॥ Vedasara Shiva Sahasranama Stotra from Padmapurana Bengali Lyrics ॥
॥ বেদসার শ্রীশিবসহস্রনামস্তোত্রম্ ॥
শঙ্করকবচ শ্লোকাঃ ১-৬১
পদ্মপুরাণান্তর্গতং বেদসারাখ্যং
॥ শ্রীগণেশায় নমঃ ॥
॥ শ্রীউমামহেশ্বরাভ্যাং নমঃ ॥
শুক্লাম্বরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যায়েত্ সর্ববিঘ্নোপশান্তয়ে ॥ ১ ॥
ঈশ্বরং পরমং তত্ত্বমাদিমধ্যান্তবর্জিতম্ ।
আধারং সর্বভূতানমনাধারমবিক্রিয়ম্ ॥ ২ ॥
অনন্তানন্দবোধাম্বুনিধিমদ্ভুতবিক্রিয়ম্ ।
অম্বিকাপতিমীশানমনীশং প্রণমাম্যহম্ ॥ ৩ ॥
ঈশমাদ্যন্তনির্মুক্তমতিশোভনমাদরাত্ ।
নমামি বিগ্রহং সাম্বং সংসারাময়ভেষজম্ ॥ ৪ ॥
ব্যাস উবাচ ।
একদা মুনয়ঃ সর্বে দ্বারকাং দ্রষ্টুমাগতাঃ ।
বাসুদেবং চ সোত্কণ্ঠাঃ কৃষ্ণদর্শনলালসাঃ ॥ ৫ ॥
ততঃ স ভগবান্প্রীতঃ পূজাং চক্রে য়থাবিধি ।
তেষামাশীস্ততো গৃহ্য বহুমানপুরঃসরম্ ॥ ৬ ॥
তৈঃ পৃষ্টঃ কথয়ামাস কুমারপ্রভবং চ য়ত্ ।
চরিতং ভূমিভারঘ্নং লোকানন্দকরং পরম্ ॥ ৭ ॥
মার্কণ্ডেয়মুখাঃ সর্বে মাধ্যাহ্নিকক্রিয়োত্থিতাঃ ।
কৃষ্ণঃ স্নানমথো চক্রে মৃদক্ষতকুশাদিভিঃ ॥ ৮ ॥
পীতাম্বরং ত্রিপুণ্ড্রং চ ধৃত্বা রুদ্রাক্ষমালিকাঃ ।
সূর্যোপস্থানং সন্ধ্যাং চ স্মৃতিধর্মমনুস্মরন্ ॥ ৯ ॥
শিবপূজাং ততঃ কৃষ্ণো গন্ধপুষ্পাক্ষতাদিভিঃ ।
চকার বিধিবদ্ভক্ত্যা নমস্কারয়ুতাং শুভাম্ ॥ ১০ ॥
জয় শঙ্কর সোমেশ রক্ষ রক্ষেতি চাব্রবীত্ ।
জজাপ শিবসাহস্রং ভুক্তিমুক্তিপ্রদং বিভোঃ ।
অনন্যমানসঃ শান্তঃ পদ্মাসনগতঃ শুচিঃ ॥ ১১ ॥
ততস্তে বিস্ময়াপন্না দৃষ্ট্বা কৃষ্ণবিচেষ্টিতম্ ।
মার্কণ্ডেয়োঽবদত্কৃষ্ণং বহুশো মুনিসম্মতম্ ॥ ১২ ॥
মার্কণ্ডেয় উবাচ
ত্বং বিষ্ণুঃ কমলাকান্তঃ পরমাত্মা জগদ্গুরুঃ । ত্বং কৃষ্ণঃ
ভবত্পূজ্যঃ কথং শম্ভুরেতত্সর্বং বদস্ব মে ॥ ১৩ ॥
ব্যাস উবাচ
অথ তে মুনয়ঃ সর্বে মার্কণ্ডেয়ং সমার্চয়ন্ ।
বচোভির্বাসুদেবশ্চ পৃষ্টঃ সাধু ত্বয়েতি চ ॥ ১৪ ॥
শ্রীকৃষ্ণ উবাচ
সাধু সাধু মুনে পৃষ্টং হিতায় সকলস্য চ ॥ ১৫ ॥
অজ্ঞাতং তব নাস্ত্যেব তথাপি চ বদাম্যহম্ ।
দৈবতং সর্বলোকানাং সর্বকারণকারণম্ ॥ ১৬ ॥ সর্বদেবানাং
জ্যোতির্যত্পরমানন্দং সাবধানমতিঃ শৃণু ।
বিশ্বপাবনমীশানং গুণাতীতমজং পরম্ ॥ ১৭ ॥ বিশ্বসাধনমীশানং
জগতস্তস্থুষো হ্যাত্মা মম মূলং মহামুনে ।
য়ো দেবঃ সর্বদেবানাং ধ্যেয়ঃ পূজ্যঃ সদাশিবঃ ॥ ১৮ ॥
স শিবঃ স মহাদেবঃ শঙ্করশ্চ নিরঞ্জনঃ ।
তস্মান্নান্যঃ পরো দেবস্ত্রিষু লোকেষু বিদ্যতে ॥ ১৯ ॥
সর্বজ্ঞঃ সর্বগঃ শক্তঃ সর্বাত্মা সর্বতোমুখঃ ।
পঠ্যতে সর্বসিদ্ধান্তৈর্বেদান্তৈর্যো মুনীশ্বরাঃ ॥ ২০ ॥
তস্মিন্ভক্তির্মহাদেবে মম ধাতুশ্চ নির্মলা ।
মহেশঃ পরমং ব্রহ্ম শান্তঃ সূক্ষ্মঃ পরাত্পরঃ ॥ ২১ ॥
সর্বান্তরঃ সর্বসাক্ষী চিন্ময়স্তমসঃ পরঃ ।
নির্বিকল্পো নিরাভাসো নিঃসঙ্গো নিরুপদ্রবঃ ॥ ২২ ॥
নির্লেপঃ সকলাধ্যক্ষো মহাপুরুষ ঈশ্বরঃ ।
তস্য চেচ্ছাভবত্পূর্বং জগত্স্থিত্যন্তকারিণী ॥ ২৩ ॥
বামাঙ্গাদভবং তস্য সোঽহং বিষ্ণুরিতি স্মৃতঃ ।
জনয়ামাস ধাতারং দক্ষিণাঙ্গাত্সদাশিবঃ ॥ ২৪ ॥
মধ্যতো রুদ্রমীশানং কালাত্মা পরমেশ্বরঃ ।
তপঃ কুর্বন্তু ভো বত্সা অব্রবীদিতি তান্ শিবঃ ॥ ২৫ ॥ তপস্তপন্তু ভো
ততস্তে শিবমাত্মানং প্রোচুঃ সংয়তমানসাঃ ।
স্তুত্বা তু বিধিবত্স্তোত্রৈঃ প্রণম্য চ পুনঃ পুনঃ ॥ ২৬ ॥
ব্রহ্মবিষ্ণুমহেশ্বরা ঊচুঃ
তপঃ কেন প্রকারেণ কর্তব্যং পরমেশ্বর ।
ব্রূহি সর্বমশেষেণ স্বাত্মানং বেত্সি নাপরঃ ॥ ২৭ ॥
শ্রীমহাদেব উবাচ Var শিব উবাচ
কায়েন মনসা বাচা ধ্যানপূজাজপাদিভিঃ ।
কামক্রোধাদিরহিতং তপঃ কুর্বন্তু ভো সুরাঃ ॥ ২৮ ॥
দেবা ঊচুঃ
ত্বয়া য়ত্কথিতং শম্ভো দুর্জ্ঞেয়মজিতাত্মভিঃ ।
সৌম্যোপায়মতো ব্রহ্মন্বদ কারুণ্যবারিধে ॥ ২৯ ॥
শ্রীশঙ্কর উবাচ Var শিব উবাচ
শৃণুধ্বং সর্বপাপঘ্নং ভুক্তিমুক্তিপ্রদং নৃণাম্ ।
সহস্রনামসদ্বিদ্যাং জপন্তু মম সুব্রতাঃ ॥ ৩০ ॥
য়য়া সংসারমগ্নানাং মুক্তির্ভবতি শাশ্বতী ।
শৃণ্বন্তু তদ্বিধানং হি মহাপাতকনাশনম্ ॥ ৩১ ॥
পঠতাং শৃণ্বতাং সদ্যো মুক্তিঃ স্যাদনপায়িনী ।
ব্রহ্মচারী কৃতস্নানঃ শুক্লবাসা জিতেন্দ্রিয়ঃ ॥ ৩২ ॥
ভস্মধারী মুনির্মৌনী পদ্মাসনসমন্বিতঃ ।
