॥ River Yamuna Ashtakam 8 Telugu Lyrics ॥
॥ శ్రీయమునాష్టకమ్ ౮ ॥
వ్రజాధిరాజ-నన్దనామ్బుదాభ-గాత్ర-వన్దనా-
నులేప-గన్ధ-వాహినీం భవాబ్ధి-బీజ-దాహినీమ్ ।
జగత్త్రయే యశస్వినీం లసత్సుధీ-పయస్వినీం
భజే కలిన్దనన్దినీం దురన్తమోహమఞ్జరీమ్ ॥ ౧ ॥
రసైక-సీమ-రాధికా-పదాబ్జ-భక్తి-సాధికాం
తదఙ్గ-రాగ-పిఞ్జర-ప్రభాత-పుఞ్జ-మఞ్జులామ్ ।
స్వరోచిషాతి-మఞ్జులాం కృతాజనాధిగఞ్జనాం
భజే కలిన్దనన్దినీం దురన్తమోహమఞ్జరీమ్ ॥ ౨ ॥
వ్రజేన్ద్ర-సూను-రాధికా-హృది ప్రపూర్ణ-మానయో-
ర్మహా-రసాబ్ధి-పూరయోరివాతితీవ్ర-వేగతః ।
బహిః సముచ్ఛలన్-నవ-ప్రవాహ-రూపిణీమహం
భజే కలిన్దనన్దినీం దురన్తమోహమఞ్జరీమ్ ॥ ౩ ॥
విచిత్ర-రత్న-బద్ధ-సత్తట-ద్వయ-శ్రియోజ్జ్వలాం
విచిత్ర-హంస-సారసాద్య్-అనన్త-పక్షి-సఙ్కులామ్ ।
విచిత్ర-హైమ-మేఖలాం కృతాతిదీన-పాలనాం
భజే కలిన్దనన్దినీం దురన్తమోహమఞ్జరీమ్ ॥ ౪ ॥
వహన్తికాం ప్రియాం హరేర్మహా-కృపా-స్వరూపిణీం
విశుద్ధ-భక్తిముజ్జ్వలాం పరే రసాత్మికాం విదుః ।
సుధా-స్రుతిం త్వలౌకికీం పరేశ-వర్ణ-రూపిణీం
భజే కలిన్దనన్దినీం దురన్తమోహమఞ్జరీమ్ ॥ ౫ ॥
సురేన్ద్ర-వృన్ద-వన్ద్యయా రసాదధిష్ఠతే వనే
సదోపలబ్ధి-మాధవాద్భుతౌక-సద్రసోన్మదామ్ ।
అతీవ విహ్వలామివోచ్చలత్తరఙ్గ-దోర్లతాం
భజే కలిన్దనన్దినీం దురన్తమోహమఞ్జరీమ్ ॥ ౬ ॥
ప్రఫుల్ల-పఙ్కజాననాం లసన్-నవోత్పలేక్షణాం
రథాఙ్గ-నామ-యుగ్మక-స్తనీముదార-హంసకామ్ ।
నితమ్బ-చారు-రోధసం హరేః ప్రియాం రసోజ్జ్వలాం
భజే కలిన్దనన్దినీం దురన్తమోహమఞ్జరీమ్ ॥ ౭ ॥
సమస్త-వేద-మస్తకైరగమ్య-వైభవాం సదా
మహా-మునీన్ద్ర-నారదాదిభిః సదైవ భావితామ్ ।
అతుల్య-పామరైరపి శ్రితాం పుమర్థ-సారదాం
భజే కలిన్దనన్దినీం దురన్తమోహమఞ్జరీమ్ ॥ ౮ ॥
య ఏతదష్టకం బుధస్త్రికాలమాద్రితః పఠేత్
కలిన్ద-నన్దినీం హృదా విచిన్త్య విశ్వ-వన్దితామ్ ।
ఇహైవ రాధికా-పతేః పదాబ్జ-భక్తిముత్తమామ్
అవాప్య స ధ్రువం భవేత్పరత్ర తుష్టయానుగః ॥
ఇతి శ్రీమద్ధిత-హరివంశ-చన్ద్ర-గోస్వామినా విరచితం
యమునాష్టకం సమ్పూర్ణమ్ ।
– Chant Stotra in Other Languages –
River Yamuna Slokam » Yamunashtakam 8 Lyrics in Sanskrit » English » Bengali » Gujarati » Kannada » Malayalam » Odia » Tamil