॥ Uma Ashtottara Sathanama Sthothra Malayalam Lyrics ॥
॥ ഉമാഽഷ്ടോത്തരശതനാമസ്തോത്രം ॥
ശ്രീഗണേശായ നമഃ ।
ശ്രീഉമാമഹേശ്വരാഭ്യാം നമഃ ।
പാതു നഃ പാര്‍വതീ ദുര്‍ഗാ ഹൈമവത്യംബികാ ശുഭാ ।
ശിവാ ഭവാനീ രുദ്രാണീ ശങ്കരാര്‍ധശരീരിണീ ॥ 1 ॥
ഓം ഉമാ കാത്യായനീ ഗൌരീ കാലീ ഹൈമവതീശ്വരീ ।
ശിവാ ഭവാനീ രുദ്രാണീ ശര്‍വാണീ സര്‍വമങ്ഗലാ ॥ 2 ॥
അപര്‍ണാ പാര്‍വതീ ദുര്‍ഗാ മൃഡാനീ ചണ്ഡികാഽംബികാ ।
ആര്യാ ദാക്ഷായണീ ചൈവ ഗിരിജാ മേനകാത്മജാ ॥ 3 ॥
സ്കന്ദാമാതാ ദയാശീലാസുന്ദരീ ഭക്തരക്ഷകാ ।
ഭക്തവശ്യാ ച ലാവണ്യനിധിഃ സര്‍വസുഖപ്രദാ ॥ 4 ॥
മഹാദേവീ ഭക്തമനോഹ്വലാദിനീ കഠിനസ്തനീ ।
കമലാക്ഷീ ദയാസാരാ കാമാക്ഷീ നിത്യയൌവനാ ॥ 5 ॥
സര്‍വസമ്പത്പ്രദാ കാന്താ സര്‍വസമ്മോഹിനീ മഹീ ।
ശുഭപ്രിയാ കംബുകണ്ഠീ കല്യാണീ കമലപ്രിയാ ॥ 6 ॥
സര്‍വേശ്വരീ ച കമലഹസ്താവിഷ്ണുസഹോദരീ ।
വീണാവാദപ്രിയാ സര്‍വദേവസമ്പൂജിതാങ്ഘ്രികാ ॥ 7 ॥
കദംബാരണ്യനിലയാ വിന്ധ്യാചലനിവാസിനീ ।
ഹരപ്രിയാ കാമകോടിപീഠസ്ഥാ വാഞ്ഛിതാര്‍ഥദാ ॥ 8 ॥
ശ്യാമാങ്ഗാ ചന്ദ്രവദനാ സര്‍വവേദസ്വരൂപിണീ ।
സര്‍വശാസ്ത്രസ്വരൂപാച സര്‍വദേവമയീ തഥാ ॥ 9 ॥
പുരുഹൂതസ്തുതാ ദേവീ സര്‍വവേദ്യാ ഗുണപ്രിയാ ।
പുണ്യസ്വരൂപിണീ വേദ്യാ പുരുഹൂതസ്വരൂപിണീ ॥ 10 ॥
പുണ്യോദയാ നിരാധാരാ ശുനാസീരാദിപൂജിതാ ।
നിത്യപൂര്‍ണാ മനോഗംയാ നിര്‍മലാഽഽനന്ദപൂരിതാ ॥ 11 ॥
വാഗീശ്വരീ നീതിമതീ മഞ്ജുലാ മങ്ഗലപ്രദാ ।
വാഗ്മിനീ വഞ്ജുലാ വന്ദ്യാ വയോഽവസ്ഥാവിവര്‍ജിതാ ॥ 12 ॥
വാചസ്പതിര്‍മഹാലക്ഷ്മീര്‍മഹാമങ്ഗലനായികാ ।
സിംഹാസനമയീ സൃഷ്ടിസ്ഥിതിസംഹാരകാരിണീ ॥ 13 ॥
മഹായജ്ഞാനേത്രരൂപാ സാവിത്രീ ജ്ഞാനരൂപിണീ ।
വരരൂപധരായോഗാ മനോവാചാമഗോചരാ ॥ 14 ॥
ദയാരൂപാ ച കാലജ്ഞാ ശിവധര്‍മപരായണാ ।
വജ്രശക്തിധരാ ചൈവ സൂക്ഷ്മാങ്ഗീ പ്രാണധാരിണീ ॥ 15 ॥
ഹിമശൈലകുമാരീ ച ശരണാഗതരക്ഷിണീ ।
സര്‍വാഗമസ്വരൂപാ ച ദക്ഷിണാ ശങ്കരപ്രിയാ ॥ 16 ॥
ദയാധാരാ മഹാനാഗധാരിണീ ത്രിപുരഭൈരവീ ।
നവീനചന്ദ്രചൂഡസ്യ പ്രിയാ ത്രിപുരസുന്ദരീ ॥ 17 ॥
നാംനാമഷ്ടോത്തരശതം ഉമായാഃ കീര്‍തിതം സകൃത് ।
ശാന്തിദം കീര്‍തിദം ലക്ഷ്മീയശോമേധാപ്രദായകം ॥ 18 ॥
॥ ഇതി ശ്രീഉമാഽഷ്ടോത്തരശതനാമസ്തോത്രം സമ്പൂര്‍ണം ॥
– Chant Stotra in Other Languages –
Goddess Durga Slokam » Uma Ashtottara Satanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil