॥ Parashuramasahasranamastotram Malayalam Lyrics ॥
॥ ശ്രീപരശുരാമസഹസ്രനാമസ്തോത്രം ॥
ശ്രീഗണേശായ നമഃ ।
പുരാ ദാശരഥീ രാമഃ കൃതോദ്വാഹഃ സബാന്ധവഃ ।
ഗച്ഛന്നയോധ്യാം രാജേന്ദ്രഃ പിതൃമാതൃസുഹൃദ് വൃതഃ ॥ 1 ॥
ദദര്‍ശ യാന്തം മാര്‍ഗേണ ക്ഷത്രിയാന്തകരം വിഭും ।
രാമം തം ഭാര്‍ഗവം ദൃഷ്ട്വാഭിതസ്തുഷ്ടാവ രാഘവഃ ।
രാമഃ ശ്രീമാന്‍മഹാവിഷ്ണുരിതി നാമ സഹസ്രതഃ ॥ 2 ॥
അഹം ത്വത്തഃ പരം രാമ വിചരാമി സ്വലീലയാ ।
ഇത്യുക്തവന്തമഭ്യര്‍ച്യ പ്രണിപത്യ കൃതാഞ്ജലിഃ ॥ 3 ॥
ശ്രീരാഘവ ഉവാച –
യന്നാമഗ്രഹണാജ്ജന്തുഃ പ്രാപ്നുയാത്ര ഭവാപദം ।
യസ്യ പാദാര്‍ചനാത്സിദ്ധിഃ സ്വേപ്സിതാം നൌമി ഭാര്‍ഗവം ॥ 4 ॥
നിഃസ്പൃഹോ യഃ സദാ ദേവോ ഭൂംയാം വസതി മാധവഃ ।
ആത്മബോധോദധിം സ്വച്ഛം യോഗിനം നൌമി ഭാര്‍ഗവം ॥ 5 ॥
യസ്മാദേതജ്ജഗത്സര്‍വം ജായതേ യത്ര ലീലയാ ।
സ്ഥിതിം പ്രാപ്നോതി ദേവേശം ജാമദഗ്ന്യം നമാംയഹം ॥ 6 ॥
യസ്യ ഭ്രൂ ഭങ്ഗമാത്രേണ ബ്രഹ്മാദ്യാഃ സകലാഃ സുരാഃ ।
ശതവാരം ഭവന്യത്ര ഭവന്തി ന ഭവന്തി ച ॥ 7 ॥
തപ ഉഗ്രം ചചാരാദൌ യമുദ്ദിശ്യ ച രേണുകാ ।
ആദ്യാ ശക്തിര്‍മഹാദേവീ രാമം തം പ്രണമാംയഹം ॥ 8 ॥
॥ അഥ വിനിയോഗഃ ॥
ഓം അസ്യ ശ്രീജാമദഗ്ന്യസഹസ്രനാമസ്തോത്രമഹാമന്ത്രസ്യ ശ്രീരാമ ഋഷിഃ ।
ജാമദഗ്ന്യഃ പരമാത്മാ ദേവതാ ।
അനുഷ്ടുപ് ഛന്ദഃ । ശ്രീമദവിനാശരാമപ്രീത്യര്‍ഥം
ചതുര്‍വിധപുരുഷാര്‍ഥസിദ്ധ്യര്‍ഥം ജപേ വിനിയോഗഃ ॥
॥ അഥ കരന്യാസഃ ॥
ഓം ഹ്രാം ഗോവിന്ദാത്മനേ അങ്ഗുഷ്ഠാഭ്യാം നമഃ ।
ഓം ഹ്രീം മഹീധരാത്മനേ തര്‍ജനീഭ്യാം നമഃ ।
ഓം ഹ്രൂം ഹൃഷീകേശാത്മനേ മധ്യമാഭ്യാം നമഃ ।
ഓം ഹ്രൈം ത്രിവിക്രമാത്മനേ അനാമികാഭ്യാം നമഃ ।
ഓം ഹ്രൌം വിഷ്ണവാത്മനേ കനിഷ്ഠികാഭ്യാം നമഃ ।
ഓം ഹ്രഃ മാധവാത്മനേ കരതലകരപൃഷ്ഠാഭ്യാം നമഃ ॥
॥ അഥ ഹൃദയന്യാസഃ ॥
ഓം ഹ്രാം ഗോവിന്ദാത്മനേ ഹൃദയായ നമഃ ।
ഓം ഹ്രീം മഹീധരാത്മനേ ശിരസേ സ്വാഹാ ।
ഓം ഹ്രൂം ഹൃഷീകേശാത്മനേ ശിഖായൈ വഷട് ।
ഓം ഹ്രൈം ത്രിവിക്രമാത്മനേ കവചായ ഹും ।
ഓം ഹ്രൌം വിഷ്ണവാത്മനേ നേത്രത്രയായ വൌഷട് ।
ഓം ഹ്രഃ മാധവാത്മനേ അസ്ത്രായ ഫട് ।
॥ അഥ ധ്യാനം ॥
ശുദ്ധജാംബൂനദനിഭം ബ്രഹ്മവിഷ്ണുശിവാത്മകം ।
സര്‍വാഭരണസംയുക്തം കൃഷ്ണാജിനധരം വിഭും ॥ 9 ॥
ബാണചാപൌ ച പരശുമഭയം ച ചതുര്‍ഭുജൈഃ ।
പ്രകോഷ്ഠശോഭി രുദ്രാക്ഷൈര്‍ദധാനം ഭൃഗുനന്ദനം ॥ 10 ॥
ഹേമയജ്ഞോപവീതം ച സ്നിഗ്ധസ്മിതമുഖാംബുജം ।
ദര്‍ഭാഞ്ചിതകരം ദേവം ക്ഷത്രിയക്ഷയദീക്ഷിതം ॥ 11 ॥
ശ്രീവത്സവക്ഷസം രാമം ധ്യായേദ്വൈ ബ്രഹ്മചാരിണം ।
ഹൃത്പുണ്ഡരീകമധ്യസ്ഥം സനകാദ്യൈരഭിഷ്ടുതം ॥ 12 ॥
സഹസ്രമിവ സൂര്യാണാമേകീ ഭൂയ പുരഃ സ്ഥിതം ।
തപസാമിവ സന്‍മൂര്‍തിം ഭൃഗുവംശതപസ്വിനം ॥ 13 ॥
ചൂഡാചുംബിതകങ്കപത്രമഭിതസ്തൂണീദ്വയം പൃഷ്ഠതോ
ഭസ്മസ്നിഗ്ധപവിത്രലാഞ്ഛനവപുര്‍ധത്തേ ത്വചം രൌരവീം ।
മൌഞ്ജ്യാ മേഖലയാ നിയന്ത്രിതമധോവാസശ്ച മാഞ്ജിഷ്ഠകം
പാണൌ കാര്‍മുകമക്ഷസൂത്രവലയം ദണ്ഡം പരം പൈപ്പലം ॥ 14 ॥
രേണുകാഹൃദയാനന്ദം ഭൃഗുവംശതപസ്വിനം ।
ക്ഷത്രിയാണാമന്തകം പൂര്‍ണം ജാമദഗ്ന്യം നമാംയഹം ॥ 15 ॥
അവ്യക്തവ്യക്തരൂപായ നിര്‍ഗുണായ ഗുണാത്മനേ ।
സമസ്തജഗദാധാരമൂര്‍തയേ ബ്രഹ്മണേ നമഃ ॥ 16 ॥
॥ ശ്രീപരശുരാമ ദ്വാദശ നാമാനി ॥
ഹരിഃ പരശുധാരീ ച രാമശ്ച ഭൃഗുനന്ദനഃ ।
ഏകവീരാത്മജോവിഷ്ണുര്‍ജാമദഗ്ന്യഃ പ്രതാപവാന്‍ ॥ 17 ॥
സഹ്യാദ്രിവാസീ വീരശ്ച ക്ഷത്രജിത്പൃഥിവീപതിഃ ।
ഇതി ദ്വാദശനാമാനി ഭാര്‍ഗവസ്യ മഹാത്മനഃ ।
യസ്ത്രികാലേ പഠേന്നിത്യം സര്‍വത്ര വിജയീ ഭവേത് ॥ 18 ॥
॥ അഥ ശ്രീപരശുരാമസഹസ്രനാമസ്തോത്രം ॥
ഓം രാമഃ ശ്രീമാന്‍മഹാവിഷ്ണുര്‍ഭാര്‍ഗവോ ജമദഗ്നിജഃ ।
തത്ത്വരൂപീ പരം ബ്രഹ്മ ശാശ്വതഃ സര്‍വശക്തിധൃക് ॥ 1 ॥
വരേണ്യോ വരദഃ സര്‍വസിദ്ധിദഃ കഞ്ജലോചനഃ ।
രാജേന്ദ്രശ്ച സദാചാരോ ജാമദഗ്ന്യഃ പരാത്പരഃ ॥ 2 ॥
പരമാര്‍ഥൈകനിരതോ ജിതാമിത്രോ ജനാര്‍ദനഃ ।
ഋഷി പ്രവരവന്ധശ്ച ദാന്തഃ ശത്രുവിനാശനഃ ॥ 3 ॥
സര്‍വകര്‍മാ പവിത്രശ്ച അദീനോ ദീനസാധകഃ ।
അഭിവാദ്യോ മഹാവീരസ്തപസ്വീ നിയമഃ പ്രിയഃ ॥ 4 ॥
സ്വയംഭൂഃ സര്‍വരൂപശ്ച സര്‍വാത്മാ സര്‍വദൃക്പ്രഭുഃ ।
ഈശാനഃ സര്‍വദേവാദിര്‍വരീയന്‍സര്‍വഗോഽച്യുതഃ ॥ 5 ॥
സര്‍വജ്ഞഃ സര്‍വവേദാദിഃ ശരണ്യഃ പരമേശ്വരഃ ।
ജ്ഞാനഭാവ്യോഽപരിച്ഛേദ്യഃ ശുചിര്‍വാഗ്മീ പ്രതാപവാന്‍ ॥ 6 ॥
ജിതക്രോധോ ഗുഡാകേശോ ദ്യുതിമാനരിമര്‍ദനഃ ।
രേണുകാതനയഃ സാക്ഷാദജിതോഽവ്യയ ഏവ ച ॥ 7 ॥
വിപുലാംസോ മഹോരസ്കോഽതീന്ദ്രോ വന്ദ്യോ ദയാനിധിഃ ।
അനാദിര്‍ഭഗവാനിന്ദ്രഃ സര്‍വലോകാരിമര്‍ദനഃ ॥ 8 ॥
സത്യഃ സത്യവ്രതഃ സത്യസന്ധഃ പരമധാര്‍മികഃ ।
ലോകാത്മാ ലോകകൃല്ലോകവന്ദ്യഃ സര്‍വമയോ നിധിഃ ॥ 9 ॥
വശ്യോ ദയാ സുധീര്‍ഗോപ്താ ദക്ഷഃ സര്‍വൈകപാവനഃ ।
ബ്രഹ്മണ്യോ ബ്രഹ്മചാരീ ച ബ്രഹ്മ ബ്രഹ്മപ്രകാശകഃ ॥ 10 ॥
സുന്ദരോഽജിനവാസാശ്ച ബ്രഹ്മസൂത്രധരഃ സമഃ ।
സൌംയോ മഹര്‍ഷിഃ ശാന്തശ്ച മൌഞ്ജീഭൃദ്ദണ്ഡധാരകഃ ॥ 11 ॥
കോദണ്ഡീ സര്‍വജിത്ഛത്രദര്‍പഹാ പുണ്യവര്‍ധനഃ । var സര്‍വജിച്ഛത്രുദര്‍പഹാ
കവിര്‍ബ്രഹ്മര്‍ഷി വരദഃ കമണ്ഡലുധരഃ കൃതീ ॥ 12 ॥
മഹോദാരോഽതുലോ ഭാവ്യോ ജിതഷഡ്വര്‍ഗമണ്ഡലഃ ।
കാന്തഃ പുണ്യഃ സുകീര്‍തിശ്ച ദ്വിഭുജശ്ചാദി പൂരുഷഃ ॥ 13 ॥
അകല്‍മഷോ ദുരാരാധ്യഃ സര്‍വാവാസഃ കൃതാഗമഃ ।
വീര്യവാന്‍സ്മിതഭാഷീ ച നിവൃത്താത്മാ പുനര്‍വസുഃ ॥ 14 ॥
അധ്യാത്മയോഗകുശലഃ സര്‍വായുധവിശാരദഃ ।
യജ്ഞസ്വരൂപീ യജ്ഞേശോ യജ്ഞപാലഃ സനാതനഃ ॥ 15 ॥
ഘനശ്യാമഃ സ്മൃതിഃ ശൂരോ ജരാമരണവര്‍ജിതഃ ।
ധീരോ ദാന്തഃ സുരൂപശ്ച സര്‍വതീര്‍ഥമയോ വിധിഃ ॥ 16 ॥ ധീരോദാത്തഃ സ്വരൂപശ്ച
വര്‍ണീ വര്‍ണാശ്രമഗുരുഃ സര്‍വജിത്പുരുഷോഽവ്യയഃ ।
ശിവശിക്ഷാപരോ യുക്തഃ പരമാത്മാ പരായണഃ ॥ 17 ॥
പ്രമാണ രൂപോ ദുര്‍ജ്ഞേയഃ പൂര്‍ണഃ ക്രൂരഃ ക്രതുര്‍വിഭുഃ ।
ആനന്ദോഽഥ ഗുണശ്രേഷ്ഠോഽനന്തദൃഷ്ടിര്‍ഗുണാകരഃ ॥ 18 ॥
ധനുര്‍ധരോ ധനുര്‍വേദഃ സച്ചിദാനന്ദവിഗ്രഹഃ ।
ജനേശ്വരോ വിനീതാത്മാ മഹാകായസ്തപസ്വിരാട് ॥ 19 ॥
അഖിലാദ്യോ വിശ്വകര്‍മാ വിനീതാത്മാ വിശാരദഃ ।
അക്ഷരഃ കേശവഃ സാക്ഷീ മരീചിഃ സര്‍വകാമദഃ ॥ 20 ॥
കല്യാണഃ പ്രകൃതി കല്‍പഃ സര്‍വേശഃ പുരുഷോത്തമഃ ।
ലോകാധ്യക്ഷോ ഗഭീരോഽഥ സര്‍വഭക്തവരപ്രദഃ ॥ 21 ॥
ജ്യോതിരാനന്ദരൂപശ്ച വഹ്നീരക്ഷയ ആശ്രമീ ।
ഭൂര്‍ഭുവഃസ്വസ്തപോമൂര്‍തീ രവിഃ പരശുധൃക് സ്വരാട് ॥ 22 ॥
ബഹുശ്രുതഃ സത്യവാദീ ഭ്രാജിഷ്ണുഃ സഹനോ ബലഃ ।
സുഖദഃ കാരണം ഭോക്താ ഭവബന്ധ വിമോക്ഷകൃത് ॥ 23 ॥
സംസാരതാരകോ നേതാ സര്‍വദുഃഖവിമോക്ഷകൃത് ।
ദേവചൂഡാമണിഃ കുന്ദഃ സുതപാ ബ്രഹ്മവര്‍ധനഃ ॥ 24 ॥
നിത്യോ നിയതകല്യാണഃ ശുദ്ധാത്മാഥ പുരാതനഃ ।
ദുഃസ്വപ്നനാശനോ നീതിഃ കിരീടീ സ്കന്ദദര്‍പഹൃത് ॥ 25 ॥
അര്‍ജുനഃ പ്രാണഹാ വീരഃ സഹസ്രഭുജജിദ്ധരീഃ ।
ക്ഷത്രിയാന്തകരഃ ശൂരഃ ക്ഷിതിഭാരകരാന്തകൃത് ॥ 26 ॥
പരശ്വധധരോ ധന്വീ രേണുകാവാക്യതത്പരഃ ।
വീരഹാ വിഷമോ വീരഃ പിതൃവാക്യപരായണഃ ॥ 27 ॥
മാതൃപ്രാണദ ഈശശ്ച ധര്‍മതത്ത്വവിശാരദഃ ।
പിതൃക്രോധഹരഃ ക്രോധഃ സപ്തജിഹ്വസമപ്രഭഃ ॥ 28 ॥
സ്വഭാവഭദ്രഃ ശത്രുഘ്നഃ സ്ഥാണുഃ ശംഭുശ്ച കേശവഃ ।
സ്ഥവിഷ്ഠഃ സ്ഥവിരോ ബാലഃ സൂക്ഷ്മോ ലക്ഷ്യദ്യുതിര്‍മഹാന്‍ ॥ 29 ॥
ബ്രഹ്മചാരീ വിനീതാത്മാ രുദ്രാക്ഷവലയഃ സുധീഃ ।
അക്ഷകര്‍ണഃ സഹസ്രാംശുര്‍ദീപ്തഃ കൈവല്യതത്പരഃ ॥ 30 ॥
ആദിത്യഃ കാലരുദ്രശ്ച കാലചക്രപ്രവര്‍തകഃ ।
കവചീ കുണ്ഡലീ ഖഡ്ഗീ ചക്രീ ഭീമപരാക്രമഃ ॥ 31 ॥
മൃത്യുഞ്ജയോ വീര സിംഹോ ജഗദാത്മാ ജഗദ്ഗുരുഃ ।
അമൃത്യുര്‍ജന്‍മരഹിതഃ കാലജ്ഞാനീ മഹാപടുഃ ॥ 32 ॥
നിഷ്കലങ്കോ ഗുണഗ്രാമോഽനിര്‍വിണ്ണഃ സ്മരരൂപധൃക് ।
അനിര്‍വേദ്യഃ ശതാവര്‍തോ ദണ്ഡോ ദമയിതാ ദമഃ ॥ 33 ॥
പ്രധാനസ്താരകോ ധീമാംസ്തപസ്വീ ഭൂതസാരഥിഃ ।
അഹഃ സംവത്സരോ യോഗീ സംവത്സരകരോ ദ്വിജഃ ॥ 34 ॥
ശാശ്വതോ ലോകനാഥശ്ച ശാഖീ ദണ്ഡീ ബലീ ജടീ ।
കാലയോഗീ മഹാനന്ദഃ തിഗ്മമന്യുഃ സുവര്‍ചസഃ ॥ 35 ॥
അമര്‍ഷണോ മര്‍ഷണാത്മാ പ്രശാന്താത്മാ ഹുതാശനഃ ।
സര്‍വവാസാഃ സര്‍വചാരീ സര്‍വാധാരോ വിരോചനഃ ॥ 36 ॥
ഹൈമോ ഹേമകരോ ധര്‍മോ ദുര്‍വാസാ വാസവോ യമഃ ।
ഉഗ്രതേജാ മഹാതേജാ ജയോ വിജയഃ കാലജിത് ॥ 37 ॥
സഹസ്രഹസ്തോ വിജയോ ദുര്‍ധരോ യജ്ഞഭാഗഭുക് ।
അഗ്നിര്‍ജ്വാലീ മഹാജ്വാലസ്ത്വതിധൂമോ ഹുതോ ഹവിഃ ॥ 38 ॥
സ്വസ്തിദഃ സ്വസ്തിഭാഗശ്ച മഹാന്‍ഭര്‍ഗഃ പരോ യുവാ । മഹാന്‍ഭര്‍ഗപരോയുവാ
മഹത്പാദോ മഹാഹസ്തോ ബൃഹത്കായോ മഹായശാഃ ॥ 39 ॥
മഹാകടിര്‍മഹാഗ്രീവോ മഹാബാഹുര്‍മഹാകരഃ ।
മഹാനാസോ മഹാകംബുര്‍മഹാമായഃ പയോനിധിഃ ॥ 40 ॥
മഹാവക്ഷാ മഹൌജാശ്ച മഹാകേശോ മഹാജനഃ ।
മഹാമൂര്‍ധാ മഹാമാത്രോ മഹാകര്‍ണോ മഹാഹനുഃ ॥ 41 ॥
വൃക്ഷാകാരോ മഹാകേതുര്‍മഹാദംഷ്ട്രോ മഹാമുഖഃ ।
ഏകവീരോ മഹാവീരോ വസുദഃ കാലപൂജിതഃ ॥ 42 ॥
മഹാമേഘനിനാദീ ച മഹാഘോഷോ മഹാദ്യുതിഃ ।
ശൈവഃ ശൈവാഗമാചാരീ ഹൈഹയാനാം കുലാന്തകഃ ॥ 43 ॥
സര്‍വഗുഹ്യമയോ വജ്രീ ബഹുലഃ കര്‍മസാധനഃ ।
കാമീ കപിഃ കാമപാലഃ കാമദേവഃ കൃതാഗമഃ ॥ 44 ॥
പഞ്ചവിംശതിതത്ത്വജ്ഞഃ സര്‍വജ്ഞഃ സര്‍വഗോചരഃ ।
ലോകനേതാ മഹാനാദഃ കാലയോഗീ മഹാബലഃ ॥ 45 ॥
അസങ്ഖ്യേയോഽപ്രമേയാത്മാ വീര്യകൃദ്വീര്യകോവിദഃ ।
വേദവേദ്യോ വിയദ്ഗോപ്താ സര്‍വാമരമുനീശ്വരഃ ॥ 46 ॥
സുരേശഃ ശരണം ശര്‍മ ശബ്ദബ്രഹ്മ സതാം ഗതിഃ ।
നിര്ലേപോ നിഷ്പ്രപഞ്ചാത്മാ നിര്‍വ്യഗ്രോ വ്യഗ്രനാശനഃ ॥ 47 ॥
ശുദ്ധഃ പൂതഃ ശിവാരംഭഃ സഹസ്രഭുജജിദ്ധരിഃ ।
നിരവദ്യപദോപായഃ സിദ്ധിദഃ സിദ്ധിസാധനഃ ॥ 48 ॥
ചതുര്‍ഭുജോ മഹാദേവോ വ്യൂഢോരസ്കോ ജനേശ്വരഃ ।
ദ്യുമണിസ്തരണിര്‍ധന്യഃ കാര്‍തവീര്യ ബലാപഹാ ॥ 49 ॥
ലക്ഷ്മണാഗ്രജവന്ദ്യശ്ച നരോ നാരായണഃ പ്രിയഃ ।
ഏകജ്യോതിര്‍നിരാതങ്കോ മത്സ്യരൂപീ ജനപ്രിയഃ ॥ 50 ॥
സുപ്രീതഃ സുമുഖഃ സൂക്ഷ്മഃ കൂര്‍മോ വാരാഹകസ്തഥാ ।
വ്യാപകോ നാരസിംഹശ്ച ബലിജിന്‍മധുസൂദനഃ ॥ 51 ॥
അപരാജിതഃ സര്‍വസഹോ ഭൂഷണോ ഭൂതവാഹനഃ ।
നിവൃത്തഃ സംവൃത്തഃ ശില്‍പീ ക്ഷുദ്രഹാ നിത്യ സുന്ദരഃ ॥ 52 ॥
സ്തവ്യഃ സ്തവപ്രിയഃ സ്തോതാ വ്യാസമൂര്‍തിരനാകുലഃ ।
പ്രശാന്തബുദ്ധിരക്ഷുദ്രഃ സര്‍വസത്ത്വാവലംബനഃ ॥ 53 ॥
പരമാര്‍ഥഗുരുര്‍ദേവോ മാലീ സംസാരസാരഥിഃ ।
രസോ രസജ്ഞഃ സാരജ്ഞഃ കങ്കണീകൃതവാസുകിഃ ॥ 54 ॥
കൃഷ്ണഃ കൃഷ്ണസ്തുതോ ധീരോ മായാതീതോ വിമത്സരഃ ।
മഹേശ്വരോ മഹീഭര്‍താ ശാകല്യഃ ശര്‍വരീപതിഃ ॥ 55 ॥
തടസ്ഥഃ കര്‍ണദീക്ഷാദഃ സുരാധ്യക്ഷഃ സുരാരിഹാ ।
ധ്യേയോഽഗ്രധുര്യോ ധാത്രീശോ രുചിസ്ത്രിഭുവനേശ്വരഃ ॥ 56 ॥
കര്‍മാധ്യക്ഷോ നിരാലംബഃ സര്‍വകാംയഃ ഫലപ്രദഃ ।
അവ്യക്തലക്ഷണോ വ്യക്തോ വ്യക്താവ്യക്തോ വിശാമ്പതിഃ ॥ 57 ॥
ത്രിലോകാത്മാ ത്രിലോകേശോ ജഗന്നാഥോ ജനേശ്വരഃ ।
ബ്രഹ്മാ ഹംസശ്ച രുദ്രശ്ച സ്രഷ്ടാ ഹര്‍താ ചതുര്‍മുഖഃ ॥ 58 ॥
നിര്‍മദോ നിരഹങ്കാരോ ഭൃഗുവംശോദ്വഹഃ ശുഭഃ ।
വേധാ വിധാതാ ദ്രുഹിണോ ദേവജ്ഞോ ദേവചിന്തനഃ ॥ 59 ॥
കൈലാസശിഖരാവാസീ ബ്രാഹ്മണോ ബ്രാഹ്മണപ്രിയഃ ।
അര്‍ഥോഽനര്‍ഥോ മഹാകോശോ ജ്യേഷ്ഠഃ ശ്രേഷ്ഠഃ ശുഭാകൃതിഃ ॥ 60 ॥
ബാണാരിര്‍ദമനോ യജ്വാ സ്നിഗ്ധപ്രകൃതിരഗ്നിയഃ ।
വരശീലോ വരഗുണഃ സത്യകീര്‍തിഃ കൃപാകരഃ ॥ 61 ॥
സത്ത്വവാന്‍ സാത്ത്വികോ ധര്‍മീ ബുദ്ധഃ കല്‍കീ സദാശ്രയഃ ।
ദര്‍പണോ ദര്‍പഹാ ദര്‍പാതീതോ ദൃപ്തഃ പ്രവര്‍തകഃ ॥ 62 ॥
അമൃതാംശോഽമൃതവപുര്‍വാങ്മയഃ സദസന്‍മയഃ ।
നിധാനഗര്‍ഭോ ഭൂശായീ കപിലോ വിശ്വഭോജനഃ ॥ 63 ॥
പ്രഭവിഷ്ണുര്‍ഗ്രസിഷ്ണുശ്ച ചതുര്‍വര്‍ഗഫലപ്രദഃ ।
നാരസിംഹോ മഹാഭീമഃ ശരഭഃ കലിപാവനഃ ॥ 64 ॥
ഉഗ്രഃ പശുപതിര്‍ഭര്‍ഗോ വൈദ്യഃ കേശിനിഷൂദനഃ ।
ഗോവിന്ദോ ഗോപതിര്‍ഗോപ്താ ഗോപാലോ ഗോപവല്ലഭഃ ॥ 65 ॥
ഭൂതാവാസോ ഗുഹാവാസഃ സത്യവാസഃ ശ്രുതാഗമഃ ।
നിഷ്കണ്ടകഃ സഹസ്രാര്‍ചിഃ സ്നിഗ്ധഃ പ്രകൃതിദക്ഷിണഃ ॥ 66 ॥ ലക്ഷണഃ
അകമ്പിതോ ഗുണഗ്രാഹീ സുപ്രീതഃ പ്രീതിവര്‍ധനഃ ।
പദ്മഗര്‍ഭോ മഹാഗര്‍ഭോ വജ്രഗര്‍ഭോ ജലോദ്ഭവഃ ॥ 67 ॥
ഗഭസ്തിര്‍ബ്രഹ്മകൃദ്ബ്രഹ്മ രാജരാജഃ സ്വയംഭവഃ । സ്വയംഭുവഃ
സേനാനീരഗ്രണീ സാധുര്‍ബലസ്താലീകരോ മഹാന്‍ ॥ 68 ॥
പൃഥിവീ വായുരാപശ്ച തേജഃ ഖം ബഹുലോചനഃ ।
സഹസ്രമൂര്‍ധാ ദേവേന്ദ്രഃ സര്‍വഗുഹ്യമയോ ഗുരുഃ ॥ 69 ॥
അവിനാശീ സുഖാരാമസ്ത്രിലോകീ പ്രാണധാരകഃ ।
നിദ്രാരൂപം ക്ഷമാ തന്ദ്രാ ധൃതിര്‍മേധാ സ്വധാ ഹവിഃ ॥ 70 ॥
ഹോതാ നേതാ ശിവസ്ത്രാതാ സപ്തജിഹ്വോ വിശുദ്ധപാത് ।
സ്വാഹാ ഹവ്യശ്ച കവ്യശ്ച ശതഘ്നീ ശതപാശധൃക് ॥ 71 ॥
ആരോഹശ്ച നിരോഹശ്ച തീര്‍ഥഃ തീര്‍ഥകരോ ഹരഃ ।
ചരാചരാത്മാ സൂക്ഷ്മസ്തു വിവസ്വാന്‍ സവിതാമൃതം ॥ 72 ॥
തുഷ്ടിഃ പുഷ്ടിഃ കലാ കാഷ്ഠാ മാസഃ പക്ഷസ്തു വാസരഃ ।
ഋതുര്യുഗാദികാലസ്തു ലിങ്ഗമാത്മാഥ ശാശ്വതഃ ॥ 73 ॥
ചിരഞ്ജീവീ പ്രസന്നാത്മാ നകുലഃ പ്രാണധാരണഃ ।
സ്വര്‍ഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപം ॥ 74 ॥
മുക്തിര്ലക്ഷ്മീസ്തഥാ ഭുക്തിര്‍വിരജാ വിരജാംബരഃ ।
വിശ്വക്ഷേത്രം സദാബീജം പുണ്യശ്രവണകീര്‍തനഃ ॥ 75 ॥
ഭിക്ഷുര്‍ഭൈക്ഷ്യം ഗൃഹം ദാരാ യജമാനശ്ച യാചകഃ ।
പക്ഷീ ച പക്ഷവാഹശ്ച മനോവേഗോ നിശാചരഃ ॥ 76 ॥
ഗജഹാ ദൈത്യഹാ നാകഃ പുരുഹൂതഃ പുരുഷ്ടുതഃ । പുരുഭൂതഃ
ബാന്ധവോ ബന്ധുവര്‍ഗശ്ച പിതാ മാതാ സഖാ സുതഃ ॥ 77 ॥
ഗായത്രീവല്ലഭഃ പ്രാംശുര്‍മാന്ധാതാ ഭൂതഭാവനഃ ।
സിദ്ധാര്‍ഥകാരീ സര്‍വാര്‍ഥശ്ഛന്ദോ വ്യാകരണ ശ്രുതിഃ ॥ 78 ॥
സ്മൃതിര്‍ഗാഥോപശാന്തശ്ച പുരാണഃ പ്രാണചഞ്ചുരഃ । ശാന്തിശ്ച
വാമനശ്ച ജഗത്കാലഃ സുകൃതശ്ച യുഗാധിപഃ ॥ 79 ॥
ഉദ്ഗീഥഃ പ്രണവോ ഭാനുഃ സ്കന്ദോ വൈശ്രവണസ്തഥാ ।
അന്തരാത്മാ ഹൃഷീകേശഃ പദ്മനാഭഃ സ്തുതിപ്രിയഃ ॥ 80 ॥സ്കന്ദോ വൈശ്രവണസ്തഥാ
പരശ്വധായുധഃ ശാഖീ സിംഹഗഃ സിംഹവാഹനഃ ।
സിംഹനാദഃ സിംഹദംഷ്ട്രോ നഗോ മന്ദരധൃക്സരഃ ॥ 81 ॥ ശരഃ
സഹ്യാചലനിവാസീ ച മഹേന്ദ്രകൃതസംശ്രയഃ ।
മനോബുദ്ധിരഹങ്കാരഃ കമലാനന്ദവര്‍ധനഃ ॥ 82 ॥
സനാതനതമഃ സ്രഗ്വീ ഗദീ ശങ്ഖീ രഥാങ്ഗഭൃത് ।
നിരീഹോ നിര്‍വികല്‍പശ്ച സമര്‍ഥോഽനര്‍ഥനാശനഃ ॥ 83 ॥
അകായോ ഭക്തകായശ്ച മാധവോഽഥ സുരാര്‍ചിതഃ ।
യോദ്ധാ ജേതാ മഹാവീര്യഃ ശങ്കരഃ സന്തതഃ സ്തുതഃ ॥ 84 ॥
വിശ്വേശ്വരോ വിശ്വമൂര്‍തിര്‍വിശ്വാരാമോഽഥ വിശ്വകൃത് ।
ആജാനുബാഹുഃ സുലഭഃ പരം ജ്യോതിഃ സനാതനഃ ॥ 85 ॥
വൈകുണ്ഠഃ പുണ്ഡരീകാക്ഷഃ സര്‍വഭൂതാശയസ്ഥിതഃ ।
സഹസ്രശീര്‍ഷാ പുരുഷഃ സഹസ്രാക്ഷഃ സഹസ്രപാത് ॥ 86 ॥
ഊര്‍ധ്വരേതാഃ ഊര്‍ധ്വലിങ്ഗഃ പ്രവരോ വരദോ വരഃ ।
ഉന്‍മത്തവേശഃ പ്രച്ഛന്നഃ സപ്തദ്വീപമഹീപ്രദഃ ॥ 87 ॥
ദ്വിജധര്‍മപ്രതിഷ്ഠാതാ വേദാത്മാ വേദകൃച്ഛ്രയഃ ।
നിത്യഃ സമ്പൂര്‍ണകാമശ്ച സര്‍വജ്ഞഃ കുശലാഗമഃ ॥ 88 ॥
കൃപാപീയൂഷജലധിര്‍ധാതാ കര്‍താ പരാത്പരഃ ।
അചലോ നിര്‍മലസ്തൃപ്തഃ സ്വേ മഹിംനി പ്രതിഷ്ഠിതഃ ॥ 89 ॥
അസഹായഃ സഹായശ്ച ജഗദ്ധേതുരകാരണഃ ।
മോക്ഷദഃ കീര്‍തിദശ്ചൈവ പ്രേരകഃ കീര്‍തിനായകഃ ॥ 90 ॥
അധര്‍മശത്രുരക്ഷോഭ്യോ വാമദേവോ മഹാബലഃ ।
വിശ്വവീര്യോ മഹാവീര്യോ ശ്രീനിവാസഃ സതാം ഗതിഃ ॥ 91 ॥
സ്വര്‍ണവര്‍ണോ വരാങ്ഗശ്ച സദ്യോഗീ ച ദ്വിജോത്തമഃ ।
നക്ഷത്രമാലീ സുരഭിര്‍വിമലോ വിശ്വപാവനഃ ॥ 92 ॥
വസന്തോ മാധവോ ഗ്രീഷ്മോ നഭസ്യോ ബീജവാഹനഃ ।
നിദാഘസ്തപനോ മേഘോ നഭോ യോനിഃ പരാശരഃ ॥ 93 ॥
സുഖാനിലഃ സുനിഷ്പന്നഃ ശിശിരോ നരവാഹനഃ ।
ശ്രീഗര്‍ഭഃ കാരണം ജപ്യോ ദുര്‍ഗഃ സത്യപരാക്രമഃ ॥ 94 ॥
ആത്മഭൂരനിരുദ്ധശ്ച ദത്താത്രേയസ്ത്രിവിക്രമഃ ।
ജമദഗ്നിര്‍ബലനിധിഃ പുലസ്ത്യഃ പുലഹോഽങ്ഗിരാഃ ॥ 95 ॥
വര്‍ണീ വര്‍ണഗുരുശ്ചണ്ഡഃ കല്‍പവൃക്ഷഃ കലാധരഃ ।
മഹേന്ദ്രോ ദുര്‍ഭരഃ സിദ്ധോ യോഗാചാര്യോ ബൃഹസ്പതിഃ ॥ 96 ॥
നിരാകാരോ വിശുദ്ധശ്ച വ്യാധിഹര്‍താ നിരാമയഃ ।
അമോഘോഽനിഷ്ടമഥനോ മുകുന്ദോ വിഗതജ്വരഃ ॥ 97 ॥
സ്വയംജ്യോതിര്‍ഗുരുതമഃ സുപ്രസാദോഽചലസ്തഥാ ।
ചന്ദ്രഃ സൂര്യഃ ശനിഃ കേതുര്‍ഭൂമിജഃ സോമനന്ദനഃ ॥ 98 ॥
ഭൃഗുര്‍മഹാതപാ ദീര്‍ഘതപാഃ സിദ്ധോ മഹാഗുരുഃ ।
മന്ത്രീ മന്ത്രയിതാ മന്ത്രോ വാഗ്മീ വസുമനാഃ സ്ഥിരഃ ॥ 99 ॥
അദ്രിരദ്രിശയോ ശംഭുര്‍മാങ്ഗല്യോ മങ്ഗലോവൃതഃ ।
ജയസ്തംഭോ ജഗത്സ്തംഭോ ബഹുരൂപോ ഗുണോത്തമഃ ॥ 100 ॥
സര്‍വദേവമയോഽചിന്ത്യോ ദേവതാത്മാ വിരൂപധൃക് ।
ചതുര്‍വേദശ്ചതുര്‍ഭാവശ്ചതുരശ്ചതുരപ്രിയഃ ॥ 101 ॥
ആദ്യന്തശൂന്യോ വൈകുണ്ഠഃ കര്‍മസാക്ഷീ ഫലപ്രദഃ ।
ദൃഢായുധഃ സ്കന്ദഗുരുഃ പരമേഷ്ഠീ പരായണഃ ॥ 102 ॥
കുബേരബന്ധുഃ ശ്രീകണ്ഠോ ദേവേശഃ സൂര്യതാപനഃ ।
അലുബ്ധഃ സര്‍വശാസ്ത്രജ്ഞഃ ശാസ്ത്രാര്‍ഥഃ പരമഃപുമാന്‍ ॥ 103 ॥
അഗ്ന്യാസ്യഃ പൃഥിവീപാദോ ദ്യുമൂര്‍ധാ ദിക്ഷ്രുതിഃ പരഃ । ദ്വിമൂര്‍ധാ
സോമാന്തഃ കരണോ ബ്രഹ്മമുഖഃ ക്ഷത്രഭുജസ്തഥാ ॥ 104 ॥
വൈശ്യോരുഃ ശൂദ്രപാദസ്തു നദീസര്‍വാങ്ഗസന്ധികഃ ।
ജീമൂതകേശോഽബ്ധികുക്ഷിസ്തു വൈകുണ്ഠോ വിഷ്ടരശ്രവാഃ ॥ 105 ॥
ക്ഷേത്രജ്ഞഃ തമസഃ പാരീ ഭൃഗുവംശോദ്ഭവോഽവനിഃ ।
ആത്മയോനീ രൈണുകേയോ മഹാദേവോ ഗുരുഃ സുരഃ ॥ 106 ॥
ഏകോ നൈകോഽക്ഷരഃ ശ്രീശഃ ശ്രീപതിര്‍ദുഃഖഭേഷജം ।
ഹൃഷീകേശോഽഥ ഭഗവാന്‍ സര്‍വാത്മാ വിശ്വപാവനഃ ॥ 107 ॥
വിശ്വകര്‍മാപവര്‍ഗോഽഥ ലംബോദരശരീരധൃക് ।
അക്രോധോഽദ്രോഹ മോഹശ്ച സര്‍വതോഽനന്തദൃക്തഥാ ॥ 108 ॥
കൈവല്യദീപഃ കൈവല്യഃ സാക്ഷീ ചേതാഃ വിഭാവസുഃ ।
ഏകവീരാത്മജോ ഭദ്രോഽഭദ്രഹാ കൈടഭാര്‍ദനഃ ॥ 109 ॥
വിബുധോഽഗ്രവരഃ ശ്രേഷ്ഠഃ സര്‍വദേവോത്തമോത്തമഃ ।
ശിവധ്യാനരതോ ദിവ്യോ നിത്യയോഗീ ജിതേന്ദ്രിയഃ ॥ 110 ॥
കര്‍മസത്യം വ്രതഞ്ചൈവ ഭക്താനുഗ്രഹകൃദ്ധരിഃ ।
സര്‍ഗസ്ഥിത്യന്തകൃദ്രാമോ വിദ്യാരാശിര്‍ഗുരൂത്തമഃ ॥ 111 ॥
രേണുകാപ്രാണലിങ്ഗം ച ഭൃഗുവംശ്യഃ ശതക്രതുഃ ।
ശ്രുതിമാനേകബന്ധുശ്ച ശാന്തഭദ്രഃ സമഞ്ജസഃ ॥ 112 ॥
ആധ്യാത്മവിദ്യാസാരശ്ച കാലഭക്ഷോ വിശൃങ്ഖലഃ ।
രാജേന്ദ്രോ ഭൂപതിര്യോഗീ നിര്‍മായോ നിര്‍ഗുണോ ഗുണീ ॥ 113 ॥
ഹിരണ്‍മയഃ പുരാണശ്ച ബലഭദ്രോ ജഗത്പ്രദഃ । var. reversed lines
വേദവേദാങ്ഗപാരജ്ഞഃ സര്‍വകര്‍മാ മഹേശ്വരഃ ॥ 114 ॥
॥ ഫലശ്രുതിഃ ॥
ഏവം നാംനാം സഹസ്രേണ തുഷ്ടാവ ഭൃഗുവംശജം ।
ശ്രീരാമഃ പൂജയാമാസ പ്രണിപാതപുരഃസരം ॥ 1 ॥
കോടിസൂര്യപ്രതീകാശോ ജടാമുകുടഭൂഷിതഃ ।
വേദവേദാങ്ഗപാരജ്ഞഃ സ്വധര്‍മനിരതഃ കവിഃ ॥ 2 ॥
ജ്വാലാമാലാവൃതോ ധന്വീ തുഷ്ടഃ പ്രാഹ രഘൂത്തമം ।
സര്‍വൈശ്വര്യസമായുക്തം തുഭ്യം പ്രണതി രഘൂത്തമം ॥ 3 ॥ പ്രാദാം
സ്വതേജോ നിര്‍ഗതം തസ്മാത്പ്രാവിശദ്രാഘവം തതഃ ।
യദാ വിനിര്‍ഗതം തേജഃ ബ്രഹ്മാദ്യാഃ സകലാഃ സുരാഃ ॥ 4 ॥
ചേലുശ്ച ബ്രഹ്മസദനം ച കമ്പേ ച വസുന്ധരാ । ചേലുശ്വച ബ്രഹ്മമദനം
ദദാഹ ഭാര്‍ഗവം തേജഃ പ്രാന്തേ വൈ ശതയോജനാം ॥ 5 ॥
അധസ്താദൂര്‍ധ്വതശ്ചൈവ ഹാഹേതി കൃതവാഞ്ജനഃ ।
തദാ പ്രാഹ മഹായോഗീ പ്രഹസന്നിവ ഭാര്‍ഗവഃ ॥ 6 ॥
ശ്രീഭാര്‍ഗവ ഉവാച –
മാ ഭൈഷ്ട സൈനികാ രാമോ മത്തോ ഭിന്നോ ന നാമതഃ ।
രൂപേണാപ്രതിമേനാപി മഹദാശ്ചര്യമദ്ഭുതം ।
സംസ്തുത്യ പ്രണായാദ്രാമഃ കൃതാഞ്ജലിപുടോ।ബ്രവീത് ॥ 7 ॥
ശ്രീരാമ ഉവാച –
യദ്രൂപം ഭവതോ ലബ്ധം സര്‍വലോകഭയങ്കരം ।
ഹിതം ച ജഗതാം തേന ദേവാനാം ദുഃഖനാശനം ॥ 8 ॥ ദുഃഖ ശാതനം
ജനാര്‍ദന കരോംയദ്യ വിഷ്ണോ ഭൃഗുകുലോദ്ഭവഃ ।
ആശിഷോ ദേഹി വിപ്രേന്ദ്ര ഭാര്‍ഗവസ്തദനന്തരം ॥ 9 ॥
ഉവാചാശീര്‍വചോ യോഗീ രാഘവായ മഹാത്മനേ ।
പരം പ്രഹര്‍ഷമാപന്നോ ഭഗവാന്‍ രാമമബ്രവീത് ॥ 10 ॥
ശ്രീഭാര്‍ഗവ ഉവാച –
ധര്‍മേ ദൃഢത്വം യുധി ശത്രുഘാതോ യശസ്തഥാദ്യം പരമം ബലഞ്ച ।
യോഗപ്രിയത്വം മമ സന്നികര്‍ഷഃ സദാസ്തു തേ രാഘവ രാഘവേശഃ ॥ 11 ॥
തുഷ്ടോഽഥ രാഘവഃ പ്രാഹ മയാ പ്രോക്തം സ്തവം തവ ।
യഃ പഠേച്ഛൃണുയാദ്വാപി ശ്രാവയേദ്വാ ദ്വിജോത്തമാന്‍ ॥ 12 ॥
ദ്വിജേഷ്വകോപം പിതൃതഃ പ്രസാദം ശതം സമാനാമുപഭോഗയുക്തം ।
കുലേ പ്രസൂതിം മാതൃതഃ പ്രസാദം സമാം പ്രാപ്തിം പ്രാപ്നുയാച്ചാപി ദാക്ഷ്യം ।
പ്രീതിം ചാഗ്ര്യാം ബാന്ധവാനാം നിരോഗം കുലം പ്രസൂതൈഃ പൌത്രവര്‍ഗൈഃ സമേതം ॥ 13 ॥
അശ്വമേധ സഹസ്രേണ ഫലം ഭവതി തസ്യ വൈ ।
ഘൃതാദ്യൈഃ സ്നാപയേദ്രാമം സ്ഥാല്യാം വൈ കലശേ സ്ഥിതം ॥ 14 ॥
നാംനാം സഹസ്രേണാനേന ശ്രദ്ധയാ ഭാര്‍ഗവം ഹരിം ।
സോഽപി യജ്ഞസഹസ്രസ്യ ഫലം ഭവതി വാഞ്ഛിതം ॥ 15 ॥
പൂജ്യോ ഭവതി രുദ്രസ്യ മമ ചാപി വിശേഷതഃ ।
തസ്മാന്നാംനാം സഹസ്രേണ പൂജയേദ്യോ ജഗദ്ഗുരും ॥ 16 ॥
ജപന്നാംനാം സഹസ്രം ച സ യാതി പരമാം ഗതിം ।
ശ്രീഃ കീര്‍തിര്‍ധീര്‍ധൃതിസ്തുഷ്ടിഃ സന്തതിശ്ച നിരാമയാ ॥ 17 ॥
അണിമാ ലഘിമാ പ്രാപ്തിരൈശ്വര്യാദ്യാശ്ച ച സിദ്ധയഃ ।
സര്‍വഭൂതസുഹൃത്ത്വം ച ലോകേ വൃദ്ധീഃ പരാ മതിഃ ॥ 18 ॥
ഭവേത്പ്രാതശ്ച മധ്യാഹ്നം സായം ച ജപതോ ഹരേഃ ।
നാമാനി ധ്യായതോ രാമ സാന്നിധ്യം ച ഹരേര്‍ഭവേത് ॥ 19 ॥
അയനേ വിഷുവേ ചൈവ ജപന്ത്വാലിഖ്യ പുസ്തകം ।
ദദ്യാദ്വൈ യോ വൈഷ്ണവേഭ്യോ നഷ്ടബന്ധോ ന ജായതേ ॥ 20 ॥
ന ഭവേച്ച കുലേ തസ്യ കശ്ചില്ലക്ഷ്മീവിവര്‍ജിതഃ ।
വരദോ ഭാര്‍ഗവസ്തസ്യ ലഭതേ ച സതാം ഗതിം ॥ 21 ॥
॥ ഇതി ശ്രീഅഗ്നിപുരാണേ ദാശരഥിരാമപ്രോക്തം
ശ്രീപരശുരാമസഹസ്രനാമസ്തോത്രം സമ്പൂര്‍ണം ॥
ശ്രീഭാര്‍ഗവാര്‍പണമസ്തു ।
॥ ശ്രീരസ്തു ॥