భద్రాచల రామదాసు కీర్తనలు
॥ Ramuni Varamu Makemi Lyrics ॥
ఆనందభైరవి – ఆది
పల్లవి:
రామునివారము మాకేమి విచారము
స్వామి నీదేభారము దాశరథి నీవాధారము రా ॥
చరణము(లు):
తెలిసి తెలియనేరము మా దేవునిదే యుపకారము
తలచిన శరీరము మది పులకాంకురపూరము రా ॥
ఘోరాంధకారము సంసారము నిస్సారము
శ్రీరాముల యవతారము మదిచింతించుట వ్యాపారము రా ॥
ఎంతెంతో విస్తారము అవతల యొయ్యారము
ఎంతో శృంగారము మా సీతేశుని యవతారము రా ॥
ఇతరుల సేవ కోరము రఘుపతినే నమ్మినారము
అతిరాజసుల జేరము మా రాముని దాసులైనాము రా ॥
– Chant Stotra in Other Languages –
Sri Ramadasu Keerthanalu – Ramuni Varamu Makemi Lyrics in English