॥ Yamunashtapadi Telugu Lyrics ॥
॥ యమునాష్టపదీ ॥
నమో దేవి యమునే నమో దేవి యమునే
హర కృష్ణమిలనాన్తరాయమ్ ।
నిజనాథమార్గదాయిని కుమారీ-
కామపూరికే కురు భక్తిరాయమ్ ॥ ధ్రు౦ ॥
మధపకులకలితకమలీవలీవ్యపదేశ-
ధారితశ్రీకృష్ణయుతభక్తహృదయే ।
సతతమతిశయితహరిభావనా-
జాతతత్సారూప్యగదితహృదయే ॥ ౧ ॥
నిజకూలభవవివిధతరుకుసుమ-
యుతనీరశోభయా విలసదలివృన్దే ।
స్మారయసి గోపీవృన్దపూజిత-
సరసమీశవపురానన్దకన్దే ॥ ౨ ॥
ఉపరి బలదమలకమలారుణ-
ద్యుతిరేణుపరిమలితజలభరేణామునా ।
వ్రజయువతికుచకుమ్భకుఙ్కుమారుణ-
మురః స్మారయామి మారపితురధునా ॥ ౩ ॥
అధిరజని హరివిహృతిమీక్షితుం
కువలయాభిధసుభగనయనాన్యుశతి తనుషే ।
నయనయుగమల్పమితి బహుతరాణి
చ తాని రసికతానిధితయా కురుషే ॥ ౪ ॥
రజనిజాగరజనితరాగరఞ్జిత-
నయనపఙ్కజైరహని హరిమీక్షసే ।
మకరన్దరభరమిషేణానన్దపూరితా
సతతమిహ హర్షాశ్రు ముఞ్చసే ॥ ౫ ॥
తటగతానేకశుకసారికాముని-
గణస్తుతవివిధగుణసీధుసాగరే ।
సఙ్గతా సతతమిహ భక్తజన-
తాపహృది రాజసే రాసరససాగరే ॥ ౬ ॥
రతిభరశ్రమజలోదితకమల-
పరిమలవ్రజయువతిమోదే ।
తాటఙ్కచలనసునిరస్తసఙ్గీత-
యుతమదముదితమధుపకృతవినోదే ॥ ౭ ॥
నిజవ్రజజనావనాత్తగోవర్ద్ధనే
రాధికాహృదయగతహృదయకమలే ।
రతిమతిశయితరసవిఠ్ఠలస్యాశు
కురు వేణునినదాహ్వానసరలే ॥ ౮ ॥
శ్లోకౌ ।
వ్రజపరివృఢవల్లభే కదా త్వ-
చ్చరణసరోరుహమీక్షణాస్పదం మే ।
తవ తటగతవాలుకాః కదాహం
సకలనిజాఙ్కగతా ముదా కరిష్యే ॥ ౧ ॥
వృన్దావనే చారుబృహద్వనే మ-
న్మనోరథం పూరయ సూరసూతే ।
దృగ్గోచరః కృష్ణవిహార ఏవ
స్థితిస్త్వదీయే తట ఏవ భూయాత్ ॥ ౨ ॥
ఇతి శ్రీవిఠ్ఠలేశ్వరవిరచితా యమునాష్టపదీ సామాప్త ।
– Chant Stotra in Other Languages –
Yamuna Ashtapadi Lyrics in Sanskrit » English » Bengali » Gujarati » Kannada » Malayalam » Odia » Tamil