॥ Sri Veerabhadra Sahasranamastotram Bengali Lyrics ॥
॥ শ্রীবীরভদ্রসহস্রনামস্তোত্রম্ ॥
ওঁ শ্রীগণেশায় নমঃ ।
শ্রীউমামহেশ্বরাভ্যাং নমঃ ।
শ্রীবীরভদ্রায় নমঃ ।
শ্রীভদ্রকাল্যৈ নমঃ ।
॥ শ্রীবীরভদ্রসহস্রনামস্তোত্রম্ ॥
পূর্বভাগম্ ।
ওঁ অস্য শ্রীবীরভদ্রসহস্রনামস্তোত্রমহামন্ত্রস্য
নারায়ণঋষিঃ । অনুষ্টুপ্ছন্দঃ । শ্রীবীরভদ্রোদেবতা ।
শ্রীং বীজম্ । বীং শক্তিঃ । রং কীলকম্ ॥
মমোপাত্ত সমস্তদুরিতক্ষয়ার্থং চিন্তিতফলাবাপ্ত্যর্থং
ধর্মার্থকামমোক্ষ চতুর্বিধফলপুরুষার্থসিদ্ধ্যর্থং
শ্রীবীরভদ্রসহস্রনামস্তোত্রপাঠে বিনিয়োগঃ ॥
অথ ধ্যানম্ ।
রৌদ্রং রুদ্রাবতারং হুতবহনয়নং চোর্ধ্বকেশং সুদংষ্ট্রং
ভীমাঙ্গং ভীমরূপং কিণিকিণিরভসং জ্বালমালাঽঽবৃতাঙ্গম্ ।
ভূতপ্রেতাদিনাথং করকমলমহাখড্গপাত্রে বহন্তং
বন্দে লোকৈকবীরং ত্রিভুবননমিতং শ্যামলং বীরভদ্রম্ ॥
অথ সহস্রনামস্তোত্রম্ ।
শম্ভুঃ শিবো মহাদেবো শিতিকণ্ঠো বৃষধ্বজঃ ।
দক্ষাধ্বরকরো দক্ষঃ ক্রূরদানবভঞ্জনঃ ॥ ১ ॥
কপর্দী কালবিধ্বংসী কপালী করুণার্ণবঃ ।
শরণাগতরক্ষৈকনিপুণো নীললোহিতঃ ॥ ২ ॥
নিরীশো নির্ভয়ো নিত্যো নিত্যতৃপ্তো নিরাময়ঃ ।
গম্ভীরনিনদো ভীমো ভয়ঙ্করস্বরূপধৃত্ ॥ ৩ ॥
পুরন্দরাদি গীর্বাণবন্দ্যমানপদাম্বুজঃ ।
সংসারবৈদ্যঃ সর্বজ্ঞঃ সর্বভেষজভেষজঃ ॥ ৪ ॥
মৃত্যুঞ্জয়ঃ কৃত্তিবাসস্ত্র্যম্বকস্ত্রিপুরান্তকঃ ।
বৃন্দারবৃন্দমন্দারো মন্দারাচলমণ্ডনঃ ॥ ৫ ॥
কুন্দেন্দুহারনীহারহারগৌরসমপ্রভঃ ।
রাজরাজসখঃ শ্রীমান্ রাজীবায়তলোচনঃ ॥ ৬ ॥
মহানটো মহাকালো মহাসত্যো মহেশ্বরঃ ।
উত্পত্তিস্থিতিসংহারকারণানন্দকর্মকঃ ॥ ৭ ॥
সারঃ শূরো মহাধীরো বারিজাসনপূজিতঃ ।
বীরসিংহাসনারূঢো বীরমৌলিশিখামণিঃ ॥ ৮ ॥
বীরপ্রিয়ো বীররসো বীরভাষণতত্পরঃ ।
বীরসঙ্গ্রামবিজয়ী বীরারাধনতোষিতঃ ॥ ৯ ॥
বীরব্রতো বিরাড্রূপো বিশ্বচৈতন্যরক্ষকঃ ।
বীরখড্গো ভারশরো মেরুকোদণ্ডমণ্ডিতঃ ॥ ১০ ॥
বীরোত্তমাঙ্গঃ শৃঙ্গারফলকো বিবিধায়ুধঃ ।
নানাসনো নতারাতিমণ্ডলো নাগভূষণঃ ॥ ১১ ॥
নারদস্তুতিসন্তুষ্টো নাগলোকপিতামহঃ ।
সুদর্শনঃ সুধাকায়ো সুরারাতিবিমর্দনঃ ॥ ১২ ॥
অসহায়ঃ পরঃ সর্বসহায়ঃ সাম্প্রদায়কঃ ।
কামদো বিষভুগ্যোগী ভোগীন্দ্রাঞ্চিতকুণ্ডলঃ ॥ ১৩ ॥
উপাধ্যায়ো দক্ষরিপুঃ কৈবল্যনিধিরচ্যুতঃ ।
সত্ত্বং রজস্তমঃ স্থূলঃ সূক্ষ্মোঽন্তর্বহিরব্যয়ঃ ॥ ১৪ ॥
ভূরাপো জ্বলনো বায়ুর্গগনং ত্রিজগদ্গুরুঃ ।
নিরাধারো নিরালম্বঃ সর্বাধারঃ সদাশিবঃ ॥ ১৫ ॥
ভাস্বরো ভগবান্ ভালনেত্রো ভাবজসংহরঃ ।
ব্যালবদ্ধজটাজূটো বালচন্দ্রশিখামণিঃ ॥ ১৬ ॥
অক্ষয়্যৈকাক্ষরো দুষ্টশিক্ষকঃ শিষ্টরক্ষিতঃ ।
দক্ষপক্ষেষুবাহুল্যবনলীলাগজো ঋজুঃ ॥ ১৭ ॥
য়জ্ঞাঙ্গো য়জ্ঞভুগ্যজ্ঞো য়জ্ঞেশো য়জনেশ্বরঃ ।
মহায়জ্ঞধরো দক্ষসম্পূর্ণাহূতিকৌশলঃ ॥ ১৮ ॥
মায়াময়ো মহাকায়ো মায়াতীতো মনোহরঃ ।
মারদর্পহরো মঞ্জুর্মহীসুতদিনপ্রিয়ঃ ॥ ১৯ ॥
সৌম্যঃ সমোঽসমোঽনন্তঃ সমানরহিতো হরঃ ।
সোমোঽনেককলাধামা ব্যোমকেশো নিরঞ্জনঃ ॥ ২০ ॥
গুরুঃ সুরগুরুর্গূঢো গুহারাধনতোষিতঃ ।
গুরুমন্ত্রাক্ষরগুরুঃ পরঃ পরমকারণম্ ॥ ২১ ॥
কলিঃ কলাঢ্যো নীতিজ্ঞঃ করালাসুরসেবিতঃ ।
কমনীয়রবিচ্ছায়ো নন্দনানন্দবর্ধনঃ ॥ ২২ ॥
স্বভক্তপক্ষঃ প্রবলঃ স্বভক্তবলবর্ধনঃ ।
স্বভক্তপ্রতিবাদীন্দ্রমুখচন্দ্রবিতুন্তুদঃ ॥ ২৩ ॥
শেষভূষো বিশেষজ্ঞস্তোষিতঃ সুমনাঃ সুধীঃ ।
দূষকাভিজনোদ্ধূতধূমকেতুস্সনাতনঃ ॥ ২৪ ॥
দূরীকৃতাঘপটলশ্চোরীকৃতসুখপ্রজঃ ।
পূরীকৃতেষুকোদণ্ডো নির্বৈরীকৃতসঙ্গরঃ ॥ ২৫ ॥
ব্রহ্মবিদ্ব্রাহ্মণো ব্রহ্ম ব্রহ্মচারী জগত্পতিঃ ।
ব্রহ্মেশ্বরো ব্রহ্মময়ঃ পরব্রহ্মাত্মকঃ প্রভুঃ ॥ ২৬ ॥
নাদপ্রিয়ো নাদময়ো নাদবিন্দুর্নগেশ্বরঃ ।
আদিমধ্যান্তরহিতো বাদো বাদবিদাং বরঃ ॥ ২৭ ॥
ইষ্টো বিশিষ্টস্তুষ্টঘ্নঃ পুষ্টিদঃ পুষ্টিবর্ধনঃ ।
কষ্টদারিদ্র্যনির্নাশো দুষ্টব্যাধিহরো হরঃ ॥ ২৮ ॥
পদ্মাসনঃ পদ্মকরো নবপদ্মাসনার্চিতঃ ।
নীলাম্বুজদলশ্যামো নির্মলো ভক্তবত্সলঃ ॥ ২৯ ॥
নীলজীমূতসঙ্কাশঃ কালকন্ধরবন্ধুরঃ ।
জপাকুসুমসন্তুষ্টো জপহোমার্চ্চনপ্রিয়ঃ ॥ ৩০ ॥
জগদাদিরনাদীশোঽজগবন্ধরকৌতুকঃ ।
পুরন্দরস্তুতানন্দঃ পুলিন্দঃ পুণ্যপঞ্জরঃ ॥ ৩১ ॥
পৌলস্ত্যচলিতোল্লোলপর্বতঃ প্রমদাকরঃ ।
করণং কারণং কর্ম করণীয়াগ্রণীর্দৃঢঃ ॥ ৩২ ॥
করিদৈত্যেন্দ্রবসনঃ করুণাপূরবারিধিঃ ।
কোলাহলপ্রিয়ঃ প্রীতঃ শূলী ব্যালকপালভৃত্ ॥ ৩৩ ॥
কালকূটগলঃ ক্রীডালীলাকৃতজগত্ত্রয়ঃ ।
দিগম্বরো দিনেশেশো ধীমান্ধীরো ধুরন্ধরঃ ॥ ৩৪ ॥
দিক্কালাদ্যনবচ্ছিন্নো ধূর্জটির্ধূতদুর্গতিঃ ।
কমনীয়ঃ করালাস্যঃ কলিকল্মষসূদনঃ ॥ ৩৫ ॥
করবীরোঽরুণাম্ভোজকল্হারকুসুমার্পিতঃ ।
খরো মণ্ডিতদোর্দণ্ডঃ খরূপঃ কালভঞ্জনঃ ॥ ৩৬ ॥
খরাংশুমণ্ডলমুখঃ খণ্ডিতারামতিণ্ডলঃ ।
গণেশগণিতোঽগণ্যঃ পুণ্যরাশী সুখোদয়ঃ ॥ ৩৭ ॥
গণাধিপকুমারাদিগণকৈরববান্ধবঃ ।
ঘনঘোষবৃহন্নাদঘনীকৃতসুনূপুরঃ ॥ ৩৮ ॥
ঘনচর্চিতসিন্দূরো ঘণ্টাভীষণভৈরবঃ ।
পরাপরো বলোঽনন্তশ্চতুরশ্চক্রবন্ধকঃ ॥ ৩৯ ॥
চতুর্মুখমুখাম্ভোজচতুরস্তুতিতোষণঃ ।
ছলবাদী ছলশ্শান্তশ্ছান্দসশ্ছান্দসপ্রিয়ঃ ॥ ৪০ ॥
ছিন্নচ্ছলাদিদুর্বাদচ্ছিন্নষট্তন্ত্রতান্ত্রিকঃ ।
জডীকৃতমহাবজ্রজম্ভারাতির্নতোন্নতঃ ॥ ৪১ ॥
জগদাধারভূতেশো জগদন্তো নিরঞ্জনঃ ।
ঝর্ঝরধ্বনিসম্যুক্তো ঝঙ্কাররবভূষণঃ ॥ ৪২ ॥
ঝটীবিপক্ষবৃক্ষৌঘঝঞ্ঝামারুতসন্নিভঃ ।
প্রবর্ণাঞ্চিতপত্রাঙ্কঃ প্রবর্ণাদ্যক্ষরব্রজঃ ॥ ৪৩ ॥
ট বর্ণবিন্দুসম্যুক্তষ্টঙ্কারহৃতদিগ্গজঃ ।
ঠ বর্ণপূরদ্বিদল়ষ্টবর্ণাগ্রদল়াক্ষরঃ ॥ ৪৪ ॥
ঠ বর্ণয়ুতসদ্যন্ত্রষ্ঠ জ চাক্ষরপূরকঃ ।
ডমরুধ্বনিসম্রক্তো ডম্বরানন্দতাণ্ডবঃ ॥ ৪৫ ॥
ডণ্ডণ্ঢঘোষপ্রমদাঽঽডম্বরো গণতাণ্ডবঃ ।
ঢক্কাপটহসুপ্রীতো ঢক্কারববশানুগঃ ॥ ৪৬ ॥
ঢক্কাদিতাল়সন্তুষ্টো টোডিবদ্ধস্তুতিপ্রিয়ঃ ।
তপস্বিরূপস্তপনস্তপ্তকাঞ্চনসন্নিভঃ ॥ ৪৭ ॥
তপস্বিবদনাম্ভোজকারুণ্যস্তরণিদ্যুতিঃ ।
ঢগাদিবাদসৌহার্দস্থিতঃ সম্যমিনাং বরঃ ॥ ৪৮ ॥
স্থাণুস্তণ্ডুনুতিপ্রীতঃ স্থিতিস্থাবরজঙ্গমঃ ।
দরহাসাননাম্ভোজদন্তহীরাবল়িদ্যুতিঃ ॥ ৪৯ ॥
দর্বীকরাঙ্গতভুজো দুর্বারো দুঃখদুর্গহা ।
ধনাধিপসখো ধীরো ধর্মাধর্মপরায়ণঃ ॥ ৫০ ॥
ধর্মধ্বজো দানশৌণ্ডো ধর্মকর্মফলপ্রদঃ ।
পশুপাশহারঃ শর্বঃ পরমাত্মা সদাশিবঃ ॥ ৫১ ॥
পরাপরঃ পরশুধৃত্ পবিত্রঃ সর্বপাবনঃ ।
ফল্গুনস্তুতিসন্তুষ্টঃ ফল্গুনাগ্রজবত্সলঃ ॥ ৫২ ॥
ফল্গুনার্জিতসঙ্গ্রামফলপাশুপতপ্রদঃ ।
বলো বহুবিলাসাঙ্গো বহুলীলাধরো বহুঃ ॥ ৫৩ ॥
বর্হির্মুখো সুরারাধ্যো বলিবন্ধনবান্ধবঃ ।
ভয়ঙ্করো ভবহরো ভর্গো ভয়হরো ভবঃ ॥ ৫৪ ॥
ভালানলো বহুভুজো ভাস্বান্ সদ্ভক্তবত্সলঃ ।
মন্ত্রো মন্ত্রগণো মন্ত্রী মন্ত্রারাধনতোষিতঃ ॥ ৫৫ ॥
মন্ত্রয়জ্ঞো মন্ত্রবাদী মন্ত্রবীজো মহান্মহঃ ।
য়ন্ত্রো য়ন্ত্রময়ো য়ন্ত্রী য়ন্ত্রজ্ঞো য়ন্ত্রবত্সলঃ ॥ ৫৬ ॥
য়ন্ত্রপালো য়ন্ত্রহরস্ত্রিজগদ্যন্ত্রবাহকঃ ।
রজতাদ্রিসদাবাসো রবীন্দুশিখিলোচনঃ ॥ ৫৭ ॥
রতিশ্রান্তো জিতশ্রান্তো রজনীকরশেখরঃ ।
ললিতো লাস্যসন্তুষ্টো লব্ধোগ্রো লঘুসাহসঃ ॥ ৫৮ ॥
লক্ষ্মীনিজকরো লক্ষ্যলক্ষণজ্ঞো লসন্মতিঃ ।
বরিষ্ঠো বরদো বন্দ্যো বরদানপরো বশী ॥ ৫৯ ॥
বৈশ্বানরাঞ্চিতভুজো বরেণ্যো বিশ্বতোমুখঃ ।
শরণার্তিহরঃ শান্তঃ শঙ্করঃ শশিশেখরঃ ॥ ৬০ ॥
শরভঃ শম্বরারাতির্ভস্মোদ্ধূল়িতবিগ্রহঃ ।
ষট্ত্রিংশত্তত্ত্ববিদ্রূপঃ ষণ্মুখস্তুতিতোষণঃ ॥ ৬১ ॥
ষডক্ষরঃ শক্তিয়ুতঃ ষট্পদাদ্যর্থকোবিদঃ ।
সর্বজ্ঞঃ সর্বসর্বেশঃ সর্বদাঽঽনন্দকারকঃ ॥ ৬২ ॥
সর্ববিত্সর্বকৃত্সর্বঃ সর্বদঃ সর্বতোমুখঃ ।
হরঃ পরমকল্যাণো হরিচর্মধরঃ পরঃ ॥ ৬৩ ॥
হরিণার্ধকরো হংসো হরিকোটিসমপ্রভঃ ।
দেবদেবো জগন্নাথো দেবেশো দেববল্লভঃ ॥ ৬৪ ॥
দেবমৌলিশিখারত্নং দেবাসুরসুতোষিতঃ ।
সুরূপঃ সুব্রতঃ শুদ্ধস্সুকর্মা সুস্থিরঃ সুধীঃ ॥ ৬৫ ॥
সুরোত্তমঃ সুফলদঃ সুরচিন্তামণিঃ শুভঃ ।
কুশলী বিক্রমস্তর্ক্কঃ কুণ্ডলীকৃতকুণ্ডলী ॥ ৬৬ ॥
খণ্ডেন্দুকারকজটাজূটঃ কালানলদ্যুতিঃ ।
ব্যাঘ্রচর্মাম্বরধরো ব্যাঘ্রোগ্রবহুসাহসঃ ॥ ৬৭ ॥
ব্যাল়োপবীতী বিলসচ্ছোণতামরসাম্বকঃ ।
দ্যুমণিস্তরণির্বায়ুঃ সলিলং ব্যোম পাবকঃ ॥ ৬৮ ॥
সুধাকরো য়জ্ঞপতিরষ্টমূর্তিঃ কৃপানিধিঃ ।
চিদ্রূপশ্চিদ্ঘনানন্দকন্দশ্চিন্ময়নিষ্কলঃ ॥ ৬৯ ॥
নির্দ্বন্দ্বো নিষ্প্রভো নিত্যো নির্গুণো নির্গতাময়ঃ ।
ব্যোমকেশো বিরূপাক্ষো বামদেবো নিরঞ্জনঃ ॥ ৭০ ॥
নামরূপঃ শমধুরঃ কামচারী কলাধরঃ ।
জাম্বূনদপ্রভো জাগ্রজ্জন্মাদিরহিতোজ্জ্বলঃ ॥ ৭১ ॥
জনকঃ সর্বজন্তূনাং জন্মদুঃখাপনোদনঃ ।
পিনাকপাণিরক্রোধঃ পিঙ্গলায়তলোচনঃ ॥ ৭২ ॥
পরমাত্মা পশূপতিঃ পাবনঃ প্রমথাধিপঃ ।
প্রণবঃ কামদঃ কান্তঃ শ্রীপ্রদো দিব্যলোচনঃ ॥ ৭৩ ॥
প্রণতার্তিহরঃ প্রাণঃ পরঞ্জ্যোতিঃ পরাত্পরঃ ।
তুষ্টস্তুহিনশৈলাধিবাসঃ স্তোতৃবরপ্রদঃ ॥ ৭৪ ॥
ইষ্টকাম্যার্থফলদঃ সৃষ্টিকর্তা মরুত্পতিঃ ।
ভৃগ্বত্রিকণ্বজাবালি হৃত্পদ্মাহিমদীধিতিঃ ॥ ৭৫ ॥
ক্রতুধ্বংসী ক্রতুমুখঃ ক্রতুকোটিফলপ্রদঃ ।
ক্রতুঃ ক্রতুময়ঃ ক্রূরদর্পঘ্নো বিক্রমো বিভুঃ ॥ ৭৬ ॥
দধীচিহৃদয়ানন্দো দধীচ্যাদিসুপালকঃ ।
দধীচিবাঞ্ছিতসখো দধীচিবরদোঽনঘঃ ॥ ৭৭ ॥
সত্পথক্রমবিন্যাসো জটামণ্ডলমণ্ডিতঃ ।
সাক্ষিত্রয়ীময়শ্চারুকলাধরকপর্দভৃত্ ॥ ৭৮ ॥
মার্কণ্ডেয়মুনিপ্রীতো মৃডো জিতপরেতরাট্ ।
মহীরথো বেদহয়ঃ কমলাসনসারথিঃ ॥ ৭৯ ॥
কৌণ্ডিন্যবত্সবাত্সল্যঃ কাশ্যপোদয়দর্পণঃ ।
কণ্বকৌশিকদুর্বাসাহৃদ্গুহান্তর্নিধির্নিজঃ ॥ ৮০ ॥
কপিলারাধনপ্রীতঃ কর্পূরধবলদ্যুতিঃ ।
করুণাবরুণঃ কাল়ীনয়নোত্সবসঙ্গরঃ ॥ ৮১ ॥
ঘৃণৈকনিলয়ো গূঢতনুর্মুরহরপ্রিয়ঃ ।
গণাধিপো গুণনিধির্গম্ভীরাঞ্চিত বাক্পতিঃ ॥ ৮২ ॥
বিঘ্ননাশো বিশালাক্ষো বিঘ্নরাজো বিশেষবিত্ ।
সপ্তয়জ্ঞয়জঃ সপ্তজিহ্বা জিহ্বাতিসংবরঃ ॥ ৮৩ ॥
অস্থিমালাঽঽবিলশিরো বিস্তারিতজগদ্ভুজঃ ।
ন্যস্তাখিলস্রজস্তোকবিভবঃ প্রভুরীশ্বরঃ ॥ ৮৪ ॥
ভূতেশো ভুবনাধারো ভূতিদো ভূতিভূষণঃ ।
ভূতাত্মকাত্মকো ভূর্ভুবাদি ক্ষেমকরঃ শিবঃ ॥ ৮৫ ॥
অণোরণীয়ান্মহতো মহীয়ান্ বাগগোচরঃ ।
অনেকবেদবেদান্ততত্ত্ববীজস্তপোনিধিঃ ॥ ৮৬ ॥
মহাবনবিলাসোঽতিপুণ্যনামা সদাশুচিঃ ।
মহিষাসুরমর্দিন্যা নয়নোত্সবসঙ্গরঃ ॥ ৮৭ ॥
শিতিকণ্ঠঃ শিলাদাদি মহর্ষিনতিভাজনঃ ।
গিরিশো গীষ্পতির্গীতবাদ্যনৃত্যস্তুতিপ্রিয়ঃ ॥ ৮৮ ॥
অঙ্গীকৃতঃ সুকৃতিভিঃ শৃঙ্গাররসজন্মভূঃ ।
ভৃঙ্গীতাণ্ডবসন্তুষ্ঠো মঙ্গলো মঙ্গলপ্রদঃ ॥ ৮৯ ॥
মুক্তেন্দ্রনীলতাটঙ্কো মুক্তাহারবিভূষিতঃ ।
সক্তসজ্জনসদ্ভাবো ভুক্তিমুক্তিফলপ্রদঃ ॥ ৯০ ॥
সুরূপঃ সুন্দরঃ শুক্লধর্মঃ সুকৃতবিগ্রহঃ ।
জিতামরদ্রুমঃ সর্বদেবরাডসমেক্ষণঃ ॥ ৯১ ॥
দিবস্পতিসহস্রাক্ষবীক্ষণাবল়িতোষকঃ ।
দিব্যনামামৃতরসো দিবাকরপতিঃ প্রভুঃ ॥ ৯২ ॥
পাবকপ্রাণসন্মিত্রং প্রখ্যাতোর্ধ্বজ্বলন্মহঃ ।
প্রকৃষ্টভানুঃ পুরুষঃ পুরোডাশভুগীশ্বরঃ ॥ ৯৩ ॥
সমবর্তী পিতৃপতির্ধর্মরাট্শমনো য়মী ।
পিতৃকাননসন্তুষ্টো ভূতনায়কনায়কঃ ॥ ৯৪ ॥
নয়ান্বিতঃ সুরপতির্নানাপুণ্যজনাশ্রয়ঃ ।
নৈরৃত্যাদি মহারাক্ষসেন্দ্রস্তুতয়শোঽম্বুধিঃ ॥ ৯৫ ॥
প্রচেতাজীবনপতির্ধৃতপাশো দিগীশ্বরঃ ।
ধীরোদারগুণাম্ভোধিকৌস্তুভো ভুবনেশ্বরঃ ॥ ৯৬ ॥
সদানুভোগসম্পূর্ণসৌহার্দঃ সুমনোজ্জ্বলঃ ।
সদাগতিঃ সাররসঃ সজগত্প্রাণজীবনঃ ॥ ৯৭ ॥
রাজরাজঃ কিন্নরেশঃ কৈলাসস্থো ধনপ্রদঃ ।
য়ক্ষেশ্বরসখঃ কুক্ষিনিক্ষিপ্তানেকবিস্ময়ঃ ॥ ৯৮ ॥
ঈশানঃ সর্ববিদ্যানামীশ্বরো বৃষলাঞ্ছনঃ ।
ইন্দ্রাদিদেববিলসন্মৌলিরম্যপদাম্বুজঃ ॥ ৯৯ ॥
বিশ্বকর্মাঽঽশ্রয়ো বিশ্বতোবাহুর্বিশ্বতোমুখঃ ।
বিশ্বতঃ প্রমদো বিশ্বনেত্রো বিশ্বেশ্বরো বিভুঃ ॥ ১০০ ॥
সিদ্ধান্তঃ সিদ্ধসঙ্কল্পঃ সিদ্ধগন্ধর্বসেবিতঃ ।
সিদ্ধিতঃ শুদ্ধহৃদয়ঃ সদ্যোজাতাননশ্শিবঃ ॥ ১০১ ॥
শ্রীময়ঃ শ্রীকটাক্ষাঙ্গঃ শ্রিনামা শ্রীগণেশ্বরঃ ।
শ্রীদঃ শ্রীবামদেবাস্যঃ শ্রীকণ্ঠঃ শ্রীপ্রিয়ঙ্করঃ ॥ ১০২ ॥
ঘোরাঘধ্বান্তমার্তাণ্ডো ঘোরেতরফলপ্রদঃ ।
ঘোরঘোরমহায়ন্ত্ররাজো ঘোরমুখাম্বুজঃ ॥ ১০৩ ॥
ততঃ সুষির সুপ্রীত তত্ত্বাদ্যাগমজন্মভূঃ ।
তত্ত্বমস্যাদি বাক্যার্থস্তত্পূর্বমুখমণ্ডিতঃ ॥ ১০৪ ॥
আশাপাশবিনির্মুক্তঃ শেষভূষণভূষিতঃ ।
দোষাকরলসন্মৌলিরীশানমুখনির্মলঃ ॥ ১০৫ ॥
পঞ্চবক্ত্রো দশভুজঃ পঞ্চাশদ্বর্ণনায়কঃ ।
পঞ্চাক্ষরয়ুতঃ পঞ্চঃ পঞ্চ পঞ্চ সুলোচনঃ ॥ ১০৬ ॥
বর্ণাশ্রমগুরুঃ সর্ববর্ণাধারঃ প্রিয়ঙ্করঃ ।
কর্ণিকারার্ক দুত্তূর পূর্ণপূজাফলপ্রদঃ ॥ ১০৭ ॥
য়োগীন্দ্রহৃদয়ানন্দো য়োগী য়োগবিদাং বরঃ ।
য়োগধ্যানাদিসন্তুষ্টো রাগাদিরহিতো রমঃ ॥ ১০৮ ॥
ভবাম্ভোধিপ্লবো বন্ধমোচকো ভদ্রদায়কঃ ।
ভক্তানুরক্তো ভব্যঃ সদ্ভক্তিদো ভক্তিভাবনঃ ॥ ১০৯ ॥
অনাদিনিধনোঽভীষ্টো ভীমকান্তোঽর্জুনো বলঃ ।
অনিরুদ্ধঃ সত্যবাদী সদানন্দাশ্রয়োঽনঘঃ ॥ ১১০ ॥
আলয়ঃ সর্ববিদ্যানামাধারঃ সর্বকর্মণাম্ ।
আলোকঃ সর্বলোকানামাবির্ভাবো মহাত্মনাম্ ॥ ১১১ ॥
ইজ্যাপূর্তেষ্টফলদঃ ইচ্ছাশক্ত্যাদি সংশ্রয়ঃ ।
ইনঃ সর্বামরারাধ্য ঈশ্বরো জগদীশ্বরঃ ॥ ১১২ ॥
রুণ্ডপিঙ্গলমধ্যস্থো রুদ্রাক্ষাঞ্চিতকন্ধরঃ ।
রুণ্ডিতাধারভক্ত্যাদিরীডিতঃ সবনাশনঃ ॥ ১১৩ ॥
উরুবিক্রমবাহুল্য উর্ব্যাধারো ধুরন্ধরঃ ।
উত্তরোত্তরকল্যাণ উত্তমোত্তমনায়কঃ ॥ ১১৪ ॥
ঊরুজানুতডিদ্বৃন্দ ঊর্ধ্বরেতা মনোহরঃ ।
ঊহিতানেকবিভব ঊহিতাম্নায়মণ্ডলঃ ॥ ১১৫ ॥
ঋষীশ্বরস্তুতিপ্রীতো ঋষিবাক্যপ্রতিষ্ঠিতঃ ।
ৠগাদি নিগমাধারো ঋজুকর্মা মনোজবঃ ॥ ১১৬ ॥
রূপাদি বিষয়াধারো রূপাতীতো ঋষীশ্বরঃ ।
রূপলাবণ্যসম্যুক্তো রূপানন্দস্বরূপধৃত্ ॥ ১১৭ ॥
লুলিতানেকসঙ্গ্রামো লুপ্যমানরিপুব্রজঃ ।
লুপ্তক্রূরান্ধকো বারো লূকারাঞ্চিতয়ন্ত্রধৃত্ ॥ ১১৮ ॥
লূকারাদি ব্যাধিহরো লূস্বরাঞ্চিতয়ন্ত্রয়ুক্ ।
লূশাদি গিরিশঃ পক্ষঃ খলবাচামগোচরঃ ॥ ১১৯ ॥
এষ্যমাণো নতজন একচ্চিতো দৃঢব্রতঃ ।
একাক্ষরমহাবীজ একরুদ্রোঽদ্বিতীয়কঃ ॥ ১২০ ॥
ঐশ্বর্যবর্ণনামাঙ্গ ঐশ্বর্যপ্রকরোজ্জ্বলঃ ।
ঐরাবণাদি লক্ষ্মীশ ঐহিকামুষ্মিকপ্রদঃ ॥ ১২১ ॥
ওষধীশশিখারত্ন ওঙ্কারাক্ষরসম্যুতঃ ।
ওকঃ সকলদেবানামোজোরাশিরজাদ্যজঃ ॥ ১২২ ॥
ঔদার্যজীবনপর ঔচিত্যমণিজন্মভূঃ ।
উদাসীনৈকগিরিশ উত্সবোত্সবকারণৌ ॥ ১২৩ ॥
অঙ্গীকৃতষডঙ্গাঙ্গ অঙ্গহারমহানটঃ ।
অঙ্গজাঙ্গজভস্মাঙ্গো মঙ্গলায়তবিগ্রহঃ ॥ ১২৪ ॥
কঃ কিং ত্বদনু দেবেশঃ কঃ কিন্নু বরদপ্রদঃ ।
কঃ কিন্নু ভক্তসন্তাপহরঃ কারুণ্যসাগরঃ ॥ ১২৫ ॥
স্তোতব্যঃ স্তোতুমিচ্ছূনাং মন্তব্যঃ শরণার্থিনাম্ ।
ধ্যেয়ো ধ্যানৈকনিষ্ঠানাং ধাম্নঃ পরমপূরকঃ ॥ ১২৬ ॥
ভগনেত্রহরঃ পূতঃ সাধুদূষকভূষণঃ ।
ভদ্রকাল়িমনোরাজো হংসঃ সত্কর্মসারথিঃ ॥ ১২৭ ॥
সভ্যঃ সাধুঃ সভারত্নং সৌন্দর্যগিরিশেখরঃ ।
সুকুমারঃ সৌখ্যকরঃ সহিষ্ণুঃ সাধ্যসাধনম্ ॥ ১২৮ ॥
নির্মত্সরো নিষ্প্রপঞ্চো নির্লোভো নির্গুণো নয়ঃ ।
বীতাভিমানো নির্জাতো নিরাতঙ্কো নিরঞ্জনঃ ॥ ১২৯ ॥
কালত্রয়ঃ কলিহরো নেত্রত্রয়বিরাজিতঃ ।
অগ্নিত্রয়নিভাঙ্গশ্চ ভস্মীকৃতপুরত্রয়ঃ ॥ ১৩০ ॥
কৃতকার্যো ব্রতধরো ব্রতনাশঃ প্রতাপবান্ ।
নিরস্তদুর্বিধির্নির্গতাশো নির্বাণনীরধিঃ ॥ ১৩১ ॥
নিধানং সর্বহেতূনাং নিশ্চিতার্থেশ্বরেশ্বরঃ ।
অদ্বৈতশাম্ভবমহো সনির্ব্যাজোর্ধ্বলোচনঃ ॥ ১৩২ ॥
অপূর্বপূর্বঃ পরমঃ সপূর্বঃ পূর্বপূর্বদিক্ ।
অতীন্দ্রিয়ঃ সত্যনিধিরখণ্ডানন্দবিগ্রহঃ ॥ ১৩৩ ॥
আদিদেবঃ প্রসন্নাত্মা আরাধকজনেষ্টদঃ ।
সর্বদেবময়ঃ সর্বঃ জগদ্ব্যাসঃ সুলক্ষণঃ ॥ ১৩৪ ॥
সর্বান্তরাত্মা সদৃশঃ সর্বলোকৈকপূজিতঃ ।
পুরাণপুরুষঃ পুণ্যঃ পুণ্যশ্লোকঃ সুধাময়ঃ ॥ ১৩৫ ॥
পূর্বাপরজ্ঞঃ পুরজিত্ পূর্বদেবামরার্চিতঃ ।
প্রসন্নদর্শিতমুখঃ পন্নগাবল়িভূষণঃ ॥ ১৩৬ ॥
প্রসিদ্ধঃ প্রণতাধারঃ প্রলয়োদ্ভূতকারণম্ ।
জ্যোতির্ময়ো জ্বলদ্দংষ্ট্রো জ্যোতির্মালাবল়ীবৃতঃ ॥ ১৩৭ ॥
জাজ্জ্বল্যমানো জ্বলননেত্রো জলধরদ্যুতিঃ ।
কৃপাম্ভোরাশীরম্লানো বাক্যপুষ্টোঽপরাজিতঃ ॥ ১৩৮ ॥
ক্ষপাকরার্ককোটিপ্রভাকরঃ করুণাকরঃ ।
একমূর্তিস্ত্রিধামূর্তির্দিব্যমূর্তিরনাকুলঃ ॥ ১৩৯ ॥
অনন্তমূর্তিরক্ষোভ্যঃ কৃপামূর্তিঃ সুকীর্তিধৃত্ ।
অকল্পিতামরতরুরকামিতসুকামধুক্ ॥ ১৪০ ॥
অচিন্তিতমহাচিন্তামণির্দেবশিখামণিঃ ।
অতীন্দ্রিয়োঽজিতঃ প্রাংশুর্ব্রহ্মবিষ্ণ্বাদিবন্দিতঃ ॥ ১৪১ ॥
হংসো মরীচির্ভীমশ্চ রত্নসানুশরাসনঃ ।
সম্ভবোঽতীন্দ্রিয়ো বৈদ্যো বিশ্বরূপী নিরঞ্জনঃ ॥ ১৪২ ॥
বসুদঃ সুভুজো নৈকমায়োঽব্যয়ঃ প্রমাদনঃ ।
অগদো রোগহর্তা চ শরাসনবিশারদঃ ॥ ১৪৩ ॥
মায়াবিশ্বাদনো ব্যাপী পিনাককরসম্ভবঃ ।
মনোবেগো মনোরুপী পূর্ণঃ পুরুষপুঙ্গবঃ ॥ ১৪৪ ॥
শব্দাদিগো গভীরাত্মা কোমলাঙ্গঃ প্রজাগরঃ ।
ত্রিকালজ্ঞো মুনিঃ সাক্ষী পাপারিঃ সেবকপ্রিয়ঃ ॥ ১৪৫ ॥
উত্তমঃ সাত্ত্বিকঃ সত্যঃ সত্যসন্ধো নিরাকুলঃ ।
রসো রসজ্ঞো সারজ্ঞো লোকসারো রসাত্মকঃ ॥ ১৪৬ ॥
পূষাদন্তভিদব্যগ্রো দক্ষয়জ্ঞনিষূদনঃ ।
দেবাগ্রণীঃ শিবধ্যানতত্পরঃ পরমঃ শুভঃ ॥ ১৪৭ ॥
জয়ো জয়াদিঃ সর্বাঘশমনো ভবভঞ্জনঃ ।
অলঙ্করিষ্ণুরচলো রোচিষ্ণুর্বিক্রমোত্তমঃ ॥ ১৪৮ ॥
শব্দগঃ প্রণবো বায়ুরংশুমাননিলতাপহৃত্ । বায়ুরংশুমাননল
নিরীশো নির্বিকল্পশ্চ চিদ্রূপো জিতসাধ্বসঃ ॥ ১৪৯ ॥
উত্তারণো দুষ্কৃতিহা দুর্ধর্ষো দুস্সহোঽভয়ঃ ।
নক্ষত্রমালী নাকেশঃ স্বাধিষ্ঠানষডাশ্রয়ঃ ॥ ১৫০ ॥
অকায়ো ভক্তকায়স্থঃ কালজ্ঞানী মহানটঃ ।
অংশুঃ শব্দপতির্যোগী পবনঃ শিখিসারথিঃ ॥ ১৫১ ॥
বসন্তো মাধবো গ্রীষ্মঃ পবনঃ পাবনোঽমলঃ ।
বারুর্বিশল্যচতুরঃ শিবচত্বরসংস্থিতঃ ॥ ১৫২ ॥
আত্ময়োগঃ সমাম্নায়তীর্থদেহঃ শিবালয়ঃ ।
মুণ্ডো বিরূপো বিকৃতির্দণ্ডো দান্তো গুণোত্তমঃ ॥ ১৫৩ ॥
দেবাসুরগুরুর্দেবো দেবাসুরনমস্কৃতঃ ।
দেবাসুরমহামন্ত্রো দেবাসুরমহাশ্রয়ঃ ॥ ১৫৪ ॥
দিবোঽচিন্ত্যো দেবতাঽঽত্মা ঈশোঽনীশো নগাগ্রগঃ ।
নন্দীশ্বরো নন্দিসখো নন্দিস্তুতপরাক্রমঃ ॥ ১৫৫ ॥
নগ্নো নগব্রতধরঃ প্রলয়াকাররূপধৃত্ ।
সেশ্বরঃ স্বর্গদঃ স্বর্গঃ স্বরঃ সর্বময়ঃ স্বনঃ ॥ ১৫৬ ॥
বীজাধ্যক্ষো বীজকর্তা ধর্মকৃদ্ধর্মবর্ধনঃ ।
দক্ষয়জ্ঞমহাদ্বেষী বিষ্ণুকন্ধরপাতনঃ ॥ ১৫৭ ॥
ধূর্জটিঃ খণ্ডপরশুঃ সকলো নিষ্কলোঽসমঃ ।
মৃডো নটঃ পূরয়িতা পুণ্যক্রূরো মনোজবঃ ॥ ১৫৮ ॥
সদ্ভূতঃ সত্কৃতঃ শান্তঃ কালকূটো মহানঘঃ ।
অর্থানর্থো মহাকায়ো নৈককর্মসমঞ্জসঃ ॥ ১৫৯ ॥
ভূশয়ো ভূষণো ভূতির্ভূষণো ভূতবাহনঃ ।
শিখণ্ডী কবচী শূলী জটী মুণ্ডী চ কুণ্ডলী ॥ ১৬০ ॥
মেখলী মুসলী খড্গী কঙ্কণীকৃতবাসুকিঃ ॥ ১৬১ ॥
উত্তরভাগম্ ।
এতত্সহস্রনামাঙ্কং বীরভদ্রস্য কীর্তনম্ ।
একৈকাক্ষরমাহাত্ম্যং মহাপাতকনাশনম্ ॥ ১৬২ ॥
মহাব্যাধিহরং মৃত্যুদারিদ্র্যতিমিরাঞ্জনম্ ।
মহাসংসারজলধিমগ্নোত্তারণনাবিকঃ ॥ ১৬৩
ধর্মার্থকামমোক্ষাণাং নিজগেহং নিরর্গলম্ ।
কর্মভক্তিচিদানন্দং কন্দকারণকন্দকম্ ॥ ১৬৪ ॥
রসং রসায়নং দিব্যং নামামৃতরসং নরঃ ।
শৃণুয়াদ্যঃ স্মরন্যোঽপি সর্বপাপৈঃ প্রমুচ্যতে ॥ ১৬৫ ॥
অগ্নিষ্টোমস্য য়জ্ঞস্য বাজপেয়শতস্য চ ।
কন্যাদানসহস্রস্য য়ত্ফলং লভতে নরঃ ॥ ১৬৬ ॥
তত্ফলঙ্কোটিগুণিতং নামৈকস্য সকৃজ্জপাত্ ।
আয়ুরারোগ্যসৌভাগ্যং পুত্রপৌত্রপ্রবর্ধনম্ ॥ ১৬৭ ॥
ঐহিকামুষ্মিকভয়চ্ছেদনং সুখসাধনম্ ।
কুষ্ঠাপস্মারপৈশাচচেষ্টাদিরুজনাশকম্ ॥ ১৬৮ ॥
অশ্মরীং বাতশীতোষ্ণং জ্বরং মাহেশ্বরীজ্বরম্ ।
ত্রিদোষজং সন্নিপাতং কুক্ষিনেত্রশিরোব্যথাম্ ॥ ১৬৯ ॥
মৃত্যুদারিদ্র্যজন্মাদি তীব্রদুঃখনিবারণম্ ।
মারণং মোহনং চৈব স্তম্ভনোচ্চাটনং তথা ॥ ১৭০ ॥
বিদ্বেষণং কর্ষণং চ কুটিলং বৈরিচেষ্টিতম্ ।
বিষশস্ত্রোরগব্যাঘ্রভয়ং চোরাগ্নিশত্রুজম্ ॥ ১৭১ ॥
ভূতবেতালয়ক্ষাদি ব্রহ্মরাক্ষসজং ভয়ম্ ।
শাকিন্যাদি ভয়ং ভৈরবোদ্ভবং বহুদ্বিট্ভয়ম্ ॥ ১৭২ ॥
ত্যজন্ত্যেব সকৃত্ স্তোত্রং য়ঃ স্মরেদ্ভীতমানসঃ ।
য়ঃ স্মরেত্ বীরভদ্রেতি লভেত্ সত্যং শ্রিয়ং জয়ম্ ॥ ১৭৩ ॥
বীরভদ্রস্য নাম্নাং য়ত্ সহস্রং সর্বসিদ্ধিদম্ ।
বজ্রপঞ্জরমিত্যুক্তং বিষ্ণুনা প্রভবিষ্ণুনা ॥ ১৭৪ ॥
করচিন্তামণিনিভং স্বৈরকামদগোসমম্ ।
স্বাঙ্গণস্থামরতরুসমানমসমোপমম্ ॥ ১৭৫ ॥
এককালং দ্বিকালং বা ত্রিকালং নিত্যমেব বা ।
য়ঃ পঠেদ্বীরভদ্রস্য স্তোত্রং মন্ত্রমিদং নরঃ ॥ ১৭৬ ॥
ইহ ভুক্ত্বাখিলান্ভোগানন্তে শিবপদং ব্রজেত্ ॥ ১৭৭ ॥
ইতি শ্রীমত্পদ্মপুরাণে উপরিভাগে দক্ষাধ্বরে শ্রীমহাশরভ-
নৃসিংহয়ুদ্ধে নরহরিরূপনারায়ণপ্রোক্তং শ্রীবীরভদ্র-
সহস্রনামস্তোত্রং সম্পূর্ণম্ ॥