॥ Maharajnisahasranamastotram Gujarati Lyrics ॥
॥ શ્રીમહારાજ્ઞીસહસ્રનામસ્તોત્રમ્ ॥
અથવા શ્રીમહારાજ્ઞી રાજરાજેશ્વરીસહસ્રનામસ્તોત્રમ્
પાર્વત્યુવાચ –
ભગવન્ વેદતત્ત્વજ્ઞ મન્ત્રતન્ત્રવિચક્ષણ ।
શરણ્ય સર્વલોકેશ શરણાગતવત્સલ ॥ ૧ ॥
કથં શ્રિયમવાપ્નોતિ લોકે દારિદ્ર્યદુઃખભાક્ ।
માન્ત્રિકો ભૈરવેશાન તન્મે ગદિતુમર્હસિ ॥ ૨ ॥
શ્રીશિવ ઉવાચ –
યા દેવી નિષ્કલા રાજ્ઞી ભગવત્યમલેશ્વરી ।
સા સૃજત્યવતિ વ્યક્તં સંહરિષ્યતિ તામસી ॥ ૩ ॥
તસ્યા નામસહસ્રં તે વક્ષ્યે સ્નેહેન પાર્વતિ ।
અવાચ્યં દુર્લભં લોકે દુઃખદારિદ્ર્યનાશનમ્ ॥ ૪ ॥
પરમાર્થપ્રદં નિત્યં પરમૈશ્વર્યકારણમ્ ।
સર્વાગમરહસ્યાઢ્યં સકલાર્થપ્રદીપકમ્ ॥ ૫ ॥
સમસ્તશોકશમનં મહાપાતકનાશનમ્ ।
સર્વમન્ત્રમયં દિવ્યં રાજ્ઞીનામસહસ્રકમ્ ॥ ૬ ॥
ૐ અસ્ય શ્રીમહારાજ્ઞી રાજરાજેશ્વરી નામસહસ્રસ્ય બ્રહ્મા ઋષિઃ ।
ગાયત્રી છન્દઃ । સર્વભૂતેશ્વરી મહારાજ્ઞી દેવતા । હ્રીં બીજં ।
સૌઃ શક્તિઃ । ક્લીં કીલકં । શ્રીમહારાજ્ઞીસહસ્રનામજપે વિનિયોગઃ ।
ૐ હ્રાં હ્રીં ઇત્યાદિના કર-હૃદયાદિ ન્યાસઃ ।
NOTE: The follwing 5 lines (before ᳚dhyAnaM᳚ are not found in SVR’s book
બ્રહ્મઋષયે નમઃ શિરસિ । ગાયત્રીચ્છન્દસે નમઃ મુખે ।
શ્રીભૂતેશ્વરીમહ્રારાજ્ઞીદેવતાયૈ નમઃ હૃદિ ।
હ્રીંબીજાય નમઃ નાભૌ । સૌઃ શક્તયે નમઃ ગુહ્યે ।
ક્લીં કીલકાય નમઃ પાદયોઃ । વિનિયોગાય નમઃ સર્વાઙ્ગેષુ ।
ૐહ્રામિત્યાદિના કરષડઙ્ગન્યાસં વિધાય ધ્યાનં કુર્યાત્ ।
॥ ધ્યાનમ્ ॥
યા દ્વાદશાર્કપરિમણ્ડિતમૂર્તિરેકા
સિંહાસનસ્થિતિમતી હ્યુરગૈર્વૃતાં ચ ।
દેવીમનન્યગતિરીશ્વરતાં પ્રપન્નાં var દેવીમનક્ષગતિમીશ્વરતાં
તાં નૌમિ ભર્ગવપુષીં પરમાર્થરાજ્ઞીમ્ ॥ ૧ ॥
ચતુર્ભુજાં ચન્દ્રકલાર્ધશેખરાં સિંહાસનસ્થામુરગોપવીતિનીમ્ ।
var સિંહાસનસ્થાં ભુજગોપવીતિનીમ્ પાશાઙ્કુશામ્ભોરુહખડ્ગધારિણીં
રાજ્ઞીં ભજે ચેતસિ રાજ્યદાયિનીમ્ ॥ ૨ ॥
ૐ હ્રીં શ્રીં રાં મહારાજ્ઞી ક્લીં સૌઃ પઞ્ચદશાક્ષરી ।
હ્રીં સ્વાહા ત્ર્યક્ષરી વિદ્યા પરા ભગવતી વિભા ॥ ૧ ॥
ૐ ભાસ્વતી ભદ્રિકા ભીમા ભર્ગરૂપા મનસ્વિની ।
માનનીયા મનીષા ચ મનોજા ચ મનોજવા ॥ ૨ ॥
માનદા મન્ત્રવિદ્યા ચ મહાવિદ્યા ષડક્ષરી ।
ષટ્કૂટા ચ ત્રિકૂટા ચ ત્રયી વેદત્રયી શિવા ॥ ૩ ॥
શિવાકારા વિરૂપાક્ષી શશિખણ્ડાવતંસિની ।
મહાલક્ષ્મીર્મહોરસ્કા મહૌજસ્કા મહોદયા ॥ ૪ ॥
માતઙ્ગી મોદકાહારા મદિરારુણલોચના ।
સાધ્વી શીલવતી શાલા સુધાકલશધારિણી ॥ ૫ ॥
ખડ્ગિની પદ્મિની પદ્મા પદ્મકિઞ્જલ્કરઞ્જિતા ।
હૃત્પદ્મવાસિની હૃદ્યા પાનપાત્રધરા પરા ॥ ૬ ॥
ધરાધરેન્દ્રતનયા દક્ષિણા દક્ષજા દયા । var દશના દયા
દયાવતી મહામેધા મોદિની બોધિની સદા ॥ ૭ ॥
ગદાધરાર્ચિતા ગોધા ગઙ્ગા ગોદાવરી ગયા ।
મહાપ્રભાવસહિતા મહોરગવિભૂષણા ॥ ૮ ॥
મહામુનિકૃતાતિથ્યા માધ્વી માનવતી મઘા ।
બાલા સરસ્વતી લક્ષ્મીર્દુર્ગા દુર્ગતિનાશિની ॥ ૯ ॥
શારી શરીરમધ્યસ્થા વૈખરી ખેચરેશ્વરી ।
શિવદા શિવવક્ષઃસ્થા કાલિકા ત્રિપુરેશ્વરી ॥ ૧૦ ॥ var ત્રિપુરાપુરી
પુરારિકુક્ષિમધ્યસ્થા મુરારિહૃદયેશ્વરી ।
બલારિરાજ્યદા ચણ્ડી ચામુણ્ડા મુણ્ડધારિણી ॥ ૧૧ ॥
મુણ્ડમાલાઞ્ચિતા મુદ્રા ક્ષોભણાકર્ષણક્ષમા ।
બ્રાહ્મી નારાયણી દેવી કૌમારી ચાપરાજિતા ॥ ૧૨ ॥
રુદ્રાણી ચ શચીન્દ્રાણી વારાહી વીરસુન્દરી ।
નારસિંહી ભૈરવેશી ભૈરવાકારભીષણા ॥ ૧૩ ॥
નાગાલઙ્કારશોભાઢ્યા નાગયજ્ઞોપવીતિની ।
નાગકઙ્કણકેયૂરા (૧૦૦) નાગહારા સુરેશ્વરી ॥ ૧૪ ॥
સુરારિઘાતિની પૂતા પૂતના ડાકિની ક્રિયા ।
કૂર્મા ક્રિયાવતી કૃત્યા ડાકિની લાકિની લયા ॥૧૫ ॥
var ક્રિયાવતી કુરી કૃત્યા, શાકિની લયા
લીલાવતી રસાકીર્ણા નાગકન્યા મનોહરા ।
હારકઙ્કણશોભાઢ્યા સદાનન્દા શુભઙ્કરી ॥ ૧૬ ॥
મહાસિની મધુમતી સરસી સ્મરમોહિની । var પ્રહાસિની મધુમતી
મહોગ્રવપુષી વાર્તા વામાચારપ્રિયા સિરા ॥ ૧૭ ॥
સુધામયી વેણુકરા વૈરઘ્ની વીરસુન્દરી ।
વારિમધ્યસ્થિતા વામા વામનેત્રા શશિપ્રભા ॥ ૧૮ ॥
શઙ્કરી શર્મદા સીતા રવીન્દુશિખિલોચના ।
મદિરા વારુણી વીણાગીતિજ્ઞા મદિરાવતી ॥ ૧૯ ॥
વટસ્થા વારુણીશક્તિઃ વટજા વટવાસિની ।
વટુકી વીરસૂર્વન્દ્યા સ્તમ્ભિની મોહિની ચમૂઃ ॥ ૨૦ ॥
મુદ્ગરાઙ્કુશહસ્તા ચ વરાભયકરા કુટી ।
પાટીરદ્રુમવલ્લી ચ વટુકા વટુકેશ્વરી ॥ ૨૧ ॥
ઇષ્ટદા કૃષિભૂઃ કીરી રેવતી રમણપ્રિયા ।
રોહિણી રેવતી રમ્યા રમણા રોમહર્ષિણી ॥ ૨૨ ॥
રસોલ્લાસા રસાસારા સારિણી તારિણી તડિત્ ।
તરી તરિત્રહસ્તા ચ તોતુલા તરણિપ્રભા ॥ ૨૩ ॥
રત્નાકરપ્રિયા રમ્ભા રત્નાલઙ્કારશોભિતા ।
રુક્માઙ્ગદા ગદાહસ્તા ગદાધરવરપ્રદા ॥ ૨૪ ॥
ષડ્રસા દ્વિરસા માલા માલાભરણભૂષિતા ।
માલતી મલ્લિકામોદા મોદકાહારવલ્લભા ॥ ૨૫ ॥
વલ્લભી મધુરા માયા કાશી કાઞ્ચી લલન્તિકા ।
હસન્તિકા હસન્તી ચ ભ્રમન્તી ચ વસન્તિકા ॥ ૨૬ ॥
ક્ષેમા ક્ષેમઙ્કરી ક્ષામા ક્ષૌમવસ્ત્રા (૨૦૦) ક્ષણેશ્વરી ।
ક્ષણદા ક્ષેમદા સીરા સીરપાણિસમર્ચિતા ॥ ૨૭ ॥
ક્રીતા ક્રીતાતપા ક્રૂરા કમનીયા કુલેશ્વરી ।
કૂર્ચબીજા કુઠારાઢ્યા કૂર્મિર્ણી કૂર્મસુન્દરી ॥ ૨૮ ॥
કારુણ્યાર્દ્રા ચ કાશ્મીરી દૂતી દ્વારવતી ધ્રુવા । var કારુણ્યા ચૈવ
ધ્રુવસ્તુતા ધ્રુવગતિઃ પીઠેશી બગલામુખી ॥ ૨૯ ॥
સુમુખી શોભના નીતિઃ રત્નજ્વાલામુખી નતિઃ ।
અલકોજ્જયિની ભોગ્યા ભઙ્ગી ભોગાવતી બલા ॥ ૩૦ ॥
ધર્મરાજપુરી પૂતા પૂર્ણમાલાઽમરાવતી । var પૂર્ણસત્ત્વાઽમરાવતી
અયોધ્યા બોધનીયા ચ યુગમાતા ચ યક્ષિણી ॥ ૩૧ ॥ var યોધનીયા
યજ્ઞેશ્વરી યોગગમ્યા યોગિધ્યેયા યશસ્વિની ।
યશોવતી ચ ચાર્વઙ્ગી ચારુહાસા ચલાચલા ॥ ૩૨ ॥
હરીશ્વરી હરેર્માયા ભામિની વાયુવેગિની । var માયિની વાયુવેગિની
અમ્બાલિકાઽમ્બા ભર્ગેશી ભૃગુકૂટા મહામતિઃ ॥ ૩૩ ॥
કોશેશ્વરી ચ કમલા કીર્તિદા કીર્તિવર્ધિની ।
કઠોરવાક્કુહૂમૂર્તિઃ ચન્દ્રબિમ્બસમાનના ॥ ૩૪ ॥
ચન્દ્રકુઙ્કુમલિપ્તાઙ્ગી કનકાચલવાસિની ।
મલયાચલસાનુસ્થા હિમાદ્રિતનયાતનૂઃ ॥ ૩૫ ॥
હિમાદ્રિકુક્ષિદેશસ્થા કુબ્જિકા કોસલેશ્વરી ।
કારૈકનિગલા ગૂઢા ગૂઢગુલ્ફાઽતિવેગિની ॥ ૩૬ ॥ var ગૂઢગુલ્ફાઽતિગોપિતા
તનુજા તનુરૂપા ચ બાણચાપધરા નુતિઃ ।
ધુરીણા ધૂમ્રવારાહી ધૂમ્રકેશાઽરુણાનના ॥ ૩૭ ॥
અરુણેશી દ્યુતિઃ ખ્યાતિઃ ગરિષ્ઠા ચ ગરિયસી ।
મહાનસી મહાકારા સુરાસુરભયઙ્કરી ॥ ૩૮ ॥
અણુરૂપા બૃહજ્જ્યોતિરનિરુદ્ધા સરસ્વતી ।
શ્યામા શ્યામમુખી શાન્તા શ્રાન્તસન્તાપહારિણી ॥ ૩૯ ॥
ગૌર્ગણ્યા ગોમયી ગુહ્યા ગોમતી ગરુવાગ્રસા ।
ગીતસન્તોષસંસક્તા (૩૦૦) ગૃહિણી ગ્રાહિણી ગુહા ॥ ૪૦ ॥
ગણપ્રિયા ગજગતિર્ગાન્ધારી ગન્ધમોદિની । ગન્ધમોહિની
ગન્ધમાદનસાનુસ્થા સહ્યાચલકૃતાલયા ॥ ૪૧ ॥
ગજાનનપ્રિયા ગમ્યા ગ્રાહિકા ગ્રાહવાહના ।
ગુહપ્રસૂર્ગુહાવાસા ગૃહમાલાવિભૂષણા ॥ ૪૨ ॥
કૌબેરી કુહકા ભ્રન્તિસ્તર્કવિદ્યાપ્રિયઙ્કરી ।
પીતામ્બરા પટાકારા પતાકા સૃષ્ટિજા સુધા ॥ ૪૩ ॥
દાક્ષાયણી દક્ષસુતા દક્ષયજ્ઞવિનાશિની ।
તારાચક્રસ્થિતા તારા તુરી તુર્યા ત્રુટિસ્તુલા ॥ ૪૪ ॥
સન્ધ્યાત્રયી સન્ધિજરા સન્ધ્યા તારુણ્યલાલિતા ।
લલિતા લોહિતા લભ્યા ચમ્પા કમ્પાકુલા સૃણિઃ ॥ ૪૯ ॥
સૃતિઃ સત્યવતી સ્વસ્થાઽસમાના માનવર્ધિની ।
મહોમયી મનસ્તુષ્ટિઃ કામધેનુઃ સનાતની ॥ ૪૬ ॥
સૂક્ષ્મરૂપા સૂક્ષ્મમુખી સ્થૂલરૂપા કલાવતી ।
તલાતલાશ્રયા સિન્ધુઃ ત્ર્યમ્બિકા લમ્પિકા જયા ॥ ૪૭ ॥
સૌદામિની સુધાદેવી સનકદિસમર્ચિતા ।
મન્દાકિની ચ યમુના વિપાશા નર્મદાનદી ॥ ૪૮ ॥
ગણ્ડક્યૈરાવતી સિપ્રા વિતસ્તા ચ સરસ્વતી ।
રેવા ચેક્ષુમતી વેગવતી સાગરવાસિની ॥ ૪૯ ॥
દેવકી દેવમાતા ચ દેવેશી દેવસુન્દરી ।
દૈત્યેશી દમની દાત્રી દિતિર્દિતિજસુન્દરી ॥ ૫૦ ॥ var દૈત્યઘ્ની
વિદ્યાધરી ચ વિદ્યેશી વિદ્યાધરજસુન્દરી ।
મેનકા ચિત્રલેખા ચ ચિત્રિણી ચ તિલોત્તમા ॥ ૫૧ ॥
ઉર્વશી મોહિની રમ્ભા ચાપ્સરોગણસુન્દરી ।
યક્ષિણી યક્ષલોકેશી યક્ષનાયકસુન્દરી ॥ ૫૨ ॥ var નરવાહનપૂજિતા
NOTE: The next line is not found in SVR’s book
યક્ષેન્દ્રતનયા યોગ્યા યક્ષનાયકસુન્દરી ।
ગન્ધવત્યર્ચિતા ગન્ધા સુગન્ધા ગીતતત્પરા ॥ ૫૩ ॥
ગન્ધર્વતનયા નમ્રા (૪૦૦) ગીતિર્ગન્ધર્વસુન્દરી ।
મન્દોદરી કરાલાક્ષી મેઘનાદવરપ્રદા ॥ ૫૪ ॥
મેઘવાહનસન્તુષ્ટા મેઘમૂર્તિશ્ચ રાક્ષસી ।
રક્ષોહર્ત્રી કેકસી ચ રક્ષોનાયકસુન્દરી ॥ ૫૫ ॥
કિન્નરી કમ્બુકણ્ઠી ચ કલકણ્ઠસ્વનાઽમૃતા var કલકણ્ઠસ્વના સુધા
કિમ્મુખી હયવક્ત્રા ચ ખેલાકિન્નરસુન્દરી ॥ ૫૬ ॥
વિપાશી રાજમાતઙ્ગી ઉચ્છિષ્ટપદસંસ્થિતા ।
મહાપિશાચિની ચાન્દ્રી પિશાચકુલસુન્દરી ॥ ૫૭ ॥
ગુહ્યેશ્વરી ગુહ્યરૂપા ગુર્વી ગુહ્યકસુન્દરી ।
સિદ્ધિપ્રદા સિદ્ધવધૂઃ સિદ્ધેશી સિદ્ધસુન્દરી ॥ ૫૮ ॥
ભૂતેશ્વરી ભૂતલયા ભૂતધાત્રી ભયાપહા ।
ભૂતભીતિહરી ભવ્યા ભૂતજા ભૂતસુન્દરી ॥ ૫૯ ॥
પૃથ્વી પાર્થિવલોકેશી પ્રથા વિષ્ણુસમર્ચિતા ।
વસુન્ધરા વસુનતા પર્થિવી ભૂમિસુન્દરી ॥ ૬૦ ॥
અમ્ભોધિતનયાઽલુબ્ધા જલજાક્ષી જલેશ્વરી ।
અમૂર્તિરમ્મયી મારી જલસ્થા જલસુન્દરી ॥ ૬૧ ॥
તેજસ્વિની મહોધાત્રી તૈજસી સૂર્યબિમ્બગા ।
સૂર્યકાન્તિઃ સૂર્યતેજાઃ તેજોરૂપૈકસુન્દરી ॥ ૬૨ ॥
વાયુવાહા વાયુમુખી વાયુલોકૈકસુન્દરી ।
ગગનસ્થા ખેચરેશી શૂન્યરૂપા નિરાકૃતિઃ ॥ ૬૩ ॥ શૂરરૂપા
નિરાભાસા ભાસમાના ધૃતિરાકાશસુન્દરી ।
