॥ Tulasi Dasa Rudrashtakam Telugu Lyrics ॥
॥ రుద్రాష్టకం ( తులసీదాస ) ॥
॥ శ్రీరుద్రాష్టకమ్ ॥
నమామీశమీశాన నిర్వాణరూపం విభుం వ్యాపకం బ్రహ్మవేదస్వరూపమ్ ।
నిజం నిర్గుణం నిర్వికల్పం నిరీహం చిదాకాశమాకాశవాసం భజేఽహమ్ ॥ ౧ ॥
నిరాకారమోంకారమూలం తురీయం గిరా జ్ఞాన గోతీతమీశం గిరీశమ్ ।
కరాలం మహాకాల కాలం కృపాలం గుణాగార సంసారపారం నతోఽహమ్ ॥ ౨ ॥
తుషారాద్రి సంకాశ గౌరం గభీరం మనోభూత కోటిప్రభా శ్రీ శరీరమ్ ।
స్ఫురన్మౌలి కల్లోలినీ చారు గఙ్గా లసద్భాలబాలేన్దు కణ్ఠే భుజఙ్గా ॥ ౩ ॥
చలత్కుణ్డలం భ్రూ సునేత్రం విశాలం ప్రసన్నాననం నీలకణ్ఠం దయాలమ్ ।
మృగాధీశచర్మామ్బరం ముణ్డమాలం ప్రియం శంకరం సర్వనాథం భజామి ॥ ౪ ॥
ప్రచణ్డం ప్రకృష్టం ప్రగల్భం పరేశం అఖణ్డం అజం భానుకోటిప్రకాశమ్ ।
త్రయః శూల నిర్మూలనం శూలపాణిం భజేఽహం భవానీపతిం భావగమ్యమ్ ॥ ౫ ॥
కలాతీత కల్యాణ కల్పాన్తకారీ సదా సజ్జనానన్దదాతా పురారీ ।
చిదానన్ద సందోహ మోహాపహారీ ప్రసీద ప్రసీద ప్రభో మన్మథారీ ॥ ౬ ॥
న యావత్ ఉమానాథ పాదారవిన్దం భజన్తీహ లోకే పరే వా నరాణామ్ ।
న తావత్ సుఖం శాన్తి సన్తాపనాశం ప్రసీద ప్రభో సర్వభూతాధివాసమ్ ॥ ౭ ॥
న జానామి యోగం జపం నైవ పూజాం నతోఽహం సదా సర్వదా శమ్భు తుభ్యమ్ ।
జరా జన్మ దుఃఖౌఘ తాతప్యమానం ప్రభో పాహి ఆపన్నమామీశ శమ్భో ॥ ౮ ॥
రుద్రాష్టకమిదం ప్రోక్తం విప్రేణ హరతోషయే ।
యే పఠన్తి నరా భక్త్యా తేషాం శమ్భుః ప్రసీదతి ॥
॥ ఇతి శ్రీగోస్వామితులసీదాసకృతం శ్రీరుద్రాష్టకం సమ్పూర్ణమ్ ॥
– Chant Stotra in Other Languages –
Lord Shiva Stotram » Tulasidasa Rudra Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil