॥ Tulasi Dasa Rudrashtakam Malayalam Lyrics ॥
॥ രുദ്രാഷ്ടകം ( തുലസീദാസ ) ॥
॥ ശ്രീരുദ്രാഷ്ടകം ॥
നമാമീശമീശാന നിര്‍വാണരൂപം വിഭും വ്യാപകം ബ്രഹ്മവേദസ്വരൂപം ।
നിജം നിര്‍ഗുണം നിര്‍വികല്‍പം നിരീഹം ചിദാകാശമാകാശവാസം ഭജേഽഹം ॥ 1 ॥
നിരാകാരമോംകാരമൂലം തുരീയം ഗിരാ ജ്ഞാന ഗോതീതമീശം ഗിരീശം ।
കരാലം മഹാകാല കാലം കൃപാലം ഗുണാഗാര സംസാരപാരം നതോഽഹം ॥ 2 ॥
തുഷാരാദ്രി സംകാശ ഗൌരം ഗഭീരം മനോഭൂത കോടിപ്രഭാ ശ്രീ ശരീരം ।
സ്ഫുരന്‍മൌലി കല്ലോലിനീ ചാരു ഗങ്ഗാ ലസദ്ഭാലബാലേന്ദു കണ്ഠേ ഭുജങ്ഗാ ॥ 3 ॥
ചലത്കുണ്ഡലം ഭ്രൂ സുനേത്രം വിശാലം പ്രസന്നാനനം നീലകണ്ഠം ദയാലം ।
മൃഗാധീശചര്‍മാംബരം മുണ്ഡമാലം പ്രിയം ശംകരം സര്‍വനാഥം ഭജാമി ॥ 4 ॥
പ്രചണ്ഡം പ്രകൃഷ്ടം പ്രഗല്‍ഭം പരേശം അഖണ്ഡം അജം ഭാനുകോടിപ്രകാശം ।
ത്രയഃ ശൂല നിര്‍മൂലനം ശൂലപാണിം ഭജേഽഹം ഭവാനീപതിം ഭാവഗംയം ॥ 5 ॥
കലാതീത കല്യാണ കല്‍പാന്തകാരീ സദാ സജ്ജനാനന്ദദാതാ പുരാരീ ।
ചിദാനന്ദ സംദോഹ മോഹാപഹാരീ പ്രസീദ പ്രസീദ പ്രഭോ മന്‍മഥാരീ ॥ 6 ॥
ന യാവത് ഉമാനാഥ പാദാരവിന്ദം ഭജന്തീഹ ലോകേ പരേ വാ നരാണാം ।
ന താവത് സുഖം ശാന്തി സന്താപനാശം പ്രസീദ പ്രഭോ സര്‍വഭൂതാധിവാസം ॥ 7 ॥
ന ജാനാമി യോഗം ജപം നൈവ പൂജാം നതോഽഹം സദാ സര്‍വദാ ശംഭു തുഭ്യം ।
ജരാ ജന്‍മ ദുഃഖൌഘ താതപ്യമാനം പ്രഭോ പാഹി ആപന്നമാമീശ ശംഭോ ॥ 8 ॥
രുദ്രാഷ്ടകമിദം പ്രോക്തം വിപ്രേണ ഹരതോഷയേ ।
യേ പഠന്തി നരാ ഭക്ത്യാ തേഷാം ശംഭുഃ പ്രസീദതി ॥
॥ ഇതി ശ്രീഗോസ്വാമിതുലസീദാസകൃതം ശ്രീരുദ്രാഷ്ടകം സമ്പൂര്‍ണം ॥
– Chant Stotra in Other Languages –
Lord Shiva Stotram » Tulasidasa Rudra Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil