Vallabhapanchaksharastotram In Gujarati વલ્લભપઞ્ચાક્ષરસ્તોત્રમ્

॥ વલ્લભપઞ્ચાક્ષરસ્તોત્રમ્ Gujarati Lyrics ॥

શ્રીવલ્લવીવલ્લભસ્ય વિયોગાગ્ને કૃપાકર ।
અલૌકિકનિજાનન્દ શ્રીવલ્લભ તવાસ્મ્યહમ્ ॥ ૧॥

કૃષ્ણાધરસુધાધારભરિતાવયવાવૃત ।
શ્રીભાગવતભાવાબ્ધે શ્રીવલ્લભ તવાસ્મ્યહમ્ ॥ ૨॥

ભાવાત્મકસ્વરૂપાર્તિભાવસેવાપ્રદર્શક ।
ભાવવલ્લભ્યપાદાબ્જ શ્રીવલ્લભ તવાસ્મ્યહમ્ ॥ ૩॥

કરુણાયુતદૃક્પ્રાન્તપાતપાતકનાશક ।
નિઃસાધનજનાધીશ શ્રીવલ્લભ તવાસ્મ્યહમ્ ॥ ૪॥

મધુરાસ્યાતિમધુરદૃગન્ત મધુરાધર ।
સ્વરૂપમધુરાકાર શ્રીવલ્લભ તવાસ્મ્યહમ્ ॥ ૫॥

દીનતામાત્રસન્તુષ્ટ દીનતામાર્ગબોધક ।
દીનતાપૂર્ણહૃદય શ્રીવલ્લભ તવાસ્મ્યહમ્ ॥ ૬॥

અઙ્ગીકૃતકૃતાનેકાપરાધવિહતિક્ષમ ।
ગૃહીતહસ્તનિર્વાહ શ્રીવલ્લભ તવાસ્મ્યહમ્ ॥ ૭॥

અશેષહરિદાસૈકસેવિતસ્વપદામ્બુજ ।
અદેયફલદાનર્થં શ્રીવલ્લભ તવાસ્મ્યહમ્ ॥ ૮॥

ઇતિ શ્રીહરિદાસોક્તં શ્રીવલભપઞ્ચાક્ષરસ્તોત્રં સમ્પૂર્ણમ્ ।