॥ Sharabha Sahasranamastotram 2 Telugu Lyrics ॥
॥ శ్రీశరభసహస్రనామస్తోత్రమ్ ౨ ॥
హరిహరవిరచితమ్ – ఆకశభైరవ తన్త్రే
శ్రీ గణేశాయ నమః ॥
ఓం ఖేం ఖాం ఖం ఫట్ ప్రాణ గ్రహాసి
ప్రాణ గ్రహాసి హుం ఫట్ సర్వ శత్రు సంహారణాయ శరభ సాలువాయ
పక్షిరాజాయ హు ఫట్ స్వాహా ॥
ద్విచత్వారింశద్వర్ణః
ఓం అస్య శ్రీ శరభ మన్త్రస్య కాలాగ్ని రుద్ర ఋషిర్జగతీ ఛన్దః
శ్రీ శరభేశ్వరో దేవతా ఊం బీజం స్వాహా శక్తి ఫట్ కీలకం
శ్రీ శరభేశ్వర ప్రీత్యర్థే జపే వినియోగః ।
శిరసి కాలాగ్ని రుద్రాయ ఋషయే నమః ।
ముఖే జగతీ ఛన్దసే నమః ॥
హృది శరభేశ్వరాయ దేవతాయై నమః గుహ్యే ఊఁ బీజాయ నమః ।
పాదయో స్వాహా శక్తయే నమః ॥
సర్వాఙ్గం హుం ఫట్ కీలకాయ నమః ॥
ఊఁ ఖేం ఖాం అఙ్గుష్ఠాభ్యాం నమః ॥
ఖం ఫట్ తర్జనీభ్యాం స్వాహా ॥
ప్రాణగ్రహాసి ప్రాణగ్రహాసి హుం ఫట్ మధ్యమాభ్యాం వషట్ ।
సర్వశత్రు సంహారణాయ అనామికాభ్యాం హుమ్ ॥
శరభ-సాలువాయ కనిష్ఠికాభ్యాం వౌషద్ ॥
పక్షిరాజాయ హుం ఫట్ స్వాహా కరతలకర పృష్ఠాభ్యాం ఫట్త్ర ॥
అథ హృదయాది న్యాస ॥
ఓం ఖేం ఖాం హృదయాయ నమః ॥ ఓం ఖం ఫట్ శిరసే స్వాహా ॥
ప్రాణగ్రహాసి ప్రాణగ్రహాసి హుం ఫట్ శిఖాయై వషట్ ॥
సర్వశత్రు సంహారణాయ కవచాయ హుమ్ ॥
శరభ సాలువాయ నేత్రత్రయాయ వౌషట్ ॥
పక్షిరాజాయ హుం ఫట్ స్వాహా అస్త్రాయ ఫట్ ॥
॥ ధ్యానమ్ ॥
చన్ద్రార్కౌవహ్నిదృష్టిః కులిశవరనఖశ్చఞ్చంలోత్యుగ్రజిహ్వః ।
కాలీ దుర్గా చ పక్షౌ హృదయజఠరగౌభైరవో వాడవాగ్నిః ॥
ఊరుస్థౌ వ్యాధిమృత్యు శరభవర ఖగశ్చణ్డ వాతాతివేగః ।
సంహర్తా సర్వశత్రూన్ స జయతి శరభః శాలువః పక్షిరాజః ॥ ౧ ॥
వర్ణసహస్రం జపః ॥ పాయసేన ఘృతాక్తేన హోమః ॥
అథ సఙ్కల్పః ।
గౌరీవల్లభ కామారే కాలకూటవిషాదన ।
మాముద్ధరాపదామ్మాధేస్త్రిపురధ్నాన్త కాన్తక ॥
అథ శ్రీశరభసహస్రనామస్తోత్రమ్ ॥
ఓం సర్వభూతాత్మభూతస్య రహస్యమిత తేజస ।
అష్టోత్తరసహస్రం తు నామ్నాం సర్వస్య మే శృణు ॥ ౧ ॥
యచ్ఛ్రుత్వా మనుజ వ్యాఘ్ర సర్వాన్తామానవాప్యసి ।
స్థిరః స్థాణుః ప్రభుర్భీమః ప్రభవో వరదో వరః ॥ ౨ ॥
జటీ చర్మీ శిఖణ్డీ చ సర్వాఙ్గః సర్వభావనః ।
హరశ్చ హరిణాక్షశ్చ సర్వభూతహరః ప్రభుః ॥ ౩ ॥
ప్రవృత్తిశ్చ నివృత్తిశ్చ నియతః శాశ్వతో ధ్రువః ।
శ్మశానవాసీ భగవాన్ వచసోఽగోచరో ధనః ॥ ౪ ॥
అతివాధో మహాకర్మా తపస్వీ భూతభావనః ।
ఉన్మత్తవృషోథ ప్రచ్ఛన్నః సర్వలోకప్రజాపతిః ॥ ౫ ॥
మహారూపో మహాకాయో వృషరూపో మహాయశాః ।
మహాత్మా సర్వభూతాత్మా విశ్వరూపో మహాహనుః ॥ ౬ ॥
లోకపాలోఽతర్హితాత్మా ప్రసాదో హయగర్దభీ ।
పవిత్రశ్చ మహాంశ్చైవ నియమో నిగమప్రియ ॥ ౭ ॥
సర్వకర్మా స్వయమ్భూశ్చ ఆదిసృష్టికరో నిధి ।
సహస్రాక్షో విరూపాక్షః సోమో నక్షత్రసాధకః ॥ ౮ ॥
సూర్యచన్ద్రగతిః కేతుర్గ్రహో గ్రహపతిర్వరః ।
అదారిద్రఘ్నాలయ కర్తా మృగబాణార్పణోనఘః ॥ ౯ ॥
మహాతపా దీర్ఘతపా అదీనో దీనసాధనః ।
సంవత్సరకరో మన్త్రీ ప్రమాణం పరమం తపః ॥ ౧౦ ॥
యోగీ యోగ్యో మహాబీజో మహారేతా మహాతపాః ।
సువర్ణరేతాః సర్వజ్ఞః సువీజో వృషవాహనః ॥ ౧౧ ॥
దశబాహుశ్చ నిమిషో నీలకణ్ఠ ఉమాపతిః ।
బహురూపః స్వయంశ్రేష్ఠో బలిర్వైరోచనో గణః ॥ ౧౨ ॥
గణకర్త్తా గణపతిర్దిగ్వాసాః కామ ఏవ చ ।
మన్త్రవిత్పరమోమన్త్రః సర్వభావకరో హరః ॥ ౧౩ ॥
కమణ్డలుధరో ధన్వీ వాణహస్తః కపాలవాన్ ।
అశినీ శతఘ్నీ ఖణ్డీ పట్టిశశ్చాయుధీ మహాన్ ॥ ౧౪ ॥
శ్రుతిహస్తః సరూపశ్చ తేజస్తేజస్కరో విభుః ।
ఉశ్నీషీ చ సువక్త్రశ్చ ఉదగ్రో వినయస్తథా ॥ ౧౫ ॥
దీర్ఘశ్చ హరినేత్రశ్చ సుతీర్థః కృష్ణ ఏవ చ ।
శృగాలరూపః సర్వార్థో ముణ్డః సర్వకమణ్డలుః ॥ ౧౬ ॥
అజశ్చ మృగరూపశ్చ గన్ధచారీ కపర్దినః ।
ఊర్ధ్వరేతా ఉర్ధ్వలిఙ్గ ఉర్ధ్వశాయీ నభస్తలః ॥ ౧౭ ॥
త్రిజటశ్చౌరవాసీ చ రుద్రసేనాపతిర్విభుః ।
నక్తఞ్చరోతితిగ్మశ్చ అహశ్చారీ సువర్చసః ॥ ౧౮ ॥
గజహా దైత్యహా చైవ లోకభ్రాతా గుణాకరః ।
సింహశార్దూలరూపశ్చ ఆర్ద్రచర్మాంవరో వరః ॥ ౧౯ ॥
కాలయోగీ మహాకాలః సర్వవాసాశ్చతుష్పథ ।
నిశాచర ప్రేతచారీ భూతచారీ మహేశ్వరః ॥ ౨౦ ॥
బహురూపో బహుధన సర్వాధారా మనోగతిః ।
నృత్యప్రియో నృత్యతృప్తో నృత్యకః సర్వమాలయః ॥ ౨౧ ॥
ధోషో మహాతపా ఈశో నిత్యో గిరిచరో నభః ।
సహస్రహస్తో విజయో వ్యవసాయోహ్యనిన్దితః ॥ ౨౨ ॥
అమర్షణో మహామర్షీ ఈ యశకామో మనోమయః ।
దక్షయజ్ఞాపహారీ చ సుఖదో మధ్యమస్తథా ॥ ౨౩ ॥
తేజోపహారీ బలహా ముదితోప్యజితో భవః ।
దమ్భీ ద్వేషీ గమ్భీరో గమ్భీరబలవాహనః ॥ ౨౪ ॥
న్యగ్రోధరూపో న్యగ్రోధో వృక్షకర్త్తాస్గవృద్విభుః ।
తీక్ష్ణవ్వాహుశ్చ హర్షశ్చ సహాయః సర్వకాలవిత్ ॥ ౨౫ ॥
విష్ణుప్రసాదితో యజ్ఞః సముద్రో వడవాముఖః ।
హుతాశన సహాయశ్చ ప్రశాన్తాత్మా హుతాశనః ॥ ౨౬ ॥
ఉగ్రతేజా మహాతేజా జయో (జయో) విజయ కాలవిత్ ।
జ్యోతిషామయనః సిద్ధిః సన్ధివిగ్రహ ఏవ చ ॥ ౨౭ ॥
శిఖీ దణ్డీ జటీ జ్వాలీ మృత్యుజిద్దుర్ధరో వలీ ।
వైష్ణవీ పణవీతాలీ కాలః కాటకటఙ్కరః ॥ ౨౮ ॥
నక్షత్రవిగ్రహవిధిర్గుణవృద్ధిలయోగమః ।
ప్రజాపతి దిశా వాహు విభాగః సర్వతోముఖః ॥ ౨౯ ॥
వైరోచనో సురగణో హిరణ్యకవచోద్ధవః ।
అప్రజ్యో వాలచారీ చ మహాచారీ స్తుతస్తథా ॥ ౩౦ ॥
సర్వతూర్య నినాదీ చ సర్వనాథ పరిగ్రహః ।
వ్యాలరూపో విలావాసీ హేమమాలీ తరఙ్గవిత్ ॥ ౩౧ ॥
త్రిదిశస్త్రిదిశావాసీ సర్వబన్ధవిమోచనః ।
బన్ధనస్త్వసురేన్ద్రాణాం యుధి శత్రువినాశనః ॥ ౩౨ ॥
సాక్షాత్ప్రసాదో దుర్వాసా సర్వసాధునిషేవితః ।
పుస్కన్దనో విభావశ్చ అతుల్యో యజ్ఞభాగవిత్ ॥ ౩౩ ॥
సర్వచారీ సర్వవాసో దుర్వాసా వాఙ్మనోభవః ।
హేమో హేమకరో యజ్ఞః సర్వవీరో నరోత్తమః ॥ ౩౪ ॥
లోహితాక్షో మహోక్షశ్చ విజయాఖ్యో విశారదః ।
సద్గ్రహో విగ్రహో కర్మా మోక్షః సర్వనివాసనః ॥ ౩౫ ॥
ముఖ్యో ముక్తశ్చ దేహశ్చ దేహార్థః సర్వకామదః ।
సర్వకాలప్రసాదశ్చ సువలో వలరూపధృక్ ॥ ౩౬ ॥
ఆకాశనిధిరూపశ్చ నిషాదీ ఉరగః ఖగః ।
రౌద్రరూపీ పాంసురాదీః వసురగ్నిః సువర్చసీ ॥ ౩౭ ॥
వసువేగో మహావేగో మహాయక్షో నిశాకరః ।
సర్వభావప్రియావాసీ ఉపదేశకరో హరః ॥ ౩౮ ॥
మనురాత్మా పతిర్లోకీ సమ్భోజ్యశ్చ సహస్రశః ।
పక్షీ చ పక్షిరూపీ చ అతిదీప్తో విశామ్పతిః ॥ ౩౯ ॥
ఉన్మాదో మదనః కామోహ్యాస్యోర్థకరోయశః ।
వామదేవశ్చ రామశ్చ ప్రాగ్దక్షిణశ్చ వామనః ॥ ౪౦ ॥
సిద్ధయోగో మహర్షిశ్చ సిద్ధార్థః సిద్ధిసాధకః ।
విష్ణుశ్చ భిక్షురూపశ్చ విషధ్నో మృదురవ్యయః ॥ ౪౧ ॥
మహాసేనో విశాఖశ్చ వృష్టిభోగో గవాం పతి ।
వజ్రహస్తశ్చ విష్కుమ్భీ చ భూస్తమ్భన ఏవ చ ॥ ౪౨ ॥
వృత్తో వృత్తకరః స్థణుర్మధుమధుకరో ధనః ।
వాచస్పత్యో వాజసేనో నిత్యమాశ్రమపూజితః ॥ ౪౩ ॥
బ్రహ్మచారీ లోకచారీ సర్వచారీ విచారవిత్ ।
ఈశాన ఈశ్వరః కాలో నిశాచారీ పినాకధృక్ ॥ ౪౪ ॥
నిమిత్తజ్ఞో (స్థో) నిమత్తశ్చ నన్దిర్నాదకరో హరిః ।
నదీశ్వరశ్చ నన్దీ చ నన్దినో నన్దివర్ద్ధనః ॥ ౪౫ ॥
భగహారీ నిహన్తా చ కాలో బ్రహ్మా పితామహః ।
చతుర్ముఖో మహాలిఙ్గశ్చతుర్లిఙ్గస్థైవ చ ॥ ౪౬ ॥
లిఙ్గాధ్యక్షః సురాధ్యక్షో యోగాధ్యక్షో యుగావహః ।
బీజాధ్యక్షో బీజకర్త్తా అధ్యాత్మానుగతో బలః ॥ ౪౭ ॥
ఇతిహాసః సకల్పశ్చ గౌతమోథ నిశాకరః ।
దభోహ్యదభో వైదమ్భో వశ్యో వశ్యకరః కలిః ॥ ౪౮ ॥
లోకకర్తా పశుపతిర్మహాకర్తా హ్యనౌషధః ।
అక్షరం పరమం బ్రహ్మ వలటాచ్ఛన్న ఏవ చ ॥ ౪౯ ॥
నీతిర్హ్యనీతిః శుద్ధాత్మా శుద్ధో మాన్యో గతాగతిః ।
బహుప్రసాద సుస్వప్నో దర్పణోథత్వమిత్రజిత్ ॥ ౫౦।
వేదకారో మన్త్రకారో విద్వాన్సమరమర్దనః ।
మహామోఘనివాసీ చ మహాఘోరో వశీకరః ॥ ౫౧ ॥
అగ్నిజ్వాలో మహాజ్వాలో అతిధూమ్రో హుతో హవిః ।
వృషలః శఙ్కరో నిత్యో వర్చసీ ధూమ్రలోచనః ॥ ౫౨ ॥
నీలస్తథాఙ్గలుబ్ధశ్చ శోభనో నిరవగ్రహః ।
స్వస్తిదః స్వస్తిభావశ్చ భోగీ భోగకరో లఘుః ॥ ౫౩ ॥
ఉత్సఙ్గశ్చ మహాఙ్గశ్చ మహాభోగో పరాయణః ।
కృష్ణవర్ణః సువర్ణశ్చ ఇన్ద్రియం సర్వదేహినామ్ ॥ ౫౪ ॥
మహాపాదో మహాహస్తో మహాకాయో మహాయశాః ।
మహామూర్ద్ధా మహామాత్రో మహానేత్రో నిశాలయః ॥ ౫౫ ॥
మహాన్తకో మహాకర్ణో మహోక్షశ్చ మహాహనుః ।
మహాననో మహాకంవుర్మహాగ్రీవః శ్మశానభాక్ ॥ ౫౬ ॥
మహావక్షా మహోరస్కో హ్యన్తరామా మృగాలయః ।
లమ్బితో లమ్బితోష్టశ్చ మహామాయా పయోనిధి ॥ ౫౭ ॥
మహాదన్తో మహాదంష్ట్రో మహాజిహ్వో మహాముఖః ।
మహానఖో మహారోమా మహాకేశో మహాజరః ॥ ౫౮ ॥
ప్రసన్నశ్చ ప్రసాదశ్చ ప్రతయో యోగిసాధనః ।
స్నేహనోతిశుభస్నేహః అజితశ్చ మహామునిః ॥ ౫౯ ॥
వృక్షకారో వృక్షకేతుః అనలో వాయువాహనః ।
మణ్డలీ ధామశ్చ దేవాధిపతిరేవ చ ॥ ౬౦ ॥
అథర్వశీర్షః సామాస్యః ఋక్ సాహస్ర మితేక్షణః ।
యజుః పాదభుజాగుహ్యః ప్రకాశో జఙ్గమస్తథా ॥ ౬౧ ॥
అమోధార్థప్రసాదశ్చ అతిగమ్యః సుదర్శనః ।
ఉపకారప్రియః సర్వః కనకః కాఞ్చనస్థితః ॥ ౬౨ ॥
నాభిర్నదికరో భావః పుష్కరస్య పతిస్థిరః ।
ద్వాదశాస్త్రమసశ్వాఘో యజ్ఞో యజ్ఞసమాహితః ॥ ౬౩ ॥
నక్తం కలిశ్చ కాలశ్చ కకారః కాలపూజితః ।
సవాణో గణకారశ్చ భూతవాహనసారథిః ॥ ౬౪ ॥
భస్మశాయీ భస్మగోప్తా భస్మభూతస్తమోగుణః ।
లోకపాలస్తథా లోకో మహాత్మా సర్వపూజితః ॥ ౬౫ ॥
శుక్లస్త్రిశుక్లసమ్పన్నః శుచిర్భూతనిషేవితః ।
ఆశ్రమస్థః క్రియావస్థో విశ్వకర్మా మతిర్వరః ॥ ౬౬ ॥
విశాలశాఖస్తామ్రోష్టోహ్యమ్బుజాలః సునిశ్చలః ।
కపిలః కపిలః శుక్ల ఆయుశ్చైవ పరోవరః ॥ ౬౭ ॥
గన్ధర్వో హ్యదితిస్తార్క్ష్యః సువిజ్ఞేయః సుశారదః ।
పరశ్వధాయుధో దేవ అన్ధకారిః సువాన్ధవః ॥ ౬౮ ॥
తుమ్బవీణో మహాక్రోధ ఊర్ధ్వంరేతా జలేశయః ।
ఉగ్రో వంశకరో ద్వంశో వంశనాదోహ్యనిన్దితః ॥ ౬౯ ॥
సర్వాఙ్గరూపో మాయావీ సుహ్యదోహ్యనిలోనలః ।
బన్ధనో బన్ధకర్తా చ సుబధురవిమోచనః ॥ ౭౦ ॥
మేషజారిః సుకర్మారిర్మహాదంష్ట్రసమో యుధి ।
బహుస్వనిర్మితః సర్వః శఙ్కరః శఙ్కరో వరః ॥ ౭౧ ॥
అమరేశో మహాదేవో విశ్వదేవః సురారిహా ।
నిసఙ్గశ్చాహిర్బుధ్య్నశ్చాకితాక్షో హరిస్తథా ॥ ౭౨ ॥
అజైకపాలపాలీచ త్రిశఙ్కురజితః శివః ।
ధన్వతరిర్ధూమ్రకేతుః స్కన్దో వైశ్రవణస్తథా ॥ ౭౩ ॥
ధాతా శక్రశ్చ విశ్వశ్చ మిత్రస్త్వష్ఠాధ్రువో వసుః ।
ప్రభావః సర్వగో వాయురర్యమాసవితారథిః ॥ ౭౪ ॥
ఉగ్రదంష్ట్రో విధాతా చ మాన్ధాతా భూతభావనః ।
రతిస్తీర్థశ్చ వాగ్మీ చ సర్వకర్మగుణావహ ॥ ౭౫ ॥।
పద్మవక్రో మహావక్రశ్చన్ద్రవక్రో మనోరమః ।
వలయాన్యశ్చ శాన్తశ్చ పురాణః పుణ్యవర్చసః ॥ ౭౬ ॥
కురుకర్తా కాలరూపీ కురుభూతో మహేశ్వరః ।
శర్వో సర్వో దర్భశాయీ సర్వేషాం ప్రాణినాం పతిః ॥ ౭౭ ॥
దేవదేవ సుఖాశక్తః సదసత్సంవరరత్నవిత్ ।
కైలాసశిఖిరావాసీ హిమవద్గిరిసంశ్రయః ॥ ౭౮ ॥
కూలహారీ కూలకర్త్తా బహుబీజో బహుప్రదః ।
వనిజో వర్ద్ధనో దక్షో నకులశ్చదనశ్ఛదః ॥ ౭౯ ॥
సారగ్రీవీ మహాజన్తురత్నకశ్చ మహౌషధిః ।
సిద్ధార్థకారీ సిద్ధార్థః ఛన్దో వ్యాకరణాని చ ॥ ౮౦ ॥
సింహనాదః సింహదంష్ట్రః సింహగః సింహవాహనః ।
ప్రభావాత్మా జరాస్తాలోల్లోకాహితాన్తకః ॥ ౮౧ ॥
సారగోఽసుఖవక్రాన్త కేతుమాలీ స్వభావతః ।
భూతాశ్రయో భూతపతిరహోరాత్రమనిన్దకః ॥ ౮౨ ॥
ఆసనః సర్వభూతానాం నిలయః విభుభైరవః ।
అమోఘసర్వభూషాస్యో యాజనః ప్రాణహారకః ॥ ౮౩ ॥
ధృతిమాన్ జ్ఞాతిమాన్ దక్షః సత్కృతశ్చ యుగాధిపః ।
గోపాలో గోపతిర్గోప్తా గోశ్చవసనో హరః ॥ ౮౪ ॥
హిరణ్యబాహుశ్చ తథా గుహయకాలః ప్రవేశకః ।
ప్రతిష్ఠాయాం మహాహర్షోఞ్జితకామో జితేన్ద్రియః ॥ ౮౫ ॥
గాన్ధారశ్చ సుశీలశ్చ తపః కర్మరతిర్ధనః ।
మహాగీతో మహాబ్రహ్మార్హ్మక్షరో గణసేవితః ॥ ౮౬ ॥
మహాకేతుః కర్మధాతనైకతానశ్చరాచరః ।
అవేదనీయ ఆవేశః సర్వగన్ధసుఖావహః ॥ ౮౭ ॥
తోరణాస్తరణో వాయుః పరిధావతి చైతకః ।
సంయోగో వర్ద్ధనో వృద్ధో మహావృద్ధో గణాధిపః ॥ ౮౮ ॥
నిత్యో ధర్మసహాయశ్చ దేవాసురపతిః పతిః ।
అముక్తో ముస్తబాహుశ్చ ద్వివిధశ్చ సుపర్వణః ॥ ౮౯ ॥
ఆషాఢశ్చ సుఖాఢ్యశ్చ ధ్రువో హరిహయో హరిః ।
వసురావర్త్తనో నిత్యో వసుశ్రేష్ఠో మహామదః ॥ ౯౦ ॥
శిరోహారీ చ వర్షీ చ సర్వలక్షణభూషితః ।
అక్షరశ్చాక్షయో యోగీ సర్వయోగీ మహావలః ॥ ౯౧ ॥
సమామ్నాయోఽసమామ్నాయస్తీర్థదేవో మహాద్యుతిః ।
నిర్బీజో జీవనో మన్త్రో అనఘో బహుకర్కశః ॥ ౯౨ ॥
రక్తప్రభూతో రక్తాఙ్గో మహార్ణవనినాదకృత్ ।
మూలో విశాఖో యమృతోక్తయక్తోవ్యః సనాతనః ॥ ౯౩ ॥
ఆరోహణో నిరంహశ్చ శైలహారీ మహాతపాః ।
సేనాకల్పో మహాకల్పో యుగో యుగఙ్కరో హరిః ॥ ౯౪ ॥
యుగరూపో మహారూపో పవనో గహనో నగః ।
న్యాయనిర్వాపణో నాదః పణ్డితోహ్యచలోపమః ॥ ౯౫ ॥
బహుమాలో మహామాలః సుమాలో బహులోచనః ।
విస్తారో లవణః క్రూరః ఋతుమాసఫలోదయః ॥ ౯౬ ॥
వృషభో వృషభాగాఙ్గో మణిబన్ధుర్జటాధరః ।
ఇన్ద్రో విసర్గః సుముఖః సురః సర్వాయుధః సహః ॥ ౯౭ ॥
నివేశనః సుధన్వా చ పూగగన్ధో మహాహనుః ।
గన్ధమాలీ చ భగవాన్ సానన్దః సర్వకర్మణామ్ ॥ ౯౮ ॥
మాత్మనో బాహులో బాహుః సకలః సర్వలోచనః ।
రుద్రస్తాలీకరస్తాలీ ఊర్ధ్వసంహతలోచనః ॥ ౯౯ ॥
ఛత్రపద్మః సువిఖ్యాతః సర్వలోకాశ్రయో మహాన్ ।
ముణ్డో విరూపో బహులో దణ్డీ ముణ్డో వికుణ్డలః ॥ ౧౦౦ ॥
హర్యక్షః కకుభోక వజ్రీ దీప్తావర్చః సహస్రపాత్ ।
సహస్రమూర్ద్ధా దేవేద్రః సర్వభూతమయో హరి ॥ ౧౦౧ ॥
సహస్రబాహుః సర్వాఙ్గః శరణ్యః సర్వకర్మకృత్ ।
పవిత్రః స్నిగ్ధయుర్మన్త్రః కనిష్ఠః కృష్ణపిఙ్గలః ॥ ౧౦౨ ॥
బ్రహ్మదణ్డవినిర్వాతః శరఘ్నః శరతాపధృక్ ।
పద్మగర్భో మహాగర్భో పద్మగర్భో జలోద్భవ ॥ ౧౦౩ ॥
గభస్తిర్బ్రహ్మకృత్ బ్రహ్మ బ్రహ్మకృద్ బ్రాహ్మణో గతి ।
అనన్తరూపో నైకాత్మా తగ్మతేజాత్మసమ్భవః ॥ ౧౦౪ ॥
ఊర్ధ్వగాత్మా పశుపతిః వీతురఙ్గా మనోజవః ।
వన్దనీ పద్మమాలీ చ గుణజ్ఞో స్వగుణోత్తరః ॥ ౧౦౫ ॥
కర్ణికారో మహాస్రగ్వీ నీలమౌలీ పినాకధృక్ ।
ఉమాపతిరుమాకాన్తో జాన్హవీహృదయఙ్గమః ॥ ౧౦౬ ॥
వీరో వరాహో వరదో వరేశశ్చ మహామనా ।
మహాప్రభావస్త్వనఘః శత్రుహా శ్వేతపిఙ్గలః ॥ ౧౦౭ ॥
ప్రీతాత్మా ప్రయత్తాత్మా చ సంయతాత్మా ప్రధానధృక్ ।
సర్వపార్శ్వస్తుతస్తార్క్ష్యో ధర్మః సాధారణో వరః ॥ ౧౦౮ ॥
చరాచరాత్మా సూక్ష్మాత్మా గోవృషో గోవృషేశ్చరః ।
సాధ్యర్షిర్వసురాదిత్యో వివస్వాన్ సవితా మృగః ॥ ౧౦౯ ॥
వ్యాసః సర్వస్య సఙ్క్షేపో విస్తారః పర్యయోనయః ।
ఋతుః సంవత్సరో మాసః పక్షః సఙ్ఖ్యా పరాయణః ॥ ౧౧౦ ॥
కలా కాష్టా లయో మాత్రా ముహూర్తః పక్షపాక్షణః ।
విశ్వక్షేత్రం ప్రజాబీజం లిఙ్గమాద్యస్త్వనిన్దితః ॥ ౧౧౧ ॥
సద్వ్యవతమవ్యక్త పితా మాతా పితామహః ।
స్వర్గద్వారం ప్రజాద్వారం మోక్షద్వారం త్రివిష్టపమ్ ॥ ౧౧౨ ॥
నిర్వాణం జ్ఞానదం చైవ బ్రహ్మలోక పరాగతిః ।
దేవాసురగురుర్దేవో దేవాసురనమస్కృతః ॥ ౧౧౩ ॥
దేవాసురమహామాత్రో దేవాసురసమాశ్రయ ।
దేవాసురగణాధ్యక్షో దేవాసురగణాధిపః ॥ ౧౧౪ ॥
దేవాసురేశ్వరో దేవో దేవాసురమహేశ్వరః ।
సర్వదేవమయో చిన్త్యో దేవానామాత్మసమ్భవః ॥ ౧౧౫ ॥
ఉద్భిజ్జస్త్రిక్రమో వైద్యో విరాజో వరదో వరః ।
ఈజ్యో హస్తిముఖో వ్యాఘ్రీ దేవసింహో నరర్షభః ॥ ౧౧౬ ॥
విబుధాగ్రవరశ్రేష్ఠః సర్వదేవోత్తమోత్తమః ।
గురుః కాన్తో నిజః సర్వః పవిత్రః సర్వవాహనః ॥ ౧౧౭ ॥
ప్రయుక్తః శోభనో వజ్ర ఈశానః ప్రభురవ్యయః ।
భృగీ భృఙ్గప్రియో బభ్రూ రాజరాజో నిరామయః ॥ ౧౧౮ ॥
అవిరామః సుశరణో విరామః సర్వసాధనః ।
లలాటాక్షో విశ్వదేహో హారిణో బ్రహ్మవర్చసీ ॥ ౧౧౯ ॥
స్థావరాణాం పతిశ్చైవ నియమేన్ద్రియవర్ద్ధనః ।
సిద్ధార్థః సర్వసిద్ధార్థోనిత్యః సత్యవ్రతః శుచిః ॥ ౧౨౦ ॥
వ్రతాదిర్యత్పరం బ్రహ్మ ముక్తానాం పరమాగతిః ।
విముక్తో దీర్ఘతేజాశ్చ శ్రీమాన్ శ్రీవర్ద్ధనో జగత్ ॥ ౧౨౧ ॥
యథా ప్రసాదో భగవానితి భక్త్యా స్తుతో మయా ।
యన్న బ్రహ్మాదయో దేవా విదుర్యన్న మహర్షయః ॥ ౧౨౨ ॥
తంస్తవీమ్యహమాద్యం చ కస్తోష్యతి జగత్ప్రభుమ్ ।
భక్తిశ్చైవ పురస్కృత్య మయా యజ్ఞపతిర్వసుః ॥ ౧౨౩ ॥
తతోఽనుజ్ఞాపయామాసస్తుతో మతిమతాం గతిః ।
శివ ఏవం స్తుతో దేవైః నామభిః పుష్టివర్ద్ధనైః ॥ ౧౨౪ ॥
నిత్యయుక్తః శుచిర్భూత్వా ప్రాప్న్యోత్యాత్మానమాత్మనః ।
ఏతద్ధిపరమం బ్రహ్మా స్వయఙ్గీతం స్వయమ్భువా ॥ ౧౨౫ ॥
ఋషయశ్చైవ దేవాశ్చ స్తువన్త్యేతే ను తత్పరమ్ ।
స్తూయమానో మహాదేవః ప్రీయతే చాత్మనాపతిః ॥ ౧౨౬ ॥
భక్తానుకమ్పీ భగవానాత్మసంస్థాన్ కరోతి తాన్ ।
తథైవ చ మనుష్యేషు యత్ర కుత్ర ప్రధానతః ॥ ౧౨౭ ॥
ఆస్తికః శ్రద్దధానశ్చ బహుభిర్జన్మభిః స్తవైః ।
జాగ్రతోథ స్వపతశ్చ వ్రజన్తో గతిసంస్థితాః ॥ ౧౨౮ ॥
స్తువన్తి స్తూయమానే చ చతుష్పథి రమన్తి చ ।
జన్మకోటిసహస్రేషు నానాసంసారయోనిషు ॥ ౧౨౯ ॥
జన్తోర్విశుద్ధపాపస్య భవే భక్తిః ప్రజాయతే ।
ఉత్పన్నా చ భవే భక్తిరనన్యా సర్వభావతః ॥ ౧౩౦ ॥
ఏతద్దేవేషు దుఃప్రాపో మానుషేషు న లభ్యతే ।
నిర్విఘ్నా నిశ్చలా భద్రే భక్తిరవ్యభిచారిణీ ॥ ౧౩౧ ॥
తస్యైవ చ ప్రసాదేన భక్తిరుత్పద్యతే నృప ।
యయా యాతి పరాం సిద్ధిం తద్భాగవతమానసః ॥ ౧౩౨ ॥
యే సర్వభావోపహతాః పరత్వేనానుభావితాః ।
ప్రపన్నవత్సలా దేవః సంసారాత్తాన్ సముద్ధరేత్ ॥ ౧౩౩ ॥
ఏవమన్యేపి కుర్వన్తి దేవాః సంసారమోచనమ్ ।
మనుష్యాణాం మహాదేవాదన్యత్రాపి తపోబలాత్ ॥ ౧౩౪ ॥
ఇతి తేనేదం కల్యాయాయ భగవాన్ సదసత్ పతిః ।
కృత్తివాసా ధువం పూర్వం తాడితా శుద్ధబుద్ధయః ॥ ౧౩౫ ॥
స్తవమేనం భగవతి బ్రహ్మో స్వయమధారయత్ ।
బ్రహ్మా ప్రోవాచ శక్రాయ శక్రః ప్రోవాచ మృత్యవే ॥ ౧౩౬ ॥
మృత్యుః ప్రోవాచ రుద్రేభ్యో రుద్రేభ్యస్తణ్డిమాగయత్ ।
మహతా తపసా ప్రాప్తస్తణ్డినా బ్రహ్మ సమ్మతిః ॥ ౧౩౭ ॥
స్తణ్డీః ప్రోవాచ శుక్రాయ గౌతమాయాహ భార్గవః ।
వైవస్వతాయ భగవాన్ గౌతమః ప్రాహ సాధవే ॥ ౧౩౮ ॥
నారాయణాయ సాధ్యాయ మనురిష్టాయ ధీమతే ।
యమాయ ప్రాహ భగవాన్ సాధ్యో నారాయణోవ్యయః ॥ ౧౩౯ ॥
నాచికేతాయ భగవానాహ వైవస్వతో యమః ।
మార్కణ్డేయాయ వార్ష్ణేయ నాచికేతాభ్యభాషత ॥ ౧౪౦ ॥
తథాప్యహమమిత్రఘ్నస్తావన్ద్ధాద్య విశ్రుతమ్ ।
స్వర్గ్యమారోగయమాయుష్యం ధన్యం వేదైశ్చ సమ్మితమ్ ॥ ౧౪౧ ॥
నాస్య విఘ్నాని కుర్వన్తి దానవా యక్షరాక్షసాః ।
పిశాచా యాతుధాన్తాశ్చ గుహ్యకా భుజగా అపి ॥ ౧౪౨ ॥
య పఠేత్ప్రయతః ప్రాతర్బ్రహ్మాచారీ జితేన్ద్రియ ।
అభిన్నయోగో వర్షన్తు అశ్వమేధఫలం లభేత్ ॥ ౧౪౩ ॥
ఇయాకాశ భైరవతన్త్రే హరిహరబ్రహ్మవిరచితే ।
శరభసహస్రనామస్తోత్రం సమ్పూర్ణమ్ ॥ ౧౪౪ ॥
॥ ఇతి ఆకాశభైరవతన్త్రే హరిహరవిరచితమ్
శ్రీశరభసహస్రనామస్తోత్రం సమ్పూర్ణమ్ ॥