భద్రాచల రామదాసు కీర్తనలు
॥ Vandanamu Raghunayaka Lyrics ॥
ఖమాఛ్‌ – త్రిపుట
పల్లవి:
వందనము రఘునాయక ఆనందము శ్రీరఘునాయకా
పొందుగ పాదారవిందము కనుగొందునా రఘునాయకా వం ॥
చరణము(లు):
ఎవరేమన్నారు రఘునాయకా నే వెరువజాల రఘునాయకా
నవనీతచోర నీ నామమె గతి యని నమ్మితి రఘునాయకా వం ॥
మన్ననతో రఘునాయకా నా మనవిని వినుమా రఘునాయకా
సన్నుతింపజాల తండ్రి సరసిజదళనేత్ర నిన్ను రఘునాయకా వం ॥
చపలచిత్తుడ రఘునాయకా నన్ను చేపట్టుమి రఘునాయకా
విపరీతగుణముల నిడుమల పడితిని ఉపాయమెరుగను రఘునాయకా వం ॥
దాసపోషక రఘునాయకా నీవు దాతవు రఘునాయక
వాసిగ భద్రాచల రామదాసుని ఆసతీర్పుము రఘునాయకా వం ॥
– Chant Stotra in Other Languages –
Sri Ramadasu Keerthanalu – Vandanamu Raghunayaka Lyrics in English