഭജത രേ ॥ 1 ॥
മഹാംഭോദിസ്ഥാനം സ്ഥിരചരനിദാനം ദിവിജപം
സുധാധാരാപാനം വിഹഗപതിയാനം യമരതം ।
മനോജ്ഞം സുജ്ഞാനം മുനിജനനിധാനം ധ്രുവപദം
സദാ തം ഗോവിന്ദം പരമസുഖകന്ദം ഭജത രേ ॥ 2 ॥
ധിയാ ധീരൈര്‍ധ്യേയം ശ്രവണപുടപേയം യതിവരൈഃ
മഹാവാക്യൈജ്ഞേയം ത്രിഭുവനവിധേയം വിധിപരം ।
മനോമാനാമേയം സപദി ഹൃദി നേയം നവതനും
സദാ തം ഗോവിന്ദം പരമസുഖകന്ദം ഭജത രേ ॥ 3 ॥
മഹാമായാജാലം വിമലവനമാലം മലഹരം
സുബാലം ഗോപാലം നിഹതശിശുപാലം ശശിമുഖം ।
കലാതീതം കാലം ഗതിഹതമരാലം മുരരിപും
സദാ തം ഗോവിന്ദം പരമസുഖകന്ദം ഭജത രേ ॥ 4 ॥
നഭോബിംബസ്ഫീതം നിഗമഗണഗീതം സമഗതിം
സുരൌഘേ സമ്പ്രീതം ദിതിജവിപരീതം പുരിശയം ।
ഗിരാം പന്ഥാതീതം സ്വദിതനവനീതം നയകരം
സദാ തം ഗോവിന്ദം പരമസുഖകന്ദം ഭജത രേ ॥ 5 ॥
പരേശം പദ്മേശം ശിവകമലജേശം ശിവകരം
ദ്വിജേശം ദേവേശം തനുകുടിലകേശം കലിഹരം ।
ഖഗേശം നാഗേശം നിഖിലഭുവനേശം നഗധരം
സദാ തം ഗോവിന്ദം പരമസുഖകന്ദം ഭജത രേ ॥ 6 ॥
രമാകാന്തം കാന്തം ഭവഭയലയാന്തം ഭവസുഖം
ദുരാശാന്തം ശാന്തം നിഖിലഹൃദി ഭാന്തം ഭുവനപം ।
വിവാദാന്തം ദാന്തം ദനുജനിചയാന്തം സുചരിതം
സദാ തം ഗോവിന്ദം പരമസുഖകന്ദം ഭജത രേ ॥ 7 ॥
ജഗജ്ജ്യേഷ്ഠം ശ്രേഷ്ഠം സുരപതികനിഷ്ഠം ക്രതുപതിം
ബലിഷ്ഠം ഭൂയിഷ്ഠം ത്രിഭുവനവരിഷ്ഠം വരവഹം ।
സ്വനിഷ്ഠം ധാര്‍മിഷ്ഠം ഗുരുഗുണഗരിഷ്ഠം ഗുരുവരം
സദാ തം ഗോവിന്ദം പരമസുഖകന്ദം ഭജത രേ ॥ 8 ॥
ഗദാപാണേരേതദ്ദുരിതദലനം ദുഃഖശമനം
വിശുദ്ധാത്മാ സ്തോത്രം പഠതി മനുജോ യസ്തു സതതം ।
സ ഭുക്ത്വാ ഭോഗൌഘം ചിരമിഹ തതോഽപാസ്തവൃജിനോ
വരം വിഷ്ണോഃ സ്ഥാനം വ്രജതി ഖലു വൈകുണ്ഠഭുവനം ॥
॥ ഇതി ശ്രീ പരമഹംസ സ്വാമി ബ്രഹ്മാനന്ദ വിരചിതം
ശ്രീ ഗോവിന്ദാഷ്ടകം സമ്പൂര്‍ണം ॥
– Chant Stotra in Other Languages –
Swami Brahmananda’s Govindashtakam Lyrics in Sanskrit » English » Bengali » Gujarati » Kannada » Odia » Telugu » Tamil