ধ্যাত্বা মাং সকলাধীশং নিরাকারং নিরীশ্বরম্ ॥ ৩৩ ॥
পার্বতীসহিতং শম্ভুং জটামুকুটমণ্ডিতম্ ।
দধানং চর্ম বৈয়াঘ্রং চন্দ্রার্ধকৃতশেখরম্ ॥ ৩৪ ॥ বসানং চর্ম
ত্র্যম্বকং বৃষভারূঢং কৃত্তিবাসসমুজ্জ্বলম্ ।
সুরার্চিতপদদ্বন্দ্বং দিব্যভোগং সুসুন্দরম্ ॥ ৩৫ ॥
বিভ্রাণং সুপ্রসন্নং চ কুঠারবরদাভয়ম্ ।
দুর্দর্শং কমলাসীনং নাগয়জ্ঞোপবীতিনম্ ॥ ৩৬ ॥ দুরন্তং
বিশ্বকায়ং চিদানন্দং শুদ্ধমক্ষরমব্যয়ম্ ।
সহস্রশিরসং শর্বমনন্তকরসংয়ুতম্ ॥ ৩৭ ॥
Var শম্ভুমনন্তকরসংয়ুতম্
সহস্রচরণং দিব্যং সোমসূর্যাগ্নিলোচনম্ ।
জগদ্যোনিমজং ব্রহ্ম শিবমাদ্যং সনাতনম্ ॥ ৩৮ ॥
দংষ্ট্রাকরালং দুষ্প্রেক্ষ্যং সূর্যকোটিসমপ্রভম্ ।
নিশাকরকরাকারং ভেষজং ভবরোগিণাম্ ॥ ৩৯ ॥
পিনাকিনং বিশালাক্ষং পশূনাং পতিমীশ্বরম্ ।
কালাত্মানং কালকালং দেবদেবং মহেশ্বরম্ ॥ ৪০ ॥
জ্ঞানবৈরাগ্যসম্পন্নং য়োগানন্দকরং পরম্ । য়োগানন্দময়ং
শাশ্বতৈশ্বর্যসম্পন্নং মহায়োগীশ্বরেশ্বরম্ ॥ ৪১ ॥
সমস্তশক্তিসংয়ুক্তং পুণ্যকায়ং দুরাসদম্ ।
তারকং ব্রহ্ম সম্পূর্ণমণীয়াংসং মহত্তরম্ ॥ ৪২ ॥ মহত্তমম্
য়তীনাং পরমং ব্রহ্ম ব্রতিনাং তপসঃ ফলম্ ।
সংয়মীহৃত্সমাসীনং তপস্বিজনসংবৃতম্ ॥ ৪৩ ॥
বিধীন্দ্রবিষ্ণুনমিতং মুনিসিদ্ধনিষেবিতম্ ।
মহাদেবং মহাত্মানং দেবানামপি দৈবতম্ ॥ ৪৪ ॥ মহানন্দং
শান্তং পবিত্রমোঙ্কারং জ্যোতিষাং জ্যোতিমুত্তমম্ ।
ইতি ধ্যাত্বা শিবং চিত্তে রক্ষার্থং কবচং ন্যসেত্ ॥ ৪৫ ॥
Var ততঃ পঠেদ্ধি কবচং মম সর্বাঘনাশনম্ ॥
কবচং
শঙ্করো মে শিরঃ পাতু ললাটং ভাললোচনঃ ।
বিশ্বচক্ষুর্দৃশৌ পাতু ভ্রুবৌ রুদ্রো মমাবতু ॥ ৪৬ ॥
Var বিশ্বচক্ষুর্দৃশৌ পাতু রুদ্রঃ পাতু ভ্রুবৌ মম ॥
গণ্ডৌ পাতু মহেশানঃ শ্রুতী রক্ষতু পূর্বজঃ ।
কপোলৌ মে মহাদেবঃ পাতু নাসাং সদাশিবঃ ॥ ৪৭ ॥
মুখং পাতু হবির্ভোক্তা ওষ্ঠৌ পাতু মহেশ্বরঃ ।
দন্তান্ রক্ষতু দেবেশস্তালূ সোমকলাধরঃ ॥ ৪৮ ॥
রসনাং পরমানন্দঃ পাতু শঙ্খং শিবাপ্রিয়ঃ ।
চুবুকং পাতু মে শম্ভুঃ শ্মশ্রুং শত্রুবিনাশানঃ ॥ ৪৯ ॥
কূর্চং পাতু ভবঃ কণ্ঠং নীলকণ্ঠোঽবতু ধ্রুবম্ ।
স্কন্ধৌ স্কন্দগুরুঃ পাতু বাহূ পাতু মহাভুজঃ ॥ ৫০ ॥ স্কন্ধৌ স্কন্দপিতা
উপবাহূ মহাবীর্যঃ করৌ বিবুধসত্তমঃ ।
অঙ্গুলীঃ পাতু পঞ্চাস্যঃ পর্বাণি চ সহস্রপাত্ ॥ ৫১ ॥
হৃদয়ং পাতু সর্বাত্মা স্তনৌ পাতু পিতামহঃ ।
উদরং হুতভুক্পাতু মধ্যং পাতু মধ্যমেশ্বরঃ ॥ ৫২ ॥
কুক্ষিং পাতু ভবানীশঃ পৃষ্ঠং পাতু কুলেশ্বরঃ ।
প্রাণান্মে প্রাণদঃ পাতু নাভিং ভীমঃ কটিং বিভুঃ ॥ ৫৩ ॥
সক্থিনী পাতু মে ভর্গো জানুনী ভুবনাধিপঃ ।
জঙ্ঘে পুররিপুঃ পাতু চরণৌ ভবনাশনঃ ॥ ৫৪ ॥
শরীরং পাতু মে শর্বো বাহ্যমাভ্যন্তরং শিবঃ ।
ইন্দ্রিয়াণি হরঃ পাতু সর্বত্র জয়বর্ধনঃ ॥ ৫৫ ॥
প্রাচ্যাং দিশি মৃডঃ পাতু দক্ষিণে য়মসূদনঃ । পূর্বে মম মৃডঃ
বারুণ্যাং সলিলাধীশ উদীচ্যাং মে মহীধরঃ ॥ ৫৬ ॥
ঈশান্যাং পাতু ভূতেশ আগ্নেয়্যাং রবিলোচনঃ ।
নৈরৃত্যাং ভূতভৃত্পাতু বায়ব্যাং বলবর্ধনঃ ॥ ৫৭ ॥
ঊর্ধ্বং পাতু মখদ্বেষী হ্যধঃ সংসারনাশনঃ ।
সর্বতঃ সুখদঃ পাতু বুদ্ধিং পাতু সুলোচনঃ ॥ ৫৮ ॥
ইতি কবচম্ ।
এবং ন্যাসবিধিং কৃত্বা সাক্ষাচ্ছম্ভুময়ো ভবেত্ ।
নমো হিরণ্যবাহ্বাদি পঠেন্মন্ত্রং তু ভক্তিতঃ ॥ ৫৯ ॥
সদ্যোজাতাদিভির্মন্ত্রৈর্নমস্কুর্যাত্সদাশিবম্ ।
ততঃ সহস্রনামেদং পঠিতব্যং মুমুক্ষুভিঃ ॥ ৬০ ॥
সর্বকার্যকরং পুণ্যং মহাপাতকনাশনম্ ।
সর্বগুহ্যতমং দিব্যং সর্বলোকহিতপ্রদম্ ॥ ৬১ ॥
মন্ত্রাণাং পরমো মন্ত্রো ভবদুঃখষডূর্মিহৃত্ ।
ওং নমঃ শম্ভবে চেতি ষড্ভির্মন্ত্রৈঃ ষডঙ্গকম্ ।
ন্যাসং কৃত্বা তু বিধিবত্সম্যগ্ধ্যানং ততশ্চরেত্ ॥ ৬২ ॥
বিনিয়োগঃ (ন্যাস)
ওঁ অস্য শ্রীবেদসারাখ্যপরমদিব্যশিবসহস্রনামস্তোত্রমন্ত্রস্য
শ্রীভগবান্ নারায়ণ ঋষিঃ । অনুষ্টুপ্ ছন্দঃ ।
পরমাত্মা শ্রীমহাদেবো দেবতা । নমঃ ইতি বীজম্ ।
শিবায়েতি শক্তিঃ । চৈতন্যমিতি কীলকম্ ।
শ্রীমহাদেবপ্রীত্যর্থে এবং প্রসাদসিদ্ধয়র্থে জপে বিনিয়োগঃ ।
অথ ন্যাসঃ ।
॥ অথ করন্যাসঃ ॥
ওঁ নমঃ শম্ভবে চ অঙ্গুষ্ঠাভ্যাং নমঃ ।
ওঁ নমঃ ময়োভবে চ তর্জনীভ্যাং নমঃ ।
ওঁ নমঃ শঙ্করায় চ মধ্যমাভ্যাং নমঃ ।
ওঁ নমঃ ময়স্করায় চ অনামিকাভ্যাং নমঃ ।
ওঁ নমঃ শিবায় চ কনিষ্ঠিকাভ্যাং নমঃ ।
ওঁ নমঃ শিবতরায় চ করতলকরপৃষ্ঠাভ্যাং নমঃ ॥
॥ অথ হৃদয়াদ্যঙ্গন্যাসঃ ॥
ওঁ নমঃ শম্ভবে চ হৃদয়ায় নমঃ ।
ওঁ নমঃ ময়োভবে চ শিরসে স্বাহা ।
ওঁ নমঃ শঙ্করায় চ শিখায়ৈ বষট্ ।
ওঁ নমঃ ময়স্করায় চ কবচায় হুম্ ।
ওঁ নমঃ শিবায় চ নেত্রত্রয়ায় বৌষট্ ।
ওঁ নমঃ শিবতরায় চ অস্ত্রায় ফট্ ॥
ভূর্ভুবস্সুবরোমিতি দিগ্বন্ধঃ ॥
। অথ ধ্যানম্ ।
কৈলাসাদ্রিনিভং শশাঙ্ককলয়া স্ফূর্জজ্জটামণ্ডলং
নাসালোকনতত্পরং ত্রিনয়নং বীরাসনাধ্যাসিতম্ ।
মুদ্রাটঙ্ককুরঙ্গজানুবিলসদ্বাহুং প্রসন্নাননং
কক্ষ্যাবদ্ধভুজঙ্গমং মুনিবৃতং বন্দে মহেশং পরম্ ॥ ১ ॥
শুদ্ধস্ফটিকসঙ্কাশং ত্রিনেত্রং চেন্দুশেখরম্ ।
পঞ্চবক্ত্রং মহাবাহুং দশবাহুসমন্বিতম্ ॥ ২ ॥
ভস্মোদ্ধূলিতসর্বাঙ্গং নাগাভরণভূষিতম্ ।
পরিপূর্ণং পরানন্দং পরং জ্যোতিঃ পরাত্পরম্ ॥ ৩ ॥
পরাশক্ত্যা শ্রিয়া সার্ধং পরমানন্দবিগ্রহম্ ।
সূর্যকোটিপ্রতীকাশং চন্দ্রকোটিসুশীতলম্ ।
শ্রীরুদ্রং সচ্চিদানন্দং ধ্যায়েত্ সর্বাত্মসিদ্ধয়ে ॥ ৪ ॥
॥ অথ লমিত্যাদি পঞ্চপূজা ॥
লং পৃথিব্যাত্মনে গন্ধং সমর্পয়ামি ।
হং আকাশাত্মনে পুষ্পৈঃ পূজয়ামি ।
য়ং বায়্বাত্মনে ধূপমাঘ্রাপয়ামি ।
রং অগ্ন্যাত্মনে দীপং দর্শয়ামি ।
বং অমৃতাত্মনে অমৃতং মহানৈবেদ্যং নিবেদয়ামি ।
সং সর্বাত্মনে সর্বোপচারপূজাং সমর্পয়ামি ॥
অথ সহস্রনামস্তোত্রম্ ॥
ওঁ নমঃ পরায় দেবায় শঙ্করায় মহাত্মনে ।
কামিনে নীলকণ্ঠায় নির্মলায় কপর্দিনে ॥ ১ ॥
নির্বিকল্পায় শান্তায় নিরহঙ্কারিণে নমঃ ।
অনর্ঘ্যায় বিশালায় সালহস্তায় তে নমঃ ॥ ২ ॥ অনর্ঘায়
নিরঞ্জনায় শর্বায় শ্রুতায় চ পরাত্মনে ।
নমঃ শিবায় ভর্গায় গুণাতীতায় বেধসে ॥ ৩ ॥
মহাদেবায় পীতায় পার্বতীপতয়ে নমঃ । Var বীতায়
কেবলায় মহেশায় বিশুদ্ধায় বুধাত্মনে ॥ ৪ ॥
কৈবল্যায় সুদেহায় নিঃস্পৃহায় স্বরূপিণে ।
নমঃ সোমবিভূষায় কালায়ামিততেজসে ॥ ৫ ॥
অজিরায় জগত্পিত্রে জনকায় পিনাকিনে ।
নিরাধারায় সিংহায় মায়াতীতায় তে নমঃ ॥ ৬ ॥
বীজায় সর্পভূষায় পশূনাং পতয়ে নমঃ ।
পুরন্দরায় ভদ্রায় পুরুষায় মহীয়সে ॥ ৭ ॥
মহাসন্তোষরূপায় জ্ঞানিনে শুদ্ধবুদ্ধয়ে ।
নমো বৃদ্ধস্বরূপায় তপসে পরমাত্মনে ॥ ৮ ॥
পূর্বজায় সুরেশায় ব্রহ্মণেঽনন্তমূর্তয়ে ।
নিরক্ষরায় সূক্ষ্মায় কৈলাসপতয়ে নমঃ ॥ ৯ ॥
নিরাময়ায় কান্তায় নিরাতঙ্কায় তে নমঃ ।
নিরালম্বায় বিশ্বায় নিত্যায় য়তয়ে নমঃ ॥ ১০ ॥
আত্মারামায় ভব্যায় পূজ্যায় পরমেষ্ঠিনে ।
বিকর্তনায় সূর্ম্যায় শম্ভবে বিশ্বরূপিণে ॥ ১১ ॥
তারায় হংসনাথায় প্রতিসর্যায় তে নমঃ ।
পরাবরেশরুদ্রায় ভবায়ালঙ্ঘ্যশক্তয়ে ॥ ১২ ॥
ইন্দ্রধ্বংসনিধীশায় কালহন্ত্রে মনস্বিনে ।
বিশ্বমাত্রে জগদ্ধাত্রে জগন্নেত্রে নমো নমঃ ॥ ১৩ ॥
জটিলায় বিরাগায় পবিত্রায় মৃডায় চ ।
নিরবদ্যায় পাত্রায় স্তেনানাং পতয়ে নমঃ ॥ ১৪ ॥
নাদায় রবিনেত্রায় ব্যোমকেশায় তে নমঃ ।
চতুর্ভোগায় সারায় য়োগিনেঽনন্তমায়িনে ॥ ১৫ ॥
Var য়োগিনেঽনন্তগামিনে
ধর্মিষ্ঠায় বরিষ্ঠায় পুরত্রয়বিঘাতিনে ।
গরিষ্ঠায় গিরীশায় বরদায় নমো নমঃ ॥ ১৬ ॥
ব্যাঘ্রচর্মাম্বরায়াথ দিশাবস্ত্রায় তে নমঃ । দিগ্বস্ত্রায় চ
পরমপ্রেমমন্ত্রায় প্রথমায় সুচক্ষুষে ॥ ১৭ ॥
আদ্যায় শূলহস্তায় শিতিকণ্ঠায় তেজসে । তে নমঃ
উগ্রায় বামদেবায় শ্রীকণ্ঠায় নমো নমঃ ॥ ১৮ ॥
বিশ্বেশ্বরায় সূর্যায় গৌরীশায় বরায় চ ।
মৃত্যুঞ্জয়ায় বীরায় বীরভদ্রায় তে নমঃ ॥ ১৯ ॥
কামনাশায় গুরবে মুক্তিনাথায় তে নমঃ ।
বিরূপাক্ষায় সূতায় বহ্নিনেত্রায় তে নমঃ ॥ ২০ ॥
জলন্ধরশিরচ্ছেত্রে হবিষে হিতকারিণে ।
মহাকালায় বৈদ্যায় সঘৃণেশায় তে নমঃ ॥ ২১ ॥
নম ওঙ্কাররূপায় সোমনাথায় তে নমঃ ।
রামেশ্বরায় শুচয়ে ভৌমেশায় নমো নমঃ ॥ ২২ ॥
ত্র্যম্বকায় নিরীহায় কেদারায় নমো নমঃ ।
গঙ্গাধরায় কবয়ে নাগনাথায় তে নমঃ ॥ ২৩ ॥
ভস্মপ্রিয়ায় সূদ্যায় লক্ষ্মীশায় নমো নমঃ ।
পূর্ণায় ভূতপতয়ে সর্বজ্ঞায় দয়ালবে ॥ ২৪ ॥
ধর্মায় ধনদেশায় গজচর্মাম্বরায় চ ।
ভালনেত্রায় য়জ্ঞায় শ্রীশৈলপতয়ে নমঃ ॥ ২৫ ॥
কৃশানুরেতসে নীললোহিতায় নমো নমঃ ।
অন্ধকাসুরহন্ত্রে চ পাবনায় বলায় চ ॥ ২৬ ॥
চৈতন্যায় ত্রিনেত্রায় দক্ষনাশকরায় চ ।
নমঃ সহস্রশিরসে জয়রূপায় তে নমঃ ॥ ২৭ ॥
সহস্রচরণায়াথ য়োগিহৃত্পদ্মবাসিনে ।
সদ্যোজাতায় বন্দ্যায় সর্বদেবময়ায় চ ॥ ২৮ ॥
আমোদায় প্রগল্ভায় গায়ত্রীবল্লভায় চ ।
ব্যোমাকারায় বিপ্রায় নমো বিপ্রপ্রিয়ায় চ ॥ ২৯ ॥
অঘোরায় সুবেষায় শ্বেতরূপায় তে নমঃ ।
বিদ্বত্তমায় চিত্রায় বিশ্বগ্রাসায় নন্দিনে ॥ ৩০ ॥
অধর্মশত্রুরূপায় দুন্দুভের্মর্দনায় চ ।
অজাতশত্রবে তুভ্যং জগত্প্রাণায় তে নমঃ ॥ ৩১ ॥
নমো ব্রহ্মশিরশ্ছেত্রে পঞ্চবক্ত্রায় খড্গিনে ।
নমস্তে হরিকেশায় পঞ্চবর্ণায় বজ্রিণে ॥ ৩২ ॥
নমঃ পঞ্চাক্ষরায়াথ গোবর্ধনধরায় চ ।
প্রভবে সর্বলোকানাং কালকূটবিষাদিনে ॥ ৩৩ ॥
সিদ্ধেশ্বরায় সিদ্ধায় সহস্রবদনায় চ ।
নমঃ সহস্রহস্তায় সহস্রনয়নায় চ ॥ ৩৪ ॥
সহস্রমূর্তয়ে তুভ্যং জিষ্ণবে জিতশত্রবে ।
কাশীনাথায় গেহ্যায় নমস্তে বিশ্বসাক্ষিণে ॥ ৩৫ ॥
হেতবে সর্বজীবানাং পালকায় নমো নমঃ ।
জগত্সংহারকারায় ত্রিধাবস্থায় তে নমঃ ॥ ৩৬ ॥
একাদশস্বরূপায় নমস্তে বহ্নিমূর্তয়ে ।
নরসিংহমহাদর্পঘাতিনে শরভায় চ ॥ ৩৭ ॥
ভস্মাভ্যক্তায় তীর্থায় জাহ্নবীজনকায় চ । বল্লভায়
দেবদানবদৈত্যানাং গুরবে তে নমো নমঃ ॥ ৩৮ ॥
দলিতাঞ্জনভাসায় নমো বায়ুস্বরূপিণে ।
স্বেচ্ছামন্ত্রস্বরূপায় প্রসিদ্ধায় নমো নমঃ ॥ ৩৯ ॥
Var প্রসিদ্ধায়াত্মনে নমঃ
বৃষধ্বজায় গোষ্ঠ্যায় জগদ্যন্ত্রপ্রবর্তিনে ।
অনাথায় প্রজেশায় বিষ্ণুগর্বহরায় চ ॥ ৪০ ॥
হরের্বিধাতৃকলহনাশকায় তে নমো নমঃ ।
Var হরির্বিধাতৃকলহনাশকায়
নমস্তে দশহস্তায় গগনায় নমো নমঃ ॥ ৪১ ॥
কৈবল্যফলদাত্রে চ পরমায় নমো নমঃ ।
জ্ঞানায় জ্ঞানগম্যায় ঘণ্টারবপ্রিয়ায় চ ॥ ৪২ ॥
পদ্মাসনায় পুষ্টায় নির্বাণায় নমো নমঃ ।
অয়োনয়ে সুদেহায় হ্যুত্তমায় নমো নমঃ ॥ ৪৩ ॥
অন্তকালাধিপতয়ে বিশালাক্ষায় তে নমঃ ।
কুবেরবন্ধবে তুভ্যং সোমায় সুখদায়িনে ॥ ৪৪ ॥
অমৃতেশ্বররূপায় কৌবেরায় চ ধন্বিনে । Var কৌবেরায় নমো নমঃ
প্রিয়ম্বদসমর্থায় বন্দিনে বিভবায় চ ॥ ৪৫ ॥
গিরিশায় গিরিত্রায় গিরিশন্তায় তে নমঃ ।
পারিজাতায় বৃহতে পঞ্চয়জ্ঞায় তে নমঃ ॥ ৪৬ ॥
তরুণায় বিশিষ্টায় বালরূপধরায় চ ।
জীবিতেশায় তুষ্টায় পুষ্টানাং পতয়ে নমঃ ॥ ৪৭ ॥
ভবহেত্যৈ হিরণ্যায় কনিষ্ঠায় নমো নমঃ ।
মধ্যমায় বিধাত্রে চ তে শূরায় সুভগায় চ ॥ ৪৮ ॥
আদিত্যতাপনায়াথ নমস্তে রুদ্রমন্যবে ।
মহাহ্রদায় হ্রস্বায় বামনায় নমো নমঃ ॥ ৪৯ ॥
নমস্তত্পুরুষায়াথ চতুর্হস্তায় মায়িনে Var তে নমঃ ।
নমো ধূর্জটয়ে তুভ্যং জগদীশায় তে নমঃ ॥ ৫০ ॥
জগন্নাথস্বরূপায় লীলাবিগ্রহরূপিণে ।
অনঘায় নমস্তুভ্যমমরায় নমো নমঃ ॥ ৫১ ॥
অমৃতায় নমস্তুভ্যমচ্ছাত্রায় নমো নমঃ ।
লোকাধ্যক্ষায় বৈ তুভ্যমনাদিনিধনায় চ ॥ ৫২ ॥
ব্যক্তেতরায় ব্যক্তায় নমস্তে পরমাণবে ।
লঘুস্থূলস্বরূপায় নমঃ পরশুধারিণে ॥ ৫৩ ॥
নমঃ খট্বাঙ্গহস্তায় নাগহস্তায় তে নমঃ ।
বরদাভয়হস্তায় ঘণ্টাহস্তায় তে নমঃ ॥ ৫৪ ॥
ঘস্মরায় নমস্তুভ্যমজিতায় নমো নমঃ ।
অণিমাদিগুণেশায় পঞ্চব্রহ্মময়ায় চ ॥ ৫৫ ॥
পুরাতনায় শুদ্ধায় বলপ্রমথনায় চ ।
পুণ্যোদয়ায় পদ্মায় বিরক্তায় নমো নমঃ ॥ ৫৬ ॥
উদারায় বিচিত্রায় বিচিত্রগতয়ে নমঃ ।
বাগ্বিশুদ্ধায় চিতয়ে নির্গুণায় নমো নমঃ ॥ ৫৭ ॥
পরমেশায় শেষায় নমঃ পদ্মধরায় চ ।
মহেন্দ্রায় সুশীলায় করবীরপ্রিয়ায় চ ॥ ৫৮ ॥
মহাপরাক্রমায়াথ নমস্তে কালরূপিণে ।
বিষ্টরশ্রবসে লোকচূডারত্নায় তে নমঃ ॥ ৫৯ ॥
সাম্রাজ্যকল্পবৃক্ষায় করুণায় নটায় চ ।Var নমস্তুভ্যং ত্বিষীমতে
অনর্ঘ্যায় বরেণ্যায় বজ্ররূপায় তে নমঃ ॥ ৬০ ॥
Var বরেণ্যায় নমস্তুভ্যং য়জ্ঞরূপায় তে নমঃ
পরমজ্যোতিষে পদ্মগর্ভায় সলিলায় চ ।
তত্ত্বাধিকায় সর্গায় নমো দীর্ঘায় স্রগ্বিণে ॥ ৬১ ॥
নমস্তে পাণ্ডুরঙ্গায় ঘোরায় ব্রহ্মরূপিণে ।
নিষ্কলায় নমস্তুভ্যং প্রপথ্যায় নমো নমঃ ॥ ৬২ ॥ সামগানপ্রিয়ায় চ
নমো জয়ায় ক্ষেত্রায় ক্ষেত্রাণাং পতয়ে নমঃ ।
কলাধরায় পূতায় পঞ্চভূতাত্মনে নমঃ ॥ ৬৩ ॥
অনির্বিণ্ণায় তথ্যায় পাপনাশকরায় চ ।
বিশ্বতশ্চক্ষুষে তুভ্যং মন্ত্রিণেঽনন্তরূপিণে ॥ ৬৪ ॥
সিদ্ধসাধকরূপায় মেদিনীরূপিণে নমঃ ।
অগণ্যায় প্রতাপায় সুধাহস্তায় তে নমঃ ॥ ৬৫ ॥
শ্রীবল্লভায়েধ্রিয়ায় স্থাণবে মধুরায় চ ।
উপাধিরহিতায়াথ নমঃ সুকৃতরাশয়ে ॥ ৬৬ ॥
নমো মুনীশ্বরায়াথ শিবানন্দায় তে নমঃ ।
রিপুঘ্নায় নমস্তেজোরাশয়েঽনুত্তমায় চ ॥ ৬৭ ॥
চতুর্মূর্তিবপুঃস্থায় নমোবুদ্ধীন্দ্রিয়াত্মনে ।
উপদ্রবহরায়াথ প্রিয়সন্দর্শনায় চ ॥ ৬৮ ॥
ভূতনাথায় মূলায় বীতরাগায় তে নমঃ ।
নৈষ্কর্ম্যায় বিরূপায় ষট্চক্রায় বিশুদ্ধয়ে ॥ ৬৯ ॥
কুলেশায়াবনীভর্ত্রে ভুবনেশায় তে নমঃ ।
হিরণ্যবাহবে জীববরদায় নমো নমঃ ॥ ৭০ ॥
আদিদেবায় ভাগ্যায় চন্দ্রসঞ্জীবনায় চ ।
হরায় বহুরূপায় প্রসন্নায় নমো নমঃ ॥ ৭১ ॥
আনন্দপূরিতায়াথ কূটস্থায় নমো নমঃ ।
নমো মোক্ষফলায়াথ শাশ্বতায় বিরাগিণে ॥ ৭২ ॥
য়জ্ঞভোক্ত্রে সুষেণায় দক্ষয়জ্ঞবিঘাতিনে ।
নমঃ সর্বাত্মনে তুভ্যং বিশ্বপালায় তে নমঃ ॥ ৭৩ ॥
বিশ্বগর্ভায় গর্ভায় দেবগর্ভায় তে নমঃ ।
সংসারার্ণবমগ্নানাং সমুদ্ধরণহেতবে ॥ ৭৪ ॥
মুনিপ্রিয়ায় খল্যায় মূলপ্রকৃতয়ে নমঃ ।
সমস্তসিদ্ধয়ে তেজোমূর্তয়ে তে নমো নমঃ ॥ ৭৫ ॥
আশ্রমস্থাপকায়াথ বর্ণিনে সুন্দরায় চ ।
মৃগবাণার্পণায়াথ শারদাবল্লভায় চ ॥ ৭৬ ॥
বিচিত্রমায়িনে তুভ্যমলঙ্করিষ্ণবে নমঃ ।
বর্হির্মুখমহাদর্পমথনায় নমো নমঃ ॥ ৭৭ ॥
নমোঽষ্টমূর্তয়ে তুভ্যং নিষ্কলঙ্কায় তে নমঃ ।
নমো হব্যায় ভোজ্যায় য়জ্ঞনাথায় তে নমঃ ॥ ৭৮ ॥
নমো মেধ্যায় মুখ্যায় বিশিষ্টায় নমো নমঃ ।
অম্বিকাপতয়ে তুভ্যং মহাদান্তায় তে নমঃ ॥ ৭৯ ॥
সত্যপ্রিয়ায় সত্যায় প্রিয়নিত্যায় তে নমঃ ।
নিত্যতৃপ্তায় বেদিত্রে মৃদুহস্তায় তে নমঃ ॥ ৮০ ॥
অর্ধনারীশ্বরায়াথ কুঠারায়ুধপাণয়ে ।
বরাহভেদিনে তুভ্যং নমঃ কঙ্কালধারিণে ॥ ৮১ ॥
মহার্থায় সুসত্ত্বায় কীর্তিস্তম্ভায় তে নমঃ ।
নমঃ কৃতাগমায়াথ বেদান্তপঠিতায় চ ॥ ৮২ ॥
অশ্রোত্রায় শ্রুতিমতে বহুশ্রুতিধরায় চ ।
অঘ্রাণায় নমস্তুভ্যং গন্ধাবঘ্রাণকারিণে ॥ ৮৩ ॥
পাদহীনায় বোঢ্রে চ সর্বত্রগতয়ে নমঃ ।
ত্র্যক্ষায় জননেত্রায় নমস্তুভ্যং চিদাত্মনে ॥ ৮৪ ॥
রসজ্ঞায় নমস্তুভ্যং রসনারহিতায় চ ।
অমূর্তায়াথ মূর্তায় সদসস্পতয়ে নমঃ ॥ ৮৫ ॥
জিতেন্দ্রিয়ায় তথ্যায় পরঞ্জ্যোতিঃস্বরূপিণে ।
নমস্তে সর্বমর্ত্যানামাদিকর্ত্রে ভুবন্তয়ে ॥ ৮৬ ॥
সর্গস্থিতিবিনাশানাং কর্ত্রে তে প্রেরকায় চ ।
নমোঽন্তর্যামিণে সর্বহৃদিস্থায় নমো নমঃ ॥ ৮৭ ॥
চক্রভ্রমণকর্ত্রে তে পুরাণায় নমো নমঃ ।
বামদক্ষিণহস্তোত্থলোকেশ হরিশালিনে ॥ ৮৮ ॥
নমঃ সকলকল্যাণদায়িনে প্রসবায় চ ।
স্বভাবোদারধীরায় সূত্রকারায় তে নমঃ ॥ ৮৯ ॥
বিষয়ার্ণবমগ্নানাং সমুদ্ধরণসেতবে ।
অস্নেহস্নেহরূপায় বার্তাতিক্রান্তবর্তিনে ॥ ৯০ ॥
য়ত্র সর্বং য়তঃ সর্বং সর্বং য়ত্র নমো নমঃ ।
নমো মহার্ণবায়াথ ভাস্করায় নমো নমঃ ॥ ৯১ ॥
ভক্তিগম্যায় ভক্তানাং সুলভায় নমো নমঃ ।
দুষ্প্রধর্ষায় দুষ্টানাং বিজয়ায় বিবেকিনাম্ ॥ ৯২ ॥
অতর্কিতায় লোকায় সুলোকায় নমো নমঃ ।
পূরয়িত্রে বিশেষায় শুভায় চ নমো নমঃ ॥ ৯৩ ॥
নমঃ কর্পূরদেহায় সর্পহারায় তে নমঃ ।
নমঃ সংসারপারায় কমনীয়ায় তে নমঃ ॥ ৯৪ ॥
বহ্নিদর্পবিঘাতায় বায়ুদর্পবিঘাতিনে ।
জরাতিগায় বীর্যায় নমস্তে বিশ্বব্যাপিনে ॥ ৯৫ ॥
সূর্যকোটিপ্রতীকাশ নিষ্ক্রিয়ায় নমো নমঃ ।
চন্দ্রকোটিসুশীতায় বিমলায় নমো নমঃ ॥ ৯৬ ॥
নমো গূঢস্বরূপায় দিশাং চ পতয়ে নমঃ ।
নমঃ সত্যপ্রতিজ্ঞায় সমস্তায় সমাধয়ে ॥ ৯৭ ॥
একরূপায় শূন্যায় বিশ্বনাভিহ্রদায় চ ।
সর্বোত্তমায় কূল্যায় প্রাণিনাং সুহৃদে নমঃ ॥ ৯৮ ॥ কালায়
অন্নানাং পতয়ে তুভ্যং চিন্মাত্রায় নমো নমঃ ।
ধ্যেয়ায় ধ্যানগম্যায় ধ্যানরূপায় তে নমঃ ॥ ৯৯ ॥
নমস্তে শাশ্বতৈশ্বর্যবিভবায় নমো নমঃ ।
বরিষ্ঠায় ধর্মগোপ্ত্রে নিধনায়াগ্রজায় চ ॥ ১০০ ॥
য়োগীশ্বরায় য়োগায় য়োগগম্যায় তে নমঃ ।
নমঃ প্রাণেশ্বরায়াথ সর্বশক্তিধরায় চ ॥ ১০১ ॥
ধর্মাধারায় ধন্যায় পুষ্কলায় নমো নমঃ ।
মহেন্দ্রোপেন্দ্রচন্দ্রার্কনমিতায় নমো নমঃ ॥ ১০২ ॥
মহর্ষিবন্দিতায়াথ প্রকাশায় সুধর্মিণে ।
নমো হিরণ্যগর্ভায় নমো হিরণ্ময়ায় চ ॥ ১০৩ ॥
জগদ্বীজায় হরয়ে সেব্যায় ক্রতবে নমঃ ।
আধিপত্যায় কামায় য়শসে তে প্রচেতসে ॥ ১০৪ ॥
নমো ব্রহ্মময়ায়াথ সকলায় নমো নমঃ ।
নমস্তে রুক্মবর্ণায় নমস্তে ব্রহ্ময়োনয়ে ॥ ১০৫ ॥
য়োগাত্মনে ত্বভীতায় দিব্যনৃত্যায় তে নমঃ ।
জগতামেকবীজায় মায়াবীজায় তে নমঃ ॥ ১০৬ ॥
সর্বহৃত্সন্নিবিষ্টায় ব্রহ্মচক্রভ্রমায় চ ।
ব্রহ্মানন্দায় মহতে ব্রহ্মণ্যায় নমো নমঃ ॥ ১০৭ ॥
ভূমিভারার্তিসংহর্ত্রে বিধিসারথয়ে নমঃ ।
হিরণ্যগর্ভপুত্রাণাং প্রাণসংরক্ষণায় চ ॥ ১০৮ ॥
দুর্বাসসে ষড্বিকাররহিতায় নমো নমঃ ।
নমো দেহার্ধকান্তায় ষডূর্মিরহিতায় চ ॥ ১০৯ ॥
প্রকৃত্যৈ ভবনাশায় তাম্রায় পরমেষ্ঠিনে ।
অনন্তকোটিব্রহ্মাণ্ডনায়কায় নমো নমঃ ॥ ১১০ ॥
একাকিনে নির্মলায় দ্রবিণায় দমায় চ ।
নমস্ত্রিলোচনায়াথ শিপিবিষ্টায় বন্ধবে ॥ ১১১ ॥
ত্রিবিষ্টপেশ্বরায়াথ নমো ব্যাঘ্রেশ্বরায় চ ।
বিশ্বেশ্বরায় দাত্রে তে নমশ্চন্দ্রেশ্বরায় চ ॥ ১১২ ॥
ব্যাধেশ্বরায়ায়ুধিনে য়জ্ঞকেশায় তে নমঃ । ব্যাসেশ্বরায়
জৈগীষব্যেশ্বরায়াথ দিবোদাসেশ্বরায় চ ॥ ১১৩ ॥
নাগেশ্বরায় ন্যায়ায় ন্যায়নির্বাহকায় চ ।
শরণ্যায় সুপাত্রায় কালচক্রপ্রবর্তিনে ॥ ১১৪ ॥
বিচক্ষণায় দংষ্ট্রায় বেদাশ্বায় নমো নমঃ ।
নীলজীমূতদেহায় পরাত্মজ্যোতিষে নমঃ ॥ ১১৫ ॥
শরণাগতপালায় মহাবলপরায় চ ।
সর্বপাপহরায়াথ মহানাদায় তে নমঃ ॥ ১১৬ ॥
কৃষ্ণস্য জয়দাত্রে তে বিল্বকেশায় তে নমঃ ।
দিব্যভোগায় দূতায় কোবিদায় নমো নমঃ ॥ ১১৭ ॥
কামপাশায় চিত্রায় চিত্রাঙ্গায় নমো নমঃ ।
নমো মাতামহায়াথ নমস্তে মাতরিশ্বনে ॥ ১১৮ ॥
নিঃসঙ্গায় সুনেত্রায় বিদ্যেশায় জয়ায় চ ।
ব্যাঘ্রসম্মর্দনায়াথ মধ্যস্থায় নমো নমঃ ॥ ১১৯ ॥
অঙ্গুষ্ঠশিরসা লঙ্কানাথদর্পহরায় চ ।
বৈয়াঘ্রপুরবাসায় নমঃ সর্বেশ্বরায় চ ॥ ১২০ ॥
নমঃ পরাবরেশায় জগত্স্থাবরমূর্তয়ে ।
নমোঽপ্যনুপমেশায় শার্ঙ্গিণে বিষ্ণুমূর্তয়ে ॥ ১২১ ॥
নারায়ণায় রামায় সুদীপ্তায় নমো নমঃ ।
নমো ব্রহ্মাণ্ডমালায় গোধরায় বরূথিনে ॥ ১২২ ॥
নমঃ সোমায় কূপ্যায় নমঃ পাতালবাসিনে ।
নমস্তারাধিনাথায় বাগীশায় নমো নমঃ ॥ ১২৩ ॥
সদাচারায় গৌরায় স্বায়ুধায় নমো নমঃ ।
অতর্ক্যায়াপ্রমেয়ায় প্রমাণায় নমো নমঃ ॥ ১২৪ ॥
কলিগ্রাসায় ভক্তানাং ভুক্তিমুক্তিপ্রদায়িনে ।
সংসারমোচনায়াথ বর্ণিনে লিঙ্গরূপিণে ॥ ১২৫ ॥
সচ্চিদানন্দরূপায় পাপরাশিহরায় চ ।
গজারয়ে বিদেহায় ত্রিলিঙ্গরহিতায় চ ॥ ১২৬ ॥
অচিন্ত্যশক্তয়েঽলঙ্ঘ্যশাসনায়াচ্যুতায় চ ।
নমো রাজাধিরাজায় চৈতন্যবিষয়ায় চ ॥ ১২৭ ॥
নমঃ শুদ্ধাত্মনে ব্রহ্মজ্যোতিষে স্বস্তিদায় চ ।
ময়োভুবে চ দুর্জ্ঞেয়সামর্থ্যায় চ য়জ্বনে ॥ ১২৮ ॥
চক্রেশ্বরায় বৈ তুভ্যং নমো নক্ষত্রমালিনে ।
অনর্থনাশনায়াথ ভস্মলেপকরায় চ ॥ ১২৯ ॥
সদানন্দায় বিদুষে সগুণায় বিরোধিনে ।
দুর্গমায় শুভাঙ্গায় মৃগব্যাধায় তে নমঃ ॥ ১৩০ ॥
প্রিয়ায় ধর্মধাম্নে তে প্রয়োগায় বিভাগিনে ।
নাদ্যায়ামৃতপানায় সোমপায় তপস্বিনে ॥ ১৩১ ॥
নমো বিচিত্রবেষায় পুষ্টিসংবর্ধনায় চ ।
চিরন্তনায় ধনুষে বৃক্ষাণাং পতয়ে নমঃ ॥ ১৩২ ॥
নির্মায়ায়াগ্রগণ্যায় ব্যোমাতীতায় তে নমঃ ।
সংবত্সরায় লোপ্যায় স্থানদায় স্থবিষ্ণবে ॥ ১৩৩ ॥
ব্যবসায়ফলান্তায় মহাকর্তৃপ্রিয়ায় চ ।
গুণত্রয়স্বরূপায় নমঃ সিদ্ধস্বরূপিণে ॥ ১৩৪ ॥
নমঃ স্বরূপরূপায় স্বেচ্ছায় পুরুষায় চ ।
কালাত্পরায় বেদ্যায় নমো ব্রহ্মাণ্ডরূপিণে ॥ ১৩৫ ॥
অনিত্যনিত্যরূপায় তদন্তর্বর্তিনে নমঃ ।
নমস্তীর্থ্যায় কূল্যায় পূর্ণায় বটবে নমঃ ॥ ১৩৬ ॥
পঞ্চতন্মাত্ররূপায় পঞ্চকর্মেন্দ্রিয়াত্মনে ।
বিশৃঙ্খলায় দর্পায় নমস্তে বিষয়াত্মনে ॥ ১৩৭ ॥
অনবদ্যায় শাস্ত্রায় স্বতন্ত্রায়ামৃতায় চ ।
নমঃ প্রৌঢায় প্রাজ্ঞায় য়োগারূঢায় তে নমঃ ॥ ১৩৮ ॥
মন্ত্রজ্ঞায় প্রগল্ভায় প্রদীপবিমলায় চ ।
বিশ্ববাসায় দক্ষায় বেদনিঃশ্বসিতায় চ ॥ ১৩৯ ॥
য়জ্ঞাঙ্গায় সুবীরায় নাগচূডায় তে নমঃ ।
ব্যাঘ্রায় বাণহস্তায় স্কন্দায় দক্ষিণে নমঃ ॥ ১৪০ ॥
ক্ষেত্রজ্ঞায় রহস্যায় স্বস্থানায় বরীয়সে ।
গহনায় বিরামায় সিদ্ধান্তায় নমো নমঃ ॥ ১৪১ ॥
মহীধরায় গৃহ্যায় বটবৃক্ষায় তে নমঃ ।
জ্ঞানদীপায় দুর্গায় সিদ্ধান্তৈর্নিশ্চিতায় চ ॥ ১৪২ ॥
শ্রীমতে মুক্তিবীজায় কুশলায় বিবাসিনে ।
প্রেরকায় বিশোকায় হবির্ধানায় তে নমঃ ॥ ১৪৩ ॥
গম্ভীরায় সহায়ায় ভোজনায় সুভোগিনে ।
মহায়জ্ঞায় তীক্ষ্ণায় নমস্তে ভূতচারিণে ॥ ১৪৪ ॥
নমঃ প্রতিষ্ঠিতায়াথ মহোত্সাহায় তে নমঃ ।
পরমার্থায় শিশবে প্রাংশবে চ কপালিনে ॥ ১৪৫ ॥
সহজায় গৃহস্থায় সন্ধ্যানাথায় বিষ্ণবে ।
সদ্ভিঃ সম্পূজিতায়াথ বিতলাসুরঘাতিনে ॥ ১৪৬ ॥
জনাধিপায় য়োগ্যায় কামেশায় কিরীটিনে ।
অমোঘবিক্রমায়াথ নগ্নায় দলঘাতিনে ॥ ১৪৭ ॥
সঙ্গ্রামায় নরেশায় নমস্তে শুচিভস্মনে ।
ভূতিপ্রিয়ায় ভূম্নে তে সেনায় চতুরায় চ ॥ ১৪৮ ॥
মনুষ্যবাহ্যগতয়ে কৃতজ্ঞায় শিখণ্ডিনে ।
নির্লেপায় জটার্দ্রায় মহাকালায় মেরবে ॥ ১৪৯ ॥
নমো বিরূপরূপায় শক্তিগম্যায় তে নমঃ ।
নমঃ সর্বায় সদসত্সত্যায় সুব্রতায় চ ॥ ১৫০ ॥
নমো ভক্তিপ্রিয়ায়াথ শ্বেতরক্ষাপরায় চ ।
সুকুমারমহাপাপহরায় রথিনে নমঃ ॥ ১৫১ ॥
নমস্তে ধর্মরাজায় ধনাধ্যক্ষায় সিদ্ধয়ে ।
মহাভূতায় কল্পায় কল্পনারহিতায় চ ॥ ১৫২ ॥
খ্যাতায় জিতবিশ্বায় গোকর্ণায় সুচারবে ।
শ্রোত্রিয়ায় বদান্যায় দুর্লভায় কুটুম্বিনে ॥ ১৫৩ ॥
বিরজায় সুগন্ধায় নমো বিশ্বম্ভরায় চ ।
ভবাতীতায় তিষ্যায় নমস্তে সামগায় চ ॥ ১৫৪ ॥
অদ্বৈতায় দ্বিতীয়ায় কল্পরাজায় ভোগিনে ।
চিন্ময়ায় নমঃ শুক্লজ্যোতিষে ক্ষেত্রগায় চ ॥ ১৫৫ ॥
সর্বভোগসমৃদ্ধায় সাম্পরায়ায় তে নমঃ ।
নমস্তে স্বপ্রকাশায় স্বচ্ছন্দায় সুতন্তবে ॥ ১৫৬ ॥
সর্বজ্ঞমূর্তয়ে তুভ্যং গুহ্যেশায় সুশান্তয়ে ।
শারদায় সুশীলায় কৌশিকায় ধনায় চ ॥ ১৫৭ ॥
অভিরামায় তত্ত্বায় ব্যালকল্পায় তে নমঃ ।
অরিষ্টমথনায়াথ সুপ্রতীকায় তে নমঃ ॥ ১৫৮ ॥
আশবে ব্রহ্মগর্ভায় বরুণায়াদ্রয়ে নমঃ ।
নমঃ কালাগ্নিরুদ্রায় শ্যামায় সুজনায় চ ॥ ১৫৯ ॥
অহির্বুধ্ন্যায় জারায় দুষ্টানাং পতয়ে নমঃ ।
নমঃ সময়নাথায় সময়ায় গুহায় চ ॥ ১৬০ ॥
দুর্লঙ্ঘ্যায় নমস্তুভ্যং ছন্দঃসারায় দংষ্ট্রিণে ।
জ্যোতির্লিঙ্গায় মিত্রায় জগতাং হিতকারিণে ॥ ১৬১ ॥
নমঃ কারুণ্যনিধয়ে শ্লোকায় জয়শালিনে ।
জ্ঞানোদয়ায় বীজায় জগদ্বিভ্রমহেতবে ॥ ১৬২ ॥
অবধূতায় শিষ্টায় ছন্দসাং পতয়ে নমঃ ।
নমঃ ফেন্যায় গুহ্যায় সর্ববন্ধবিমোচিনে ॥ ১৬৩ ॥
উদারকীর্তয়ে শশ্বত্প্রসন্নবদনায় চ ।
বসবে বেদকারায় নমো ভ্রাজিষ্ণুজিষ্ণবে ॥ ১৬৪ ॥
চক্রিণে দেবদেবায় গদাহস্তায় পুত্রিণে ।
পারিজাতসুপুষ্পায় গণাধিপতয়ে নমঃ ॥ ১৬৫ ॥
সর্বশাখাধিপতয়ে প্রজনেশায় তে নমঃ ।
সূক্ষ্মপ্রমাণভূতায় সুরপার্শ্বগতায় চ ॥ ১৬৬ ॥
অশরীরশরীরায় অপ্রগল্ভায় তে নমঃ ।
সুকেশায় সুপুষ্পায় শ্রুতয়ে পুষ্পমালিনে ॥ ১৬৭ ॥
মুনিধ্যেয়ায় মুনয়ে বীজসংস্থমরীচয়ে ।
চামুণ্ডাজনকায়াথ নমস্তে কৃত্তিবাসসে ॥ ১৬৮ ॥
ব্যুপ্তকেশায় য়োগ্যায় ধর্মপীঠায় তে নমঃ ।
মহাবীর্যায় দীপ্তায় বুদ্ধায়াশনয়ে নমঃ ॥ ১৬৯ ॥
বিশিষ্টেষ্টায় সেনান্যে দ্বিপদে কারণায় চ ।
কারণানাং ভগবতে বাণদর্পহরায় চ ॥ ১৭০ ॥
অতীন্দ্রিয়ায় রম্যায় জনানন্দকরায় চ ।
সদাশিবায় সৌম্যায় চিন্ত্যায় শশিমৌলয়ে ॥ ১৭১ ॥
নমস্তে জাতূকর্ণ্যায় সূর্যাধ্যক্ষায় তে নমঃ ।
জ্যোতিষে কুণ্ডলীশস্য বরদায়াভয়ায় চ ॥ ১৭২ ॥
বসন্তায় সুরভয়ে জয়ারিমথনায় চ ।
প্রেম্ণে পুরঞ্জয়ায়াথ পৃষদশ্বায় তে নমঃ ॥ ১৭৩ ॥
রোচিষ্ণবেঽসুরজিতে শ্বেতপীতায় তে নমঃ ।
নমস্তে চঞ্চরীকায় তমিস্রমথনায় চ ॥ ১৭৪ ॥
প্রমাথিনে নিদাঘায় চিত্রগর্ভায় তে নমঃ ।
শিবালয়ায় স্তুত্যায় তীর্থদেবায় তে নমঃ ॥ ১৭৫ ॥
পত্তীনাং পতয়ে তুভ্যং বিচিত্রগতয়ে নমঃ । Var বিচিত্রশক্তয়ে
নমো নিস্তুলরূপায় সবিত্রে তপসে নমঃ ॥ ১৭৬ ॥
অহঙ্কারস্বরূপায় মেঘাধিপতয়ে নমঃ ।
অপারায় তত্ত্ববিদে ক্ষয়দ্বীরায় তে নমঃ ॥ ১৭৭ ॥
পঞ্চাস্যায়াগ্রগণ্যায় বিষ্ণুপ্রাণেশ্বরায় চ ।
