॥ Vrindadevyashtakam Odia Lyrics ॥
ଵୃନ୍ଦାଦେଵ୍ୟଷ୍ଟକମ୍
ଵିଶ୍ଵନାଥଚକ୍ରଵର୍ତୀ ଠକୁରକୃତମ୍ ।
ଗାଙ୍ଗେୟଚାମ୍ପେୟତଡିଦ୍ଵିନିନ୍ଦିରୋଚିଃପ୍ରଵାହସ୍ନପିତାତ୍ମଵୃନ୍ଦେ ।
ବନ୍ଧୂକବନ୍ଧୁଦ୍ୟୁତିଦିଵ୍ୟଵାସୋଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୧ ॥
ବିମ୍ବାଧରୋଦିତ୍ଵରମନ୍ଦହାସ୍ୟନାସାଗ୍ରମୁକ୍ତାଦ୍ୟୁତିଦୀପିତାସ୍ୟେ ।
ଵିଚିତ୍ରରତ୍ନାଭରଣଶ୍ରିୟାଢ୍ୟେ ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୨ ॥
ସମସ୍ତଵୈକୁଣ୍ଠଶିରୋମଣୌ ଶ୍ରୀକୃଷ୍ଣସ୍ୟ ଵୃନ୍ଦାଵନଧନ୍ୟଧାମିନ୍ ।
ଦତ୍ତାଧିକାରେ ଵୃଷଭାନୁପୁତ୍ର୍ୟା ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୩ ॥
ତ୍ଵଦାଜ୍ଞୟା ପଲ୍ଲଵପୁଷ୍ପଭୃଙ୍ଗମୃଗାଦିଭିର୍ମାଧଵକେଲିକୁଞ୍ଜାଃ ।
ମଧ୍ଵାଦିଭିର୍ଭାନ୍ତି ଵିଭୂଷ୍ୟମାଣାଃ ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୪ ॥
ତ୍ଵଦୀୟଦୌତ୍ୟେନ ନିକୁଞ୍ଜୟୂନୋଃ ଅତ୍ୟୁତ୍କୟୋଃ କେଲିଵିଲାସସିଦ୍ଧିଃ ।
ତ୍ଵତ୍ସୌଭଗଂ କେନ ନିରୁଚ୍ୟତାଂ ତଦ୍ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୫ ॥
ରାସାଭିଲାଷୋ ଵସତିଶ୍ଚ ଵୃନ୍ଦାଵନେ ତ୍ଵଦୀଶାଙ୍ଘ୍ରିସରୋଜସେଵା ।
ଲଭ୍ୟା ଚ ପୁଂସାଂ କୃପୟା ତଵୈଵ ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୬ ॥
ତ୍ଵଂ କୀର୍ତ୍ୟସେ ସାତ୍ଵତତନ୍ତ୍ରଵିଦ୍ଭିଃ ଲୀଲାଭିଧାନା କିଲ କୃଷ୍ଣଶକ୍ତିଃ ।
ତଵୈଵ ମୂର୍ତିସ୍ତୁଲସୀ ନୃଲୋକେ ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୭ ॥
ଭକ୍ତ୍ୟା ଵିହୀନା ଅପରାଧଲେଶୈଃ କ୍ଷିପ୍ତାଶ୍ଚ କାମାଦିତରଙ୍ଗମଧ୍ୟେ ।
କୃପାମୟି ତ୍ଵାଂ ଶରଣଂ ପ୍ରପନ୍ନାଃ ଵୃନ୍ଦେ ନୁମସ୍ତେ ଚରଣାରଵିନ୍ଦମ୍ ॥ ୮ ॥
ଵୃନ୍ଦାଷ୍ଟକଂ ୟଃ ଶୃଣୁୟାତ୍ପଠେଚ୍ଚ ଵୃନ୍ଦାଵନାଧୀଶପଦାବ୍ଜଭୃଙ୍ଗଃ ।
ସ ପ୍ରାପ୍ୟ ଵୃନ୍ଦାଵନନିତ୍ୟଵାସଂ ତତ୍ପ୍ରେମସେଵାଂ ଲଭତେ କୃତାର୍ଥଃ ॥ ୯ ॥
ଇତି ଵିଶ୍ଵନାଥଚକ୍ରଵର୍ତୀ ଠକୁରକୃତଂ ଵୃନ୍ଦାଦେଵ୍ୟଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Vrinda Devi Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil