॥ Upashantyashtakam Malayalam Lyrics ॥
॥ ഉപശാന്ത്യഷ്ടകം ॥
അനുപാസാദിതസുഗുരോരവിചാരിതവേദശീര്‍ഷതത്ത്വസ്യ ।
കഥമുപശാന്തിഃ സ്യാദ്ഭോ സതതം സത്സങ്ഗരഹിതസ്യ ॥ 1 ॥
അന്നമയാദിഷു പഞ്ചസ്വഹമ്മതിം യാവദേഷ ന ജഹാതി ।
താവത്കഥമുപശാന്തേഃ പാത്രം പ്രഭവേച്ഛുകാദിതുല്യോഽപി ॥ 2 ॥
ചരതാമക്ഷാശ്വാനാം രൂപപ്രമുഖേഷു വിഷമവിഷയേഷു ।
ദോഷവിമര്‍ശകശാഹതിമകുര്‍വതഃ സ്യാത്കഥം ശാന്തിഃ ॥
തത്ത്വാവബോധമണിവരഭൂഷണഹീനം യദീയഹൃദയം സ്യാത് ।
കഥമുപശാന്തിര്‍വൃണുയാത്തം പുരുഷം സാദരം ലോകേ ॥ 4 ॥
നക്തന്ദിവം പരാചി പ്രവണസ്വാന്തസ്യ ദേഹസക്തധിയഃ ।
കഥമുപശാന്തിഃ പുംസഃ പ്രഭവേദപി കല്‍പകോടിശതൈഃ ॥ 5 ॥
യോഗാഖ്യഗാരുഡമനുപ്രവരേണ കൃതോ ന യേന രദഭങ്ഗഃ ।
തൃഷ്ണാകൃഷ്ണഭുജങ്ഗ്യാഃ കഥമുപശാന്തിര്‍ഭവേത്തസ്യ ॥ 6 ॥
സുതഗേഹമിത്രതരുണീപ്രഭൃതിഷു യസ്യാസ്തി ദൃഢതരഃ സ്നേഹഃ ।
സ കഥമുപശാന്തിവിഷയാമപി ഗാഥാം ഗാതുമീശ്വരഃ സ്യാദ്ഭോ ॥ 7 ॥
സന്ത്യജതി നൈവ കര്‍മാണ്യഖിലാന്യവിഗീതമാര്‍ഗേണ ।
സശിഖം ച യജ്ഞസൂത്രം യഃ സ കഥം ശാന്തിഭാജനം പ്രഭവേത് ॥ 8 ॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ഉപശാന്ത്യഷ്ടകം സമ്പൂര്‍ണം ।
– Chant Stotra in Other Languages –
Upashantyashtakam Lyrics in Sanskrit » English » Bengali » Gujarati » Kannada » Odia » Telugu » Tamil