অগোচরায় য়াম্যায় ক্ষেম্যায় বডবাগ্নয়ে ॥ ১৭৮ ॥
বিক্রমায় স্বতন্ত্রায় স্বতন্ত্রগতয়ে নমঃ ॥
বনানাং পতয়ে তুভ্যং নমস্তে জমদগ্নয়ে ॥ ১৭৯ ॥
অনাবৃতায় মুক্তায় মাতৃকাপতয়ে নমঃ ।
নমস্তে বীজকোশায় দিব্যানন্দায় তে নমঃ ॥ ১৮০ ॥
নমস্তে বিশ্বদেবায় শান্তরাগায় তে নমঃ ।
বিলোচনসুদেবায় হেমগর্ভায় তে নমঃ ॥ ১৮১ ॥
অনাদ্যন্তায় চণ্ডায় মনোনাথায় তে নমঃ ।
জ্ঞানস্কন্দায় তুষ্টায় কপিলায় মহর্ষয়ে ॥ ১৮২ ॥
নমস্ত্রিকাগ্নিকালায় দেবসিংহায় তে নমঃ ।
নমস্তে মণিপূরায় চতুর্বেদায় তে নমঃ ॥ ১৮৩ ॥
স্বরূপাণাং স্বভাবায় হ্যন্তর্যাগায় তে নমঃ ।
নমঃ শ্লোক্যায় বন্যায় মহাধর্মায় তে নমঃ ॥ ১৮৪ ॥
প্রসন্নায় নমস্তুভ্যং সর্বাত্মজ্যোতিষে নমঃ ।
স্বয়ম্ভুবে ত্রিমূর্তীনামধ্বাতীতায় তে নমঃ ॥ ১৮৫ ॥
সদাশিব উবাচ
জপন্তু মামিকাং দেবাঃ নাম্নাং দশশতীমিমাম্ ।
মম চাতিপ্রিয়করীং মহামোক্ষপ্রদায়িনীম্ ॥ ১৮৬ ॥
সঙ্গ্রামে জয়দাত্রীং তু সর্বসিদ্ধিকরীং শুভাম্ ।
য়ঃ পঠেচ্ছৃণুয়াদ্বাপি সর্বপাপৈঃ প্রমুচ্যতে ॥ ১৮৭ ॥
পুত্রকামো লভেত্পুত্রং রাজ্যকামস্তু রাজতাম্ ।
প্রাপ্নুয়াত্পরয়া ভক্ত্যা ধনধান্যাদিকং বহু ॥ ১৮৮ ॥
শিবালয়ে নদীতীরে বিল্বমূলে বিশেষতঃ ।
প্রজপেত্সিদ্ধিদাং দেবাঃ শুচৌ দেশে শমীতলে ॥ ১৮৯ ॥
ধনকামস্তু জুহুয়াদ্ঘৃতাক্তৈর্বিল্বপত্রকৈঃ ।
মোক্ষকামস্তু গব্যেন ঘৃতেন প্রতিনামতঃ ॥ ১৯০ ॥
আয়ুষ্কামস্তু জুহুয়াদাজ্যেন মধুনা তথা ।
পুত্রকামস্তু জুহুয়াত্তিলাক্তেন তথাম্ভসা ॥ ১৯১ ॥
মত্সমীপে প্রদোষে চ নত্বা ভক্ত্যা জপেন্নরঃ ।
জীবন্সরূপতাং প্রাপ্য সায়ুজ্যং মম চাপ্নুয়াত্ ॥ ১৯২ ॥
কালোঽপি জনশাস্তা হি মম ভক্তং ন পশ্যতি ।
অহং পুরঃসরস্তস্য নেষ্যামি গগনস্থলম্ ॥ ১৯৩ ॥
ত্রিসন্ধ্যং য়ঃ পঠেদ্ভক্ত্যা বত্সরং নিয়মান্বিতঃ ।
মচ্চিত্তো মন্মনা ভূত্বা সাক্ষান্মোক্ষমবাপ্নুয়াত্ ॥ ১৯৪ ॥
রুদ্রপাঠেন য়ত্পুণ্যং য়ত্পুণ্যং বেদপাঠতঃ ।
তত্পুণ্যং লভতে য়োঽসাবেকাবৃত্ত্যা পঠেদিমাম্ ॥ ১৯৫ ॥
কন্যাকোটিপ্রদানেন য়ত্ফলং লভতে নরঃ ।
তত্ফলং লভতে সম্যঙ্নাম্নাং দশশতং জপন্ ॥ ১৯৬ ॥
অশ্বমেধসহস্রস্য য়ত্ফলং লভতে নরঃ ।
কপিলাশতদানস্য তত্ফলং পঠনাদ্ভবেত্ ॥ ১৯৭ ॥
য়ঃ শৃণোতি সদা বিদ্যাং শ্রাবয়েদ্বাপি ভক্তিতঃ ।
সোঽপি মুক্তিমবাপ্নোতি য়ত্র গত্বা ন শোচতি ॥ ১৯৮ ॥
য়ক্ষরাক্ষসবেতালগ্রহকূষ্মাণ্ডভৈরবাঃ ।
পঠনাদস্য নশ্যন্তি জীবেচ্চ শরদাং শতম্ ॥ ১৯৯ ॥
ব্রহ্মহত্যাদিপাপানাং নাশঃ স্যাচ্ছ্রবণেন তু ।
কিং পুনঃ পঠনাদস্য মুক্তিঃ স্যাদনপায়িনী ॥ ২০০ ॥
ইত্যুক্ত্বা স মহাদেবো ভগবান্পরমেশ্বরঃ ।
পুনরপ্যাহ ভগবান্কৃপয়া পরয়া য়ুতঃ ॥ ২০১ ॥
দীয়তাং মম ভক্তেভ্যো য়দুক্তং ভবঘাতকম্ ।
ইত্যুক্ত্বান্তর্দধে দেবঃ পরানন্দস্বরূপধৃক্ ॥ ২০২ ॥
শ্রীকৃষ্ণ উবাচ
এতদেব পুরা রামো লব্ধবান্ কুম্ভসম্ভবাত্ ।
অরণ্যে দণ্ডকাখ্যে তু প্রজজাপ রঘূদ্বহঃ ॥ ২০৩ ॥
নিত্যং ত্রিষবণস্নায়ী ত্রিসন্ধ্যং সুস্মরঞ্শিবম্ ।
তদাসৌ দেবদেবোঽপি প্রত্যক্ষঃ প্রাহ রাঘবম্ ॥ ২০৪ ॥
মহাপাশুপতং দিব্যং প্রগৃহাণ রঘূদ্বহ ।
এতদাসাদ্য পৌলস্ত্যং জহি মা শোকমর্হসি ॥ ২০৫ ॥
তদাপ্রভৃতি ভূদেবাঃ প্রজপন্তি সুভক্তিতঃ ।
গৃহ্ণন্তু পরয়া ভক্ত্যা ভবন্তঃ সর্ব এব হি ॥ ২০৬ ॥
শ্রীব্যাস উবাচ
ততস্তে মুনয়ঃ সর্বে জগৃহুর্মুনিপুঙ্গবাঃ ।
গৃহ্ণন্তু মম বাক্যং তু মুক্তিং প্রাপ্স্যথ নিশ্চিতাঃ ॥ ২০৭ ॥
ভবদ্ভিরাত্মশিষ্যেভ্যো দীয়তামিদমাদরাত্ ।
নাম্নাং সহস্রমেতদ্ধি লিখিতং য়ন্নিকেতনে ॥ ২০৮ ॥
অবিমুক্তং তু তদ্গেহং নিত্যং তিষ্ঠতি শঙ্করঃ ।
অনেন মন্ত্রিতং ভস্মাখিলদুষ্টবিনাশনম্ ॥ ২০৯ ॥
পিশাচস্য বিনাশায় জপ্তব্যমিদমুত্তমম্ ।
নাম্নাং সহস্রেণানেন সমং কিঞ্চিন্ন বিদ্যতে ॥ ২১০ ॥
॥ ইতি শ্রীপদ্মপুরাণে বিল্বকেশ্বরমাহাত্ম্যে শ্রীকৃষ্ণমার্কণ্ডেয় সংবাদে
বেদসারশিবসহস্রনামস্তোত্রং সম্পূর্ণম্ ॥ ॥
– Chant Stotra in Other Languages –
1000 Names of Sri Shiva » Sahasranama Stotram from Padmapurana Lyrics in Sanskrit » English » Gujarati » Kannada » Malayalam » Odia » Telugu » Tamil