॥ Yati Panchakam Gujarati Lyrics ॥
॥ યતિપઞ્ચકમ્ ॥
વેદાન્તવાક્યેષુ સદા રમન્તો
ભિક્ષાન્નમાત્રેણ ચ તુષ્ટિમન્તઃ ।
વિશોકવન્તઃ કરણૈકવન્તઃ
કૌપીનવન્તઃ ખલુ ભાગ્યવન્તઃ ॥ ૧ ॥
મૂલં તરોઃ કેવલમાશ્રયન્તઃ
પાણિદ્વયં ભોક્તુમમત્રયન્તઃ ।
કન્થામિવ શ્રીમપિ કુત્સયન્તઃ
કૌપીનવન્તઃ ખલુ ભાગ્યવન્તઃ ॥ ૨ ॥
દેહાદિભાવં પરિમાર્જયન્ત
આત્માનમાત્મન્યવલોકયન્તઃ ।
નાન્તં ન મધ્યં ન બહિઃ સ્મરન્તઃ
કૌપીનવન્તઃ ખલુ ભાગ્યવન્તઃ ॥ ૩ ॥
સ્વાનન્દભાવે પરિતુષ્ટિમન્તઃ
સંશાન્તસર્વેન્દ્રિયદૃષ્ટિમન્તઃ ।
અહર્નિશં બ્રહ્મણિ યે રમન્તઃ
કૌપીનવન્તઃ ખલુ ભાગ્યવન્તઃ ॥ ૪ ॥
પઞ્ચાક્ષરં પાવનમુચ્ચરન્તઃ
પતિં પશૂનાં હૃદિ ભાવયન્તઃ ।
ભિક્ષાશના દિક્ષુ પરિભ્રમન્તઃ
કૌપીનવન્તઃ ખલુ ભાગ્યવન્તઃ ॥ ૫ ॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કૃતૌ
યતિપઞ્ચક સમ્પૂર્ણમ્ ॥
– Chant Stotra in Other Languages –
Yatipanchakam in Sanskrit – English – Bengali – Gujarati – – Kannada – Malayalam – Odia – Telugu – Tamil