॥ Balambika Ashtakam Malayalam Lyrics ॥
॥ ശ്രീബാലാംബികാഷ്ടകം ॥
വേലാതിലങ്ഘ്യകരുണേ വിബുധേന്ദ്രവന്ദ്യേ
ലീലാവിനിര്‍മിതചരാചരഹൃന്നിവാസേ ।
മാലാകിരീടമണികുണ്ഡല മണ്ഡിതാങ്ഗേ
ബാലാംബികേ മയി നിധേഹി കൃപാകടാക്ഷം ॥ 1 ॥
കംജാസനാദി-മണിമഞ്ജു-കിരീടകോടി-
പ്രത്യുപ്തരത്ന-രുചിരഞ്ജിത-പാദപദ്മേ ।
മഞ്ജീരമഞ്ജുലവിനിര്‍ജിതഹംസനാദേ
ബാലാംബികേ മയി നിധേഹി കൃപാകടാക്ഷം ॥ 2 ॥
പ്രാലേയഭാനുകലികാകലിതാതിരംയേ
പാദാഗ്രജാവലിവിനിര്‍ജിതമൌക്തികാഭേ ।
പ്രാണേശ്വരി പ്രമഥലോകപതേഃ പ്രഗല്‍ഭേ
ബാലാംബികേ മയി നിധേഹി കൃപാകടാക്ഷം ॥ 3 ॥
ജങ്ഘാദിഭിര്‍വിജിതചിത്തജതൂണിഭാഗേ
രംഭാദിമാര്‍ദവകരീന്ദ്രകരോരുയുഗ്മേ ।
ശമ്പാശതാധികസമുജ്വലചേലലീലേ
ബാലാംബികേ മയി നിധേഹി കൃപാകടാക്ഷം ॥ 4 ॥
മാണിക്യമൌക്തികവിനിര്‍മിതമേഖലാഢ്യേ
മായാവിലഗ്നവിലസന്‍മണി പട്ടബന്ധേ ।
ലോലംബരാജിവിലസന്നവരോമജാലേ
ബാലാംബികേ മയി നിധേഹി കൃപാകടാക്ഷം ॥ 5 ॥
ന്യഗ്രോധപല്ലവതലോദരനിംനനാഭേ
നിര്‍ധൂതഹാരവിലസത്കുചചക്രവാകേ ।
നിഷ്കാദിമഞ്ജുമണിഭൂഷണഭൂഷിതാങ്ഗേ
ബാലാംബികേ മയി നിധേഹി കൃപാകടാക്ഷം ॥ 6 ॥
കന്ദര്‍പചാപമദഭങ്ഗകൃതാതിരംയേ
ഭ്രൂവല്ലരീവിവിധചേഷ്ടിത രംയമാനേ ।
കന്ദര്‍പസോദരസമാകൃതിഫാലദേശേ
ബാലാംബികേ മയി നിധേഹി കൃപാകടാക്ഷം ॥ 7 ॥
മുക്താവലീവിലസദൂര്‍ജിതകംബുകണ്ഠേ
മന്ദസ്മിതാനനവിനിര്‍ജിതചന്ദ്രബിംബേ ।
ഭക്തേഷ്ടദാനനിരതാമൃതപൂര്‍ണദൃഷ്ടേ
ബാലാംബികേ മയി നിധേഹി കൃപാകടാക്ഷം ॥ 8 ॥
കര്‍ണാവലംബിമണികുണ്ഡലഗണ്ഡഭാഗേ
കര്‍ണാന്തദീര്‍ഘനവനീരജപത്രനേത്രേ ।
സ്വര്‍ണായകാദിമണിമൌക്തികശോഭിനാസേ
ബാലാംബികേ മയി നിധേഹി കൃപാകടാക്ഷം ॥ 9 ॥
ലോലംബരാജിലലിതാലകജാലശോഭേ
മല്ലീനവീനകലികാനവകുന്ദജാലേ ।
ബാലേന്ദുമഞ്ജുലകിരീടവിരാജമാനേ
ബാലാംബികേ മയി നിധേഹി കൃപാകടാക്ഷം ॥ 10 ॥
ബാലാംബികേ മഹാരാജ്ഞീ വൈദ്യനാഥപ്രിയേശ്വരീ ।
പാഹി മാമംബ കൃപയാ ത്വത്പാദം ശരണം ഗതഃ ॥ 11 ॥
॥ ഇതി സ്കാന്ദേ വൈദ്യനാഥമാഹാത്മ്യേ ശ്രീബാലാംബികാഷ്ടകസ്തോത്രം സമ്പൂര്‍ണം ॥
– Chant Stotra in Other Languages –
Goddess Durga Slokam » Sri Balambika Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil