Vishwanatha Ashtakam – Ganga Taranga Ramaniya Jata Kalapam Composed by Sri Adi Shankaracharya.
॥ Vishwanathashtakam Odia Lyrics ॥
॥ ବିଶ୍ୱନାଥାଷ୍ଟକମ୍ ॥
ଗଙ୍ଗାତରଂଗରମଣୀୟଜଟାକଲାପଂ
ଗୌରୀନିରନ୍ତରବିଭୂଷିତବାମଭାଗମ୍ ।
ନାରାୟଣପ୍ରିୟମନଂଗମଦାପହାରଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ବାଚାମଗୋଚରମନେକଗୁଣସ୍ୱରୂପଂ
ବାଗୀଶବିଷ୍ଣୁସୁରସେବିତପାଦପୀଠମ୍ ।
ବାମେନବିଗ୍ରହବରେଣକଲତ୍ରବନ୍ତଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ଭୂତାଧିପଂ ଭୁଜଗଭୂଷଣଭୂଷିତାଂଗଂ
ବ୍ୟାଘ୍ରାଜିନାଂବରଧରଂ ଜଟିଲଂ ତ୍ରିନେତ୍ରମ୍ ।
ପାଶାଂକୁଶାଭୟବରପ୍ରଦଶୂଲପାଣିଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ।
ଶୀତାଂଶୁଶୋଭିତକିରୀଟବିରାଜମାନଂ
ଭାଲେକ୍ଷଣାନଲବିଶୋଷିତପଂଚବାଣମ୍ ।
ନାଗାଧିପାରଚିତଭାସୁରକର୍ଣପୂରଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ପଂଚାନନଂ ଦୁରିତମତ୍ତମତଙ୍ଗଜାନାଂ
ନାଗାନ୍ତକଂ ଦନୁଜପୁଂଗବପନ୍ନଗାନାମ୍ ।
ଦାବାନଲଂ ମରଣଶୋକଜରାଟବୀନାଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ତେଜୋମୟଂ ସଗୁଣନିର୍ଗୁଣମଦ୍ୱିତୀୟଂ
ଆନନ୍ଦକନ୍ଦମପରାଜିତମପ୍ରମେୟମ୍ ।
ନାଗାତ୍ମକଂ ସକଲନିଷ୍କଲମାତ୍ମରୂପଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ରାଗାଦିଦୋଷରହିତଂ ସ୍ୱଜନାନୁରାଗଂ
ବୈରାଗ୍ୟଶାନ୍ତିନିଲୟଂ ଗିରିଜାସହାୟମ୍ ।
ମାଧୁର୍ୟଧୈର୍ୟସୁଭଗଂ ଗରଲାଭିରାମଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ଆଶାଂ ବିହାୟ ପରିହୃତ୍ୟ ପରସ୍ୟ ନିନ୍ଦାଂ
ପାପେ ରତିଂ ଚ ସୁନିବାର୍ୟ ମନଃ ସମାଧୌ ।
ଆଦାୟ ହୃତ୍କମଲମଧ୍ୟଗତଂ ପରେଶଂ
ବାରାଣସୀପୁରପତିଂ ଭଜ ବିଶ୍ୱନାଥମ୍ ॥
ବାରାଣସୀପୁରପତେଃ ସ୍ତବନଂ ଶିବସ୍ୟ
ବ୍ୟାଖ୍ୟାତମଷ୍ଟକମିଦଂ ପଠତେ ମନୁଷ୍ୟଃ ।
ବିଦ୍ୟାଂ ଶ୍ରିୟଂ ବିପୁଲସୌଖ୍ୟମନନ୍ତକୀର୍ତିଂ
ସମ୍ପ୍ରାପ୍ୟ ଦେହବିଲୟେ ଲଭତେ ଚ ମୋକ୍ଷମ୍ ॥
ବିଶ୍ୱନାଥାଷ୍ଟକମିଦଂ ଯଃ ପଠେଚ୍ଛିବସନ୍ନିଧୌ ।
ଶିବଲୋକମବାପ୍ନୋତି ଶିବେନ ସହ ମୋଦତେ ॥
॥ ଇତି ଶ୍ରୀମହର୍ଷିବ୍ୟାସପ୍ରଣୀତଂ ଶ୍ରୀବିଶ୍ୱନାଥାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Vishwanatha Ashtakam in Sanskrit – English – Bengali – Gujarati – Kannada – Malayalam – Odia – Telugu – Tamil