ક્ષિતિમૂર્તિધરાઽનન્તા ક્ષિતિભૃલ્લોકસુન્દરી ॥ ૬૪ ॥
અબ્ધિયાના રત્નશોભા વરુણેશી વરાયુધા ।
પાશહસ્તા પોષણા ચ વરુણેશ્વરસુન્દરી ॥ ૬૫ ॥
અનલૈકરુચિર્જ્યોતિઃ પઞ્ચાનિલમતિસ્થિતિઃ ।
પ્રાણાપાનસમાનેચ્છા ચોદાનવ્યાનરૂપિણી ॥ ૬૬ ॥
પઞ્ચવાતગતિર્નાડીરૂપિણી વાતસુન્દરી ।
અગ્નિરૂપા વહ્નિશિખા વડવાનલસન્નિભા ॥ ૬૭ ॥
હેતિર્હવિર્હુતજ્યોતિરગ્નિજા વહ્નિસુન્દરી ।
સોમેશ્વરી સોમકલા સોમપાનપરાયણા ॥ ૬૮ ॥
સૌમ્યાનના સૌમ્યરૂપા સોમસ્થા સોમસુન્દરી ।
સૂર્યપ્રભા સૂર્યમુખી સૂર્યજા સૂર્યસુન્દરી ॥ ૬૯ ॥
યાજ્ઞિકી યજ્ઞભાગેચ્છા યજમાનવરપ્રદા ।
યાજકી યજ્ઞવિદ્યા ચ યજમાનૈકસુન્દરી ॥ ૭૦ ॥
આકાશગામિની વન્દ્યા શબ્દજાઽઽકાશસુન્દરી ।
મીનાસ્યા મીનનેત્રા ચ મીનાસ્થા મીનસુન્દરી ॥ ૭૧ ॥
var મીનપ્રિયા મીનનેત્રા મીનાશા મીનસુન્દરી
કૂર્મપૃષ્ઠગતા કૂર્મી કૂર્મજા કૂર્મસુન્દરી । var કૂર્મરૂપિણી
વારાહી વીરસૂર્વન્દ્યા વરારોહા મૃગેક્ષણા ॥ ૭૨ ॥
વરાહમૂર્તિર્વાચાલા વશ્યા વારાહસુન્દરી । var દંષ્ટ્રા વારાહસુન્દરી
નરસિંહાકૃતિર્દેવી દુષ્ટદૈત્યનિષૂદિની ॥ ૭૩ ॥
પ્રદ્યુમ્નવરદા નારી નરસિંહૈકસુન્દરી ।
વામજા વામનાકારા નારાયણપરાયણા ॥ ૭૪ ॥
બલિદાનવદર્પઘ્ની વામ્યા વામનસુન્દરી ।
રામપ્રિયા રામકલા રક્ષોવંશક્ષયભયઙ્કરી ॥ ૭૫ ॥ રક્ષોવંશક્ષયઙ્કરી રક્ષોવંશભયઙ્કરી
var રામપ્રિયા રામકીલિઃ ક્ષત્રવંશક્ષયઙ્કરી
ભૃગુપુત્રી રાજકન્યા રામા પરશુધારિણી । var દનુપુત્રી
ભાર્ગવી ભાર્ગવેષ્ટા ચ જામદગ્ન્યવરપ્રદા ॥ ૭૬ ॥
કુઠારધારિણી રાત્રિર્જામદગ્ન્યૈકસુન્દરી ।
સીતાલક્ષ્મણસેવ્યા ચ રક્ષઃકુલવિનાશિની ॥ ૭૭ ॥
રામપ્રિયા ચ શત્રુઘ્ની શત્રુઘ્નભરતેષ્ટદા ।
લાવણ્યામૃતધારાઢ્યા લવણાસુરઘાતિની ॥ ૭૮ ॥
લોહિતાસ્યા પ્રસન્નાસ્યા સ્વાત્મારામૈકસુન્દરી । var સ્વાગમા રામસુન્દરી
કૃષ્ણકેશા કૃષ્ણમુખી યાદવાન્તકરી લયા ॥ ૭૯ ॥
યાદોગણાર્ચિતા યોજ્યા રાધા શ્રીકૃષ્ણસુન્દરી ।
સિદ્ધપ્રસૂઃ સિદ્ધદેવી જિનમાર્ગપરાયણા ॥ ૮૦ ॥ var બુદ્ધપ્રસૂર્બુદ્ધદેવી
જિતક્રોધા જિતાલસ્યા જિનસેવ્યા જિતેન્દ્રિયા ।
જિનવંશધરોગ્રા ચ નીલાન્તા બુદ્ધસુન્દરી ॥ ૮૧ ॥
કાલી કોલાહલપ્રીતા પ્રેતવાહા સુરેશ્વરી ।
કલ્કિપ્રિયા કમ્બુધરા કલિકાલૈકસુન્દરી ॥ ૮૨ ॥
વિષ્ણુમાયા બ્રહ્મમાયા શામ્ભવી શિવવાહના ।
ઇન્દ્રાવરજવક્ષઃસ્થા સ્થાણુપત્ની પલાલિની ॥ ૮૩ ॥
જૃમ્ભિણી જૃમ્ભહર્ત્રી ચ જૃમ્ભમાણાલકાકુલા । var ઋમ્ભમાણકચાલકા
કુલાકુલફલેશાની પદદાનફલપ્રદા ॥ ૮૪ ॥
કુલવાગીશ્વરી કુલ્યા કુલજા કુલસુન્દરી ।
પુરન્દરેડ્યા તારુણ્યાલયા પુણ્યજનેશ્વરી ॥ ૮૫ ॥
પુણ્યોત્સાહા પાપહન્ત્રી પાકશાસનસુન્દરી ।
સૂયર્કોટિપ્રતીકાશા સૂર્યતેજોમયી મતિઃ ॥ ૮૬ ॥
લેખિની ભ્રાજિની રજ્જુરૂપિણી સૂર્યસુન્દરી ।
ચન્દ્રિકા ચ સુધાધારા જ્યોત્સ્ના શીતાંશુસુન્દરી ॥ ૮૭ ॥
લોલાક્ષી ચ શતાક્ષી ચ સહસ્રાક્ષી સહસ્રપાત્ ।
સહસ્રશીર્ષા ચેન્દ્રાણી સહસ્રભુજવલ્લિકા ॥ ૮૮ ॥
કોટિરત્નાંશુશોભા ચ શુભ્રવસ્ત્રા શતાનના ।
શતાનન્દા શ્રુતિધરા પિઙ્ગલા ચોગ્રનાદિની ॥ ૮૯ ॥
સુષુમ્ના હારકેયૂરનૂપુરારાવસઙ્કુલા ।
ઘોરનાદાઽઘોરમુખી ચોન્મુખી ચોલ્મૂકાયુધા ॥ ૯૦ ॥
ગોપિતા ગૂર્જરી ગોધા ગાયત્રી વેદવલ્લભા ।
વલ્લકીસ્વનનાદા ચ નાદવિદ્યા નદીતટી ॥ ૯૧ ॥
બિન્દુરૂપા ચક્રયોનિર્બિન્દુનાદસ્વરૂપિણી ।
ચક્રેશ્વરી ભૈરવેશી મહાભૈરવવલ્લભા ॥ ૯૨ ॥
કાલભૈરવભાર્યા ચ કલ્પાન્તે રઙ્ગનર્તકી ।
પ્રલયાનલધૂમ્રાભા યોનિમધ્યકૃતાલયા ॥ ૯૩ ॥
ભૂચરી ખેચરી મુદ્રા નવમુદ્રાવિલાસિની ।
વિયોગિની શ્મશાનસ્થા શ્મશાનાર્ચનતોષિતા ॥ ૯૪ ॥
ભાસ્વરાઙ્ગી ભર્ગશિખા ભર્ગવામાઙ્ગવાસિની ।
ભદ્રકાલી વિશ્વકાલી શ્રીકાલી મેઘકાલિકા ॥ ૯૫ ॥
નીરકાલી કાલરાત્રિઃ કાલી કામેશકાલિકા ।
ઇન્દ્રકાલી પૂર્વકાલી પશ્ચિમામ્નાયકાલિકા ॥ ૯૬ ॥
શ્મશાનકાલિકા શુભ્રકાલી શ્રીકૃષ્ણકાલિકા । var ભદ્રકાલી
ક્રીઙ્કારોત્તરકાલી શ્રીં હું હ્રીં દક્ષિણકાલિકા ॥ ૯૭ ॥
સુન્દરી ત્રિપુરેશાની ત્રિકૂટા ત્રિપુરાર્ચિતા ।
ત્રિનેત્રા ત્રિપુરાધ્યક્ષા ત્રિકૂટા કૂટભૈરવી ॥ ૯૮ ॥ var ત્રિપુટા પુટભૈરવી
ત્રિલોકજનની નેત્રી મહાત્રિપૂરસુન્દરી ।
કામેશ્વરી કામકલા કાલકામેશસુન્દરી ॥ ૯૯ ॥
ત્ર્યક્ષર્યેકાક્ષરીદેવી ભાવના ભુવનેશ્વરી ।
એકાક્ષરી ચતુષ્કૂટા ત્રિકૂટેશી લયેશ્વરી ॥ ૧૦૦ ॥
ચતુર્વર્ણા ચ વર્ણેશી વર્ણાઢ્યા ચતુરક્ષરી ।
પઞ્ચાક્ષરી ચ ષડ્વક્ત્રા ષટ્કૂટા ચ ષડક્ષરી ॥ ૧૦૧ ॥
સપ્તાક્ષરી નવાર્ણેશી પરમાષ્ટાક્ષરેશ્વરી ।
નવમી પઞ્ચમી ષષ્ટિઃ નાગેશી નવનાયિકા ॥ ૧૦૨ ॥ var નાગેશી ચ નવાક્ષરી ।
દશાક્ષરી દશાસ્યેશી દેવિકૈકાદશાક્ષરી ।
દ્વાદશાદિત્યસઙ્કાશા (૭૦૦) દ્વાદશી દ્વાદશાક્ષરી ॥ ૧૦૩ ॥
ત્રયોદશી વેદગર્ભા વાદ્યા (બ્રાહ્મી) ત્રયોદશાક્ષરી ।
ચતુર્દશાક્ષરી વિદ્યા વિદ્યાપઞ્ચદશાક્ષરી ॥ ૧૦૪ ॥
ષોડશી સર્વવિદ્યેશી મહાશ્રીષોડશાક્ષરી ।
મહાશ્રીષોડશીરૂપા ચિન્તામણિમનુપ્રિયા ॥ ૧૦૫ ॥
દ્વાવિંશત્યક્ષરી શ્યામા મહાકાલકુટુમ્બિની ।
વજ્રતારા કાલતારા નારી તારોગ્રતારિણી ॥ ૧૦૬ ॥
કામતારા સ્પર્શતારા શબ્દતારા રસાશ્રયા ।
રૂપતારા ગન્ધતારા મહાનીલસરસ્વતી ॥ ૧૦૭ ॥
કાલજ્વાલા વહ્નિજ્વાલા બ્રહ્મજ્વાલા જટાકુલા ।
વિષ્ણુજ્વાલા જિષ્ણુશિખા ભદ્રજ્વાલા કરાલિની ॥ ૧૦૮ ॥ વિષ્ણુશિખા
વિકરાલમુખી દેવી કરાલી ભૂતિભૂષણા ।
ચિતાશયાસના ચિન્ત્યા ચિતામણ્ડલમધ્યગા ॥ ૧૦૯ ॥
ભૂતભૈરવસેવ્યા ચ ભૂતભૈરવપાલિની ।
બન્ધકી બદ્ધસન્મુદ્રા ભવબન્ધવિનાશિની ॥ ૧૧૦ ॥
ભવાની દેવદેવેશી દીક્ષા દીક્ષિતપૂજિતા ।
સાધકેશી સિદ્ધિદાત્રી સાધકાનન્દવર્ધિની ॥ ૧૧૧ ॥
સાધકાશ્રયભૂતા ચ સાધકેષ્ટફલપ્રદા ।
રજોવતી રાજસી ચ રજકી ચ રજસ્વલા ॥ ૧૧૨ ॥
પુષ્પપ્રિયા પુષ્પપૂર્ણા સ્વયમ્ભૂપુષ્પમાલિકા । var પુષ્પપ્રિયા પુષ્પવતી
સ્વયમ્ભૂપુષ્પગન્ધાઢ્યા પુલસ્ત્યસુતનાશિની ॥ ૧૧૩ ॥ var પુલસ્ત્યસુતઘાતિની
પાત્રહસ્તા પરા પૌત્રી પીતાસ્યા પીતભૂષણા ।
પિઙ્ગાનના પિઙ્ગકેશી પિઙ્ગલા પિઙ્ગલેશ્વરી ॥ ૧૧૪ ॥
મઙ્ગલા મઙ્ગલેશાની સર્વમઙ્ગલમઙ્ગલા ।
પુરૂરવેશ્વરી પાશધરા ચાપધરાઽધુરા ॥ ૧૧૫ ॥
પુણ્યધાત્રી પુણ્યમયી પુણ્યલોકનિવાસિની ।
હોતૃસેવ્યા હકારસ્થા સકારસ્થા સુખાવતી ॥ ૧૧૬ ॥
સખી શોભાવતી સત્યા સત્યાચારપરાયણા ।
સાધ્વીશાનકલેશાની વામદેવકલાશ્રિતા ॥ ૧૧૭ ॥
સદ્યોજાતકલેશાની શિવાઽઘોરકલાકૃતિઃ । var સદ્યોજાતકલા દેવી
શર્વરી વીરસદૃશી ક્ષીરનીરવિવેચિની (૮૦૦) ॥ ૧૧૮ ॥
વિતર્કનિલયા નિત્યા નિત્યક્લિન્ના પરામ્બિકા ।
પુરારિદયિતા દીર્ઘા દીર્ઘનાસાઽલ્પભાષિણી ॥ ૧૧૯ ॥
કાશિકા કૌશિકી કોશ્યા કોશદા રૂપવર્ધિની ।
તુષ્ટિઃ પુષ્ટિઃ પ્રજાપ્રીતા પૂજિતા પૂજકપ્રિયા ॥ ૧૨૦ ॥ var પ્રાજિકા પૂજકપ્રિયા
પ્રજાવતી ગર્ભવતી ગર્ભપોષણકારિણી । var ગર્ભપોષણપોષિતા
શુક્રવાસાઃ શુક્લરૂપા શુચિવાસા જયાવહા ॥ ૧૨૧ ॥
જાનકી જન્યજનકા જનતોષણતત્પરા ।
વાદપ્રિયા વાદ્યરતા વાદિની વાદસુન્દરી ॥ ૧૨૨ ॥ var વાદિતા વાદસુન્દરી
વાક્સ્તમ્ભિની કીરપાણિઃ ધીરાધીરા ધુરન્ધરા । var વાક્સ્તમ્ભિની કીરવાણી
સ્તનન્ધયી સામિધેની નિરાનન્દા નિરઞ્જના ॥ ૧૨૩ ॥ var નિરાનન્દા નિરાલયા
સમસ્તસુખદા સારા વારાન્નિધિવરપ્રદા ।
વાલુકા વીરપાનેષ્ટા વસુધાત્રી વસુપ્રિયા ॥ ૧૨૪ ।
શુકાનાન્દા શુક્રરસા શુક્રપૂજ્યા શુકપ્રિયા ।
શુચિશ્ચ શુકહસ્તા ચ સમસ્તનરકાન્તકા ॥ ૧૨૫ ॥ var શુકી ચ શુકહસ્તા ચ
સમસ્તતત્ત્વનિલયા ભગરૂપા ભગેશ્વરી ।
ભગબિમ્બા ભગાહૃદ્યા ભગલિઙ્ગસ્વરૂપિણી ॥ ૧૨૬ ॥
ભગલિઙ્ગેશ્વરી શ્રીદા ભગલિઙ્ગામૃતસ્રવા ।
ક્ષીરાશના ક્ષીરરુચિઃ આજ્યપાનપરાયણા ॥ ૧૨૭ ॥
મધુપાનપરા પ્રૌઢા પીવરાંસા પરાવરા ।
પિલમ્પિલા પટોલેશા પાટલારુણલોચના ॥ ૧૨૮ ॥
ક્ષીરામ્બુધિપ્રિયા ક્ષિપ્રા સરલા સરલાયુધા ।
સઙ્ગ્રામા સુનયા સ્રસ્તા સંસૃતિઃ સનકેશ્વરી ॥ ૧૨૯ ॥
કન્યા કનકરેખા ચ કાન્યકુબ્જનિવાસિની ।
કાઞ્ચનોભતનુઃ કાષ્ઠા કુષ્ઠરોગનિવારિણી ॥ ૧૩૦ ॥
કઠોરમૂર્ધજા કુન્તી કૃન્તાયુધધરા ધૃતિઃ ।
ચર્મામ્બરા ક્રૂરનખા ચકોરાક્ષી ચતુર્ભુજા ॥ ૧૩૧ ॥
ચતુર્વેદપ્રિયા ચાદ્યા ચતુર્વર્ગફલપ્રદા ।
બ્રહ્માણ્ડચારિણી સ્ફુર્તિઃ બ્રહ્માણી બ્રહ્મસમ્મતા ॥ ૧૩૨ ॥
સત્કારકારિણી સૂતિઃ સૂતિકા લતિકાલયા (૯૦૦)
કલ્પવલ્લી કૃશાઙ્ગી ચ કલ્પપાદપવાસિની ॥ ૧૩૩ ॥
કલ્પપાશા મહાવિદ્યા વિદ્યારાજ્ઞી સુખાશ્રયા ।
ભૂતિરાજ્ઞી વિશ્વરાજ્ઞી લોકરાજ્ઞી શિવાશ્રયા ॥ ૧૩૪ ॥
બ્રહ્મરાજ્ઞી વિષ્ણુરાજ્ઞી રુદ્રરાજ્ઞી જટાશ્રયા ।
નાગરાજ્ઞી વંશરાજ્ઞી વીરરાજ્ઞી રજઃપ્રિયા ॥ ૧૩૫ ॥
સત્ત્વરાજ્ઞી તમોરાજ્ઞી ગણરાજ્ઞી ચલાચલા ।
વસુરાજ્ઞી સત્યરાજ્ઞી તપોરાજ્ઞી જપપ્રિયા ॥ ૧૩૬ ॥
મન્ત્રરાજ્ઞી વેદરાજ્ઞી તન્ત્રરાજ્ઞી શ્રુતિપ્રિયા ।
વેદરાજ્ઞી મન્ત્રિરાજ્ઞી દૈત્યરાજ્ઞી દયાકરા ॥ ૧૩૭ ॥
કાલરાજ્ઞી પ્રજારાજ્ઞી તેજોરાજ્ઞી હરાશ્રયા ।
પૃથ્વીરાજ્ઞી પયોરાજ્ઞી વાયુરાજ્ઞી મદાલસા ॥ ૧૩૮ ॥
સુધારાજ્ઞી સુરારાજ્ઞી ભીમરાજ્ઞી ભયોજ્ઝિતા ।
તથ્યરાજ્ઞી જયારાજ્ઞી મહારાજ્ઞી મહામત્તિઃ ॥ ૧૩૯ ॥ var મહારાજ્ઞી કુલોકૃતિઃ
વામરાજ્ઞી ચીનરાજ્ઞી હરિરાજ્ઞી હરીશ્વરી ।
પરારાજ્ઞી યક્ષરાજ્ઞી ભૂતરાજ્ઞી શિવાશ્રયા ॥ ૧૪૦ ॥ var ભૂતરાજ્ઞી શિવાસના
વટુરાજ્ઞી પ્રેતરાજ્ઞી શેષરાજ્ઞી શમપ્રદા । var બહુરાજ્ઞી પ્રેતરાજ્ઞી
આકાશરાજ્ઞી રાજેશી રાજરાજ્ઞી રતિપ્રિયા ॥ ૧૪૧ ॥
પાતાલરાજ્ઞી ભૂરાજ્ઞી પ્રેતરાજ્ઞી વિષાપહા ।
સિદ્ધરાજ્ઞી વિભારાજ્ઞી તેજોરાજ્ઞી વિભામયી ॥ ૧૪૨ ॥
ભાસ્વદ્રાજ્ઞી ચન્દ્રરાજ્ઞી તારારાજ્ઞી સુવાસિની ।
ગૃહરાજ્ઞી વૃક્ષરાજ્ઞી લતારાજ્ઞી મતિપ્રદા ॥ ૧૪૩ ॥
વીરરાજ્ઞી મનોરાજ્ઞી મનુરાજ્ઞી ચ કાશ્યપી । var ધીરરાજ્ઞી મનોરાજ્ઞી
મુનિરાજ્ઞી રત્નરાજ્ઞી મૃગરાજ્ઞી મણિપ્રભા ॥ ૧૪૪ ॥ var યુગરાજ્ઞી મણિપ્રભા
સિન્ધુરાજ્ઞી નદીરાજ્ઞી નદરાજ્ઞી દરીસ્થિતા ।
નાદરાજ્ઞી બિન્દુરાજ્ઞી આત્મરાજ્ઞી ચ સદ્ગતિઃ ॥ ૧૪૫ ॥
પુત્રરાજ્ઞી ધ્યાનરાજ્ઞી લયરાજ્ઞી સદેશ્વરી ।
ઈશાનરાજ્ઞી રાજેશી સ્વાહારાજ્ઞી મહત્તરા ॥ ૧૪૬ ॥
વહ્નિરાજ્ઞી યોગિરાજ્ઞી યજ્ઞરાજ્ઞી ચિદાકૃતિઃ ।
જગદ્રાજ્ઞી તત્ત્વરાજ્ઞી વાગ્રાજ્ઞી વિશ્વરૂપિણી ॥ ૧૪૭ ॥
પઞ્ચદશાક્ષરીરાજ્ઞી ૐ હ્રીં ભૂતેશ્વરેશ્વરી । ( ૧૦૦૦)
ઇતીદં મન્ત્રસર્વસ્વં રાજ્ઞીનામસહસ્રકમ્ ॥ ૧૪૮ ॥
પઞ્ચદશાક્ષરીતત્ત્વં મન્ત્રસારં મનુપ્રિયમ્ ।
સર્વતત્ત્વમયં પુણ્યં મહાપાતકનાશનમ્ ॥ ૧૪૯ ॥
સર્વસિદ્ધિપ્રદં લોકે સર્વરોગનિબર્હણમ્ ।
સર્વોત્પાતપ્રશમનં ગ્રહશાન્તિકરં શુભમ્ ॥ ૧૫૦ ॥
સર્વદેવપ્રિયં પ્રાજ્યં સર્વશત્રુભયાપહમ્ ।
સર્વદુઃખૌઘશમનં સર્વશોકવિનાશનમ્ ॥ ૧૫૧ ॥
પઠેદ્વા પાઠયેત્ નામ્નાં સહસ્રં શક્તિસન્નિધૌ ।
દૂરાદેવ પલાયન્તે વિપદઃ શત્રુભીતયઃ ॥ ૧૫૨ ॥
રાક્ષસા ભૂતવેતાલાઃ પન્નગા હરિણદ્વિષઃ ।
પઠનાદ્વિદ્રવન્ત્યાશુ મહાકાલાદિવ પ્રજાઃ ॥ ૧૫૩ ॥
શ્રવણાત્પાતાકં નશ્યેચ્છ્રાવયેદ્યઃ સ ભાગ્યવાન્ ।
નાનાવિધાનિ ભોગાનિ સમ્ભૂય પૃથિવીતલે ॥ ૧૫૪ ॥
ગમિષ્યતિ પરાં ભૂમિં ત્વરિતં નાત્ર સંશયઃ ।
NOTE: The following verses (155-175) are not found
in S V Radhakrishna Sastri’s Book
અશ્વમેધસહસ્રસ્ય વાજિપેયસ્ય કોટયઃ ।
ગઙ્ગાસ્નાનસહસ્રસ્ય ચાન્દ્રાયણાયુતસ્ય ચ ॥ ૧૫૫ ॥
તપ્તકૃચ્છેકલક્ષસ્ય રાજસૂયસ્ય કોટયઃ ।
સહસ્રનામપાઠસ્ય કલાં નાર્હન્તિ ષોડશીમ્ ॥ ૧૫૬ ॥
સર્વસિદ્ધીશ્વરં સાધ્યં રાજ્ઞીનામસહસ્રકમ્ ।
મન્ત્રગર્ભં પઠેદ્યસ્તુ રાજ્યકામો મહેશ્વરિ ॥ ૧૫૭ ॥
વર્ષમેકં શતાવર્તં મહાચીનક્રમાકુલઃ ।
શક્રિપૂજાપરો રાત્રૌ સ લભેદ્રાજ્યમીશ્વરિ ॥ ૧૫૮ ॥
પુત્રકામી પઠેત્સાયં ચિતાભસ્માનુલેપનઃ ।
દિગમ્બરો મુક્તકેશઃ શતાવર્તં મહેશ્વરિ ॥ ૧૫૯ ॥
શ્મશાને તુ લભેત્પુત્રં સાક્ષાદ્વૈશ્રવણોપમમ્ ।
પરદારાર્ચનરતો ભગબિમ્બં સ્મરન્ સુધીઃ ॥ ૧૬૦ ॥
પઠેન્નામસહસ્રં તુ વસુકામી લભેદ્ધનમ્ ।
રવૌ વારત્રયં દેવિ પઠેન્નામસહસ્રકમ્ ॥ ૧૬૧ ॥
મૃદુવિષ્ટરનિર્વિષ્ટઃ ક્ષીરપાનપરાયણઃ ।
સ્વપ્ને સિંહાસનાં રાજ્ઞીં વરદાં ભુવિ પશ્યતિ ॥ ૧૬૨ ॥
ક્ષીરચર્વણસન્તૃપ્તો વીરપાનરસાકુલઃ ।
યઃ પઠેત્પરયા ભક્ત્યા રાજ્ઞીનામસહસ્રકમ્ ॥ ૧૬૩ ॥
સ સદ્યો મુચ્યતે ઘોરાન્મહાપાતકજાદ્ભયાત્ ।
યઃ પઠેત્સાધકો ભક્ત્યા શક્તિવક્ષઃકૃતાસનઃ ॥ ૧૬૪ ॥
શુક્રોત્તરણકાલે તુ તસ્ય હસ્તેઽષ્ટસિદ્ધયઃ ।
યઃ પઠેન્નિશિ ચક્રાગ્રે પરસ્ત્રીધ્યાનતત્પરઃ ॥ ૧૬૫ ॥
