॥ Shivastotram upamanyukrita Bengali Lyrics ॥
॥ উপমন্যুকৃতশিবস্তোত্রম্ ॥
শ্রীগণেশায় নমঃ ।
জয় শঙ্কর পার্বতীপতে মৃড শম্ভো শশিখণ্ডমণ্দন ।
মদনান্তক ভক্তবৎসল প্রিয়কৈলাস দয়াসুধাম্বুধে ॥ ১ ॥
সদুপায়কথাস্বপণ্ডিতো হৃদয়ে দুঃখশরেণ খণ্ডিতঃ ।
শশিখণ্ডশিখণ্ডমণ্ডনং শরণং যামি শরণ্যমীশ্বরম্ ॥ ২ ॥
মহতঃ পরিতঃ প্রসর্পতস্তমসো দর্শনভেদিনো ভিদে ।
দিননাথ ইব স্বতেজসা হৃদয়ব্যোম্নি মনাগুদেহি নঃ ॥ ৩ ॥
ন বয়ং তব চর্মচক্ষুষা পদবীমপ্যুপবীক্ষিতুং ক্ষমাঃ ।
কৃপয়াঽভয়দেন চক্ষুষা সকলেনেশ বিলোকয়াশু নঃ ॥ ৪ ॥
ৎবদনুস্মৃতিরেব পাবনী স্তুতিয়ুক্তা ন হি বক্তুমীশ সা ।
মধুরং হি পয়ঃ স্বভাবতো ননু কিদৃক্সিতশর্করান্বিতম্ ॥ ৫ ॥
সবিষোঽপ্যমৃতায়তে ভবাঞ্ছবমুণ্ডাভরণোঽপি পাবনঃ ।
ভব এব ভবান্তকঃ সতাং সমদৃষ্টির্বিষমেক্ষণোঽপি সন্ ॥ ৬ ॥
অপি শূলধরো সতাং নিরাময়ো দৃঢবৈরাগ্যরতোঽপি রাগবান্ ।
অপি ভৈক্ষ্যচরো মহেশ্বরশ্চরিতং চিত্রমিদং হি তে প্রভো ॥ ৭ ॥
বিতরত্যভিবাঞ্ছিতং দৃশা পরিদৃষ্টঃ কিল কল্পপাদপঃ ।
হৃদয়ে স্মৃত এব ধীমতে নমতেঽভীষ্টফলপ্রদো ভবান্ ॥ ৮ ॥
সহসৈব ভুজঙ্গপাশবান্বিনিগৃহ্ণাতি ন যাবদন্তকঃ ।
অভয়ং কুরু তাবদাশু মে গতজীবস্য পুনঃ কিমৌষধৈঃ ॥ ৯ ॥
সবিষৈরিব ভীমপন্নগৈর্বিষয়ৈরেভিরলং পরিক্ষতম্ ।
অমৃতৈরিব সংভ্রমেণ মামভিষিঞ্চাশু দয়াবলোকনৈঃ ॥ ১০ ॥
মুনয়ো বহবোঽদ্য ধন্যতাং গমিতা স্বাভিমতার্থদর্শিনঃ ।
করুণাকর যেন তেন মামবসন্নং ননু পশ্য চক্ষুষা ॥ ১১ ॥
প্রণমাম্যথ যামি চাপরং শরণং কং কৃপণাভয়প্রদম্ ।
বিরহীব বিভো প্রিয়াময়ং পরিপশ্যামি ভবন্ময়ং জগৎ ॥ ১২ ॥
বহবো ভবতাঽনুকম্পিতাঃ কিমিতীশান ন মানুকম্পসে ।
দধতা কিমু মন্দরাচলং পরমাণুঃ কমঠেন দুর্ধরঃ ॥১৩ ॥
অশুচিং যদি মানুমন্যসে কিমিদং মূর্ধ্নি কপালদাম তে ।
উত শাঠ্যমসাধুসঙ্গিনং বিষলক্ষ্মাসি ন কিং দ্বিজিহ্বধৃক্ ॥ ১৪ ॥
ক্ব দৃশং বিদধামি কিং করোম্যনুতিষ্ঠামি কথং ভয়াকুলঃ ।
ক্ব নু তিষ্ঠসি রক্ষ রক্ষ মাময়ি শম্ভো শরণাগতোঽস্মি তে ॥ ১৫ ॥
বিলুঠাম্যবনৌ কিমাকুলঃ কিমুরো হন্মি শিরশ্ছিনদ্মি বা ।
কিমু রোদিমি রারটীমি কিং কৃপণং মাং ন যদীক্ষসে প্রভো ॥ ১৬ ॥
শিব সর্বগ শর্ব শর্মদং প্রণতো দেব দয়াং কুরুষ্ব মে ।
নম ঈশ্বর নাথ দিক্পতে পুনরেবেশ নমো নমোঽস্তু তে ॥ ১৭ ॥
শরণং তরুণেন্দুশেখরঃ শরণং মে গিরিরাজকন্যকা ।
শরণং পুনরেব তাবুভৌ শরণং নান্যদুপৈমি দৈবতম্ ॥ ১৮ ॥
উপমন্যুকৃতং স্তবোত্তমং জপতঃ শম্ভুসমীপবর্তিনঃ ।
অভিবাঞ্ছিতভাগ্যসম্পদঃ পরমায়ুঃ প্রদদাতি শঙ্করঃ ॥ ১৯ ॥
উপমন্যুকৃতং স্তবোত্তমং প্রজপেদ্যস্তু শিবস্য সন্নিধৌ ।
শিবলোকমবাপ্য সোঽচিরাৎসহ তেনৈব শিবেন মোদতে ॥ ২০ ॥
ইত্যুপমন্যুকৃতং শিবস্তোত্রং সম্পূর্ণম্ ।
– Chant Stotra in Other Languages –
Upamanyu Krutha Shiva Stotram in Sanskrit – English – Bengali – Gujarati – Kannada – Malayalam – Odia – Telugu – Tamil