॥ Yati Panchakam Malayalam Lyrics ॥
॥ യതിപഞ്ചകം ॥
വേദാന്തവാക്യേഷു സദാ രമന്തോ
ഭിക്ഷാന്നമാത്രേണ ച തുഷ്ടിമന്തഃ ।
വിശോകവന്തഃ കരണൈകവന്തഃ
കൌപീനവന്തഃ ഖലു ഭാഗ്യവന്തഃ ॥ 1 ॥
മൂലം തരോഃ കേവലമാശ്രയന്തഃ
പാണിദ്വയം ഭോക്തുമമത്രയന്തഃ ।
കന്ഥാമിവ ശ്രീമപി കുത്സയന്തഃ
കൌപീനവന്തഃ ഖലു ഭാഗ്യവന്തഃ ॥ 2 ॥
ദേഹാദിഭാവം പരിമാര്‍ജയന്ത
ആത്മാനമാത്മന്യവലോകയന്തഃ ।
നാന്തം ന മധ്യം ന ബഹിഃ സ്മരന്തഃ
കൌപീനവന്തഃ ഖലു ഭാഗ്യവന്തഃ ॥ 3 ॥
സ്വാനന്ദഭാവേ പരിതുഷ്ടിമന്തഃ
സംശാന്തസര്‍വേന്ദ്രിയദൃഷ്ടിമന്തഃ ।
അഹര്‍നിശം ബ്രഹ്മണി യേ രമന്തഃ
കൌപീനവന്തഃ ഖലു ഭാഗ്യവന്തഃ ॥ 4 ॥
പഞ്ചാക്ഷരം പാവനമുച്ചരന്തഃ
പതിം പശൂനാം ഹൃദി ഭാവയന്തഃ ।
ഭിക്ഷാശനാ ദിക്ഷു പരിഭ്രമന്തഃ
കൌപീനവന്തഃ ഖലു ഭാഗ്യവന്തഃ ॥ 5 ॥
ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
യതിപഞ്ചക സമ്പൂര്‍ണം ॥
– Chant Stotra in Other Languages –
Yatipanchakam in Sanskrit – English – Bengali – Gujarati – – Kannada – Malayalam – Odia – Telugu – Tamil