॥ Upashantyashtakam Telugu Lyrics ॥
॥ ఉపశాన్త్యష్టకమ్ ॥
అనుపాసాదితసుగురోరవిచారితవేదశీర్షతత్త్వస్య ।
కథముపశాన్తిః స్యాద్భో సతతం సత్సఙ్గరహితస్య ॥ ౧ ॥
అన్నమయాదిషు పఞ్చస్వహమ్మతిం యావదేష న జహాతి ।
తావత్కథముపశాన్తేః పాత్రం ప్రభవేచ్ఛుకాదితుల్యోఽపి ॥ ౨ ॥
చరతామక్షాశ్వానాం రూపప్రముఖేషు విషమవిషయేషు ।
దోషవిమర్శకశాహతిమకుర్వతః స్యాత్కథం శాన్తిః ॥
తత్త్వావబోధమణివరభూషణహీనం యదీయహృదయం స్యాత్ ।
కథముపశాన్తిర్వృణుయాత్తం పురుషం సాదరం లోకే ॥ ౪ ॥
నక్తన్దివం పరాచి ప్రవణస్వాన్తస్య దేహసక్తధియః ।
కథముపశాన్తిః పుంసః ప్రభవేదపి కల్పకోటిశతైః ॥ ౫ ॥
యోగాఖ్యగారుడమనుప్రవరేణ కృతో న యేన రదభఙ్గః ।
తృష్ణాకృష్ణభుజఙ్గ్యాః కథముపశాన్తిర్భవేత్తస్య ॥ ౬ ॥
సుతగేహమిత్రతరుణీప్రభృతిషు యస్యాస్తి దృఢతరః స్నేహః ।
స కథముపశాన్తివిషయామపి గాథాం గాతుమీశ్వరః స్యాద్భో ॥ ౭ ॥
సన్త్యజతి నైవ కర్మాణ్యఖిలాన్యవిగీతమార్గేణ ।
సశిఖం చ యజ్ఞసూత్రం యః స కథం శాన్తిభాజనం ప్రభవేత్ ॥ ౮ ॥
ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం ఉపశాన్త్యష్టకం సమ్పూర్ణమ్ ।
– Chant Stotra in Other Languages –
Upashantyashtakam Lyrics in Sanskrit » English » Bengali » Gujarati » Kannada » Malayalam » Odia » Tamil