સુરાસવરસાનન્દી સ લભેત્સંયુગે જયમ્ ।
ઇદં નામસહસ્રં તુ સર્વમન્ત્રમયં શિવે ॥ ૧૬૬ ॥
ભૂર્જત્વચિ લિખેદ્રાત્રૌ ચક્રાર્ચનસમાગમે ।
અષ્ટગન્ધેન પૂતેન વેષ્ટયેત્ સ્વર્ણપત્રકે ॥ ૧૬૭ ॥
ધારયેત્ કણ્ઠદેશે તુ સર્વસિદ્ધિઃ પ્રજાયતે ।
યો ધારયેન્મહારક્ષાં સર્વદેવાતિદુર્લભામ્ ॥ ૧૬૮ ॥
રણે રાજકુલે દ્યૂતે ચૌરરોગાદ્યુપદ્રવે ।
સ પ્રાપ્નોતિ જયં સદ્યઃ સાધકો વીરનાયકઃ ॥ ૧૬૯ ॥
શ્રીચક્રં પૂજયેદ્યસ્તુ ધારયેદ્વર્મ મસ્તકે ।
પઠેન્નામસહસ્રં તુ સ્તોત્રં મન્ત્રાત્મકં તથા ॥ ૧૭૦ ॥
કિં કિં ન લભતે કામં દેવાનામપિ દુર્લભમ્ ।
સુરાપાનં તતઃ સંવિચ્ચર્વણં મીનમાંસકમ્ ॥ ૧૭૧ ॥
નવકન્યાસમાયોગો મુદ્રા વીણારવઃ પ્રિયે ।
સત્સઙ્ગો ગુરુસાન્નિધ્યં રાજ્ઞીશ્રીચક્રમગ્રતઃ ॥ ૧૭૨ ॥
યસ્ય દેવિ સ એવ સ્યાદ્યોગી બ્રહ્મવિદીશ્વરઃ ।
ઇદં રહસ્યં પરમં ભક્ત્યા તવ મયોદિતમ્ ॥ ૧૭૨ ॥
અપ્રકાશ્યમદાતવ્યં ન દેયં યસ્ય કસ્યચિત્ ।
અન્યશિષ્યાય દુષ્ટાય દુર્જનાય દુરાત્મને ॥ ૧૭૪ ॥
ગુરુભક્તિવિહીનાય સુરાસ્ત્રીનિન્દકાય ચ ।
નાસ્તિકાય કુશીલાય ન દેયં તત્ત્વદર્શિભિઃ ॥ ૧૭૫ ॥
NOTE: S V Radhakrishna Sastri’s Book continues with the following:
દેયં શિષ્યાય શાન્તાય ભક્તાયાદ્વૈતવાદિને ।
દીક્ષિતાય કુલીનાય રાજ્ઞીભક્તિરતાય ચ ॥ ૧૭૬ ॥
દત્ત્વા ભોગાપવર્ગે ચ લભેત્સાધકસત્તમઃ ।
ઇતિ નામસહસ્રં તુ રાજ્ઞ્યાઃ શિવમુખોદિતમ્ ।
અત્યન્તદુર્લભં ગોપ્યં ગોપનીયં સ્વયોનિવત્ ॥ ૧૭૭ ॥
NOTE: the following two extra shlokams are found
in S V Radhakrishna Sastri’s Book
અષ્ટાવિંશતિનૈજમાન્યમુનિભિઃ ભાવ્યાં મહાયોગિભિઃ
શ્રીવાણીકરવીજિતાં સુમકુટાં શ્રીચક્રબિન્દુસ્થિતાં ।
પઞ્ચબ્રહ્મસુતત્વમઞ્ચનિલયાં સામ્રાજ્યસિદ્ધિપ્રદાં
શ્રીસિંહાસનસુન્દરીં ભગવતીં રાજેશ્વરીમાશ્રયે ॥ ૧ ॥
શ્વેતછત્રસુવાલવીજનનુતા માલાકિરીટોજ્જ્વલા
સન્મન્દસ્મિતસુન્દરી શશિધરા તામ્બૂલપૂર્ણાનના ।
શ્રીસિંહાસનસંસ્થિતા સુમશરા શ્રીવીરવર્યાસના
સામ્રાજ્ઞી મનુષોડશી ભગવતી માં પાતુ રાજેશ્વરી ॥ ૨ ॥
॥ ઇતિ શ્રીરુદ્રયામલે તન્ત્રે દશવિદ્યારહસ્યે
શ્રીમહારાજ્ઞીસહસ્રનામસ્તોત્રમ્ સમાપ્તમ્ ॥
– Chant Stotra in Other Languages -1000 Names of Maha Rajni:
1000 Names of Sri Maharajni – Sahasranama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil
This work was proof read using the version found in S.V.Radhakrishna Sastri’s Book, ᳚Bhagavati stutimanjari (pages 158-173). We find a few extra verses here, that are not found in this book. In Radhakrishna Sastri’s book, the verse
sequence 1-156 starts from the following shlokam. Also, in verse No. 49, SVR’s book uses six padas (3 lines instead of four padas in 2 lines), so the actual count in the book and the encoded version may be slightly different.
The var is used to indicate variation or pathabheda found in two different prints.