॥ Shivastotram upamanyukrita Odia Lyrics ॥
॥ ଉପମନ୍ୟୁକୃତଶିବସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଜୟ ଶଙ୍କର ପାର୍ୱତୀପତେ ମୃଡ ଶମ୍ଭୋ ଶଶିଖଣ୍ଡମଣ୍ଦନ ।
ମଦନାନ୍ତକ ଭକ୍ତବତ୍ସଲ ପ୍ରିୟକୈଲାସ ଦୟାସୁଧାମ୍ବୁଧେ ॥ ୧ ॥
ସଦୁପାୟକଥାସ୍ୱପଣ୍ଡିତୋ ହୃଦୟେ ଦୁଃଖଶରେଣ ଖଣ୍ଡିତଃ ।
ଶଶିଖଣ୍ଡଶିଖଣ୍ଡମଣ୍ଡନଂ ଶରଣଂ ଯାମି ଶରଣ୍ୟମୀଶ୍ୱରମ୍ ॥ ୨ ॥
ମହତଃ ପରିତଃ ପ୍ରସର୍ପତସ୍ତମସୋ ଦର୍ଶନଭେଦିନୋ ଭିଦେ ।
ଦିନନାଥ ଇବ ସ୍ୱତେଜସା ହୃଦୟବ୍ୟୋମ୍ନି ମନାଗୁଦେହି ନଃ ॥ ୩ ॥
ନ ବୟଂ ତବ ଚର୍ମଚକ୍ଷୁଷା ପଦବୀମପ୍ୟୁପବୀକ୍ଷିତୁଂ କ୍ଷମାଃ ।
କୃପୟାଽଭୟଦେନ ଚକ୍ଷୁଷା ସକଲେନେଶ ବିଲୋକୟାଶୁ ନଃ ॥ ୪ ॥
ତ୍ୱଦନୁସ୍ମୃତିରେବ ପାବନୀ ସ୍ତୁତିୟୁକ୍ତା ନ ହି ବକ୍ତୁମୀଶ ସା ।
ମଧୁରଂ ହି ପୟଃ ସ୍ୱଭାବତୋ ନନୁ କିଦୃକ୍ସିତଶର୍କରାନ୍ୱିତମ୍ ॥ ୫ ॥
ସବିଷୋଽପ୍ୟମୃତାୟତେ ଭବାଞ୍ଛବମୁଣ୍ଡାଭରଣୋଽପି ପାବନଃ ।
ଭବ ଏବ ଭବାନ୍ତକଃ ସତାଂ ସମଦୃଷ୍ଟିର୍ୱିଷମେକ୍ଷଣୋଽପି ସନ୍ ॥ ୬ ॥
ଅପି ଶୂଲଧରୋ ସତାଂ ନିରାମୟୋ ଦୃଢବୈରାଗ୍ୟରତୋଽପି ରାଗବାନ୍ ।
ଅପି ଭୈକ୍ଷ୍ୟଚରୋ ମହେଶ୍ୱରଶ୍ଚରିତଂ ଚିତ୍ରମିଦଂ ହି ତେ ପ୍ରଭୋ ॥ ୭ ॥
ବିତରତ୍ୟଭିବାଞ୍ଛିତଂ ଦୃଶା ପରିଦୃଷ୍ଟଃ କିଲ କଲ୍ପପାଦପଃ ।
ହୃଦୟେ ସ୍ମୃତ ଏବ ଧୀମତେ ନମତେଽଭୀଷ୍ଟଫଲପ୍ରଦୋ ଭବାନ୍ ॥ ୮ ॥
ସହସୈବ ଭୁଜଙ୍ଗପାଶବାନ୍ୱିନିଗୃହ୍ଣାତି ନ ଯାବଦନ୍ତକଃ ।
ଅଭୟଂ କୁରୁ ତାବଦାଶୁ ମେ ଗତଜୀବସ୍ୟ ପୁନଃ କିମୌଷଧୈଃ ॥ ୯ ॥
ସବିଷୈରିବ ଭୀମପନ୍ନଗୈର୍ୱିଷୟୈରେଭିରଲଂ ପରିକ୍ଷତମ୍ ।
ଅମୃତୈରିବ ସଂଭ୍ରମେଣ ମାମଭିଷିଞ୍ଚାଶୁ ଦୟାବଲୋକନୈଃ ॥ ୧୦ ॥
ମୁନୟୋ ବହବୋଽଦ୍ୟ ଧନ୍ୟତାଂ ଗମିତା ସ୍ୱାଭିମତାର୍ଥଦର୍ଶିନଃ ।
କରୁଣାକର ଯେନ ତେନ ମାମବସନ୍ନଂ ନନୁ ପଶ୍ୟ ଚକ୍ଷୁଷା ॥ ୧୧ ॥
ପ୍ରଣମାମ୍ୟଥ ଯାମି ଚାପରଂ ଶରଣଂ କଂ କୃପଣାଭୟପ୍ରଦମ୍ ।
ବିରହୀବ ବିଭୋ ପ୍ରିୟାମୟଂ ପରିପଶ୍ୟାମି ଭବନ୍ମୟଂ ଜଗତ୍ ॥ ୧୨ ॥
ବହବୋ ଭବତାଽନୁକମ୍ପିତାଃ କିମିତୀଶାନ ନ ମାନୁକମ୍ପସେ ।
ଦଧତା କିମୁ ମନ୍ଦରାଚଲଂ ପରମାଣୁଃ କମଠେନ ଦୁର୍ଧରଃ ॥୧୩ ॥
ଅଶୁଚିଂ ଯଦି ମାନୁମନ୍ୟସେ କିମିଦଂ ମୂର୍ଧ୍ନି କପାଲଦାମ ତେ ।
ଉତ ଶାଠ୍ୟମସାଧୁସଙ୍ଗିନଂ ବିଷଲକ୍ଷ୍ମାସି ନ କିଂ ଦ୍ୱିଜିହ୍ୱଧୃକ୍ ॥ ୧୪ ॥
କ୍ୱ ଦୃଶଂ ବିଦଧାମି କିଂ କରୋମ୍ୟନୁତିଷ୍ଠାମି କଥଂ ଭୟାକୁଲଃ ।
କ୍ୱ ନୁ ତିଷ୍ଠସି ରକ୍ଷ ରକ୍ଷ ମାମୟି ଶମ୍ଭୋ ଶରଣାଗତୋଽସ୍ମି ତେ ॥ ୧୫ ॥
ବିଲୁଠାମ୍ୟବନୌ କିମାକୁଲଃ କିମୁରୋ ହନ୍ମି ଶିରଶ୍ଛିନଦ୍ମି ବା ।
କିମୁ ରୋଦିମି ରାରଟୀମି କିଂ କୃପଣଂ ମାଂ ନ ଯଦୀକ୍ଷସେ ପ୍ରଭୋ ॥ ୧୬ ॥
ଶିବ ସର୍ୱଗ ଶର୍ୱ ଶର୍ମଦଂ ପ୍ରଣତୋ ଦେବ ଦୟାଂ କୁରୁଷ୍ୱ ମେ ।
ନମ ଈଶ୍ୱର ନାଥ ଦିକ୍ପତେ ପୁନରେବେଶ ନମୋ ନମୋଽସ୍ତୁ ତେ ॥ ୧୭ ॥
ଶରଣଂ ତରୁଣେନ୍ଦୁଶେଖରଃ ଶରଣଂ ମେ ଗିରିରାଜକନ୍ୟକା ।
ଶରଣଂ ପୁନରେବ ତାବୁଭୌ ଶରଣଂ ନାନ୍ୟଦୁପୈମି ଦୈବତମ୍ ॥ ୧୮ ॥
ଉପମନ୍ୟୁକୃତଂ ସ୍ତବୋତ୍ତମଂ ଜପତଃ ଶମ୍ଭୁସମୀପବର୍ତିନଃ ।
ଅଭିବାଞ୍ଛିତଭାଗ୍ୟସମ୍ପଦଃ ପରମାୟୁଃ ପ୍ରଦଦାତି ଶଙ୍କରଃ ॥ ୧୯ ॥
ଉପମନ୍ୟୁକୃତଂ ସ୍ତବୋତ୍ତମଂ ପ୍ରଜପେଦ୍ୟସ୍ତୁ ଶିବସ୍ୟ ସନ୍ନିଧୌ ।
ଶିବଲୋକମବାପ୍ୟ ସୋଽଚିରାତ୍ସହ ତେନୈବ ଶିବେନ ମୋଦତେ ॥ ୨୦ ॥
ଇତ୍ୟୁପମନ୍ୟୁକୃତଂ ଶିବସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Upamanyu Krutha Shiva Stotram in Sanskrit – English – Bengali – Gujarati – Kannada – Malayalam – Odia – Telugu – Tamil