॥ River Yamuna Ashtakam 9 Bengali Lyrics ॥
॥ শ্রীয়মুনাষ্টকম্ ৯ ॥
মাতর্দেবি কলিন্দভূধরসুতে নীলাম্বুজশ্যামল
স্নিগ্ধোদ্যদ্বিমলোর্মিতাণ্ডবধরে তুভ্যং নমস্কুর্মহে ।
ত্বং তুর্যাপ্যসি য়ত্প্রিয়া মুররিপোস্তদ্বাল্যতারুণ্যয়ো-
র্লীলানামবধায়িকান্যমহিষীবৃন্দেষু বন্দ্যাধিকম্ ॥ ১ ॥
লোকান্যান্কলিকালকীলিতমহাদুষ্কর্মকূটাঙ্কিতান্-
নেনিক্তে দিবমুত্পতিষ্যতি হি সা গীর্বাণকূলঙ্কষা ।
তন্মাতস্ত্বয়ি সংসৃতিপ্রসৃমরক্লেশাভিভূতং মনঃ
স্বর্নিঃশ্রেণিমুপেতুমর্কতনয়ে শ্রদ্ধাং নিবধ্নাতি নঃ ॥ ২ ॥
সোন্নাদং নিপতন্কলিন্দশিখরপ্রোত্তুঙ্গশৃঙ্গান্তরা-
দ্গচ্ছন্প্রাচ্যমপনিধিং জননি সদ্বারাং প্রবাহস্তব ।
মধ্যেমার্গমবাপ্তভূরিবিষয়াংস্তত্কালমুন্মার্জয়ন্
দিশ্যান্নঃ শ্রিয়মুদ্ধুরাং মরকতশ্যামাভিরামদ্যুতিঃ ॥ ৩ ॥
শয়্যোত্থায়মজস্রমাত্মসদনাত্ত্বাং বীক্ষ্য লক্ষ্যাং ক্ষণান্-
মাতঃ প্রাতরপোহয়ামি বিততং দুষ্পাতকব্রাতকম্ ।
সন্ধীভূয় সমূলকাষমখিলং সঙ্কষ্য সত্কর্মণাং
কাণ্ডং দ্রাগ্ অপবর্গমার্গগমনে য়েনার্গলীভূয়তে ॥ ৪ ॥
নাবাসং দ্যুসদাং ন পন্নগপুরং নান্যাশ্চ ভোগস্থলীঃ
শ্লাঘেঽহং পরমত্র কিং তু বিপুলাঃ শ্রীভারতীয়া ভুবঃ ।
স্বেচ্ছাধাবদুদগ্রদুষ্কলিকরিক্রীডাকৃপাণায়িতা
য়াস্বেতাস্তব বারিণাং রবিসুতে চঞ্চ্বন্তি বীচিচ্ছটাঃ ॥ ৫ ॥
ত্বত্কূলে নিবসন্বসন্ন বৃজিনব্যূহোঽভিপুণ্বন্মুহুঃ
পার্যপায়মপায়বারি মধুরং বারি গ্রহেশাত্মজে ।
দূরীকৃত্য ঋণচয়ং সফলয়ন্জন্মাত্মনো নির্ভরা
নন্দাস্বাদনতত্পরো গময়িতা কালং কদায়ং জনঃ ॥ ৬ ॥
নো তত্ত্বাবগমস্পৃহা ন বিপুলায়াসঃ সতাং সঙ্গতৌ
নো তত্তন্নিগমাগমোক্তবিবিধানুষ্ঠাননিষ্ঠাপি চ ।
য়েষাং তেঽপি জনাঃ পতঙ্গতনয়ে ভিত্ত্বা পিতুর্মণ্ডলং
সোদর্যং চ বধীর্য তে সুকৃতিনো ব্রহ্মাত্মতাং বিভ্রতি ॥ ৭ ॥
বক্তুং তে মহিমানমস্মি ন বিভুর্লোকে বিকুণ্ঠোঽপ্যলং
কংসারাতিকুটুম্বিনি প্রকটয়ত্প্রীতিং পরং কুণ্ঠিতাম্ ।
য়দ্বেদৈরপি মৃগ্যমাণমনিশং তদ্ব্রহ্ম মাতর্যত-
স্ত্বত্কূলস্থনিকুঞ্জমঞ্জুবলয়ক্রোডেষু বিক্রীডতি ॥ ৮ ॥
ইতি শ্রীয়মুনাষ্টকং সম্পূর্ণম্ ।
– Chant Stotra in Other Languages –
River Yamuna Stotram » Yamunashtakam 9 Lyrics in Sanskrit » English » Gujarati » Kannada » Malayalam » Odia » Telugu » Tamil